Ytittalaba

⚡️“Universitetda ichki perevod qachon boshlanadi?”

Universitetda ichki perevod yilda bir marotaba – iyul oyida bo‘lib o‘tadi.

Odatda, har yil 10-iyuldan 10-avgust sanasiga qadar 1 oy vaqt davomida universitetda ichki perevod uchun arizalar qabul qilinadi.

Mazkur muddat ichida ta’lim yo‘nalishi, ta’lim shakli yoki guruhini o‘zgartirish maqsadida bo‘lgan talabalar tegishli dekanatlariga murojaat qilgan holda ichki perevod uchun ariza yozishlari mumkin.

“Ichki perevod uchun imtihon topshirish kerakmi? Umumiy tartib-qoida qanaqa?”

Universitetda ichki perevod uchun hech qanday imtihon tashkil etilmaydi. Talabalar tegishli dekanatlariga birgina ariza yozishlarining o‘zi kifoya.

“Ichki perevod qaysi holatlarda amalga oshirilmasligi mumkin?”

Universitetning ma’lum bir yo‘nalishlari jumladan, Tibbiyot maktabida mavjud bo‘lgan yo‘nalishlarga perevod amalga oshirib bo‘lmaydi.

Shuningdek, perevod uchun ariza yozgan talabada kontraktdan qarzdorlik bo‘lsa, Faillar soni 5 tadan ko‘p bo‘lsa yoki perevod qilmoqchi bo‘lgan yo‘nalishida fanlar farqi 5 tadan oshadigan bo‘lsa, bu holatda perevod amalga oshirilmasligi mumkin.

Ichki perevod masalasi bo‘yicha umumiy ma’lumot va e’lonlar bilan tanishish uchun tegishli dekanatingizga murojaat qilishingiz so‘raladi.

👉 @ytittalaba

⚡️Universitetdagi ayrim muhim saytlar va ularga kirish tartibi!

Shaxsiy kabinetga kirish uchun havola:
student.kiut.uz

📥 Saytga kirish tartibi

Moodle platformasiga kirish uchun havola:
Kunduzgi va kechki ta’lim – intranet.kiut.uz
Sirtqi ta’lim – pt.kiut.uz

📥 Platformaga kirish tartibi

Kontrakt shartnomasini yuklab olish uchun havola:
contract.kiut.uz

📥 Saytga kirish tartibi

Test shaklidagi yakuniy nazorat imtihonlari va Retake imtihonlariga tayyorlanish uchun havola:
cabinet.kiut.uz

📥 Platformaga kirish tartibi

HEMIS tizimiga kirish uchun havola:
talaba.kiut.uz

📥 Tizimga kirish tartibi

Davomatni onlayn tarzda tekshirib borish uchun havola:
attendance.kiut.uz

📥 Saytga kirish tartibi

👉 @ytittalaba

⚡️Kanalda reklama berish masalasi bo‘yicha @ytittalaba_reklama_bot manziliga murojaat qilishingiz mumkin.

Reklama joylashtirish shartlari va reklama joylash narxlari bilan quyidagi havola orqali batafsil tanishib chiqish imkoniyatiga egasiz:

📥 Reklama joylashtirish shartlari

👉 @ytittalaba

⚡️“Qayta topshirish imtihonlari qaysi holatlarda tekin, qaysi holatlarda esa pulli bo‘ladi?”

Universitetda qayta topshirish imtihonlari ikki xil — tekin va pulli shaklda bo‘lib o‘tadi.

