Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

SearcheeBot

Telegram-каналлар оламидаги сизнинг йўлбошчингиз.

Statistika Saralanganlar

Замбаракнинг ўқи

@zambarakning_oqi

Kanal geosi va tili: O‘zbekiston, O‘zbekcha

Toifa: Yangiliklar va OAV

Канал муаллифи — Фарҳод Файзуллаев. У 2016 йилдан бери Канаданинг Калгари шаҳрида доимий истиқомат қилади.
Канадага суриш ҳақида — https://t.me/zambarakning_oqi/99
Реклама масалаларида — @meenov

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Yangiliklar va OAV

Statistika

Postlar filtri

O‘chirilganlarni yashirish

Repostlarni yashirish

Замбаракнинг ўқи

16 Mar, 08:59

“Мен тоза ҳаво тарафдориман, Илоннинг ифлос сиёсати эмас.” Бугун Калгарида.

@zambarakning_oqi

4.5k 1 10 30 209

Замбаракнинг ўқи

14 Mar, 21:59

Марк Карни ҳукумати.

@zambarakning_oqi

5.3k 0 1 29 79

Замбаракнинг ўқи

14 Mar, 19:44

2015 йил 4 ноябрдан бери Канада ҳукумати раиси — бош вазири сифатида ишлаб келган Жастин Трюдо бугун истеъфога чиқди. Канада бош вазири этиб Марк Карни тайинланди.

Янги бош вазир Либерал партия аъзолари томонидан сайланди. Энди Карни халқдан мандат олиш ниятида янги парламент сайлови эълон қилиши кутилмоқда. Мутахассислар фикрича, сайлов апрель охири, май бошларида бўлиб ўтади.

Икки ой аввал консерваторларнинг сайловдаги ғалабаси қарийб аниқ эди. Ташқи иқтисодий ва сиёсий хавфлар ортидан консерваторларнинг обрўси тушиб, либералларники эса кўтарилиб кетди. Эндиги бўладиган парламент сайлови қизғин бўлиши кутилмоқда.

Биз эса, доимгидек, консерваторларнинг консервасидан чиқмаслигига яхшилаб ҳаракат қиламиз.

@zambarakning_oqi

5.5k 0 5 7 132

Замбаракнинг ўқи

13 Mar, 21:13

Трамп қачондан бери “чегара, чегара” деб бақириб келади. Чегараларимизни мустаҳкамлаймиз деб ваъда беради. Яқинда АҚШ ҳукумати Мексика ва Канададан мамлакатга кираётган одамларга янги қоидалар жорий қилди.

Бир неча кун аввал Мексика ҳам америкаликларга виза жорий қипти. Энди АҚШ фуқаролари Мексика элчихонаси сайтига кириб, 30 доллар тўлаб, битта форма тўлдириб, уни принтердан чиқариб олишлари керак экан.

Аввал шунчаки паспорт билан Мексикага бориб келишга одатланган америкаликлар йиғи-сиғини бошлаб юборишди. Чегарада навбатлар кўплигидан, виза учун қоғозбозлик ва 30 доллар тўлашдан нолишмоқда.

Нима деб ўйловдиларинг, сенлар Мексика ва Канадага тахдид қилиб, доим сўкиб юрсаларинг, улар қараб турадими? Мустаҳкам чегара хоҳлаганмидиларинг? Мана сенларга мустаҳкам чегара.

@zambarakning_oqi

6.2k 1 19 24 332

Замбаракнинг ўқи

11 Mar, 20:46

Трамп ва Канаданинг Онтарио провинцияси бош вазири Даг Форд билан жанг зўр кетяпти. Ўзбекчасига тушунтириб бераман.

Кеча Даг Форд:
Биза Америка халқидан узр сўриймиза, бу божларни киритишни хоҳламаймиз, лекин ҳаммасига Трамп айбдор. Икки иттифоқдош ўртасида иқтисодий урушни у бошлади. Шунинг учун Америкага сотиладиган электр энергиясига 25 фоизли бож жорий қилдик.

