John Deere va “O‘zagrolizing” AJ o‘rtasidagi hamkorlik kengaymoqda
🚜 “John Deere” (AQSH) kompaniyasining MDX davlatlari bo‘yicha vitse-prezidenti P. Sachse boshchiligidagi delegatsiya O‘zbekistonga tashrif doirasida “O‘zagrolizing” aksiyadorlik jamiyati rahbariyati bilan uchrashdi. Muzokaralar davomida tomonlar o‘rtasidagi mavjud hamkorlik tajribasi, uni rivojlantirish imkoniyatlari va kelgusi qadamlar muhokama qilindi.
➡️Shuni ta'kidlash kerak-ki, “O‘zagrolizing” aksiyadorlik jamiyati bir necha yildan buyon fermerlarga John Deere texnikasini lizing asosida taqdim etib kelmoqda. Jumladan o'tgan yilning o'zida Jamiyat tomonidan qiymati189,4 mlrd so‘m miqdoridagi 39 ta texnika lizing oluvchilariga yetkazilgan.
⏺Muhokamalar jarayonida hamkorlikni kengaytirish takliflari ham ko'rib chiqilib, texnikani yetkazib berish shartlarini soddalashtirish va moliyaviy imkoniyatlari cheklangan fermerlar uchun qulay takliflar tayyorlash hamda har bir viloyatda John Deere texnikalarini namoyish etish uchun ko‘rgazma parklarini tashkil qilish kabi masalalar diqqat markazida bo'ldi.
⏺Fermerlar uchun uzoq muddatli va past foizli moliyalashtirish sharoitlarini muhokama qilish, dastlabki 10 mln. AQSH dollari jalb etish, John Deere va O‘zbekiston Qishloq xo‘jaligi vazirligi tashabbusi bilan kompaniyaning ilg‘or tajribasi va yangi texnologiyalari bilan tanishish maqsadida tashrif uyushtirish masalalari ham ko'rib chiqldi.
👉 Muzokaralar so'ngida, tomonlar ushbu tashabbuslarni amalga oshirish bo‘yicha muzokaralarni davom ettirishga kelishib oldi.
#hamkorlik 🌎 www.uzal.uz
🕊Telegram | 📹Instagram | 📱Facebook | 📺YouTube