SALOM KOREYA kanali

📍 Buni bilasizmi ❓

Koreyada yashash manzilingiz o'zgarsa, 15 kuni ichida xabar berishingiz shart. Buni koreys tilida "체류지 변경 신고" deyiladi. Buning uchun to'lov qilinmaydi.

체류지 변경 신고 의무:
- 외국인등록을 한 외국인이 그의 체류지를 변경한 때에는 전입한 날부터 15일 이내에 그 체류지를 관할하는 지방출입국·외국인관서의 장이나 새로운 체류지의 읍·면·동의 장에게 전입신고를 하여야 합니다.

Koreyada ro'yxatdan o'tgan chet elliklar (등록외국인), ya'ni ID karta olganlar o'z yashash manzilini o'zagartirsa, ijara shartnomasida (yoki boshqa tegishli hujjatda) ko'rsatilgan ko'chib kirish sanasidan boshlab (전입한 날부터) uzog'i bilan 15 kun ichida immigratsiyaga xabar berishi shart. Agar oila a'zolaringiz bo'lsa, ularga ham tegishli.

(Unutmang❗️ 301-xonadan 302-xonaga ko'chib o'tsangiz ham manzil o'zgargan hisoblanadi)

15 kundan qancha ko'p kechikilsa, jarima ham shunga qarab ko'proq chiqadi.

Xabar berishning bir necha usuli bor:

1) Xabar berish uchun immigratsiya bo'limiga borishdan tashqari, yana boshqa yo'llar ham bor. O'zingizga yaqin hokimiyat (구청, 시청) yoki mahalla qo'mitasi (koreyscha nomlari: 동사무소, 주민센터, 행정복지센터)ga borib, ular orqali ham xabar berish mumkin.

Borib xabar berishda sizdan quyidagi hujjatlar talab qilinadi:
1) ID kartangiz (yoki pasport),
2) Uy-ijara shartnomasi yoki universitet yotoqxonasiga tegishli hujjat nusxasi,
3) Ariza blankasi (34-forma / 통합신청서(신고서)) - bu blanka o'sha joyning o'zida ham bo'ladi.

Agar birovning nomidagi uyga sherik bo'lib kirayotgan bo'lsangiz, unda uy/ijara kimning nomida bo'lsa, o'sha kishi siz uchun mana bu hujjatlarni qilib berishi kerak bo'ladi:
4) ID kartasining oldi va orqa tomoni nusxasi,
5) 거주 숙소 제공 사실 확인서 formasini to'ldirib, imzolab berishi kerak (bu formada ko'chib kirishingiz ko'rsatiladigan sana 15 kun ichida bo'lishi kerak),
6) Uy-ijara shartnomasining nusxasi.


2) Immigratsiya xizmatining rasmiy veb-sayti (hikorea.go.kr) orqali ham onlayn xabar berish mumkin.
Veb-sayt orqali ish kunlari soat 07:00 ~ 22:00 orasida (shanba, yakshanba va bayram kunlaridan tashqari).

hikorea.go.kr veb-saytida a'zo bo'lib, quyidagi menyuga kiriladi:
> 민원신청
>> 전자민원
>>> 체류지 변경 신고

*Veb-sayt orqali onlayn xabar berishda 34-forma (통합신청서(신고서)) kerak bo'lmaydi.

🖇 Quyidagi linkda ushbu postda tilga olingan formalarning fayllari keltirilgan: (link)

#manzil #adres #신고 #15kun #15кун


Kanalga a'zo bo'lish uchun:
👉 t.me/SalomKorea

Koreyadagilar uchun guruh:
👉 t.me/SalomKoreya

Koreyadagi startapchilarga:
👉 t.me/OasisStartup

Janubiy Koreyaga oid ovozli suhbatlar:
👉 t.me/KoreyaSuhbatlari

📣 Suhbatning oxirgi qismini alohida o'tkazamiz

Kechagi onlayn suhbatimiz bir martalik 10 daqiqa tanaffus bilan 7 soat davom etibdi (21:30 ~ 04:30).

Aslida, Koreyaga yangi kelgan va keladigan yurtdoshlarimizning katta qismiga doim kerak bo'lgan va Koreyadagi hayotning eng boshidanoq bilib qo'yish ko'proq foydaga va kamroq muammoga sababchi bo'ladigan mazvularni tanlab olib, suhbatni 3 qismga bo'lib o'tkazishni rejalagan edik.
✅ 1-qism. Immigratsiya tartib-qoidalari.
✅ 2-qism. Koreya hayoti bilan bog'liq foydali tavsiyalar.
⏳ 3-qism. Oila a'zolarini Koreyaga taklif qilish. Talabalar (D-2, D-4) va ishchi viza ("E")dagilar uchun alohida ma'lumotlar va tavsiyalar.

