Tanzila Narbaeva

Оliy Majlis Senatining uchinchi yalpi majlisi o‘z ishini davom ettirmoqda

Yalpi majlisda ko‘rib chiqiladigan masalalarni Senatning YouTube tarmog‘idagi sahifasi orqali onlayn kuzatib borishingiz mumkin.

#yalpimajlis_3

@tanzilanarbaeva

🇺🇿🇺🇿🇺🇿 Senatorlar bilan mamlakatimizning investisiyaviy jozibadorligini oshirishda hamda investorlar uchun zamon talablariga mos barqaror imkoniyatlar yaratishda muhim huquqiy asos bo‘luvchi Qonunni ma’qulladik.

Iqtisodiyotni yuksaltirish, kambag‘allikni qisqartirish, daromadli yangi ish o‘rinlarini yaratishda har bir hududning o‘ziga xos xususiyatlaridan kelib chiqib, investisiyalar jalb etish juda katta ahamiyatga ega.

Shu bois, Qonunda investorlarning huquqlari va qonuniy manfaatlarini himoya qilishga qaratilgan choralar kuchaytirilib, ularni xavotirga solayotgan omil va xatarlarga yechim topilmoqda.

Shu bilan birga, BMTning Barqaror rivojlanish maqsadlariga erishishga xizmat qiladigan yashil iqtisodiyotni rivojlantirish hamda inson huquqlari himoya qilinishini ta’minlash investisiya siyosatimizning asosiy yo‘nalishlari sifatida belgilanmoqda.

#yalpimajlis_3

@tanzilanarbaeva

Оliy Majlis Senatining uchinchi yalpi majlisi o‘z ishini boshladi

Yalpi majlisda ko‘rib chiqiladigan masalalarni Senatning YouTube tarmog‘idagi sahifasi orqali onlayn kuzatib borishingiz mumkin.

#yalpimajlis_3

@tanzilanarbaeva

🇺🇿🇺🇿🇺🇿 Senatning navbatdagi sayyor kengashida Yakkasaroy tumanini ijtimoiy-iqtisodiy rivojlantirish va aholining yashash sharoitlarini yanada yaxshilashga doir dasturlar ijrosi holatini muhokama qildik.

Yig‘ilishda tuman aholisi o‘rtasida kambag‘allikni qisqartirish, bandlikni ta’minlash, investisiya va tadbirkorlikka oid yangi loyihalar paketini shakllantirish va amaliyotga tatbiq etish masalalariga to‘xtalib o‘tildi.

Shu bilan birga, yashil hududlarni kengaytirish, ta’lim, sport, madaniyat maskanlarini ta’mirlash va qayta qurish, aholining ijtimoiy-madaniy kayfiyatini oshirishga qaratilgan tadbirlar o‘tkazish yuzasidan mutasaddilarga aniq muddatli vazifalar berildi.

Xalqimizni rozi qilish mezoni asosidagi islohotlarimizni har bir tuman va mahalla kesimida amalga oshirishda mahalla yettiligi, mahalliy Kengashlar va ijro organlarining hamkorligini kuchaytirishga e’tibor qaratildi.

#yakkasaroytumani

@tanzilanarbaeva

🇺🇿🇺🇿🇺🇿 Bugun “Xotin-qizlar o‘rtasidagi ijtimoiy-ma’naviy muhitni sog‘lomlashtirishning dolzarb masalalari” mavzusidagi o‘quv amaliy seminarda ishtirok etdik.

Ayollarning muammolarini hal qilish, bandligini ta’minlash, salomatligini muhofaza qilish jamiyatimizda farovonlikni ta’minlashda dolzarb ahamiyatga ega.

Shu bois mamlakatimizda xotin-qizlarimizni har tomonlama qo‘llab-quvvatlash tizimi davlat siyosati darajasiga ko‘tarilgan. Bu boradagi islohotlar esa xalqaro darajada ham e’tirof etilib, mamlakatimiz egallagan o‘rinlar butunjahon indikatorlarida yuqorilab bormoqda.

Seminarda erishilgan natijalar bilan birga, qilinishi lozim bo‘lgan ishlarga, mahallalardagi har bir xotin-qizning salomatligi, ijtimoiy va iqtisodiy holati bo‘yicha tahlillarga va ularga amaliy ko‘mak ko‘rsatish mexanizmini kuchaytirishga e’tibor qaratdik.

Soha xodimlarining tashabbuskorligini oshirish, qilinayotgan ishlar bo‘yicha doimiy axborot berib borish hamda muammoning sababi bilan ishlash va aholining xabardorlik darajasini oshirish bo‘yicha zarur tavsiyalar berildi.

@tanzilanarbaeva