𝑷𝒔𝒊𝒙𝒐𝒍𝒐𝒈𝒊𝒚𝒂𝒅𝒂 🫂

Qoʼrquv, stress, depressiya, qiyinchiliklar insoniyatga yashab qolish uchun berilgan. Agar bu kabi hislar boʼlmasa hayotning qizigʼi qolmaydi. Insoniyat ushbu hislarni his qilishga "majbur". Sababi miyamiz shunday tuzilgan. Kuchlilar, yashab qolishga moyilligi borlar bu hislarni yengib oʼtadi. Yengib oʼta olmadimi, hayot sifati tushib ketadi, yashab qolish imkoniyati kamayadi.
Uzoq va baxtli yashash, qoʼrquvlarga duch kelish va ularni yengib oʼtishni talab qiladi.
Shunday ekan qoʼrquv, depressiya, hayot qiyinchiliklariga sarguzasht kabi qarang.
Bunday hislarga duch keldingizmi biroz muddat tanangizga ularni his qilishga ruxsat bering(axir organizm oʼzi shuni talab qiladi). Keyingi oʼrinda vaziyatdan chiqish yoʼllarini izlang. Tana faqat stress gormonini emas baxt gormonlarini ham talab qiladi. Sifatli yashash uchun esa bu gormonlar meʼyorida va oʼz oʼrnida ishlab chiqarilishi kerak.

Stress va depressiya, qiyinchiliklar insoniyatga zarurligini isbotlash uchun olimlar sichqonlarda tajriba oʼtkazishgan. Tajribada sichqonlarga oʼzini qiynamasligi stress olmasligi uchun barcha sharoitlarni yaratib maxsus xonada saqlashgan. Ularning baxtli yashashi uchun baarcha sharoit yaratilgan. Xuddi qirollardek😁. Lekiin oxir-oqibat ular yashab qolish uchun harakatni toʼxtatishgan. Eng oxirida xattoki, koʼpayishgayam erinib qolishgan. Shu bilan barcha sichqonlar nobud boʼlgan🥲. Ana shunaqa gaplar, xullas qiyinchiliklarni boshingizdan kechirayotgan boʼlsangiz, bunga ham shukur qilishga arziydi😉.

@psixologiyada

Psixologiyada metafora metodi bor. Bugun ushbu metodikadan bir amaliy mashgʼulot taqdim etmoqchiman👇🏻

Kimlar uchun foydali:

•qaror qabul qilishda qiynaladiganlar
•negativ hislar hayotini boshqara oladi deb fikrlaydiganlar
•muamolardan qochadiganlar
•prokrastinatsiya(har bir ishni kechiktirib yuradiganlar)


AVTOBUS VA YOʼLOVCHILAR

TASAVVUR QILING SIZ AVTOBUS HAYDOVCHISISIZ, SIZNING FIKRLARINGIZ, HISLARINGIZ VA XOTIRALARINGIZ AVTOBUS YOʼLOVCHILARI. ULARNING ORASIDA SIZGA HALAQIT BERAYOTGAN, BOSIM OʼTKAZAYOTGAN, SIZNI BOSHQARUVDAN CHALGʼITISHGA HARAKAT QILAYOTGAN YOʼLOVCHILAR HAM BOR. SIZNING VAZIFANGIZ ATROFINGIZ SHOVQIN BOʼLISHIGA QARAMASDAN AVTOBUSNI BELGILANGAN MAQSADLI MANZILGA YETKAZISH.


@psixologiyada

Sizning sevgi tilingiz oʼzingizga boʼlgan sevgini ifodalash uchun asosiy vosita.
Quyida sevgini ifodalash uchun bir qancha mashgʼulotlar keltirdim.  Oʼzingizga maʼqul kelganini tanlab bajaring.


