ShirinMeva

Форумнинг энг муҳим кашфиётидан бири бу "ShirinMeva" мобил иловаси бўлиб, мутахассислар томонидан яқиндагина ишга тушган “ShirinMeva” мобил иловаси қандай ишлайди? У кимлар учун? Иловадан қандай фойдаланиш мумкин ва унинг устунлик томони нимада? каби саволларига дастурчи Шамшод Жалилов батафсил тўхталиб ўтди.

"ShirinMeva" мобил иловасида 500 дан ортиқ фермер хўжаликлари ҳақида маълумотлар ҳамда “ShirinMeva” журналининг электрон вариантини осонгина ўқиш имконияти ҳам айнан мана шу иловада мавжудлиги эса қувонарлидир.

ShirinMeva иловасини юклаб олиш учун қуйидаги ҳаволага ўтинг:
▫️https://play.google.com/store/apps/details?id=org.uicgrop.shirin_meva
▫️https://apps.apple.com/uz/app/shirin-meva/id6446432525

“ShirinMeva” агробизнес журнали фаолияти тақдимотида журнал бош муҳаррири Гўзал Пиржанова 3 йиллик вақт мобайнида ижодий жамоа билан амалга оширилган фойдали ва муҳим ишлар билан таништирди.
“Журналимиз 2021 йил апрель ойидан бошлаб нашр этилади. Ўтган даврда журналимиз адади 100 донадан 500-1000 донага чиқди. Журналимиз ISSN рақамига эга бўлди. Лойиҳамиз жамоаси билан биргаликда бир қатор тадбирларни ташкил этдик.
Тадбирларимиз нафақат давлат ва марказий ОАВ да, балки чет эл ОАВ ларида ҳам ёритилди. Журналимиз 17-сонидан бошлаб ҳатто Президент Администрациясига ҳам етказилади. Журналимиз омадли чиқишида бизни қўллаб-қувватлаган Европа Иттифоқи делегацияси, Жаҳон банки, Ўзбекистон Республикаси Қишлоқ хўжалиги вазирлиги, Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази (ISCAD) ҳамда «Annexure Financial Solutions» раҳбариятига, шунингдек, менга елкадош бўлиб турган аҳил ва кучли билим ва тажрибага эга бўлган жамоамизга катта раҳмат айтаман".

🔰Форум доирасида ФАО миллий эксперти Наргиза Наркабулова ўз чиқишида шундай деди.

💬“Ўзбекистон ўз маҳсулотларини брендга айлантириш вақти келди. Бунга Президентимизнинг қарори асосида ФАО “Барқарор озиқ-овқат тизимларини географик кўсаткичлар орқали мустаҳкамлаш” лойиҳаси ёрдамида амалга оширилмоқда.
Масалан, Мирзачўл қовуни бутун дунёга машҳур. Лекин географик кўсаткичга эга эмас. Ҳозирги кунда бу борада ишлар олиб борилаяпти. Қува анори, янтоқ ўсимлиги асали географик кўрсаткичи рўйхатдан ўтиш жараёнида. Бу хайрли ишлар қишлоқ тараққиётига ва аҳолининг соҳани ривожлантришига муҳим ҳисса қўшади.

🔰“Мева-сабзавотчилик соҳасининг бугунги ҳолати ва истиқболлари”, бўйича лойиҳа эксперти Парход Назаров ўз тақдимотида: "Лойиҳа давомида мева-сабзавот экинлари 33 тури ўрганилди. Мевали экинлар ва узум сабзавот полиз экинлари, шунингдек дуккакли экинлар экин майдони ҳосилдорлиги вилоятлар кесимида ўрганиб чиқилди.
Мевали экинларнинг вилоятлар кесимида майдонлар ҳосилдорлиги бўйича Фарғона водийси, Тошкент, Самарқанд, Бухоро вилоятлари ажралиб туради. Сабзавот экинлари бўйича Тошкент, Самарқанд, Навоий, Сурхондарё ва Фарғона водийси юқори натижаларга эришмоқда".
Бу борада асосий муаммо экин турларининг ва навларнинг ҳудудларнинг тупроқ иқлим шароитидан келиб чиққан ҳолда танлаш жуда катта аҳмиятга эгалиги таъкидлаб ўтилди.

🔰Лойиҳа маркетологи Сардор Абасханов ўзининг “Бирлашган Араб Амирликлари, Саудия Арабистони, Қатар ва Қувайт давлатлари бозорига экспорт қилиш” мавзуидаги чиқиши билан форумни давом эттирмоқда. Бирлашган Араб Амирликлари мева-сабзавот импорти хажми 2022 йилда 3.91 млрд доллар ёки 12.3 миллион тоннани ташкил қилгани ва шундан:
2 млрд долларга тенг бўлган 6.2 миллион тонна мевалар, 1.91 млрд долларга тенг 6.1 миллион тонна сабзавотлар. Шу каби Қатар, Қувайт мева-сабзавот бозори ҳақидаги қизиқарли фактларга асосланган маълумотлар форум иштирокчилари эътиборини тортмоқда. Саудия Арабистонидан Ўзбекистонга умумий экспорт – 8.38 млн долларни, Ўзбекистонинг Саудия Арабистонга умумий экспорти эса – 8.03 млн долларни ташкил қилган. Шундан мева сабзавотлар – 1.96 млн доллар (2.1%) улушга эга.
Шунингдек, презентацияда янги ва амалдаги бозорлар масофасини таққослаш ҳамда маҳсулотларни қандай қадоқлаш керак эканлиги ҳақидаги экспортчиларга асқотадиган муҳим маълумотлар айтилмоқда.

Айни вақтда лойиҳа бош эксперти Абдумалик Рустамовнинг “Мева ва сабзавот экинлари маҳаллий навларини етиштириш, ички ва ташқи бозорга чиқаришни яхшилаш тадбирлари” бўйича маърузаси бўлиб ўтмоқда. Ушбу презентацияда навларни ўрганиш ва соҳадаги муаммоларга ечим топишдан, маҳаллий навларни ўрганиш жумладан, экспорт салоҳиятига эга маҳаллий шароитга мос экин навлари ноанъанавий экинлар, ассортиментни кенгайтиришга қадар йўналишларда батафсил маълумотлар бериб ўтилмоқда. Жумладан, Ўзбекистон мева-сабзавотчилиги селекцияси ва уруғчилигининг ҳозирги ҳолати, яъни илмий тадқиқот институтлари ва хусусий селекция масканлари Уруғчиликни ривожлантириш маркази, Давлат нав синаш маркази, карантин инспекцияси, Олий таълим, фан ва инновациялар вазирлигининг фаолияти, уруғчилик ва кўчатчиликни таҳлил қилиш, бирламчи ва нав уруғчилиги йўналишларини ривожлантириш, Сертификатлаш тизимини жорий этиш, муаллифлик ҳуқуқини ҳимоялаш каби долзарб муаммолар айтиб ўтилмоқда.