Ytittalaba

⚡️Talabalar uchun kerak bo‘ladigan eng muhim saytlar!

Shaxsiy kabinetga kirish uchun sayt – student.kiut.uz

Moodle platformasiga kirish uchun sayt – intranet.kiut.uz (kunduzgi va kechki ta’lim), pt.kiut.uz (sirtqi ta’lim)

HEMIS tizimiga kirish uchun sayt – talaba.kiut.uz

Kontrakt shartnomasini yuklab olish uchun sayt – contract.kiut.uz

Davomatni onlayn tarzda tekshirib borish uchun sayt – attendance.kiut.uz

Test shaklidagi Yakuniy nazorat imtihonlari va Retake imtihonlariga onlayn tarzda tayyorgarlik ko‘rish uchun sayt – cabinet.kiut.uz

Yo‘qotilgan yoki yangilanishi kerak bo‘lgan talabalik ID kartasini olish uchun ariza qoldiriladigan sayt – id.kiut.uz

👉 @ytittalaba

⚡️Agarda kontraktni belgilangan muddatga qadar to‘lay olmasangiz, bu haqda dekanatni ogohlantirib qo‘ying.

Odatda, talaba mazkur masala bo‘yicha dekanatga murojaat qilsa, dekanat xodimlari tushuntirish xati olib qolishadi. Tushuntirish xatining mazmuni asosan — kontraktni taxminan qaysi sanada to‘lash mumkinligi haqida bo‘ladi.

Ya’ni, ayrim talabalar kontrakt muddatini uzaytirish bo‘yicha, yana ayrimlar esa bo‘lib to‘lash bo‘yicha tushuntirish xati yozishadi.

Dekanatda o‘tirgan xodimlar ham odam, ular ham vaziyatni to‘g‘ri tushunishadi, qachonki, vaziyatingizni aniq tushuntira olsangiz.

“Hech kim kontrakt to‘lash haqida aytmayaptiku!”, deb bemalol yurmang!

👉 @ytittalaba

⚡️“Qayta topshirish imtihonlarida tushadigan savollarni qayerdan olsam bo‘ladi?”

Test shaklida topshiriladigan fanlar bo‘yicha qayta topshirish imtihonlariga cabinet.kiut.uz sayti orqali onlayn tarzda tayyorgarlik ko‘rishingiz mumkin.

Ko‘pincha, yakuniy nazorat imtihonlarida tushgan savollarning aksariyati qayta topshirish imtihonlarida ham takroran tushish ehtimoli bor.

Sababi, odatda har bir fan bo‘yicha jami 400-450 ta namunaviy savollar to‘plami imtihonlar bazasiga joylashtiriladi va mazkur savollar to‘plamidan yakuniy va qayta topshirish imtihonlari vaqtida foydalaniladi.

Talabalar fanlar kesimida joylashtirilgan namunaviy savollar to‘plamini Moodle platformasi orqali yuklab olishlari mumkin.

Moodle platformasiga kirish uchun havola: kunduzgi va kechki ta’lim shakli talabalari uchun – intranet.kiut.uz

Sirtqi ta’lim shakli talabalari uchun – pt.kiut.uz

Yozma va loyiha ishi shaklida topshiriladigan fanlar bo‘yicha namunaviy savollarni bevosita fan o‘qituvchisiga murojaat qilgan holda tanishib chiqishingiz va umumiy tayyorgarlikni boshlashingiz mumkin.

👉 @ytittalaba

⚡️Soddaroq qilib aytadigan bo‘lsam, yozda o‘z o‘qishini davlat universitetlariga ko‘chirish istagida bo‘lgan talabalar bu uchun bemalol harakat qilib ko‘rishsa bo‘ladi.

Chunki, bu orqali ular deyarli hech narsa yo‘qotishmaydi. Faqatgina, 187,500 so‘m mablag‘ni yo‘qotishlari mumkin.

Chunki, perevod uchun tashkil etiladigan o‘tish imtihonlarida ishtirok etish uchun talaba avvalo, bazaviy hisoblash miqdorining 50 foiz qismini to‘lashi shart. Ayni kundagi hisob bo‘yicha bu miqdor 187,500 so‘mni tashkil etadi.

