Қайд burchak

Ўзбекча китоб ўқинглар, хўппи?

@qaydburchak

#tavsiya

Тилга ихтиёрсиз — элга эътиборсиз

Томирида туркий қон оқадиган ҳеч бир инсон бефарқ қолмаслиги керак бўлган лойиҳалардан бири. Шунчаки тинглаб ҳам маза қиламан.

Бугун шу сонни кўрдим. "Тилга ихтиёрсиз — элга эътиборсиз" дейди Навоий. Сиз улардан бўлманг, ахир сизлар буюк зотларсиз. :) Қурултойни кузатиб боринг.

@qaydburchak

Шўнғиш

Унинг жиддий, балки тузалмас бир “касал”и бор: бир ишга берилиб кетса, бомба тушса ҳам токи ўшани тугатмагунча ўтираверади. Унинг олдида ҳатто манави хола шарманда.

Атрофидагиларни умуман эшитмайди, кўрмайди, сезмайди. (Бечора оиласига қийин.) Бошқа бир ўлчамга ўтиб кетиб қолади гўё. Атрофи тугул ўзини ҳам эсидан чиқаради. Ошқозоними? Уни биринчи ўринда унутиб қўяди.

Баъзан мана шу ҳолатда кунлаб қолиб кетади. Вазифаси тугагачгина бошини кўтариб, нафас олишда давом этади ва яшашга қайтади.

Энг даҳшатли шўнғишлари энг севган ишларида, яъни ёзиш жараёнида, умуман, қалами қиртиллайдиган ишларда бўлади. Севган ишлари билан эса ҳар куни шуғулланади. Демак, унинг ҳар куни чуқууур-чуқуур шўнғишлари бор.

Ундан хафа бўлманглар. У шўллиқ ҳам нима қилсин, Аллоҳ яратган ижодкор табиати шундай экан-да.

Ашаддий шўнғувчилар салафларда ҳам кўп бўлган-ку. Масалан, Ибн Суҳнун таълиф билан шунчалик машғуллигидан жорияси унга овқат едириб қўйганини сезмай қолади.

Убайд ибн Яъийш ҳадис ёзаётганида опаси унга овқат едириб туради. Бу ҳол 30 йил давом этади.

Ёзувчи, ижодкорларнинг оилалари энг кўп шикоят қиладиган нарса — овқатни ўз вақтида, ҳамма билан бирга емаслик. Орамизда шундайлар бўлса, гапларимни жуда яхши тушуниб туришибди.

Масалан, мен шу пайтгача ижодига берилганида кўзини ундан уза олган, “лаббай овқатжон, ўзим айланай сендан” деб чопган бирортасини танимадим, билмадим, ўқимадим. Ё сизлар танийсизларми? Танисангиз, айтинг?

@qaydburchak

#nazm

Кундузлар кечага айланиб қолди,
Яна бошимизга югурди тўфон.
Сендан айрилдиму,
Сен билан қолдим —
Ёмон.

Ёмон.
Яшаш менгзар босинқирашга,
Кўзингда ёш йўқдир йиғламоқ бўлсанг.
Юракни отсангу қирғин талошга —
Ўлсанг.

Ўлсанг!..
Шундай ўлсанг...
Шу қадар ўлсанг,
Дунёда қолмаса бир тола сезгинг.
Фақат бош тортса бас сени кўмишдан
Севгинг!..

Усмон Азим

@qaydburchak

#qayd

Улғайиш аломатларидан бири — катталарга яхшилаб қулоқ солишинг керак бўлган жойлар ҳам борлигини тушуниб етишинг.

@qaydburchak

#qayd

9 йиллик билимларни тиклаш пайти келди

Ўзим энг кўп шикоят қиладиган соҳамга қадам ранжида айладим. Кўрамиз, нимўларкин. )

Лекин болалигим, мактаб даврим ва узоқ йиллар мен бағритош ер устида жавлон урган устозларим меҳнати бекор кетмайдиган, эҳтиёж бор, муҳим ўринда асқатадиган бўлди, иншааллоҳ.

@qaydburchak

#nazm

Эркир Воҳидов шеъри @qaydburchak талқинида:

Китоб била обод уйинг,
Гар бўлса у вайрона ҳам,
Китоб қадам қўймас эса,
Вайронадир кошона ҳам.

Яхши китоблар даврасида
Очилурсан ҳар замон,
Кўркни шода ичра топгай
Марварид дурдона ҳам.

Сўрма мендан, ким дилоро,
Китобми ё жонона деб,
Китоб менинг кўнглимдадир,
Жонимдадир жонона ҳам.

Қочма ростгўй китобларнинг
Кохишу озоридан,
Қадди рост шамнинг тилидан
Ўртанур парвона ҳам.

Китоб қидир, китоб топ жаҳонда,
Китоб юз минг бўлса оз,
Кўп эрур бисёр душман
Бўлса у бир дона ҳам.

Китоби содиқ йўқ экан деб
Ўртаниб куйма ва лек,
Меҳр уйин кенг очсанг, Эркин,
Китоб бўлур бегона ҳам.

Сизга энг ёққан мисрани изоҳларда ёзиб кетинг.👇

@qaydburchak

#qayd

Чоршанба кечқурун эртага рўза тутишни ният қил. Туриб саҳарлик қил.

