Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

poetophile

Kanal geosi va tili: O‘zbekiston, O‘zbekcha

Toifa: Iqtiboslar

ҳар нафасинг бир шеър, азизим.

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Iqtiboslar

Statistika

Postlar filtri

O‘chirilganlarni yashirish

Repostlarni yashirish

poetophile

14 Mar, 19:12

Ҳар гал бир бўшлиқ истайман,
ҳеч кимсиз, ҳеч нарсасиз бир бўшлиқ.
Кейин, у бўшлиқни тўлдирмоқ истайман...
Экранларни тўлдириб, бахт ва бахтсизлик, ишқсизлик оқибатлари ҳақида гапираман...
Қайтаётиб, таксига ўтириб куламан,
Ўзимнинг устимдан, албатта...
Ишга бораман,
Мажлисларда ўтиради сувратим.
Чўкиб бораётганим ҳақида
эслагиси келмас сувратимнинг ҳам...
Тўйга бораман,
Кимнинг тўйи эди?
Кетаётиб эслашга уринаман.
Бораман, кимнинг тўйи эканининг нима фарқи бор аслида...
Ўзим бахтга ишонмасамда,
бахт тилайман,
ҳаммага жўр бўлиб.
Қўлларимни баланд кўтариб ўйнайман,
Учгим, учиб кетгим келаётганини яшираман ўзимча.
Ўзимча,
аллақачонлар севганларим ёдидан ўчганимни,
Энди аввалгидек севилмаслигимни,
Ҳеч қачон ҳеч кимга суяна олмаганимни,
Ва ўз тақдиримни яшамаётганимни,
Аслида тақдирим йўқ эканини,
Ёлғизлик ҳаммасидан яхшилигини,
Ҳамма-ҳаммасини яширмоқчи бўламан.
Бахтли аёллар рақсга тушолмайдилар, ишонинг!
Мени тўйингизга айтинг,
Рақсга тушиб бераман.

(с)Гулжамол Асқарова

214 0 9

poetophile

12 Mar, 19:12

Ҳаммаси
Шундай тугамоғи керак эди,
тугади...
Кўнгил синмоғи керак эди,
синди...
Оқармоғи керак эди соч,
оқарди...
Чўкмоғи керак эди кўз,
чўкди....

Ниҳоят,
Сен келмоғинг керак эди,
Нега келмадинг?!

(с)Фарход Арзиев

230 0 14 5

poetophile

10 Mar, 18:03

Юлдузларга боққан бўлсам,
Уларни тирик деб ўйлагандирман.

Осмонни соғинган бўлсам,
Парвозлар бисёр, деб ўйлагандирман.

Агар яшаган бўлсам,
Қанотим бордир, деб ўйлагандирман.

Агар ўлган бўлсам,
Учиш бахтидан
Юрагим ёрилиб
Ўлгандирман-да!..

(с)Усмон Азим

314 0 6

poetophile

8 Mar, 18:27

Сендан олисларда яшамоқ оғир,
Ҳар кечда бошимни ғижимлайди дард.
Юзинг кулиб турар ҳолинг сўрасам,
Кўзинг яширган ул дардларингни айт.

Бол томган сўзингга кошки арзисам,
Қарзим узиш учун бу умрим етмас.
Жоним беришимга ўзинг арзийсан,
Она менинг учун куяверма бас.

Ўтган ҳар кунимга йиғлаган ҳам сен,
Тикон кирса бағрин тиғлаган ҳам сен,
Сен учун жон дилдан нима қилдим мен,
Она менинг учун куяверма бас.

Айни ёшлигингни совирдинг менга,
Кўзингни ёшига кўкардим ахир-
Афсус.. Соғинчимда қовурдим нега,
Сенга берган ҳатто меҳрим ҳам тахир.

Сийнангдан уҳламай тунлар бол тутдинг,
Уйга қайтишимни интизор кутдинг,
Оҳ она мени деб фақат дард ютдинг,
Етар шунча куйдинг, куйинмагин бас.

(с) Хасан Бобокулов

1.2k 1 23

poetophile

6 Mar, 18:09

Сенмасмидинг
Ҳаволарда кезган ифор,
Сочларимни силаган ел сенмасмидинг
Майин келиб яноғимга қўнди баҳор.
Сенмасмидинг....

Деразамга бир қуш қўнди, бир туш қўнди,
Оқ булутлар кафтларимга сархуш қўнди
Муҳаббатдан қулоғимга миш-миш қўнди
Келаридан огоҳ қилган сенмасмидинг.

Лолалардек қирмиз бўлди яноғларим,
Бир севинчдан порлаб кетди қароғларим.
Мен жавобин кутаётган сўроқларим,
Ҳар жумбоқнинг бир ечими сенмасмидинг...

Юриб ўтдим, кулиб ўтдим бу йўллардан
Юрагимни ютиб ўтдим бу йўллардан
Фақат сени кутиб ўтдим бу йўллардан
Ўзинг ўйла, мендай қизни севмасмидинг?!

Сенмасмидинг,
Сенмасмидинг,
Сенмасмидинг?!

(с)Дурдона Баҳодирова

457 0 19

poetophile

4 Mar, 18:36

Ҳайронман, ким кимга отаяпти ўқ,
На ўқни тўхтатдим, на бўлдим қалқон.
Кеча ўрасидан чиқмаган аскар,
Бугун тирикман деб бўлса қаҳрамон...

Ҳайронман, не учун Ҳақ демас тилим,
Ёки ўчирдимми дилдаги чўғни?
Нега кўнаяпман ҳақсизликка жим,
Менга бир қаранглар, ўлганим йўқми?