Perevod uchun belgilangan o‘tish ballarini ko‘rgandirsiz. Juda ham baland emas. Ya’ni, fanlar bo‘yicha hech bo‘lmaganda fundamental bilimi bor bo‘lgan talaba bu ballni bemalol to‘play oladi.

Agarda, talaba yetarli ball to‘play olmasa va imtihondan o‘ta olmasa – hech narsa yo‘qotilmaydi. Chunki, talaba avval tahsil olgan universitetida o‘qishni qolgan joyidan davom ettirishi mumkin. Bu uchun universitet yoki dekanat qarshilik qila olmaydi.

👉 @ytittalaba

⚡️“Davlat universitetiga perevod qilish uchun nimalar qilish kerak? O‘zi perevod qachondan boshlanadi?”

Odatda har yil 15-iyuldan 5-avgust sanasiga qadar o‘qishni tashqi ko‘chirish (perevod) uchun arizalar qabuliga start beriladi.

O‘z o‘qishini xususiy va xalqaro universitetlardan davlat universitetlariga ko‘chirish istagida bo‘lgan talabalar mazkur muddat davomida ma’lum bir hujjatlarini topshirishlari talab etiladi.

Kerak bo‘ladigan asosiy hujjatlar:

– Ariza (onlayn tarzda);
– Transkript yoki reyting daftarchasi (JPEG yoki PDF shakli);
– Akademik maʼlumotnoma (o‘qishni tiklovchilar uchun).

Hujjatlar faqat onlayn tartibda my.uzbmb.uz saytidagi “O‘qishni ko‘chirish” bo‘limiga topshiriladi.

O‘qishni ko‘chirish uchun hujjat topshirgan talabgorlarga dastavval Bilim va Malakalarni Baholash agentligi tomonidan o‘tish imtihonlari tashkil etiladi.

Ya’ni, ta’lim yo‘nalishidan kelib chiqqan holda 2 ta asosiy va 3 ta majburiy fandan – jami 90 ta savol bo‘yicha imtihon topshiriladi. O‘tish imtihonlarida to‘planishi mumkin bo‘lgan maksimal ball – 189 ga teng.

Shuningdek, har bir ta’lim yo‘nalishi uchun minimal o‘tish ballari ham belgilangan. O‘tish imtihonlarida ishtirok etadigan talabalar ana shu minimal ballni to‘plab berishsa kifoya.

Mana bu havola ostida 2024/2025-o‘quv yili uchun yo‘nalishlar kesimida belgilangan o‘tish ballari ro‘yxati keltirilgan.

Imtihonda yetarli o‘tish balini to‘play olgan talabalarning o‘qishi muvaffaqiyatli ko‘chiriladi va perevod amalga oshiriladi.

Yetarli o‘tish balini to‘play olmagan talabalar tabaqalashtirilgan miqdorda (ya’ni, super kontrakt) to‘lab perevodni amalga oshirishlari mumkin.

Mana bu havola ostida 2024/2025-o‘quv yili uchun yo‘nalishlar kesimida belgilangan super kontrakt miqdori ro‘yxati keltirilgan.

Imtihonda yetarli o‘tish balini to‘play olmagan va super kontrakt to‘lamaydigan talabalar avval tahsil olgan universitetiga qaytib, o‘qishni qolgan joyidan davom ettirishlari mumkin.

👉 @ytittalaba

⚡️“Qayta topshirish imtihonidan o‘ta olmasam nima bo‘ladi?”

Talaba qayta topshirish imtihonlaridan o‘ta olmasa, har bir fan uchun belgilangan jarima summasini to‘lab, yana qaytadan imtihon topshirishi mumkin.

Bu jarayon talaba o‘sha o‘ta olmagan fan(lar)ini yopmaguncha davom etaveradi.

Qayta topshirish imtihonlarida har bir fan uchun belgilangan jarima summasi – 100 ming so‘mni tashkil qiladi.

Ayrim talabalarda “Men qayta topshirish imtihoni uchun 100 ming so‘m to‘layabman, demak meni imtihondan o‘tkazib yuborishadi!”, degan tushuncha bor.

Hurmatli talabalar! Bunday tushunchani hayolingizdan chiqarib tashlang!