7 soat davom etgan suhbatda 1- va 2-qismlarni juda keng ma'lumotlar va hayotiy misollar bilan qamrab oldik.

Shuning uchun 3-qismdagi mavzular bo'yicha alohida suhbat qilishga qaror qildik.

🔸 Endi qachon?
- 18-sentyabr* (chorshanba) kuni
- 20:30 (Koreya vaqti bilan)
*bu kun ham Koreyada Chuseok (추석) milliy bayrami, hamma uchun dam hisoblanadi, arbayt samushillar ham ishlamaydi.

🔸 Va qayerda?
@SalomKoreya Telegram guruhida

🔸 Tajribali mezbonlar:
- JAHONGIR
- ELYOR
- QOBILJON

❗️3-qismdagi mavzular bo'yicha o'zingizni qiziqtirgan savollarni shu postning ostida oldindan qoldirsangiz, suhbat davomida javob berishga harakat qilamiz.

🤝 Tanishlaringizga ham o'rtoqlashib qo'ying, bexabar qolib ketishmasin!

Kanalga a'zo bo'lish uchun:
👉 t.me/SalomKorea

Koreyadagilar uchun guruh:
👉 t.me/SalomKoreya

📣 Koreyaga yangi kelganlar uchun BEPUL onlayn seminar

Koreyada uzoqroq qolib, ko'proq yutuqlarga erishishni yoki tezroq deport bo'lib, hech narsaga erisholmay uyga qaytishni istaydiganlar uchun foydali onlayn suhbat bo'lib o'tadi.

🔸 Kimlar uchun?
- Koreyaga yangi kelgan talabalar, ishchilar va boshqa yurtdoshlarimiz uchun (boshqalar ham qatnashishi mumkin).

🔸 Qachon?
- 16-sentyabr* (dushanba) kuni
- 21:30 (Koreya vaqti bilan)
*bu kun Koreyada Chuseok (추석) milliy bayrami munosabati bilan hamma uchun dam hisoblanadi, arbayt samushillar ham ishlamaydi. Seminardan unumli foydalanib qoling!

🔸 Qayerda?
@SalomKoreya Telegram guruhida

Mavzular:
✅ Koreyadagi asosiy qonun-qoidalar,
✅ Koreya hayoti bilan bog'liq foydali tavsiyalar,
✅ Vizalar bo'yicha tartib-qoidalar va asosiy muammolar,
✅ Chet elliklar uchun bepul til kurslari va foydali dasturlar haqida,
✅ Talabalar (D-2, D-4 viza) uchun muhim ma'lumotlar, keyingi viza imkoniyatlari,
✅ Ishchilar (E viza) uchun muhim ma'lumotlar,
✅ Oila a'zolarini Koreyaga taklif qilish,
✅ Qonunbuzarliklar va ularning ayanchli oqibati,
✅ Yana ko'p muhim va foydali ma'lumotlar.

🔸 Tajribali mezbonlar:
- JAHONGIR
- ELYOR
- QOBILJON

🤝 Tanishlaringizga ham o'rtoqlashib qo'ying, bexabar qolib ketishmasin!

Kanalga a'zo bo'lish uchun:
👉 t.me/SalomKorea

Koreyadagilar uchun guruh:
👉 t.me/SalomKoreya

📣 Omonatni yetkazdik!

Xabaringlar bor, bir muddat oldin "1345 외국인종합안내센터" (Koreya immigratsiya xizmati call-markazi) haqida guruhda hamyurtlarimiz bilan o'zaro jonli suhbat qilgan edik.

3 soatdan ortiq davom etgan ushbu suhbatimizda yillar davomida va shu kungacha mavjud bo'lmagan o'zbek tilini alohida til sifatida qo'shish, viza va immigratsiya masalalari bo'yicha o'z ona tilimizda ham rasmiy ma'lumot olish imkoniyatiga ega bo'lish haqida atroflicha muhokama qilgan edik.

Suhbat oxirida bu bo'yicha asoslantirilgan taklif ishlab chiqib, Koreya adliya vazirligi va immigratsiya xizmatiga taqdim qilishni ham rejalagan edik.

Suhbatda o'z fikr-mulohazalari va takliflari bilan qatnashgan hammaga, ayniqsa, yozib olingan suhbatni taklif holatiga keltirishda faol ishtirok etgan 2 ta jonboz yurtdoshimizga -

Katta Gwangjudan Qobiljon
- suhbat mazmunini to'liq matnga o'girish, uni jamlab, tahrirlab, rasmiy taklif holatiga keltirish va oxirida yuqori saviyada koreys tiliga tarjima qilishdagi juda katta yordami uchun

Daegu/Gyeonsandan Axmadjon
- suhbat mazmunini to'liq matnga o'girishdagi katta yordami uchun

hammaning nomidan alohida va chuqur minnatdorchilik bildiramiz! 🤝👏

Ushbu omonatni imkoniyat bo'lib qolgan paytda Koreya adliya vaziri (박성재 법무부 장관님)ga va Koreya immigratsiyasi boshlig'i (배상업 출입국-외국인정책본부장님)ga shaxsan va bevosita yetkazdik (2024.09.04). Adliya vaziri ushbu taklifni alohida o'rganib chiqishlarini aytdilar.

Kelajakda ushbu taklif bo'yicha hammamiz kutgan ijobiy natijalar bo'ladi, deb umid qilamiz.

Omonat eng yuqorida darajadagi kishilarga yetkazilgani haqida hammangizni xabardor qilib qo'ydik.

Isbotlari mana bu postda keltirilgan.

Kanal:
👉 t.me/SalomKorea

Guruh:
👉 t.me/SalomKoreya

📣 Fikrlaringizni yetkazamiz

Yaqin orada Koreya adliya vaziri va immigratsiya xizmati boshlig'i bilan ko'rishib, quyidagi savollarning javobini jamlab turib, hammamizning nomimizdan yetkazish imkoniyati bo'ladi.

Marhamat, siz ham fikrlaringizni shu postga javob (reply) tariqasida guruh orqali yuboring.

Quyidagi savollarga o'z tajribangizdan kelib chiqib, sizga qulay tilda, erkin javob bersangiz bo'ladi.

1) 자동출입국 심사대를 아시나요?
Koreya aeroportlaridagi avtomatlashtirilgan (xodimsiz) kirish-chiqish tizimi haqida nimalarni bilasiz?

2) 자동출입국 심사대의 좋은 점은 무엇인가요?
Koreya aeroportlaridagi avtomatlashtirilgan (xodimsiz) kirish-chiqish tizimining yaxshi tomonlari nimalardan iborat deb o'ylaysiz?

3) 대한민국 출입국 제도 중에 편리하다고 느낀 제도가 있나요?
Koreya immigratsiya siyosatidagi qaysi jihatlarni (imkoniyatlarni) o'zingiz uchun qulay deb his qilgansiz?

4) 대한민국 출입국 제도 중에 필요하다고 생각되는 제도가 있나요?
Immigratsiya siyosatida yana qanday siyosatlar (imkoniyatlar) kerak deb o'ylaysiz?

5) 한국에 체류하면서 느꼈던 애로사항.
Koreyada yashash davomida boshingizdan qanday qiyinchiliklar kechirgansiz?

Javoblarni yuborish uchun guruh:
👉 t.me/SalomKoreya

📣 D-10-1 vizasi haqida jonli suhbat qilamiz

Faol yurtdoshlarimizning tashabbusi bilan D-10-1 (ish qidirish) vizasi haqida onlayn suhbat qilishni rejaladik.

Qayerda: @SalomKoreya guruhida
Kuni: 24-avgust (shanba)
Vaqti: 22:00 (Koreya vaqti)

Bu suhbatda quyidagilar haqida ma'lumot beramiz va savol-javob ham o'tkazamiz:
🔸 D-10-1 vizasi haqida umumiy ma'lumot,
🔸 Bu vizani birinchi marta olish,
🔸 Bu vizaning muddatini cho'zdirish,
🔸 Bu vizada ruxsat berilgan faoliyatlar,
🔸 Bu vizada oila a'zolari bilan birga yashash,
🔸 Bu vizada yuzaga keladigan muammolar,
🔸 Savol-javob.

Mavzuga aloqador savollaringiz bo'lsa, shu postga javob (reply) tariqasida #SavolD10 hashtagi bilan qoldirsangiz bo'ladi. Suhbat davomida javob berishga harakat qilamiz.

Suhbatdan boshqalar ham manfaat olishi uchun imkon boricha ko'pchilik bilan o'rtoqlashing.

Kanalga a'zo bo'lish uchun:
👉 t.me/SalomKorea

Koreyadagilar uchun guruh:
👉 t.me/SalomKoreya

Koreyadagi startapchilarga:
👉 t.me/OasisStartup

Janubiy Koreyaga oid ovozli suhbatlar:
👉 t.me/KoreyaSuhbatlari