Tibbiyotni bitirgandan keyin nima qilish kerak/mumkin?
Diplomni qo'lga kiritgandan keyin qo'yilishi lozim bo'lgan ilk qadam - ish topish yoki keyingi darajadagi o'qishga hujjat topshirishdir.
Ish topish haqida gap ketganda, ko'pincha poliklinikada oilaviy yoki umumiy shifokor bo'lib ishlash, yoki tez yordam xizmatida shifokor bo'lib ishlash nazarda tutiladi. Ammo, tibbiyot diplomi qo'lga kiritilgandan keyin, noan'anaviy joylarda ham ishlash imkoniyati mavjud. Masalan, ilmiy-tadqiqot institutlarida. Bu haqda keyinchalik batafsil gaplashamiz.
Keyingi darajadagi o'qishga, ya'ni amaliy tayyorgarlik yoki tor mutaxassislik bo'yicha o'qishga topshirishda, bitiruvchi bir muhim farqqa e'tibor qaratishi lozim: Yosh shifokor bemorlar bilan bevosita ishlashni xohlaydimi yoki ularga bilvosita xizmat ko'rsatish niyatida bo'ladimi? Bu savolga berilgan javob ikki xil karyera yo'lini belgilaydi. Ushbu matn aynan shu karyera yo'llari haqida aniqroq tasavvurga ega bo'lish uchun yozilgan.
1-ssenariy: Yosh shifokor bemorlar bilan bevosita ishlamoqchi.
Bu yo'lda sizning tanlovingiz ordinatura yoki rezidentura bo'lishi kerak. Ushbu dasturlar orqali siz tor mutaxassislikka ega bo'lasiz. O'zbekistonda odatda ordinatura 2 yil davom etadi, lekin ba'zi istisnolar mavjud, masalan, neyroxirurgiya yo'nalishi. Eng qiziq tomoni shundaki, hozirda xususiy klinikalarda ham ordinatura yoki rezidenturani o'tash mumkin. Bu, menimcha, eng optimal yo'l bo'lib, sizga kelajakdagi ish beruvchingiz kim bo'lishini va ular sizdan nimalarni kutishini aniq tushunish imkonini beradi. Bu boradagi fikrlarimni alohida o'qib chiqishingiz mumkin.
Bundan tashqari, hozirda ko'plab qo'shma dasturlar tashkil etilgan. Ko'pincha Rossiya bilan hamkorlikda amalga oshiriladigan dasturlar O'zbekistonda bir yil va Rossiyada bir yil davom etadi. Shuningdek, kam hollarda respublika yoki milliy ilmiy-amaliy markazlar bitiruvchilarni aniqlab, ularni hamkor davlatlarga o'qishga yuborishi mumkin - bu kamdan-kam hollarda yuz beradi, ammo amalda mavjud.
Yana bir yo'l - bizning tushunchamizdagi rezidentura yoki ordinaturani boshqa davlatda o'tash. Hozirda eng "moda" joylar AQSh va Germaniya hisoblanadi. Bu haqida yuzlab bloglar mavjud. Asosiy talab - siz ushbu davlatlarda mavjud bo'lgan litsenziyalash jarayonlaridan o'tishingiz kerak bo'ladi. Albatta, bu haqida ham alohida post qilaman.
Davomi - https://t.me/studentmedik_upd/491
Diplomni qo'lga kiritgandan keyin qo'yilishi lozim bo'lgan ilk qadam - ish topish yoki keyingi darajadagi o'qishga hujjat topshirishdir.
Ish topish haqida gap ketganda, ko'pincha poliklinikada oilaviy yoki umumiy shifokor bo'lib ishlash, yoki tez yordam xizmatida shifokor bo'lib ishlash nazarda tutiladi. Ammo, tibbiyot diplomi qo'lga kiritilgandan keyin, noan'anaviy joylarda ham ishlash imkoniyati mavjud. Masalan, ilmiy-tadqiqot institutlarida. Bu haqda keyinchalik batafsil gaplashamiz.
Keyingi darajadagi o'qishga, ya'ni amaliy tayyorgarlik yoki tor mutaxassislik bo'yicha o'qishga topshirishda, bitiruvchi bir muhim farqqa e'tibor qaratishi lozim: Yosh shifokor bemorlar bilan bevosita ishlashni xohlaydimi yoki ularga bilvosita xizmat ko'rsatish niyatida bo'ladimi? Bu savolga berilgan javob ikki xil karyera yo'lini belgilaydi. Ushbu matn aynan shu karyera yo'llari haqida aniqroq tasavvurga ega bo'lish uchun yozilgan.
1-ssenariy: Yosh shifokor bemorlar bilan bevosita ishlamoqchi.
Bu yo'lda sizning tanlovingiz ordinatura yoki rezidentura bo'lishi kerak. Ushbu dasturlar orqali siz tor mutaxassislikka ega bo'lasiz. O'zbekistonda odatda ordinatura 2 yil davom etadi, lekin ba'zi istisnolar mavjud, masalan, neyroxirurgiya yo'nalishi. Eng qiziq tomoni shundaki, hozirda xususiy klinikalarda ham ordinatura yoki rezidenturani o'tash mumkin. Bu, menimcha, eng optimal yo'l bo'lib, sizga kelajakdagi ish beruvchingiz kim bo'lishini va ular sizdan nimalarni kutishini aniq tushunish imkonini beradi. Bu boradagi fikrlarimni alohida o'qib chiqishingiz mumkin.
Bundan tashqari, hozirda ko'plab qo'shma dasturlar tashkil etilgan. Ko'pincha Rossiya bilan hamkorlikda amalga oshiriladigan dasturlar O'zbekistonda bir yil va Rossiyada bir yil davom etadi. Shuningdek, kam hollarda respublika yoki milliy ilmiy-amaliy markazlar bitiruvchilarni aniqlab, ularni hamkor davlatlarga o'qishga yuborishi mumkin - bu kamdan-kam hollarda yuz beradi, ammo amalda mavjud.
Yana bir yo'l - bizning tushunchamizdagi rezidentura yoki ordinaturani boshqa davlatda o'tash. Hozirda eng "moda" joylar AQSh va Germaniya hisoblanadi. Bu haqida yuzlab bloglar mavjud. Asosiy talab - siz ushbu davlatlarda mavjud bo'lgan litsenziyalash jarayonlaridan o'tishingiz kerak bo'ladi. Albatta, bu haqida ham alohida post qilaman.
Davomi - https://t.me/studentmedik_upd/491