Оксфорддаги Бодлеан кутубхонасида сақланаётган Алишер Навоийнинг «Хамса» қўлёзмаси ҳақида маълумот берилди. Бир гуруҳ ўзбекистонлик олимлар мазкур қўлёзма билан танишишди.

Ўзбекистондаги ислом цивилизацияси маркази ва қатор илмий-маърифий, маданий ташкилотлар раҳбар ҳамда ходимларидан иборат делегация Буюк Британиядаги шу каби нодир қўлёзмалар ҳақидаги маълумотларни тақдим этишмоқда.

"Ўзбекистон буюк алломалар, шоир ва мутафаккирлар юрти, – деган Бодлеан кутубхонаси Шарқ қўлёзмалари бўлими куратори Николас Контовас. — Жумладан, Ҳазрат Алишер Навоийнинг ул зот ҳаётлиги даврида кўчирилган қўлёзмалари кутубхонамиз фондининг нодир жавоҳирларидан саналади. Бундай бебаҳо асарларни бемалол бутун инсониятнинг хазинаси дейиш мумкин".

Буюк бобокалонларимиз ҳақида хорижликлардан мана шундай илиқ таърифларни эшитиш ёқимли!