Yakuniy nazorat imtihonlarida uzrli sabablar bilan qatnasha olmagan va asosli hujjati (справкa) bo‘lgan yoki imtihonda yetarli o‘tish balini to‘play olmagan talabalar uchun dastlabki qayta topshirish imtihonlari bepul bo‘ladi

Batafsil

Yakuniy nazorat imtihonlariga sababsiz kelmagan, imtihon jarayonida ichki tartib-qoidalarni buzgan va imtihondan chetlashtirilgan yoki birinchi marta taqdim etilgan tekin imkoniyatdan foydalana olmagan talabalar uchun qayta topshirish imtihonlari pulli bo‘ladi

Batafsil

Pulli shakldagi har bir qayta topshiriladigan fan uchun belgilangan to‘lov summasi – 100 ming so‘mni tashkil qiladi.

👉 @ytittalaba

⚡️Kanalga yangi qo‘shilgan va qo‘shilayotgan obunachilar uchun kichik eslatma!

Mazkur @ytittalaba Telegram kanali oddiy universitet talabasi tomonidan yuritiladi.

Men universitet xodimi yoki universitetdagi qaysidir bo‘limda faoliyat yuritadigan mas’ul vakil emasman.

Ismim Hayotjon, familyam Meliyev. Ayni vaqtda universitetning Turizm yo‘nalishi, 4-bosqich, kunduzgi ta’lim shaklida tahsil olaman.

Kanalda universitet va ta’limga oid postlar doim rasmiy kanal hamda manbalarga tayangan holda joylashtiriladi.

Kanal faoliyati davomida talabalar va universitet hayotida bo‘layotgan eng so‘nggi voqea-hodisalar shuningdek, talabalarni qiynayotgan mavzularga nisbatan tanqidiy fikrlar ham yozilishi mumkin.

👉 @ytittalaba

⚡️Talabalar uchun kerak bo‘ladigan eng muhim saytlar!

Shaxsiy kabinetga kirish uchun sayt – student.kiut.uz

Moodle platformasiga kirish uchun sayt – intranet.kiut.uz (kunduzgi va kechki ta’lim), pt.kiut.uz (sirtqi ta’lim)

HEMIS tizimiga kirish uchun sayt – talaba.kiut.uz

Kontrakt shartnomasini yuklab olish uchun sayt – contract.kiut.uz

Davomatni onlayn tarzda tekshirib borish uchun sayt – attendance.kiut.uz

Test shaklidagi Yakuniy nazorat imtihonlari va Retake imtihonlariga onlayn tarzda tayyorgarlik ko‘rish uchun sayt – cabinet.kiut.uz

Yo‘qotilgan yoki yangilanishi kerak bo‘lgan talabalik ID kartasini olish uchun ariza qoldiriladigan sayt – id.kiut.uz

👉 @ytittalaba

⚡️GPA haqida umumiy ma’lumot!

GPA (Grade Point Average) so‘zi – “O‘rtacha ball ko‘rsatkichi” deb tarjima qilinadi va u 1.0 – 5.0 shkalada diplom yoki attestatdagi baholarning o‘rtachasiga qarab talabaning darslarni qay darajada o‘zlashtirganini aks ettiradi.

Soddaroq qilib aytganda, GPA bu – o‘quvchi yoki talabaning o‘rtacha baholar yig‘indisi ko‘rsatilgan hisobot, desak bo‘ladi.

Odatda ko‘plab oliygohlarda eng yuqori GPA ko‘rsatkichi 4.0 ball’ga, yana ayrimlarida esa 4.5 ball’ga teng. Masalan, universitetimizdagi eng yuqori GPA ko‘rsatkichi 5.0 ball.

“Xo‘sh, GPA o‘zi nimaga kerak?”

Agarda siz universitetni qizil diplom bilan bitirish uchun harakat qilayotgan bo‘lsangiz yoki kelajakdagi o‘qishingizni chet eldagi nufuzli universitetlarda davom ettirmoqchi bo‘lsangiz, unda GPA ko‘rsatkichingiz eng muhim omillardan biri sanaladi.

Sababi, aksariyat chet el oliygohlariga hujjat topshirish jarayonida ular sizdan minimal 3.0 va undan yuqori GPA ko‘rsatkichni talab qilishadi.