Трамп бугун кечаси:
ЎЎЎЎЎЎВ, КАНАДАНГНИЯМ, ЖАСТИНИНГНИЯМ, ОНТАРИОНГНИЯМ АБЖАҒИНИ ЧИҚАРАМАН, ҲАЛИ ЯЛИНИБ КЕЛАСАНЛА, 51-ШТАТ ҚИВОЛАМАН. МАНА САНЛАГА ЯНА БОЖ! ААААААААА АМЕРИКА ЗЎР, ЯРВАРАМАН!!!!!!!!!!!!

Даг Форд бугун эрталаб Америка телеканалларига интервью берибди:
Мен Америкаликларни яхши кўраман, лекин бу ўйинни Трамп бошлади. Америка халқидан узр сўрайман. Америка компаниялари раҳбарларига айтмоқчиман: сал мундо турберсаларингчи, мунча қўрқасанлар. Еб қўйган жойларинг борми? Кўрвоссанлаю, ҳаммаёқнинг абжағини чиқарвотти. Сал гапирсаларингчи, оғзингга талқон совомасдан.

АҚШ савдо котиби Даг Фордга телефон қипти:
Ў ока, сал ўзизда бўвуринг, жа унақа котта кетмен, бўтта котта ўйинла бўвотти, котта болла аралашган.

