Бир неча кун аввал Умида билан кўчаларни айланиб, пиёда “Корзинка”га бодик. Йўлимиз “Обод маҳалла” дастурига тушган худудлардан ўтди. Янги бордюрлар, йўлаклар, болалар майдончалари қурилганини кўрдик.

Ўтган куни эса “Наврўз” боғига бордик. Бу парк билан яқинда таъмирланган маҳалла орасида ўхшашлик бор: парк ҳам, маҳалладаги янги қурилган инфратузилма ҳам анча уриниб қолибди. Бордюрлар ва брусчатка синган, чўккан ёки қийшайиб қолган. Зиналарга ўрнатилган мармар кўчиб тушган, баскетбол саватлари умуман йўқ, янги симёғочлар қийшайиб қолган ва ҳ.к.

Шунда савол туғилди: объектлар фойдаланишга топширилгандан кейин уларга хизмат кўрсатилмайдими? Масалар, синган брусчаткалар, куйган лампочкалар алмаштирилмайдими?

Битта мисол: Калгарида барча қурилган объектларга пудратчи кафолат беради. Масалан, бизнинг маҳалладаги йўлакларни пудратчи қурган. Ўша пудратчи уч йил давомида йўлакларнинг чўккан, дарз кетган қисмларини тузатиб турибди, ҳар ёз бир нарса иш қилинади.

Ëки кўчанинг ёритишда ишлатиладиган лампочкалар. Ҳокимият тендерида ғолиб бўлган компания уларга кафолат бераркан. Агар кафолат муддати давомида лампочка куйса, уларни бепул алмаштириб бераркан.

Ўзбекистондаям шунақа тизимни жорий қилиш керак, менимча.

@zambarakning_oqi