Shuningdek, universitetda qizil diplom olish uchun eng asosiy shartlardan biri ham aynan GPA ko‘rsatkichi 3.96 dan baland bo‘lishi kerak.

“GPA ko‘rsatkichi qaysi holatlarda ko‘tariladi yoki tushadi?”

GPA ko‘rsatkichi – siz yakuniy nazorat imtihonlarida to‘plagan natijangizga qarab yoki ko‘tariladi, yoki tushadi.

Ya’ni, natijalaringiz qanchalik baland bo‘lsa (A yoki A+) GPA ko‘rsatkichingiz ham shunga parallel tarzda baland bo‘ladi.

Agarda natijalaringiz qanchalik past bo‘lsa (D yoki D+) tabiiyki, GPA ko‘rsatkichingiz ham tushadi.

Talabalar ayni paytdagi GPA ko‘rsatkichlarini student.kiut.uz saytidagi “GPA” bo‘limi orqali bilib olishlari mumkin.

Agarda siz “Menga hech qanaqa qizil diplom kerak emas, chet elda ham o‘qimayman, universitetni amallab bitirib ketsam bo‘ldi!” deydigan bo‘lsangiz, unda GPA ko‘rsatkichingiz minimal 3.0 dan past bo‘lmasa kifoya.

Negaki, yangilangan namunadagi universitet ichki tartib-qoidalarida shunday qoida bor: “Talaba universitetni bitirishi yoxud universitetdan diplom olishi uchun eng kamida 3.0 GPA ko‘rsatkichiga ega bo‘lishi kerak”.

👉 @ytittalaba

⚡️Siz bilishingiz kerak bo‘lgan muhim ma’lumotlar!

“Fail“ bu – yakuniy imtihon natijalari bo‘yicha fan(lar)dan yetarlicha ball to‘play olmagan va fanni o‘zlashtira olmagan talaba

“Retake” bu – fanni o‘zlashtira olmagan talabalar uchun qayta imtihon (imkoniyat).

“GPA” bu – ta’lim oluvchining dastur (yoki tegishli semestr) bo‘yicha o‘zlashtirgan ball’arining o‘rtacha ko‘rsatkichi.

“Kredit” bu – ta’lim olish natijalariga ko‘ra, talaba tomonidan muayyan fan bo‘yicha o‘zlashtirgan o‘quv yuklamasining o‘lchov birligi.

“Transkript” bu – ta’lim olishning tegishli davrida o‘zlashtirilgan kreditlar va baholarning harf va raqamlardagi ifodasi ko‘rsatilgan hujjat.

👉 @ytittalaba

⚡️Mazkur imtihon natijalariga ko‘ra, ayrim fan(lar)dan o‘ta olmagan va Fail bo‘lgan talabalar qayta topshirish imtihonlariga ariza yozishlari mumkin.

Qayta topshirish imtihonlariga ikki xil shaklda – onlayn va oflayn tarzda ariza yozish imkoniyati mavjud.

Onlayn tarzda ariza qoldirish istagida bo‘lgan talabalar mana bu havola orqali kerakli ma’lumotlarni to‘ldirishlari lozim.

Oflayn tarzda ariza qoldirish istagida bo‘lgan talabalar esa universitetning A 305-xonasiga murojaat qilishlari mumkin.

👉 @ytittalaba

⚡️Imtihon natijalari e’lon qilindi!

Joriy yilning 20 – 25-yanvar kunlari universitetning sirtqi ta’lim qishki guruh 1-2-bosqich hamda 3-bosqich PREP yo‘nalishi talabalari uchun o‘tkazilgan yakuniy nazorat imtihon natijalari shaxsiy kabinetga joylashtirildi.

Talabalar o‘z natijalarini student.kiut.uz saytidagi “Results” bo‘limi orqali bilib olishlari mumkin.

👉 @ytittalaba

⚡️“Qizil diplom olish uchun GPA nechi bo‘lishi kerak?”