Даг Форд:
Ўзларинг бошладиларинг-ку!!!!!!!!!!!!!!!!!!!!11 Эт коттангга, тўхтатсин ишкални!!

~~~

Сиз Канада ва АҚШ олий мартабали расмийларининг суҳбатларини тингладингиз.

@zambarakning_oqi

8.2k 1 57 45 505

Замбаракнинг ўқи

11 Mar, 18:47

“Трампнинг акиллаши” номли кўп серияли фильм. 5-серия — Трамп акиллашда давом этмоқда.

@zambarakning_oqi

7.1k 1 4 19 144

Замбаракнинг ўқи

10 Mar, 06:48

Бугун Канада Либерал партияси аъзолари ўзларига янги раис сайлашди. Энди партияни Марк Карни (суратда) бошқаради ва Канаданинг янги бош вазирига айланади.

Бош вазир лавозимида 9 йилдан ортиқ бўлган Жастин Трюдо йил бошида истеъфо берганди. Шундан сўнг ҳукмрон партия ичида раисликка сайлов кампанияси бошланди ва бугун ғолиб аниқланди.

Марк Карни 2000-йиллар сўнгидаги молиявий инқироз пайтида Канада Банки (марказий банк) раиси бўлган. Ундан сўнг у Англия тарихида биринчи бор мамлакатда туғилмаган Англия Банки раисига айланган.

Келаси ҳафта Канада бош вазирлиги Жастин Трюдодан Марк Карнига ўтади. Йил давомида Канадада янги умумхалқ сайлови бўлиб ўтади.

@zambarakning_oqi

8.5k 0 6 32 98

Замбаракнинг ўқи

7 Mar, 08:00

“Алданган дўстдан ёмонроқ душман йўқ”. Калгари, бугун.

@zambarakning_oqi

10.7k 3 25 37 234

Замбаракнинг ўқи

7 Mar, 06:17

Трамп Канада ва Мексикага қўйилган божларнинг бир қисмини бир кун ўтибоқ бир ойга бекор қилибди.

Божларнинг ҳаммасини эмас, баъзиларини. Бутунлайга эмас, бир ойга.

Бир ойдан кейин яна шантаж бошланади.

Хичкок, мардмисан? Мард бўлсанг битта гапингда тур. Божларни киритдингми, энди кўзингни қисиб ўтир.

Йўқ, яна ўйин, яна вайсаш.

Ҳайриятки Жастинжон бугун Трамп билан суҳбатида унга ён босмапти ва Канада АҚШ учун қўйган божларни бирортасини бекор қилмапти. Муҳтарамнинг сўзларига кўра, қачонки Трамп божларни батамом бекор қилса, Канада ҳам шундай йўл тутади. Унгача Канада божларидан воз кечмайди.

Провинциялар бош вазирлари ҳам ортга чекинишмаяпти. Барча провинциялардаги дўконлардан АҚШ алкоголь махсулотлари олиб ташланяпти. Онтарио Илон Маскнинг Starlink компанияси билан тузган бир неча юз миллион долларлик шартномани бекор қилибди. Душанбадан бошлаб АҚШга экспорт қилинадиган электр энергиясига ҳам 25 фоизлик бож жорий қилинибди.

@zambarakning_oqi

11.1k 1 31 34 319

Замбаракнинг ўқи

6 Mar, 06:16

00:09

Video oldindan ko‘rish uchun mavjud emas

Telegram'da ko‘rish

Кўча эшикдаги видеоқўнғироқни очиқ кодли, бепул бўлган Frigate веб-дастурига уладим. Дастурни эса, ўз навбатида, СИга боғладим. Энди уйимиз олдидан одам ўтса (фақат одам, бошқа объектлар эмас), уни СИ таҳлил қилиб беради.

Масалан, иккита чурвақа ахлат ташлагани чиқиб келишувди ва буни СИ қуйидагича таҳлил қилди:

Тасвирлар кетма-кетлиги шахслар бирор нарсани кўтариб кетаётган ҳолатни акс этади. Қуйида эҳтимолий ният ва ҳаракатларнинг таҳлили келтирилган:

— Ёрқин кўйлак кийган шахс қутини кўтариб кетаётганга ўхшайди. Унинг тана ҳолати ва диққати унинг буюмни қасддан жойлаштириши ёки кўчириши мумкинлигини кўрсатади, эҳтимолан етказиб бериш ёки ташиш ҳолатига ишора қилади.
— Иккинчи шахс унга эргашмоқда, эҳтимолки биринчи шахсга ёрдам бермоқда ёки уни кузатмоқда, яъни биргаликда қилинган ҳаракатни билдиради.
— Иккинчи шахснинг тез ҳаракати улар ўз вазифасини тез якунламоқчи эканлигини кўрсатиши мумкин.

Умуман, бу шахсларнинг хатти-ҳаракати уларнинг бирор нарсани етказиш ёки олишга қаратилганлигини кўрсатади. Вазифа бажарилиши билан, эҳтимол, улар шу каби вазифалар билан бошқа жойга кетишади.

Бу таҳлил бутунлай автоматик. Мен вақти-вақти билан кириб, кўриб турибман.

Бундан нима фойда? Билмасам, лекин қизиқ барибир 😄

@zambarakning_oqi

9.8k 0 24 49 278

Замбаракнинг ўқи

5 Mar, 08:50

Трампнинг Канада ва Мексика махсулотлари учун ўртанган 25 фоизлик божи бугундан амалга кирди. Бу божлар Канада иқтисодиётига салбий таъсир қилиши кутилмоқда.

Шу муносабат билан Канада бош вазири Жастин Трюдо жонли эфирда матбуот анжумани ўтказди. У ўз нутқини Америка халқига мурожаат билан бошлади.

Трюдога кўра, бу божлардан Америка халқи ҳам жабрланади, америкаликлар сотиб оладиган махсулотлар нархи ошади, мамлакатда инфляция ўсади. “АҚШ ҳукумати мамлакат ‘Олтин даври’га эришиш мақсадига тескари қадам ташлади”,— деди бош вазир.

Шундан сўнг у мурожаатини Трампга қаратди. “Энди мен бу божлар керак бўлган ягона инсонга мурожаат қиламан”,— деди Трюдо. Қуйидаги гапи эса Канада тарихига кирадиган гап бўлди лекин, роса кулдим.

“Дональд, мен Wall Street Journal гапларига кўпам қўшилмайман. Аммо уларнинг айтишича, сен жуда ақлли йигит бўлсанг-да, бу иш жуда аҳмоқона бўлди.” (видео — https://youtu.be/83f47jIS_D8?t=495)

Бош вазирнинг чиқиши жуда кескин ва муросаасиз ўтди. Бир ҳафтадан кейин кетадиган Трюдо ўзидан кейин яхши хотиралар қолдиряпти.

@zambarakning_oqi

8.6k 0 30 19 226

Замбаракнинг ўқи

3 Mar, 18:49

Кўз тегди 😢

@zambarakning_oqi

8.9k 0 2 34 142

Замбаракнинг ўқи

2 Mar, 06:24

Калгарида аномал иссиқ. Бугун ҳарорат +14гача кўтарилди, ерда қор йўқ. Март ойи йилнинг энг кўп қор ёғадиган ойи эканини инобатга олсак, ҳали бизни кўп қорли кунлар кутмоқда.

@zambarakning_oqi

8.9k 1 3 40 102

Замбаракнинг ўқи

1 Mar, 09:08

Оқ уйда Зеленский ва Трамп/Вэнс жуфтлиги билан бўлган жанжал борасида.

Зеленский костюм-шим кийиши керак эди, битта гапдан қолиши керак эди, хўп деб туриши керак эди деганлар билингки, Канада воизлари ҳам Трамп сайланишидан аввал ҳам, кейин ҳам мамлакат ҳақида тажовузкорона гаплар гапирганида кўзларини қисиб, индамай туришди. Трампга тўғридан-тўғри қарши бормасликка, муаммони орқа-варотдан, дипломатик йўллар билан ҳал этишга ҳаракат қилишди.

Натижада Трампнинг акиллашлари кучаяверди, тахдидлар ортиб бораверди. Охир оқибат Канада ҳукумати вакиллари қаттиқ гапиришга, Трампга қарши очиқчасига чоралар кўришга, унга жамоатчилик, аҳоли олдида қарши туришга мажбур бўлишди.

Шундан кейингина Трамп вақтинчалик орқага чекинди. Шу кунларда яна божлар билан тахдидини кучайтирган, яна босим қиляпти.

Шаллақилар билан шаллақиларча мулоқот қилиш керак. Трамп фақат кучдан қўрқади, кучни ҳурмат қилади. Лапашанг бўлсангиз, устингизга чиқиб, иш бажариб ташлайди.

Мен Зеленский ва Украина халқи тарафман.

@zambarakning_oqi

10.3k 1 32 71 461

Замбаракнинг ўқи

1 Mar, 07:39

Калгаридаги Pilav Central — “Палов маркази” ўзбек таомлари ресторани эгаси Руслан Пинхасовга Калгари полицияси томонидан вояга етмаган қизни жинсий алоқага жалб қилиш айблови қўйилган. Унинг суди 19 март куни бўлиб ўтади.

Полиция тарқатган маълумотга кўра, 48 ёшли Пинхасов ресторанига ташриф буюрган 15 ёшли қизга иш таклиф қилиш бахонасида телефон рақамини олган. Кейин у билан “суҳбат” учун бошқа жойда учрашиб, жинсий алоқа учун 8000 доллар таклиф қилган ва у 18 ёшга кирганида уйланишга ваъда берган.

Полиция хабари — https://newsroom.calgary.ca/restaurant-owner-charged-after-soliciting-a-minor-for-sexual-services/

