Murodjon Aliyev | Rasmiy sahifa

Hozirda ChatGPTning Pro ta'rifi 200$ ni tashkil etadi. PhD tadqiqotchilar yig'ma qilib foydalanishsa arzonga tushar ekan.😎😎😎

Texnologik taraqqiyot shu qadar shiddatli tus olmoqdaki, imkonsiz voqelik reallikda namoyon bo'layapti.

Texnologik optimistlar texnologiyaning kuchini zo'r berib maqtashmoqda.

Qiziq, har qanday texnologiya, sun'iy intellektning ixtirochisi bo'lgan tabiiy aql-zakovat egasi bo'lgan insonchi?!

Har qanday kuchli model ortida tabiiy aqllar ishlaydi, ter to'kadi. Biz bog'dagi mevaning shirayu-sharbatiga maxliyo bo'lib, unga chuqur mexnati singan bog'bonni yoddan chiqarib qo'ymaylik.

Bog'bonga shunday kasb sirlarini o'rgatgan Ustozini ham esdan chiqarmaslik kerak. Chunki ustozi unga shu ilmlarni o'rgatgan. Bog'ni tuxfa etgan.

M.Aliyev

Bir inson chekish yomon illatligini biladi. Buni boshqalar oldida tan oladi. Ko'p davrada buni e'tirof etadi.

Biroq yana chekishda davom etadi. Uning salbiy ekanligini bilib turib davom etadi. Chekishga qarshi kurashish ongida imkonsiz ekanligini singdirgan holida bu ishni qilaveradi.

Jamiyat ham shunday. Korrupsiya, byurokratiya, axloqsizlik, tartibsizlik va boshqa illatlarni har bir inson o'zi bilan kurashib yengsagina taraqqiy etadi. Buning uchun tashqi olamdan kimdir kelmaydi, ko'mak bermaydi.

Har narsada jamiyat aybdorligini aytish bilan ish bitmaydi. Islohni inson o'zidan boshlashi lozim. Oddiy navbatda turishdan tortib, davlat boshqaruviga qadar.

Natija, taraqqiyot, samaradorlik, yuksalish ana shunda bo'ladi. Jamiyat shunday ekan, u unday, bu esa bunday degan bilan ish bitmaydi.
Aks holda Yaponiyaning madaniyati, Singapurning ta'limi, Germaniyaning punktualligi va boshqa davlatlarning jamiyatiga maxliyo va havas bilan o'tib ketadi.

Asl nur inson ichidadur.


M.Aliyev

Ilm-fan rivojlanib borayotgan XXI asrda bilim va fikrlash masalasi eng dolzarb muammolardan biri bo'lib qolmoqda. Aslini olganda, bu ikki tushuncha bir-birini to'ldirib kelgan - bilim fikrlash uchun asos bo'lsa, fikrlash bilimni yanada rivojlantirish va undan oqilona foydalanish imkonini beradi.

Bilim to'plash orqali inson o'tmishdagi tajribalar, kashfiyotlar va xulosalardan bahramand bo'ladi, ammo bu ma'lumotlarni shunchaki yodlab olishning o'zi yetarli emas.

Fikrlash qobiliyati bizga mavjud bilimlarni tanqidiy baholash, ularni yangi vaziyatlarda qo'llash va muammolarga ijodiy yechim topish imkonini beradi. Tarixga nazar tashlaydigan bo'lsak, eng buyuk kashfiyotlar aynan chuqur bilim va yuksak fikrlash qobiliyatining uyg'unligi natijasida yuzaga kelgan.

Bugungi kun kontekstida, faqat bilimga tayanib qolish yoki faqat fikrlashga urg'u berish - ikkalasi ham to'g'ri yondashuv emas. Zamonaviy ta'lim tizimi ham aynan shu muammoga duch kelmoqda: bir tomondan o'quvchilarga ko'proq bilim berish kerak, boshqa tomondan esa ularning mustaqil fikrlash qobiliyatini shakllantirish zarur.

Xulosa qilib aytganda, bilim va fikrlash - bu yaxlit jarayonning ikki qismi bo'lib, ularning birini ikkinchisidan ustun qo'yib bo'lmaydi. Muvaffaqiyatga erishish uchun bu ikki jihatni parallel ravishda rivojlantirish, ularning optimal muvozanatini topish muhimdir.

M.Aliyev

Kibr inson qadr-qimmatini yuksakdan jarlik tomon eltuvchi xulq. Kibrning ko'rinishlar va aks etish shakllari ham bisyor.
Ba'zan ayrim doirada yoinki ma'lum bir sohada ilmimizdan g'urur hissi jo'sh uradi.

Ba'zan esa davlat, mulkimiz sabab boshqalardan ustundek tuyuladi, o'zimizga.
Ayni shu lahzada hushimiz joyiga keltiradigan tarixiy misollar bor:
Ilming ortib borsa, o'zingni bilimdondek tutsang, shayton holiga boq. Unda ham ilm boridi, biroq kibri sabab qadri yo'qoldi.

Davlating sabab dunyoga ustundek his etsang, fir'avn taqdiriga boq.
Zero, Aql egalarigina eslatma olurlar.

Assalomu alaykum, hurmatli kanal a'zolari. Hozirda PhD dissertatsiya himoyasi jarayonidaman. Tadqiqot ishimizda ijtimoiy so'rovnoma mavjud. Sizlardan so'rovnomada ishtirok etib qatnashib, boshqa tanishlaringizga ulashib so'rovnomada ko'pchilik ishtirok etishida amaliy yordam berishingizni so'rab qolaman.

Aslida sun'iy intellekt sizni ishingizni olib qo'ymaydi. Balki sun'iy intellektdan samarali foydalana olayotganlar olib qo'yadi.

M.Aliyev

Mana bu yerda tadqiqotchilar uchun maqola yozish, chop etish, uning bosqichlari to'g'risida yaxshi kitob bor ekan. Hamma tadqiqotchilarda asosiy muammo shuki, Scopus yoki WOS ga qanday maqolani rasmiiylashtirishni bilmaymiz. Mazkur qo'llanma bu kabi savollarga javob bo'ladi.