Zayd Qamar

- Tell me about your friend, and I’ll tell you whether he is a true friend or not.
- But what’s the point of a friendship if it leaves you uncertain?

اللَّهُمَّ إِنِّي ظَلَمْتُ نَفْسِي ظُلْمًا كَثِيرًا، وَلاَ يَغْفِرُ الذُّنُوبَ إِلاَّ أَنْتَ، فَاغْفِرْ لِي مَغْفِرَةً مِنْ عِنْدِكَ، وَارْحَمْنِي، إِنَّكَ أَنْتَ الْغَفُورُ الرَّحِيمُ

«Allohim, men nafsimga koʻp zulm qildim. Gunohlarni faqat Sengina magʻfirat qilasan, meni Oʻz huzuringdan boʻlgan magʻfirat ila magʻfirat qilgin va menga rahm qilgin. Zotan, Sen Oʻzing Gʻofursan, Rohiymsan».

Allohga qaytish yoʻli

Gunohlar qalbning oʻlishiga olib keladi. Har safar gunoh qilganingizda qalbingizda bir dogʻ paydo boʻladi va bora-bora qalbingiz qorayib, xunuklashib ketadi.

Alloh taolo bizga juda koʻp ne’mat va qobiliyatlar bergan. Koʻzlar, qoʻllar, oyoqlar… Agar 6 oy davomida koʻzlaringiz toʻsilgan holda yashasangiz va 6 oydan soʻng kimdir koʻzlaringizdan bogʻichni olib tashlasa, siz hech narsani birdaniga koʻra olmaysiz. Yoki 1 yil davomida oʻrningizdan turmay yotsangiz va 1 yildan soʻng yurishga harakat qilsangiz, yurib keta olmaysiz. Biz tabiatan shunday yaratilganmiz, agar Alloh sizga biror qobiliyat bergan boʻlsa-yu, siz undan foydalanmasangiz, oʻsha qobiliyatingizni yoʻqotasiz!

Tavba ham bizga Alloh taolo ato etgan qobiliyatdir. Har gal gunoh qilganimizdan soʻng pushaymonlik his etamiz va aynan shu pushaymonlik hissi tavbaga aylanishi lozim. Agar qilgan gunohingiz uchun chin qalbdan pushaymon boʻlib yigʻlasangiz-u, biroq gunoh qilishda davom etsangiz, bora-bora pushaymonlik hissini ham yoʻqotasiz.

Gunoh qilayotgan boʻlsangiz-u, buni oʻzingiz his qilmayotgan boʻlsangiz, koʻzingizga xavfli koʻrinmayotgan boʻlsa, mana shuning oʻzi xavfli alomat. Ammo agar nimanidir xato qilayotganingizni anglayotgan boʻlsangiz, ichingizda nimadir sizni qiynayotgan boʻlsa, “Qilgan ishim notoʻgʻri. Bunday qilmasligim kerak edi, lekin bila turib qildim. Ortiq bunday qilmayman”, degan hislar oʻtayotgan boʻlsa, demak hali umid bor.

Shayton har gal gunoh qilganingizda sizni tavbadan uzoqlashtirish uchun qulogʻingizga pichirlaydi. “Sen kechirilishga loyiq emassan”, “Qaysi yuz bilan qoʻlingni duoga ochyapsan?”, “Qanday qilib shunday gunohdan keyin Unga yuzlanyapsan?”, deb sizni yoʻldan urishga urinadi.

Biroq Alloh taolo tavbani kechiktirmaslikka, bir gunoh sodir qilgach, darrov tavba qilishga buyuradi. Alloh taolo gunohlarni kechiradigan yagona Zotdir va Undan oʻzga hech kim bu ishni qilolmaydi.

Unutmang, siz egalik qilayotgan eng qadrli narsa — qalbingizdir. Agar gunohlar sabab qalbingizni oʻldirayotgan boʻlsangiz, bilingki, siz oʻzingizda boʻlgan eng qiymatli narsani yoʻqotyapsiz!

Ustoz Nouman Ali Khan

Toʻliq suhbat

Osmonga boqmoqdan maqsad oyni koʻrmoq emasmi? Agar oy boʻlmas ekan, tunda osmonga tikilmoqdan ne naf? Shu oy emasmi zulmatni yoritgan?

Mening ham qalbim tun osmoni yangligʻ zulmatda qoldi. Qachon kelasan-u, zimistonimni charogʻon aylab, meni bu zulmatdan xalos etasan? Yo qalb osmonim bir oyga ham munosib emasmi? Axir, sonsiz-sanoqsiz yulduzlar soʻramayapman-ku?...

Ishqsizlar — bor-yoʻgʻi nafas olib-chiqarayotgan bir jasaddirlar.
Oshiqlar — jasadlaridan siyrilib chiqib, koʻk toqiga narvon oʻrnatgan qullardir.

• «Yunus Emro»

Ilm — mashaqqati bilan, ahli ilm — shu mashaqqatlarga koʻrsatgan saboti bilan sharaflidir.

Eid al-Fitr
Jeonju, Korea
2025 (1446)

Qalbi Allohga bogʻlangan insonlarga muhabbating bilan-da ozor berib qoʻyishdan hayo qilasan kishi.