Yangilangan baholash tizimi bo‘yicha, talaba universitetni qizil diplom bilan bitirish uchun eng kamida 3.96 GPA ko‘rsatkichiga ega bo‘lishi shart.

Ya’ni, talaba universitetni bitirayotgan yilida yoxud eng oxirgi semestridan so‘ng umumiy to‘plagan GPA ko‘rsatkichi 3.96 va undan yuqori (eng yuqori ball 5.0) bo‘lsa – qizil diplom beriladi.

👉 @ytittalaba

⚡️“Eng yuqori GPA ko‘rsatkichi 5.0 ga ko‘tarilgan bo‘lsa, endi universitetdagi ichki grant uchun talablar ham ko‘tariladimi?”

Bu bo‘yicha hali aniq ma’lumot berilmadi. Agarda vaziyatga mantiqan yondashilsa, GPA uchun qo‘yilgan talab, albatta, oshadi.

Avvalgi baholash mezoni va ichki tartib-qoida bo‘yicha, universitetdagi nomdor va ta’sischi grantlarida ishtirok etish uchun talabalardan eng kamida 3.0 GPA ko‘rsatkichi talab etilar edi.

Taxminimcha, bugungi yangilangan tartibdan so‘ng bu ball eng kamida 1.0 ga ko‘tariladi va talabalardan 4.0 va undan yuqori GPA ko‘rsatkichi talabi qo‘yilsa kerak.

Odatda, universitetdagi ichki grant uchun arizalar yangi o‘quv yili avvalida, aniqrog‘i, sentyabr oyi oxiri va oktyabr oyi o‘rtalarida qabul qilinadi.

Demak, bu bo‘yicha batafsil ma’lumot va umumiy qo‘yiladigan talablar ham o‘shanda e’lon qilinadi.

👉 @ytittalaba

⚡️Ayni paytda student.kiut.uz saytidagi “GPA” bo‘limiga yangilangan “5.0” lik tizim bo‘yicha hisoblangan GPA ko‘rsatkichlari yozib o‘tilgan.

Shaxsiy kabinetingizni tekshirib, eng oxirgi GPA ko‘rsatkinchlaringizni bilib olishingiz mumkin.

👉 @ytittalaba

⚡️Talabalar 3-kursdan boshlab qonuniy tarzda ishlashi mumkin

Hukumatning “Ta’lim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida”gi qaroriga binoan, pedagogika yo‘nalishi bo‘yicha kunduzgi, kechki va sirtqi ta’lim shaklida tahsil oladigan talabalarga maktablarda dars berish huquqi berilgan.

Mazkur tartib yurtimizdagi barcha davlat va nodavlat (xususiy) OTM’lar uchun bir xil amal qiladi.

Manba

👉 @ytittalaba

⚡️Qayta topshirish imtihonlariga onlayn tarzda ariza qoldirgan talabalar uchun joriy yilning 30 – 31-yanvar kunlari imtihon jarayonlari tashkil etilar ekan.

Mazkur imtihon jarayonlari to‘g‘risidagi umumiy ma’lumotlar student.kiut.uz saytidagi “Exam Schedule” bo‘limiga joylashtirilgan.

Qayta topshirish imtihonlari odatdagidek an’anaviy (oflayn) shaklda bo‘lib o‘tadi.

Shuningdek, ayni paytda universitetda qayta topshirish imtihonlariga ariza yozish jarayonlari davom etmoqda. Talabalar ikki xil shaklda – onlayn va oflayn tarzda ariza qoldirishlari mumkin.

Onlayn tarzda ariza qoldirish istagida bo‘lgan talabalar mana bu havola orqali kerakli ma’lumotlarni to‘ldirishlari lozim.

Oflayn tarzda ariza qoldirish istagida bo‘lgan talabalar esa universitetning A 305-xonasiga murojaat qilishlari mumkin.

👉 @ytittalaba