Sababi, mazkur summa imtihon jarayonlarini tashkil etish va uni o‘tkazish uchun sarflanadi. Ya’ni, talaba jarima sifatida to‘layotgan summasi – uning imtihondagi natijasiga mutlaqo ta’siri yo‘q.

👉 @ytittalaba

⚡️Kanalda reklama berish masalasi bo‘yicha @ytittalaba_reklama_bot manziliga murojaat qilishingiz mumkin.

Reklama joylashtirish shartlari va reklama joylash narxlari bilan quyidagi havola orqali batafsil tanishib chiqish imkoniyatiga egasiz:

📥 Reklama joylashtirish shartlari

👉 @ytittalaba

⚡️“Men hozirgacha 50 foiz kontrakt to‘laganman, qolgan qismini qachongacha to‘lashim kerak?”

Kontrakt to‘lash muddati talabalarga taqdim etiladigan kontrakt shartnomasida yozilgan bo‘ladi.

Kontrakt shartnomasini contract.kiut.uz sayti orqali yuklab olishingiz va unda belgilab o‘tilgan kontrakt to‘lash muddatlari bilan batafsil tanishib chiqishingiz mumkin.

Kontrakt to‘lovini istalgan tijorat banklari yordamida amalga oshirish imkoniyati mavjud. Odatda universitet rahbariyati talabalarga “Ipak Yo‘li” banki orqali to‘lov amalga oshirishni tavsiya qiladi.

Sababi, mazkur bank orqali to‘lanadigan summalar uchun foiz olib qolinmaydi. Mabodo, yaqin orada kontrakt to‘lash maqsadida yurgan talabalar bo‘lsa, bevosita “Ipak Yo‘li” banki yoki uning hududiy filiallariga murojaat qilishingiz mumkin.

Ma’lumot o‘rnida: kontrakt to‘lovini belgilangan muddatgacha to‘lamagan talabalar yakuniy va qayta topshirish imtihonlariga kiritilmasligi mumkin.

👉 @ytittalaba

⚡️Toshkent Kimyo Xalqaro Universitetiga tegishli bo‘lgan va talabalar obuna bo‘lishi tavsiya etiladigan Telegram’dagi ayrim kanallar ro‘yxati!

Toshkent Kimyo Xalqaro Universitetining rasmiy kanali – @kiut_official

Universitetning Namangan filialiga tegishli bo‘lgan rasmiy kanali – @kiut_nm

Universitetning Samarqand filialiga tegishli bo‘lgan rasmiy kanali – @kiut_sam

Universitetning o‘quv bo‘limiga tegishli bo‘lgan rasmiy kanali – @edkiut

Universitetning sirtqi ta’lim shakliga tegishli bo‘lgan rasmiy kanali – @zaochkakiut

Universitetning kechki ta’lim shakliga tegishli bo‘lgan rasmiy kanali – @kiutevening

Universitetning magistratura bosqichiga tegishli bo‘lgan rasmiy kanali – @mskiut

Universitetning xalqaro aloqalar bo‘limiga tegishli bo‘lgan rasmiy kanali – @internationalkiut

Universitetning tashqi o‘qishni ko‘chirish (perevod) bo‘limiga tegishli bo‘lgan rasmiy kanali – @transferkiut

Universitetdagi eng so‘nggi axborotlarni tezkorlik bilan yetkazadigan kanal – @ytittalaba

Ijtimoiy tarmoqlardagi sahifalar:
Instagram | Facebook | YouTube | Linkedln

Veb-sayt: www.kiut.uz

👉 @ytittalaba

⚡️“Onlayn tashkil qilinayotgan qayta topshirish imtihonlarida yozma shaklda topshiriladigan fanlar bo‘yicha ham imtihon topshirsak bo‘ladimi?”

Yo‘q, bo‘lmaydi. Mazkur imtihon faqat test shaklida topshiriladigan fanlar bo‘yicha tashkil etilyapti.

Imtihon o‘tkaziladigan sanalar e’lon qilinsa va shaxsiy kabinetdagi “Exam Schedule” bo‘limiga qaysi fanlardan imtihon qo‘yib berilsa, talaba faqat o‘sha fanlar bo‘yicha onlayn imtihonlarda ishtirok etishi mumkin.