•Yoga yoki yengil mashqlar bajaring
• Iliq va rohatlantiruvchi dush qabul qiling
• Yelkalaringizni massaj qiling
• Yuzingizga tetiklantiruvchi maska qoying
• Fikrlaringiz va hislaringizni yozing
• Meditatsiya qiling
• Sizni qiziqtirgan hobbi bilan shugʼullaning
• Sizga iliqlik va ilhom bagʼsh eta oladigan kitob oʼqing
• Hayotingizda sodir boʼlgan yaxshi voqealarni eslab ular uchun minnatdorchilik bildiring
• Oynaga qarab affirmatsiyalar ayting (Men oʼzimga kerakman, oʼzimni qadrlayman... va h.k)
• Oʼzingizga muloyim munosabatda boʻling
• Oʼzingizga kompliment qiling(maqtang)
• Oʼzingizga gul yoki anchadan beri sotib olishni xohlayotgan narsangizni oling
• Kichik sayohat uyushtiring yoki sayr qiling
• Oʼzingiz yoqtirgan taomni pishiring/sotib oling
• Shahsiy rivojlanish uchun pul sarflang
• Honangizni sizga ilhom bagʼishlaydigan qilib jihozlang/tartibga keltiring
• Oʼzingizni yaxshi his qilishingizga imkon beruvchi kun tartibi jadvalini yarating


Siz izlayotgan sevgi allaqachon sizning ichingizda❤️

@psixologiyada ❤️

❤️Sevgi faqat 14-fevralda qolib ketmasin👀



Keling sizga juftingiz bilan munosabatlaringizni yaqinlashtiruvchi, bir-biringizdan soʼrashingiz mumkin boʼlgan bir qancha savollar roʼyhatini taqdim etaman. Ushbu savollarni shunchaki bilib qoʼysangiz kifoya mavridi kelganda qulay vaziyat tugʼilganda soʼraganingiz maʼqul.
Xaligi ssenariylar tuzib, suʼniy atmosfera yaratish man qilinadi😁

Ular quyidagicha:

1. Meni sevib qolganingizni qaysi vaziyatdan keyin tushunib yetgansiz?

2. Munosabatlarimizning eng kuchli va mustahkam tarafi qaysi deb oʼylaysiz?

3. Oramizdagi eng yoqimli va ajoyib xotira qaysi?

4. Meni 3ta soʼz bilan taʼriflang.

5. Faqat ikkalamiz uchun qilgan eng katta orzuingiz?

6. Siz uchun sevgi nima?

7. Sizga sevgimni ifoda qilishdagi qaysi harakatlarim sizga yoqadi?

Juftingizga savol berishdan oldin oʼzingiz ham savollarga javob toping.

@psixologiyada 🫶

BAXTLI ODAMLARNING 3 SIRLI ODATI🫶

Ko‘pchilik baxt tashqi omillarga bog‘liq deb o‘ylaydi, lekin haqiqiy baxt ichki holatdan kelib chiqadi. Baxtli odamlarning odatiy xatti-harakatlariga e’tibor bersak, ularning hayotida quyidagi 3 narsa bor:

1️⃣ Minnatdorlik – Ular bor narsalariga e’tibor qaratadi va har kuni minnatdorlik bildirishadi. Bu miyadagi baxt gormonlarini faollashtiradi.
2️⃣ Hozirgi lahzani his qilish – Kechagi yoki ertangi kun uchun emas, aynan hozirgi paytda yashashni bilishadi. Bu stressni kamaytiradi.
3️⃣ Ichki sukunat – Ular ichki dunyolarini tartibga solishadi, o‘z his-tuyg‘ularini anglashadi va boshqarishni o‘rganishadi.

Savol:
"Sizga shu uchta odatdan qaysi biri yaqinroq? Qaysi birini hayotingizga ko‘proq kiritishni xohlaysiz?"


@psixologiyada

Shu psixolog kasbini bir qiyinchiligi borda🫠

Har safar insonlarni oʼzini tutishini tahlil qilib qoʼyaveraman🥲

Ayniqsa, birinchi bor uchratgan insonlarimni tahlil qilmasdan turolmayman🤦🏻‍♀. (yaqin insonlarimga umuman psixolog sifatida baho bera olmayman lekin, bu imkonsiz🤷🏻‍♀)

Yaqinda bu borada oʼzim uchun yangilik yaratdim. Yangi xulosa oldim: Insonning haqiqiy asl yuzini koʼrish uchun uni kutilmagan vaziyatga solib koʼrish kerak ekan😁.

