O‘zAgroLizing | Rasmiy kanal

Mavsumga puxta tayyorgarlik ko’rish – yuqori natijadorlik demak

🚜 "O‘zagrolizing" aksiyadorlik jamiyati Boshqaruv raisi N.Otajonov Andijon viloyati, Oltinko‘l tumaniga tashrifi davomida "TIANYE AGRO" korxonasining faoliyati bilan yaqindan tanishdi.

👀 U yerda Xitoydan keltirilgan zamonaviy chigit ekish seyalkalarining yig‘ish jarayonlari, ularning sifati va samaradorligi o‘rganildi. Shuningdek, qishloq xo‘jaligi mahsulotlari yetishtirishda texnikalarni amaliyotga tatbiq etish borasidagi ishlar ko‘zdan kechirildi.

🔵 Tanishuv davomida qishloq xo‘jaligi texnikalarining agrotexnik tadbirlardagi o‘rni, hosildorlikni oshirishdagi ahamiyati va ularning fermerlarga taqdim etilish jarayonlari muhokama qilindi. Zamonaviy texnologiyalarni joriy etish orqali hosildorlikni oshirish, mehnat unumdorligini yuksaltirish va qishloq xo‘jaligi mahsulotlarini eksport qilish hajmini ko‘paytirish muhimligi qayd etildi.

#uzagrolizing_xabari 🌎 www.uzal.uz
🕊Telegram | 📹Instagram | 📱Facebook | 📺YouTube

“O’zagrolizing” aksiyadorlik jamiyati jamoasi, mo'tabar va mukarrama ayollarimiz – onaxonu lobar opa-singillarimiz hamda latofatli qizlarimizni 8-mart — Xalqaro xotin-qizlar kuni bayrami bilan samimiy muborakbod etadi!

Ona tabiat tobora chiroy ochayotgan, bahor nashidasi kezayotgan ayni shu fusunkor lahzalarda barchangizga shodu xurramlik, ko'tarinki kayfiyat va, albatta, husn-malohatda tengsizlik tilaydi.

Yuzingizdan nur, labingizdan hamisha tabassum arimasin, aziz opa-singillar!

“O’zagrolizing” AJ matbuot xizmati

#tabrik 🌎 www.uzal.uz
🕊Telegram | 📹Instagram | 📱Facebook | 📺YouTube

👀 Tojikiston Respublikasining Soʻgʻd viloyati sharoitida qishloq xoʻjaligi texnikalari uygʻunligini aniqlash va tuman hokimlari bilan ikki tomonlama hamkorlik istiqbollarini muhokama qilish maqsadida “Oʻzagrolizing” AJ Boshqaruv raisi N.Otajonov va Toshkent viloyati hokimining qishloq va suv xoʻjaligi masalalari boʻyicha birinchi oʻrinbosari boshchiligidagi bir guruh mutaxassislar Tojikiston Respublikasining Soʻgʻd viloyatida xizmat safarida boʻlishdi.

👉 Xususan, xizmat safari davomida bir qator muhim uchrashuvlar va oʻzaro ikki tomonlama muhokamalar tashkil etildi. Jumladan, Xoʻjand shahrida Soʻgʻd viloyati raisi Rajabboy Axmadzoda boshchiligidagi tuman hokimlari, viloyat rasmiylari hamda Oʻzbekiston Respulikasi delegatsiyasi ishtirokida uchrashuv tashkil etildi.

⏺Uchrashuv davomida oʻzaro iqtisodiy sherikchilik munosabatlarini rivojlantirish, savdo va tovar ayirboshlash, qishloq xoʻjaligi mahsulotlarini yetishtirishda oʻzaro tajriba almashish va hamkorlikda ishlash, tuman hokimlari bilan ikki tomonlama hamkorlikni yoʻlga qoʻyish, Oʻzbekistonda ishlab chiqarilayotgan qishloq xoʻjaligi texnikalarini Tojikiston Respublikasiga yetkazib berish hamda zamonaviy mexanizatsiya xizmatlarini koʻrsatish masalalarida hamkorlik aloqalarini kengaytirish borasida fikrlar bildirildi.

🗣Shuningdek, hamkorlik toʻgʻrisidagi bitimga muvofiq taraflar oʻrtasida paxtachilik, gʻallachilik va boshqa turdagi qishloq xoʻjalik mahsulotlarini yetishtirish, Oʻzbekistonda ishlab chiqarilayotgan qishloq xoʻjalik texnikalarini xarid qilish kabi sohalarda hamkorlikni yoʻlga qoʻyishga kelishib olindi.

⏺Tadbirdan so'ng, Oʻzbekiston delgetsiyasi Soʻgʻd viloyati raisining muovini Fayzullo Qosimiy taklifiga binoan CHDMM “KM Sugʻdiyon-Sverdlovsk” parrandachilik fabrikasiga tashrif buyurishdi.

🔵 Ushbu fabrikaning rahbari A.Sharipov tomonidan fabrikaning ishlab chiqarish salohiyati, ozuqa ratsioni va ishlab chiqarish quvvatlari boʻyicha taqdimot qilinib, delegatsiya aʼzolariga toʻliq tanishtirildi.