👉 @ytittalaba

⚡️99-100-TOPIK imtihonlariga tayyorlov kurslarimizga taklif etamiz!

✅TOPIK I
✅TOPIK II

🗓️Kunlari: Dushanba, Chorshanba va Juma kunlari yoki
Seshanba, Payshanba va Shanba kunlari
🕙Vaqti: 🇰🇷22:00 – 18:00 🇺🇿

Kurs kimlar uchun mo‘ljallangan?

Aprel, may va undan keyingi oylarda TOPIK imtihonlariga kiruvchi barcha uchun!

Dars kim tomonidan olib boriladi?

TOPIK 5 va TOPIK 6 daraja sohibi, hozirgi kunda Janubiy Koreyada GKS granti magistranti hamda ko‘plab boshqa yutuqlarga ega bo‘lgan tajribali o‘qituvchi tomonidan olib boriladi!

👨‍💻Darslar online Zoom platformasi orqali olib boriladi.

🏃Shoshiling! Arzon va hamyonbob narxlardagi sifatli kurslarimiz aynan siz uchun! Bunday imkoniyatni qo‘ldan boy bermang!

📞Murojaat uchun telefon: +821081820605
👨🏻‍💻Admin: @Bek_mir_zo

⚡️Onlayn qayta topshirish imtihonlarining o‘tkazilish tartibi!

Onlayn qayta topshirish imtihonlarida ishtirok etish mutlaqo ixtiyoriy. Imtihonda ishtirok etish uchun ariza yozish, pul to‘lash yoki dekanatga murojaat qilish shart emas.

Imtihon kunlari e’lon qilinsa, imtihonga tegishli ma’lumotlar avtomatik tarzda “Exam Schedule” bo‘limiga joylashtiriladi.

Onlayn qayta topshirish imtihonlari https://newtest.kiut.uz/ sayti orqali bo‘lib o‘tadi. Mazkur sayt ertalab soat 10:00 dan 18:00 ga qadar ochiq bo‘ladi va talabalar mana shu vaqt oralig‘ida imtihon topshirishlari mumkin.

Imtihon uchun ajratilgan vaqtda turli sabablar bilan (mobil internet yo‘qligi, aloqa sifatining pastligi, elektr tarmoqlarining uzilishi va hokazo) ishtirok eta olmagan talabalar uchun boshqa imtihon qo‘yib berilmaydi.

Shuningdek, imtihon jarayonida turli xil qoidabuzarliklar qilishga urinadigan talabalar aniqlansa, ularning natijasi avtomatik tarzda bekor qilinadi.

Onlayn qayta topshirish imtihonlari uchun belgilangan baholash sistemasi bo‘yicha batafsil ma’lumotlarni mana bu va mana bu postlar orqali tushuntirib o‘tganman.

👉 @ytittalaba

⚡️Onlayn qayta topshirish imtihonlari bilan bog‘liq eng muhim eslatmalar!

Agarda onlayn imtihon jarayonlari tashkil etilsa, unda ishtirok etish bepul bo‘ladi.

Shu kungacha pulli (jarima) qayta topshirish imtihonlariga qolib ketgan talabalar ham mazkur bepul imkoniyatdan foydalanib qolishlari mumkin.

Imtihon jarayonida har bir bosilgan javoblar avtomatik tarzda serverga joylanadi va yuklanadi. Ya’ni, bitta fandan faqat bir marta imtihon topshirish imkoniyati mavjud.

Imtihonda to‘planishi mumkin bo‘lgan minimal (o‘tish) ball – 60.

Imtihonda to‘planishi mumkin bo‘lgan maksimal ball ham – 60.

Ya’ni, agarda siz imtihonda 60 ball’dan kam natija ko‘rsatsangiz, imtihondan o‘ta olmagan hisoblanasiz va Fail bo‘lgan faningiz joyida qoladi.

Yoxud, agarda barcha savollarga to‘g‘ri javob berib, imtihonda 100 foiz natija ko‘rsatsangiz ham, yakunda eng oxirgi natijangiz 60 ball, deb yoziladi.

👉 @ytittalaba