Hashamat
Har safar uyimizda yangi dekor, yangi detal paydo boʻlganida — ruhiyatimning qotib qolgan bir qismi yumshaganday, koʻksim kengayganday his qilaman.
Oʻtgan oy grammofon va plastinkalar olgandik, turmush oʻrtogʻim dressuar (boʻyanish stoli) sovgʻa qilgandi. Bular hashamat timsoli men uchun. Shundan keyin hashamatsevar “men”im uygʻondi. Bu “men”im ertalablari plastinkada fransuzcha qoʻshiq eshitib sekin nonushta tayyorlashni, dressuarda tirnogʻiga qizil lak qoʻyib soatlab Youtube tomosha qilishni yaxshi koʻradi. “La vie ne se résume pas seulement au travail” deb shivirlaydi. Biram yoqyaptiki bu “men”imda boʻlish.
Talabalik, emigrantlik asosan sodda, qulay, oʻta zarur narsalarnigina sotib olishni taqozo qiladi. Minimalist boʻlishga majbursan. Lekin garderobda, interyerda yoki ish qurollarida har doim qandaydir hashamat hissini beradigan buyumlar boʻlishi kerak, deb oʻylab qoldim. Faqatgina oʻzing hashamat deb hisoblaydigan va yoqtiradigan narsalar. Masalan, qimmatbaho ruchka, shlyapa, moyboʻyoqda ishlangan surat kabilar. Ularga qaraganingda, ishlatganingda — hayot sekinlashganday boʻladi, qad koʻtariladi va eng muhimi “tirik qolish” emas, “yashash rejimi”ga oʻtib, boshqacha fikrlashni, boshqacha hislar tuyishni boshlaysan…
Siz uchun hashamat nimalardan iborat?
Har safar uyimizda yangi dekor, yangi detal paydo boʻlganida — ruhiyatimning qotib qolgan bir qismi yumshaganday, koʻksim kengayganday his qilaman.
Oʻtgan oy grammofon va plastinkalar olgandik, turmush oʻrtogʻim dressuar (boʻyanish stoli) sovgʻa qilgandi. Bular hashamat timsoli men uchun. Shundan keyin hashamatsevar “men”im uygʻondi. Bu “men”im ertalablari plastinkada fransuzcha qoʻshiq eshitib sekin nonushta tayyorlashni, dressuarda tirnogʻiga qizil lak qoʻyib soatlab Youtube tomosha qilishni yaxshi koʻradi. “La vie ne se résume pas seulement au travail” deb shivirlaydi. Biram yoqyaptiki bu “men”imda boʻlish.
Talabalik, emigrantlik asosan sodda, qulay, oʻta zarur narsalarnigina sotib olishni taqozo qiladi. Minimalist boʻlishga majbursan. Lekin garderobda, interyerda yoki ish qurollarida har doim qandaydir hashamat hissini beradigan buyumlar boʻlishi kerak, deb oʻylab qoldim. Faqatgina oʻzing hashamat deb hisoblaydigan va yoqtiradigan narsalar. Masalan, qimmatbaho ruchka, shlyapa, moyboʻyoqda ishlangan surat kabilar. Ularga qaraganingda, ishlatganingda — hayot sekinlashganday boʻladi, qad koʻtariladi va eng muhimi “tirik qolish” emas, “yashash rejimi”ga oʻtib, boshqacha fikrlashni, boshqacha hislar tuyishni boshlaysan…
Siz uchun hashamat nimalardan iborat?