#uzagrolizing_xabari 🌎 www.uzal.uz
🕊Telegram | 📹Instagram | 📱Facebook | 📺YouTube

Agrar sohani barqaror mexanizatsiyalashtirish muhim ahamiyat kasb etadi

🗣 Kuni kecha, Qishloq xo‘jaligi vazirligida vazir o‘rinbosari Alisher Shukurov raisligida 2025-yil paxta xomashyosini mashinalarda terib olishni ta’minlash borasidagi vazifalar ijrosini ta’minlash masalalariga bag‘ishlangan yig‘ilish o‘tkazildi.

🚜 Unda“ O‘zagrolizing” aksiyadorlik jamiyati Boshqaruv raisi N.Otajonov, Investitsiyalar, sanoat va savdo vazirligi, Agrosanoat majmui ustidan nazorat qilish inspeksiyasi va Qishloq xo‘jaligini davlat tomonidan qo‘llab-quvvatlash jamg‘armasining mas’ul vakillari ishtirok etishdi.

⏺Yig‘ilishda Prezident Qarori ijrosini ta’minlash borasida qishloq xo‘jaligini tizimli ravishda zamonaviy texnika bilan ta’minlash orqali sohada samaradorlikni oshirishga qaratilgan ishlar tahlil qilindi.

✅ Bundan tashqari, qishloq xo‘jaligiga zamonaviy texnikalarni joriy etish, bunda fermer va klasterlarga har tomonlama maqbul bo‘lgan paxta terish mashinalarini xarid qilish borasidagi kelgusida amalga oshiriladigan ishlar belgilab olindi.

#uzagrolizing_xabari 🌎 www.uzal.uz
🕊Telegram | 📹Instagram | 📱Facebook | 📺YouTube

🇺🇿 Qishloq xo‘jaligida zamonaviy agrotexnologiyalarni keng joriy etish, ekinlarni ekish, yetishtirish va hosilni yig‘ib olishni bosqichma-bosqich to‘liq mexanizatsiyalash, agrar sohada qishloq xo‘jaligi texnikalariga servis (texnik holatini ko‘rikdan o‘tkazish va ta’mirlash) xizmatlari ko‘rsatish darajasini oshirish va servis ustaxonalari texnologik bazasini rivojlantirish maqsadida: O‘zbekiston Respublikasi Prezidentining 2024-yil 12-dekabrdagi "Qishloq xo‘jaligini mexanizatsiyalash darajasini yanada oshirish chora-tadbirlari to‘g‘risida"gi PQ-431-son qarori qabul qilindi.

🗣Unga ko'ra, 2025-yil 1-yanvardan boshlab, qishloq xo‘jaligi texnikalari yetkazib berishda amaldagi qonunchilikka muvofiq qo‘llaniladigan imtiyozlar (subsidiya, soliq va bojxona imtiyozlari va moliyaviy yordamlar) faqat mahalliy ishlab chiqaruvchilar va dilerlar orqali muomalaga chiqariladigan qishloq xo‘jaligi texnikalariga nisbatan tatbiq etiladi;

⏺2025-yil 1-martdan boshlab amaldagi qonunchilikda belgilangan imtiyozlardan (subsidiya, soliq va bojxona imtiyozlari va moliyaviy yordamlar) foydalangan holda xarid qilingan, shu jumladan, respublikada ishlab chiqarilgan va import qilingan yangi traktorlar va kombaynlarni ularga GPS qurilmasini o‘rnatmagan holda davlat ro‘yxatidan o‘tkazish va ulardan foydalanish taqiqlanadi;

Batafsil saytda tanishishingiz mumkin

#uzagrolizing_xabari 🌎 www.uzal.uz
🕊Telegram | 📹Instagram | 📱Facebook | 📺YouTube

#diqqat_muhim

📢Bugun soat 12:00 da AOKAda “O’zagrolizing” aksiyadorlik jamiyatining matbuot anjumani bo’lib o’tadi.

⚫️Mavzu: “O‘zagrolizing” aksiyadorlik jamiyati faoliyatining 2024-yildagi asosiy natijalari

⚫️Ishtirok etadi: Jamiyat rahbariyati va mutasaddilari

🟢 Matbuot anjumani AOKAning hamda jamiyatning ijtimoiy tarmoqlardagi rasmiy sahifalari, “UzReport TV” hamda “Oʻzbekiston 24” telekanallari orqali jonli efirga uzatilishi rejalashtirilgan.

👉 OAV xodimlari va blogerlarni matbuot anjumaniga taklif qilamiz.

⁉️Savollaringizni @uzalchat ga yuboring.

#uzagrolizing_xabari 🌎 www.uzal.uz
🕊Telegram | 📹Instagram | 📱Facebook | 📺YouTube

Agrotexnik usullarning asosiy vazifasi – dalalardagi suv oqimini kamaytirish (yerga ishlov berish yo‘nalishi va chuqurligini belgilash, chuqurchalar, uzlikli egatlar, kichik limanlar hosil qilish)ga qaratilgan bo‘lishi kerak.

