"ILYASOV» фермер хўжалиги ҳўл ва қуруқ мева-сабзавотлар экспорти билан шуғулланади. Компания савдо бўлими бошлиғи А.Нишонов таъкидлашича: Айни вақтгача йилига 5 минг тн маҳсулот экспорт қиламиз. Россия ва қўшни давлатларга экспорт қилинмоқда. Шунингдек Хитой ва Кореяга маҳсулот етказиб бериш билан бирга, айни кунларда Европа давлатлари билан ҳам келишувлар имзоланмоқда.
1 га.дан зиёд майдондаги иссиқхонада гидропоника усулида маҳсулот етиштириб экспорт қилаяпмиз. Жорий йилда мавжуд иссиқхонадан 150 тн қулупнайни ички бозорга сотдик. Шу билан бирга ушбу маҳсулот қўшни давлатларга ҳам экспорт қилинмоқда.
Хўжалигимизда 2000 тонналик совуткич камералари қурилмоқда.
2024 йил бошида минерал ўғитлар ишлаб чиқариш бўйича «Plantanic» фабрикаси ишга туширилади ва 100 нафар ишчи ўрни яратилади.
Фермер хўжалигимизда республикамиздаги биринчи сифат-назорат бўлими (агросектор) ташкил этилди. Бу бўлим маҳсулот сифат хусусиятларини аниқлайди. Калибр, ҳарорат режими, қадоқлаш ишларини назорат қилади.