~~~

Бу янгиликка бўлган муносабат ҳам бир ғалати бўлди. Маҳаллий аҳоли ўтирадиган гуруҳларда айбланувчини “педофил” ва бошқа сўзлар билан ҳақорат қилишган.

Русийзабон аҳоли ўтирадиган гуруҳларда эса айбланувчини оқлаб, жабрланувчини айблашга ўтганлар ҳам кўп учради. “Мен [Пинхасовни] танийман, ресторанига борганман, менга унақа қилмаган”, “у оилали, яхши одам”, “нима энди битта қизнинг гапи билан одам қамалиб кетаверадими” ёки “менга болалигимда бундан бадтар қилишган, мана, яшаб юрибман” қабилида ёзилган изоҳларни кўриш мумкин. Таажжубки, жабралнувчи қизни айблашда аёллар ҳам фаол қатнашишган.

@zambarakning_oqi

7.5k 1 14 61 98

Замбаракнинг ўқи

27 Feb, 20:35

bakiroo dan repost

Канадалик ва америкалик дўстларимиз уларни қонунсевар ва тартибли қилаётган суғурта ҳақида

Канадалик Фарҳоджон:

“Мен 2017 йил машинамни урганман, айб менда бўлган. Ремонтига сарфлаган пулим ҳолва бўлди суғуртам ошганига солиштирганда. Битта авария сабаб 6 йил давомида суғурта учун икки баравар кўп пул тўладим. Ҳисоблаб чиқсам, бу муддат ичида авария сабабли қўшимча қарийб 13 минг АҚШ доллари тўлабман.

Машина ремониям майли, ГАИ жаримаси ҳам. Лекин 6 йил давомида хавфли ҳайдовчилар рўйхатига тушиб қолганим жуда катта суммага айланган”.