Eroziyaga qarshi agrotexnik tadbirlar
Bunda yer yuzasida paydo bo‘ladigan (qor va yomg‘ir suvlarini, jalalarni) suv oqimining vujudga kelishiga yo‘l qo‘ymaslik uchun ilg‘or agrotexnika usullarini qo‘llash, jumladan, yerni ag‘darib chuqur haydash zarur. Bu tadbirlar:

– yonbag‘ir yerlarga bo‘ylama va ko‘ndalangiga chuqur ishlov berish;

– maxsus suvni ushlab qoluvchi (uzlikli, tirqishli, chuqurchali) egatlar hosil qilish;

– haydov qatlami chuqurligini oshirish;

– o‘g‘itlar kiritish, tuproqni ag‘darmasdan yumshatish, baland poyali ekinlarni yetishtirishni ko‘zda tutadi.

Bu maydonlarda fitomelioratsiyani qo‘llash, ekiladigan o‘t turini to‘g‘ri tanlash va ularni parvarishlashda to‘g‘ri texnologiyani qo‘llash kerak bo‘ladi.
Odatda haydov yerlari ularning turi va ulardan foydalanish jadalligi bo‘yicha 3 ta texnologik guruhlarga farqlanadi:

1-guruh yerlarining nishabligi 3° gacha bo‘lgan haydov maydonlari bo‘lib, ularda barcha haydov ekinlarini yetishtirish mumkin.

2-guruh yerlariga nishabligi 3-7° gacha bo‘lgan yonbag‘ir maydonlar kiradi. Bu yerlarda tuproqni himoya qiladigan boshoqli va o‘t ekinlari ekilishi kerak.

3-guruh yerlariga nishabligi 7° dan katta bo‘lgan yonbag‘ir maydonlar kirib, ularda qishloq xo‘jaligi ekinlarini yetishtirish maqsadga muvofiq emas.

Bu yerlar ko‘p yillik o‘tlar bilan qoplanishi kerak.

#bu_qiziq 🌎 www.uzal.uz
🕊Telegram | 📹Instagram | 📱Facebook | 📺YouTube

O'zbekiston va Italiya lizing sohasida hamkorlikni kengaytiradi

🗣Oʻzbekiston qishloq xoʻjaligi va sanoat tarmoqlarini modernizatsiya qilish, ilgʻor texnologiyalarni joriy etish va investitsiyalarni jalb qilish maqsadida xalqaro hamkorlikni yanada rivojlantirishga eʼtibor qaratmoqda.

Shu nuqtayi nazardan, “Oʻzagrolizing” aksiyadorlik jamiyati va Italiyaning “Exetra. Export & Trading” kompaniyasi oʻrtasida oʻzaro manfaatli hamkorlikni yoʻlga qoʻyish boʻyicha muzokaralar boʻlib oʻtdi.

⏺Mazkur uchrashuv doirasida "Oʻzagrolizing"’ aksiyadorlik jamiyati Boshqaruv raisi N.Otajonov Italiyaning "Exetra. Export & Trading" kompaniyasi Bosh direktori Luca Morgera hamda Biznes-Sotuv direktori Mauruzio Rombola bilan muloqot olib bordi. Muzokaralar davomida tomonlar ikki davlat oʻrtasidagi iqtisodiy aloqalarni yanada mustahkamlash, lizing tizimini takomillashtirish va zamonaviy mexanizmlarni tatbiq etish boʻyicha fikr almashdilar.

➡️"Exetra. Export & Trading" kompaniyasi xalqaro savdo va eksport bozorlarida oʻzini ishonchli hamkor sifatida namoyon etgan boʻlib, u turli kompaniyalarning global miqyosda kengayishiga koʻmaklashish, ularni xorijiy bozorga olib chiqish, xalqaro xaridorlar bilan bogʻlash hamda mahsulotlarni samarali va tezkor eksport qilish boʻyicha faoliyat olib boradi.

⏺Uchrashuv chogʻida kompaniya vakillari Oʻzbekiston bozorining ulkan salohiyatini eʼtirof etib, Jamiyatimiz bilan hamkorlik aloqalarini yo'lga qo'ymoqchi ekanligini bildirdi. Shu munosabat bilan, "Exetra. Export & Trading" kompaniyasi "Oʻzagrolizing" aksiyadorlik jamiyati bilan uzoq muddatli va strategik sheriklikni rivojlantirishga tayyor ekanligini taʼkidladi.

✔️ Muzokaralar yakunida tomonlar oʻzaro hamkorlikni yoʻlga qoʻyish, jumladan, qishloq xoʻjaligi texnikalarini lizing asosida yetkazib berish, ishlab chiqarish va eksport jarayonlarini optimallashtirish hamda tajriba almashish boʻyicha kelishuvlarga erishdilar. Ushbu hamkorlik istiqbolda Oʻzbekiston lizing sohasining yanada rivojlanishiga, xorijiy investitsiyalar hajmining oshishiga va ilgʻor texnologiyalarning keng joriy etilishiga xizmat qiladi.

#hamkorlik 🌎 www.uzal.uz
🕊Telegram | 📹Instagram | 📱Facebook | 📺YouTube