📍 Samarqand: vazir va pedagoglar ochiq muloqoti

🔴 Bugun Samarqand viloyatidagi umumtaʼlim muassasalari va maktabgacha taʼlim tashkilotlari masʼul xodimlari hamda pedagoglar bilan jonli muloqot yigʻilishi boʻlib oʻtdi.

➖Unda Maktabgacha va maktab taʼlimi vaziri Hilola Umarova, Samarqand viloyati hokimi Adiz Boboyev, viloyatdagi barcha tuman va shahar hokimlari hamda sektor rahbarlari ishtirok etdi.

Tadbirni kirish soʻzi bilan ochgan vazir Hilola Umarova Davlatimiz rahbari tashabbusi bilan soʻnggi yillarda taʼlim sifatini oshirish borasida olib borilayotgan keng koʻlamli islohotlar jarayoni va bu borada erishilgan natijalar xususida fikr yuritdi.

❇️ Taʼkidlanganidek, yutuqlar bilan birga viloyatda bu borada qilinishi lozim boʻlgan ishlar ham mavjud. Xususan, bolalarning maktabgacha taʼlimga qamrov koʻrsatkichlarini yanada oshirish uchun ushbu turdagi taʼlim maskanlari yoʻq boʻlgan mahallalarga koʻproq eʼtibor qaratish, nodavlat maktabgacha taʼlim tashkilotlarini raqamlashtirishni qatʼiy nazoratga olish zarur.

➖ Yigʻilishda maktablarning moddiy-texnik holati va ulardagi internet tezligini oshirish, yangi oʻquv binolari sonini koʻpaytirish, yangi baholash tizimi joriy etilgan maktablarga har tomonlama koʻmak berish, inklyuziv taʼlimni keng joriy etish, oʻquvchilarni kasb-hunarga oʻrgatish borasidagi kelgusi vazifalar atroflicha muhokama qilindi.

✅ Tadbir davomida Samarqand viloyati hokimi Adiz Boboyev keltirib oʻtilgan masalalarga birma-bir toʻxtalib oʻtar ekan, taʼlim sifatini oshirishda ularning barchasi muhim va zarur ekanligini taʼkidladi.

👉 Viloyatning barcha boʻgʻin rahbarlari hamda vazirlik masʼullariga tegishli vazifalarni oʻz vaqtida sifatli bajarish boʻyicha muhim koʻrsatmalar berildi.

Bizni kuzating
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin