Bugun yaxshilikni o'rgandik.
O'g'limning bog'chasi va uyimizdagi masofa unchalik uzoq emas. Bugun bog'cha tomon yo'l olganimizda yo'llar yaxlagan, mashinlar sekinlik bilan harakatlanmoqda, ayrimlari muzda yurishga qiynalmoqda. Katta yo'lda bir mashina o'rtada muzda yurishga qiynalayotgan ekan. Borib mashinani yurgizishga yordam berdik. Bir chetda buni kuzatib turgan o'g'lim yoniga kelganimdan so'ng "dada, siz moshinani yurgazdez" dedi. Keyin jilmayibgina bu bunaqa holatda yordam berish kerak, dedim. Va buning nomi yaxshilik deyiladi, deya javob berdim. Yo'l-yo'lakay yaxshilik bu yordam berishdir, deb ta'kidlab, gaplashib ketdik. Hayotning har sabog'i misol bilan o'rgatiladi. Bolalarga so'z bilan emas, amal bilan o'rgatish kerak degan hikmatni tushundim.
Darhaqiqat, yaxshilik bu yordam berishdir. 🤗🤗🤗