"Ўсмат ота" масжиди

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Энг яхши дезинфекциялаш воситалари тупроқда топилган. Бу олимлар томонидан тасдиқланган ва Қуръон ва Суннатда эслатиб ўтилган илмий ҳақиқатдир.

Олимлар илм-фаннинг турли соҳаларида кўп нарсаларни кашф қилиш баробарида улар орасида энг ажабланарлиси тупроқни таҳлил қилгандан сўнг, унинг атомлари орасида дезинфекцияловчи модда борлигини аниқлаганларидир. Ушбу модда ҳар қандай вирус ва микробларни йўқ қилиши мумкин. Ҳатто дезинфекцияловчи воситалар қила олмаган микробларни тупроқ олиб ташлайди!

Инсон вафот этганидан сўнг унинг танаси парчалана бошлайди ва ҳар хил турдаги бактериялар унинг ҳужайраларини ютади. Аллоҳ таолонинг бандаларига раҳмати шуки, уларни тупроқдан яратди ва улар тупроққа қайтадилар.



Пайғамбаримиз соллаллоҳу алайҳи васаллам тупроқни покловчи эканини таъкидланганлар.

عن أبي هريرة رضي الله عنه أنَّ رسول الله صلى الله عليه وسلم قال: إِذَا وَلَغَ الكَلْبُ في إِنَاءِ أحَدِكُمْ فَلْيُرِقْهُ ثُمَّ لْيَغْسِلْهُ سَبْعَ مَرَّاتٍ. رواه مسلم

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам: «Бирортангизнинг идишини ит яласа, ундаги нарсани тўкиб юборсин, кейин уни (идишни) етти марта ювсин», дедилар».

Бошқа бир ривоятда:

«Улардан (ювишлардан) биринчиси ёки биттаси тупроқ билан бўлсин».

Яна бошқа ривоятда «еттинчиси тупроқ билан бўлсин», дейилган.

Бешовлари ривоят қилишган.

Биламизки, итнинг сўлагида микроблар жуда кўп бўлади. Тупроқ таркибида эса шундай моддалар бор эканки, улар ҳар хил микробларни йўқ қила олар экан.

Итнинг сўлаги бирор идишга тегса, бу идишни сув билан ҳар қанча ювмайлик, баъзи микроблар қолиб кетиши мумкин. Шунинг учун бу идишни бир неча марта ювганимизда тупроқ билан ҳам ишқалаб тозаласак, идиш бутунлай дезинфекция қилинган бўлар экан.

Тупроқ билан тозалаш – ўша идишнинг деворларини тупроқ билан артиб, бирон жойини қолдирмай ишқалаб ювиб ташлашдир. Шундай қилинса, идишда ҳеч қандай микроб қолмайди.

Субҳаналлоҳ!

Севикли Ҳабибимиз соллаллоҳу алайҳи васаллам тупроқда микробларни йўқ қилувчи модда борлигини қандай билдилар экан?! Албатта, бу илмни у зот алайҳиссаломга Буюк Холиқ ўргатгандир!

Абдуддоим Каҳел мақоласи.

Нозимжон Ҳошимжон таржимаси
@usmat_ota

ЖУМАГА ЭРТА БОРИШ

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Ким Жума куни жунубликнинг ғуслини қилса, сўнгра биринчи соатда борса, худди туя қурбонлик қилгандек бўлади. Ким иккинчи соатда борса, худди қорамол қурбонлик қилгандек бўлади. Ким учинчи соатда борса, худди шохли қўчқор қурбонлик қилгандек бўлади. Ким тўртинчи соатда борса, худди товуқ қурбонлик қилгандек бўлади. Ким бешинчи соатда борса, худди тухум қурбонлик қилгандек бўлади. Қачонки, имом (хутбага) чиқса, фаришталар зикр тинглашга ҳозир бўлурлар», дедилар».

Бешовлари ривоят қилган.
@usmat_ota

Бугун жума

«Расулуллоҳ соллаллоҳу алайҳи васалламнинг минбарлари устида туриб:
«Ёки қавмлар жумаларни тарк қилишдан тўхтарлар. Ёки Аллоҳ уларнинг қалбларига муҳр босур ва сўнгра ғофиллардан бўлурлар», дедилар».
Муслим, Насаий ва Аҳмад ривоят қилган.
Шарҳ: Пайғамбаримиз соллаллоҳу алайҳи васаллам ўзларининг ушбу ҳадисларида Жума намози ўқимаганларнинг қалбларига муҳр босилиб, ғофиллардан бўлиб қолишлари турган гап эканлигини таъкидламоқдалар.
Демак, барчамиз Жума намозини ўз ўрнида адо этишга ҳаракат қилмоғимиз лозим.

Абу Жаъд аз-Зомрий розияллоҳу анҳудан ривоят қилинади: «Набий соллаллоҳу алайҳи васаллам: «Ким писанд қилмай уч жумани тарк этса, Аллоҳ унинг қалбига муҳр босгай», дедилар».
Сунан эгалари ва ал-Ҳоким ривоят қилган.

@usmat_ota

#КУН_ҲАДИСИ

ЖУМА КУНИНИНГ ФАЗИЛАТЛАРИ

Абу Ҳурайра розияллоҳу анҳу Набий соллаллоҳу алайҳи васалламдан ривоят қиладилар: «Қуёш ҳеч бир кунда жума кунидагидан афзал бўлиб чиқмайди ва ботмайди. Бу кундан инсон ва жинлардан бошқа ер юзидаги бор жонзот қўрқади. Масжидларнинг эшиклари олдида иккитадан фаришта ўтириб олиб, бир-бир ёзади. Биринчи келган туя қурбонлик қилган киши каби, кейин қўй қурбонлик қилган киши каби, кейин қуш қурбонлик қилган киши каби ва кейин тухум қурбонлик қилган киши каби. Имом минбарга ўтирса, саҳифалар ёпилади».

Абу Ҳурайра розияллоҳу анҳу Пайғамбар соллаллоҳу алайҳи васалламдан ривоят қиладилар: «Ким жума куни таҳоратини чиройли қилиб, кейин жумага келса, азонни эшитса, минбарга яқин ўтириб, жимгина тингласа, икки жума орасидаги гуноҳлари кечирилади. Ким тошни ушласа, у лағв қилибди, ким лағв қилса, унинг учун жумъа йўқдир».

Абу Ҳурайра розияллоҳу анҳу Пайғамбар соллаллоҳу алайҳи васалламдан ривоят қиладилар: «Қуёш чиқадиган кунларнинг яхшиси жумъадир. У кунда Одам яратилган ва у кунда жаннатга киритилган ҳамда у кунда жаннатдан туширилган. У кунда қиёмат бўлади ва у кунда шундай бир соат борки, мўминнинг Аллоҳдан сўрагани шу соатга тўғри келса, сўраганини унга беради».

@usmat_ota