Америкалик Фарҳоджон:

“Чора права олишгамас правадан фойдаланишга қатьий бўлиши керак. Тизимли жарима ишга тушмаса миллионта камера қўйилсаям, бу ўлимларнинг олдини олиб бўлмайди.
Жарима баллари ишга тушиши , Суғурта ва милиция баённомаларининг базаси битта бўлиши, ҳайдовчи баенномага ўзгарувчан суғурта тўлаши керак. Кўп қоида бузган кўп тўлайди, аксинча, камроқ қоида бузганни суғурта тўлови йиллар давомида камайиб кетаверади”.

Замбаракнинг ўқи

Юқоридаги пост айни ҳақиқат. Америкадаям, Канададаям, сизнинг айбингиз билан ЙТҲ бўлса, йиллар давомида жаримасини тўлайсиз. Мен 2017 йил машинамни урганман, айб менда бўлган. Ремонтига сарфлаган пулим ҳолва бўлди суғуртам ошганига солиштирганда. Битта авария сабаб 6 йил давомида суғурта учун икки ...

6k 0 12 15 115

Замбаракнинг ўқи

27 Feb, 06:00

4 ҳафта аввал Либералларнинг сайловда ғолиб бўлиш эҳтимоли 1 фоиз эди. Трюдонинг истеъфога чиқиши ва Трампга нисбатан қатъий муносабат ортидан Либералларнинг ғолиб бўлиш эҳтимоли 72 фоизга етди.

4 ҳафтада шунақа катта ўзгариш. Лекин сайловгача анча бор, одамлар кайфияти унгача ўзгариб кетиши мумкин.

@zambarakning_oqi

7.5k 0 3 10 57

Замбаракнинг ўқи

25 Feb, 08:02

CBC (Канада жамоат телерадиоси) мақоласи таржимаси:

Трамп сешанба куни "кўплаб давлатлар" АҚШ билан “адолатсиз муносабатда бўлганини" ва бу "фақат Канада ва Мексика эмаслигини" айтди.

"Баъзи ҳолатларда биз аҳмоқлар томонидан бошқарилдик", деди у.

"Мен буни қилган бошқа давлатларни ҳатто айбламайман. Мен бу ҳолатга йўл қўйган раҳбарларимизни айблайман, агар улар АҚШ билан бу буюк келишувларни қилган бўлсалар, АҚШдан ишлаб чиқариш соҳасида, деярли ҳамма нарсада, ҳар бир жиҳатда фойдаланган бўлсалар, уларни ким айблаши мумкин?"

Трампнинг ўзи биринчи президентлик даврида Канада-АҚШ-Мексика битими (CUSMA)ни қайта кўриб чиқиб, уни ўша пайтда "энг яхши савдо келишуви" деб атаган.

Мақола тугади.

@zambarakning_oqi

8.9k 1 5 7 123

Замбаракнинг ўқи

25 Feb, 05:43

Қўл билан қиладиган ишларни ўрганиш ёқяпти.

Оддий электр, сантехника, ёғоч ишларини қиляпман. Масалан, ўтган ҳафта ҳаммомда сув тўхтамай қолди. Ўчираман десам ўчмайди.

Подвалда сувни ўчирдим. Душ тутқичини ечаман деб, албатта, винт калласини едириб юбордим. Эсимда бор сўкиш сўзларни ишлатиб, Ютубга юзландим.

Кўрган видеомда винтни дрель билан майдалаб ташлабди. Мен ҳам худди шундай қилдим. 10 дақиқада душ смесителини ечиб ташладим. Лекин дўконлар ёпиқ эди у пайт, уйда эрталабгача сув бўлмади.

Эрталаб ёнимиздаги қурилиш моллари дўконидан янги смеситель сотиб олдим (жонивор 75 АҚШ доллари экан) ва ярим соатда ўрнатиб ташладим. Хотин ака эса “уста чақирақолайлик” деб турипти тепамда 😄

Ишим битганида роса мазза қилдим.

~~~

Икки ҳафтача аввал Исмоил билан офис хонамга ақлли люстра ўрнатгандик. Икеяники, ёруғлик ва унинг ҳароратини компьютер орқали бошқарса бўлади.

~~~

Бугун эса уйга янги вайфай роутер ўрнатдим (суратларда). Анув куни одатда офисларга ўрнатиладиган, деворга қотириладиган, фақат битта сим билан ҳам электр, ҳам алоқа тармоғига уланадиган (PoE, Power over Ethernet) роутер сотиб олгандим.