Кейин куни бўйи бугун пайшанбалигини-ю, сен рўза тутганингни буткул унутиб қўй, истаганингни еб юравер.

Фақатгина шомдан кейин бугун пайшанбалиги ва сен рўза тутганинг эсингга тушсин ва шунчалар томинг кетганидан лол-у ҳайрон қол. “Шунда ҳозир мен нима қилдим, рўза тутдимми?” деб анқайиб туравер.

Бўлганми?

@qaydburchak

#boğdan #nazm

Руҳи билан ҳоли қолган Шамс танҳо ишқи Нурия учун ёза бошлаган дилномасидаги ўша шеърни, ҳар сафар ўқиганида, уни бу дунёдан жаннатга олиб кетадиган байтларини шивирлаб, такрорлади:

“ما مر ذكرك إلا وابتسمت له
كأنك العيد والباقون أيام

أو حام طيفك إلا طرت أتبعه
أنت الحقيقة والجلاس أوهام”

Зикринг ўтди дегунча, юзимга табассум югирар,
Сен худдики байрамсан, қолганлар эса оддий кунлар.

Хаёлинг қуршаб олурки, ортидан бўлгум учиртма
Ҳақиқат фақатки Сенсан, бошқалар бўлса уйдирма.

@qaydburchak

#qayd

Ўрнак бўлади, савоб бўлади

дейсиз.

Сулаймон алайҳиссаломнинг фаҳмидан берилгур, тармоқларда улашиш, кимларгадир айтиб бериш тугул ўзимдан ҳам қизғонаман-ку.

Гўрингга ташиб кетасанми?

Ҳа, агар иложи бўлганида.

@qaydburchak

#savol

Шу ҳолга, шу кунгача келганингиз учун кимдан қарздорсиз?

—Ўзи энди йўлга тушганман, бирор нимани қойиллатган жойим йўқ. Мабодо яхшилик кўраётган бўлсангиз, аввало барчаси Аллоҳ таолонинг фазли, лутфи, марҳамати. Сўнгра:

1. Ота-онам ва уларнинг ота-оналаридан қарздорман.
2. Устоз-мураббийларимдан қарздорман.

Ҳар бири алоҳида бир китоб.

Ўзим эса одам-подам эмасман.

Сиз-чи, шу ҳолга, шу кунгача келганингиз учун кимдан қарздорсиз?

@qaydburchak

#tavsiya

Ажойиб туркум. Бугун ушбу сонни кўрдим, тавсия қиламан. Қаёққа борсам, гапириб юрадиган мавзум ҳақида ҳам сўз юритилибди:

https://youtu.be/8Aj7N5Y7q0U?feature=shared

@qaydburchak

#qayd

Айниқса, йилинг сафар билан бошланса, маза-да! Илк саҳифаларданоқ умрингни бойитишни бошлайсан.

@qaydburchak

#boğdan

Aşkta irade yok. İrade varsa, aşk yok.

Aşık “niye”siz aşıktır. “Çünkü”sü varsa, aşkı yalandır.

Ишқда ирода йўқ. Ирода бўлса, ишқ йўқ.

Ошиқ “нега”сиз ошиқ. “Чунки”си бўлса, ишқи ёлғон.

@qaydburchak

#boğdan

Иккиси ҳам Истанбул каби эди. Фатҳи қийин, фотиҳи ягона.

Сўнгги нафасларига қадар чегараларига бир-бирларидан бошқа ҳеч кимнинг дахл қилишига йўл қўйишмади.

Амалда тугул, ҳаёлларининг бир чеккасида ҳам бошқаларни тасаввур қила олишмади.

Тўғри, инсон умри давомида ишқни бир неча бор яшаши мумкин илмий жиҳатдан. Шундай бўла туриб ҳам улар танҳо ишқига доғ туширишни асло исташмади.

Аллоҳ таъоло уларни бирлик табиатида яратган эди. Ишқнинг ягонасини, энг чўққисини, энг буюгини сўрашар эди. Раҳмон уларни ўз табиатларига мувофиқ муродларига етказди.

@qaydburchak

#boğdan

Ҳаёт кўнглинг чопмайдиган инсон билан бирга яшаш учун ҳам, кўнглингдаги инсонга тўйиб яшаш учун ҳам қисқалик қилади.

Аммо биринчи иш ва иккинчи иш орасидаги қисқаликда ер билан осмонча фарқ бор.

Кўнглидаги билан бирга яшаб, туёлмай ўтиб кетгурлар, тушунинглар.

@qaydburchak

#nazm

ҲAMMA KEPAK!!!

Тўхтаб қолса ногоҳ карвон йўлидан,
Итлар жим бўлишиб қолишар экан.
Шу боис, уларнинг вовуллашидан Карвондагилар шод бўлишар экан:

«Биз манзил томонга силжидик, бешак, Итларнинг овози беряпти дарак!»
Доимо олдинга одимлаш учун
Кўрдингизми, дўстлар, итлар ҳам керак!

“Суянчиқ” Хайрулла Ҳамидов

Кўрдингизми, дўстлар, итлар ҳам керак! :)

@qaydburchak