Bu fikrga kelishdan oldin voqea bunday boshlandi👇🏻:

Oʼqishdan uyga qaytayotganda mashrutka toʼla odamlar orasida edim. Kutilmaganda probka boshlandi. Uyga yetib olishimizga taxminan 15 daqiqa qolgandi. Probka sabab 2 soat yoʼlda qoldik. Aynan shu 2 soat ichida 1 mashrutka toʼla yoʼlovchining har birining ichki dunyosini tahlil qilib chiqdim😂.
Oʼylab qarasam vaziyat bitta yaʼni 2 soatlik probka, lekiin reaksiyalar har xilda.

Kimdir jahl qildi, kimdir telefon qildi, yana kimdir yonidagi yoʼlovchi bilan suhbatlashdi, kimdir soʼkdi, yana boshqasi muhokama qildi, havotirlanganlar ham topildi, orasida eng pofigist yoʼlovchimiz uxlab qoldi(xurrak ovozidan bildik buni), reaksiyalar xilma-xil edi.
Oʼzimda esa havotirlanish va qoʼrquv boʼldi.

Bu vaziyat menga amaliyot vazifasini oʼtadi toʼgʼrisi.

Lekin, bu odatim yaxshi emas deb oʼylayman. Ichimda xuddi boshqalarni muhokama qilayotgandek tuyiladi. Oʼzimni aybdor his qilaman. Buni odatimni toʼglirlaganim yaxshi, menimcha. Hoʼsh, sizlarchi mening kichik oilam, siz qanday fikrdasiz?

@psixologiyada

#psixolog_tashxisi

Boshqalar: oʼziga bino qoʼygan, kibrli😏

Psixolog🤵🏻‍♀: ichki meni qoʼrqoq, diqqat yetishmasligi sindromi alomatlari bor, oʼziga boʼlgan ishonchi past va yana EQ(emotsional intellekt) ham past.

@psixologiyada

Bilasizmi?

Shunday bir soʼz borki, bu soʼzni koʼp ishlatish insonlarni asabiy, nevrotik va baxtsiz boʼlishiga olib keladi.

Hattoki bir mashxur psixolog bu soʼzni "Barcha irratsional fikrlarning qirolichasi" deb ataydi.

Biz bu soʼzni kundalik hayotda har kuni ishlatamiz. Bugun ham ishlatgan boʼlsangiz ajab emas.

Qaysi soʼzligi sizga qiziqmi?

Javobini ertaga aytaman🌝

Ungacha taxminlaringiz boʼlsa Instagram sahifamizga yuboring birinchi toʼgri javob uchun sovgʼa bor. Faqat sharti Instagram storisiga javobni yozish kerak.


https://www.instagram.com/stories/psixologiyada/3566235196965587417?igsh=MWgzODM2dmRwaTNhbA==

HISSIY CHARCHASH

BELGILARI:

• doimiy charchoq
• ishga masʼuliyatsizlik
• odamlarga nisbatan sovuqlik
• mijozlar yoki hamkasblar bilan hissiy aloqaning yoʼqligi
• tashqi dunyo bilan aloqa oʼrnatishni istamaslik
• xotira pasayishi
• diqqatni jamlay olmaslik
• oddiy ishlarni ham qilishga xohish yoʼqolishi
• ish natijalaridan qoniqmaslik

*Eslatma: yuqorida keltirilgan belgilardan kamida 4tasi sizda uchrasa oʼzingizga hissiy charchoq tashxisini qoʼya olasiz.

HISSIY CHARCHOQ SABABLARI

❗️Meʼyordan ortiq ish yuklanmasi
❗️Hissiy resurslarning kamayishi (siz boshqalarni qoʼllab quvvatlaysiz, lekin boshqalar sizga yordam qoʼlini choʼzmaydi)
❗️Ish va shaxsiy hayotda muvozanat yoʻqligi
❗️Oʼzini eʼtiborsiz qoldirish(oʼz ehtiyojlarini inobatga olmaslik)
❗️Majburiyatning haddan tashqari koʼpligi(masalan, ishlaydigan ayol ham ona, ham ish, ham uy ishlarini uchun toʼliq javobgarlikni oʼz zimmasiga olishi)

*Eslatma: agar sizda hissiy charchash belgilari boʼlmasa uning sabablarini koʼrib chiqishga zarurat yoʼq.