Ëтоқхонадаги LAN-портдан узун сим тортиб, деворни тешиб, унинг ортидан симни ўтказиб, роутерни “аккуратний” қилиб ўрнатдим. Бирорта сим кўринмайди. Жойлашган жойи ҳам уйнинг қарийб қоқ марказида.

Тармоқ кабелларини ҳам анчадан бери ўзим “обжим” қиламан. Кабелнинг узунини, кримпер (обжимной инструмент) ва коннекторларни уйга ғамлаб қўйганман.

Иш битганидан кейин натижани кўриб қувондим.

P.S. Роутер наълати АҚШники экан, қарамасдан олиб қўйибман…

@zambarakning_oqi

7k 0 5 38 244

Замбаракнинг ўқи

24 Feb, 19:21

bakiroo dan repost

Украина албатта озод бўлади

Газета уруш бошланганига 3 йил тўлган кунда катта материал тайёрлаган. Шу ўринда айрим шахсий мулоҳазалар.

3 йил аввал Путин Россияси Украинага бостириб кирганида, Украина давлати босқинчиларга қарши ҳеч қурса 3 кун туриб бера олишига ишонганлар улуши жуда кичик эди. Ўзини буюк давлат деб ҳисобловчилар ҳам илк кунларда Украинага таклиф этган ягона ёрдами ҳукуматни эвакуация қилиш билан боғлиқ бўлган. Босқинчиларнинг умиди ҳам шундан эди: Зеленский ҳукумати қочиб кетади. Агар адашмасам, Борисполдаги аэропортда Туркиядан юборилган иккита катта самолети айнан шу мақсадларда ушлаб турилган (босқинчилар ҳам шу самолетларга ҳужум қилишмаган). Буям майли.

Айрим давлатлар март охирига қадар ҳам Украинадаги урушга нисбатан бирон бир муносабат билдирмай турди (Ўзбекистонимиз бундан мустасно, мамлакатимиз Украинанинг мустақиллиги, суверенитети ва ҳудудий яхлитлигини тан олишини таъкидлаб келган.) Чунки уларнинг ишончи комил эди, уруш тез орада Путин армияси ғалабаси билан тугайди ва шундан кейин тарозининг оғир палласига ўтволиб, муносабат билдирса бўлади. Улар Украинанинг қулашига ва босқинчилар олдида тиз чўкишига аввал 3 кун, кейин 3 ҳафта, кейин 3 ой муҳлатлар беришди.

Мана 3 йил ўтди. Украина ҳалиям оёқда турибди. Ҳа, 2025 йил 24 февралдаги вазият 2022 йил 24 февралдагидан кўра енгилроқ эмас. Қонхўр босқинчилар олдига чайқовчи лўттивозлар қўшилиб, Украина ортидан тил бириктиришга тушишган. Украина келажагига умидсизлик бордек. Пессимистик қарашлар, чала прогнозлар яна кўпайган.

Лекин 3 йил аввалги оғир кунда Украинага ишонганлар, Украина халқига ҳамдард бўлганлар бугун ҳам Украинанинг мустақиллиги, тинч ва ёрқин истиқболига ишонишда давом этмоқда. Шулардан бири масалан, менман. Ва мен яна ишонаман, Украина албатта озод бўлади!

5.9k 0 16 42 280

20 ta oxirgi post ko‘rsatilgan.

12 183

obunachilar

Kanal statistikasi

Kanalda mashhur

Калгарида аномал иссиқ. Бугун ҳарорат +14гача кўтарилди, ерда қор йўқ. Март ойи йилнинг энг кўп қ...

Газета.уз бош муҳаррири Азамат акани шахсан танийман, танишганимизга 15 йилча бўлиб қолди. Газета...

Трамп Канада ва Мексикага қўйилган божларнинг бир қисмини бир кун ўтибоқ бир ойга бекор қилибди. ...

“Алданган дўстдан ёмонроқ душман йўқ”. Калгари, бугун. @zambarakning_oqi

Юраксой (Heart Creek), Кананаскис тумани, Альберта, Канада. 23 февраль, 2025 йил. @zambarakning_oqi