Raniيa's

Er uchun ayolini o‘qitish, diniy ilm olishi uchun imkoniyat berish nihoyatda mashaqqatli ish chunki u o‘z rohatidan kechishi kerak, o‘z yumushlarini o‘zi bajarishga to‘g‘ri keladi, poyabzalining ipini bog‘lab qo‘yishga, paypog‘ini topib berishga doim muhayyo turolmaydi xotini. Ko‘chadan sog‘inib kelasan, qarasang Qur’ondan onlayn dars topshirayotgan bo‘ladi, yoki ochqab uyga kelasan ovqatingni o‘zing suzib yeyishga to‘g‘ri keladi, u onlayn darsning o‘rtasida bo‘ladi. Dam olish kunlarida ham bemalol biror joylarga oilaviy borolmaysan chunki uning darslari bo‘ladi, imtihonlari bo‘ladi.

Ha, ayolni o‘qishiga yordam berish uchun erda mehr, sabr va halimlik kuchli bo‘lishi lozim. Ayoliga ilm uchun imkoniyat beradigan er juda uzoqdagi manfaat uchun, u ham bo‘lsa moddiy manfaat emas ma’naviy ruhiy manfaat uchun shunday qiladi. Uning mukofoti Oxiratda beriladi, bu dunyoda ko‘rmasligi ham mumkin.

Ha, ayoliga ilm berayotgan erga qiyin, uning ustidan jamiyat istehzo bilan kuladi, masxaralaydi,senga nima foyda shundan deydi. Ilm bilan mashg‘ul bo‘lgan ayol bitta taom uchun besh xil salat tayyorlashga vaqti yo‘q. Dasturxongacha dazmollashga, har hafta oyoq qo‘llarini vaks qildirishga vaqti bo‘lmaydi. U oliy maqsad uchun yashayotgan bo‘ladi,mayda chuyda narsalarga vaqti bo‘lmaydi.

Ayolini o‘qitayotgan er nihoyatda kirchimol bo‘ladi, kamtar bo‘ladi, ko‘p narsa kutmaydi. U zurriyoti solihlardan bo‘lishini, ayoli boshqa ayollarga ham dinini o‘rgatib Ummat farzandlarini tarbiyalashga hissa qo‘shishini istaydi.

U dunyoga bir marta keldim yashab qolay, lazzatlanib qolay, o‘zimdan ojizni ezib, mustabidligimni ko‘rsatib, o‘z uyimda o‘zimni xondek tutib yayrab qolay deb yashamaydi. Uning maqsadlari ancha oliyroq va balandroq. Ha , ilm olayotgan ayolning eri bo‘lish juda qiyin. Ammo ayni paytda mukofoti ham katta bo‘ladi inshaalloh.


https://t.me/YaqinOzbek