HISSIY CHARCHASHGA UCHRAGANLAR UCHUN TAVSIYA:

✅"Yoʼq" deyishni oʼrganing.
✅Shaxsiy chegarangizni oʼrnating.
✅Shaxsiy hayot va ishni aralashtirmang. Ular uchun alohida vaqt ajrating.
✅Doʼstlar bilan ochiq davra suhbatlarida qatnashing
✅Sevimli mashgʼulotlarga vaqt ajrating.
✅Yetarlicha uxlang
✅Sayr qiling
✅Massaj yoki aromaterapiya qiling
✅Kichik yutuqlaringizni nishonlang.

@psixologiyada

Hozir sizlarga haqiqiy kutilmagan sovgʼaning kuchini koʼrsataman.

"To seni topgunimcha" kinosini koʼrganmisiz?

Davomi...

"Sovgʼa" va "Hadya" soʼzlari oʼz maʼnosini yoʼqotib, "Tovon toʼlash", "Badal" soʼzlari bilan sinonimga aylanib qolyapti.

Mana shu yuqorida keltirilgan holatlar sabab "Sovgʼa qilish" soʼzi oʼz ma'nosini yoʼqotyapti.

Misol men qaysidir yaqinimga sovgʼa olishdan oldin Unga nima kerak? Nimani yoqtiradi? Nima uni xursand qila oladi? kabi savollarni oʼzimga beraman.  Aslida sovgʼa berish tartibi shunday.

Lekin hozir yuqoridagi holatlarda bu savollarga oʼrin qolmayaptida. Aksincha bu savollarning oʼrnini quyidagi savollar egalladi:

"U mendan nima kutadi?"
"Men unga qanday sovgʼa berishim kerak?"

Bu majburiyatku, sizga majburligidan berilgan sovgʼalar kerakmi oʼzi?

Majburiyatdan berilgan sovgʼalar zarracha emotsiya uygʼotmaydi. U faqat koʼz-koʼz qilish uchungina xizmat qiladi.
Demak siz eringizdan sovgʼa olishni xohlayapman  oʼylasangiz aslida sovgʼani emas uni koʼz-koʼz qilish, maqtanishni xohlayapsiz.
Sovgʼa olish xohlanilmaydi, u kutilmaganda sodir boʼladi.

Haqiqiy kutilmagan sovgʼalargina sizga haqiqiy baxt bera oladi.

Zero, baxtning shartlarini kamaytirsang, uning sabablari koʼpayadi.

@psixologiyada

Nima sababdan hozirda ayollarning asosiy muammosi "Erdan pul, sovgʼa, gul olish" mavzusida?

Qayerga qaramaylik, eringizni oʼzingizga rom qilish orqali undan pul olish haqida gap ketyapti. Ijtimoiy tarmoq toʼla eridan olingan pullar, sovgʼalar,  sayohatlar aks etgan suʼratlar.  Bu suʼratlar haqiqiy, rostdan ham kutilmagan boʼlsa ku mayli, eʼtirozim yoʼq. Lekin bu goʼyoki zanjir misoli propaganda aslida. Bu yerda "Kerak" ustanovkasi yotibdi. Oʼzingizga ham eringizga ham "kerak" ustanovkasini qoʼygansiz.
1. "Men erimdan pul, gul, sovgʼa olishim kerak"
2. "Erim menga pul, gul, sovgʼa berishi kerak"

Savol "NIMA UCHUN?".
Qoʼshningizga eri gul berayotgani uchunmi?
Yoki Instagramda blogerlar erini puliga sayohatga chiqayotgani uchunmi?
Yo boʼlmasa dugonangizga eri sovgʼalar, mashina olib berayotgani uchunmi?

Shu sababdan eringizga goʼyoki oʼzingizni baxtli xis qilish uchun SHARTlar qoʼyasizmi?

Endi sal mantiqiyroq oʼylab qaraymiz.

Siz eringizdan talab qilasiz chunki, siz pul, gul, sovgʼalarni yoqtirasiz. Kechirasiz, lekin siz ushbu material narsalarni yoqtirasiz degani uni faqat boshqalar, shu jumladan, eringiz sizga berishi kerak degani emasku. Mantiqan olib qarang. Misol:
Siz uxlashni yoqtirasiz boshqalar sizni uxlatishi kerakmi?
Siz ovqat yeyishni yoqtirasiz, boshqalar sizni ovqatlantirishi kerakmi?

Axir uyqungiz kelsa oʼzingiz uxlaysizku. Ovqatlangingiz kelsa oʼzingiz ovqatlanasizku. Bular sizning asosiy ehtiyojlaringizga kiradi. Pul, gul, sovgʼalarni ham yoqtirsangiz, eʼtibor bering agar sizga shular yoqimli boʼlsa, ular ham sizning ehtiyojlaringiz hisoblanadi. Marhamat, masuliyatni oʼz zimmangizga olib oʼz ehtiyojlaringizni qondiring. Hech kim sizning ehtiyojlaringizni qondirishga majbur emas.‌‌

Nimaga ayollaring asosiy muammolari rivojlanish, baxt, ilm olish haqida emas?

Aslida,  pul, sovgʼa va gul — bular bizning miyamizda baxt gormonlarini ishlab chiqarish uchun xizmat qiluvchi material vositalarning biri hisoblanadi. Baxt, oʼziga ishonch, xotirjamlik — mana bular bizning asl maqsadimiz. Bu xislarni organizm xis qilishining  bir qancha usullari bor masalan, yuqoridagi kabi moddiy vositalar va bulardan tashqari maʼnaviy vositalar.

Moddiy vositalar orqali baxtni xis qilishning masuliyatini boshqalarga yuklash oson. Misol, eringiz sizga gul sovgʼa qildi. Natijada baxtlisiz, oʼzingizga beradigan baho oshadi.
Lekin maʼnaviy vositalar orqali baxt xis qilish bir muncha mashaqqatli uning masʼuliyatini boshqalarga yuklash imkonsiz. Misol, siz rivojlanishingiz va oʼzingizga beradigan baho oshishi uchun maʼnaviy tarafdan ilm olishingiz, kitob varaqlashingiz, kurslarda oʼqishingiz kerak. Buni sizdan boshqasi siz uchun qilib bera olmaydida.
Ana shu maʼsuliyatlarni oʼz zimmangizga olishga erinasiz va Natijada sizning prioritetingiz boshqalar(eringiz) orqali baxtli boʼlish boʼlib qolaveradi.


Hurmatli ayollar sizga eringizdan undirilgan pullar shunchalik muhimmi?

Sizga pul bergisi kelmayotgan odamdan, pul soʼrash (uzr qoʼpol qilib aytaman) bu tilamchining ishi.

Hozir shunday kurslar borda, 1.8.+ mavzuni ochib ayollarga eridan sovgʼa olishni oʼrgatadi. 1.8.+ bu alohida mavzu, u oʼz yoʼliga qarshiligim yoʼq. Bu mavzuni oʼrganishdan maqsad sovgʼa va gullar emas, boshqa narsa menimcha(buni shu soha mutaxassislari yaxshi tushinishadi).

Bu mavzuni sovgʼa va gullarga bogʼlash biroz tushunarsiz va gʼalati.

Eridan pul undirib olishni oʼylab yuradigan ayollar diqqatiga, eringiz sizdan qarz emas. Lekin sizda shunday ustanovka bor, ichingizda boʼshliq bor uni faqat eringiz bergan pullar toʼldira oladi. Bu boʼshliq qanday paydo boʼlganiga eʼtibor bering. Har kimniki individual sabab har hil boʼlishi mumkin. Sababini aniq anglasangiz bu ustanovka yoʼqoladi. Yengilroq yashashni boshlaysiz.

Bu bilan eringiz pul bersa olmang demayapman, oling olavering, sizga shunchaki baxtni xis qilish imkoni berilsa rad qilmang. Lekin shu bilan birga eringizni meni baxtli qil deb majburlamang demoqchiman.

Davomi bor...

@psixologiyada

Yaqinda mana bu postning davomi chiqadi, shu yozilgan savollarga mantiqiy javob izlayapman🙇🏻‍♀