(с)Нажмиддин Эрматов

450 0 7

poetophile

2 Mar, 18:35

Ҳар қандайин баҳоналарга
Ўрганади вақт, умр ва мен.
Лекин сени кўргим келганда
Тополмайман ҳеч қандай таскин.

Сенга хабар ёзаман яна
Аҳволингни билгим келади.
Ва яшайман кунларни санаб:
(келади,
келади,
келади)

Сенсизликка кўникиш — бу ғам,
Сенсиз бахтли яшолмайман мен.
Азоб — уйга кирётганимда
Ичкарида кўринмасанг сен.

Нодира Назар

489 0 12

poetophile

28 Feb, 19:13

менинг юрагимдан февраль ўтмоқда,
сенинг юрагингга кириб борди март.

576 0 11

poetophile

28 Feb, 16:33

Тирикман-у, яшамаяпман,
Сен йўқдайсан, йиллаб кутганим.
Фақат менинг ўзимга аён
Қачонлардир ўлиб кетганим.

Тирикман-у, яшамаяпман,
Мени боғлаб қўйган қандай куч?
Ёниб, қақшаб югурган билан
Ўликларга келавердим дуч.

Бақирмоқчи бўламан, аммо
Овозини чиқармай ўлган.
Атрофдан ҳам эшитилмайди
"Мен тирикман!" – деган бир овоз.

Одамларга термуламан жим,
Умид, ишонч, орзуси сўлган:
Манов одам армонга чўкиб,
Овозини чиқармай ўлган.

Анависи тирикчиликнинг
Қучоғида чириган, йитган,
Ҳув, анави новча йигитнинг
Нозиктаъб қиз бошига етган.

Йўл оламан майхона тараф,
(Ўликларга термулмоқ нечун?)
Май ичаман ўзимни сўкиб,
Тирикларнинг соғлиғи учун.

(с)Чори Аваз

623 0 23

poetophile

26 Feb, 16:28

Сени олиб келган шамоллар таниш,
Улар мени ташлаб кетганди бадар.
Кўксимда қовжираб битган умидим,
Наҳот етиб келдинг қисматга қадар.

Ҳаммаси чалкашди туғилганимда,
Билмам келганимдан ким кўпроқ ютди.
Умрим шамол кутиб ўтиб кетгандай,
Наҳот бир шамолни мен қирқ йил кутдим?!

Ҳадисини олдим яшамоқликни,
Ўзим бошқадирман, бошқадир лойим.
Ўзгача бўлмоғи мумкин эди, лек
Шамоллар кечикди менмас, Худойим!

(с)Шуҳрат Ориф

643 0 11

poetophile

24 Feb, 16:34

Қалбга зардоб бўлиб тўлганинг алам,
Гоҳи очилмасдан сўлганинг алам.
Муҳаббат, муҳаббат, ҳаммасидан ҳам,
Сочга оқ тушганда келганинг алам!..

Келсанг, кетгил дебон ҳайдолмаганинг,
Ортга қайтай десанг, қайтолмаганинг,
Армонинг ҳеч кимга айтолмаганинг –
Буни битта ўзинг билганинг алам.

Гоҳи хотир, гоҳи хаёлни ёллаб,
Гоҳ юлдуз, гоҳида ой каби порлаб,
Ширин жилмайиш-ла ёнингга чорлаб,
Олисдан ғамзалар қилганинг алам.

Кўнглингга етти ёт уйда ёйиб сеп,
Кечагина ўзинг мени унут, деб,
Энди бахтлимисан, шоир йигит, деб,
Кунда бир устимдан кулганинг алам.

Қалбга зардоб бўлиб тўлганинг алам,
Гоҳи очилмасдан сўлганинг алам.
Муҳаббат, муҳаббат, ҳаммасидан ҳам,
Сочга оқ тушганда келганинг алам.

(с)Муҳаммад Юсуф

631 0 12

poetophile

21 Feb, 16:27

Қўлларингдан тутиб келтирди тақдир,
Яна гуноҳ билан бўлдик юзма-юз.
Бу менинг истагим эмасди, ахир,
Ҳукмсиз баҳорга етармиди куз?!

Йиғладинг худди Момо ҳаво каби,
Хўрсиндим хўрсингандек Одам Ато.
Пичирлаб нимадир демоқчи лабинг...
Бизга раҳми келди гуноҳнинг ҳатто!

(с)Шуҳрат Ориф

635 0 8

poetophile

19 Feb, 16:24

Йиллар ўтди… Бир дийдорга етмади вақт,
Йўллар қайта туташмади ҳеч бир замон.
Адашиб ҳам пешонага битмасми бахт?!
Адашиб ҳам келмадинг-а Сен Мен томон?!

(с)носироглу

697 0 14

poetophile

17 Feb, 16:26

Пешонада топилмади Бахтнинг изи,
Икки тақдир битта Ишққа бермади эрк.
Менга томон қадаминг ҳеч бермас изн,
Сенга томон ҳар йўлимнинг ҳар боши берк…

(с)носироглу

834 0 8

poetophile

15 Feb, 16:33

Кўрмаганман сира ҳам сени,
Юрагимда чунки яшайсан.
Кўрмаганман сира ҳам сени,
Юрагимга жуда ўхшайсан.

Яхши эди бир кўрсам сени,
Васлингдан ҳам қўрқаман бироқ.
Яхши бўлур бир кўрсам сени,
Кўрмаганим ундан яхшироқ.

(с)Рауф Парфи

826 0 7

poetophile

13 Feb, 16:53

О, менга каммиди кўрган бу куним,
Қоп-қора сочимни қоплаганда қор.
Сени тушларимда кўриб чиққаним
Эрта бу дунёга бўларми ошкор?

Ичимда ҳаяжон борар гупириб,
Юрак энтикишда - бахтиёр, бетин.
Энди нима қилай?
Тонг отмай туриб
Тушларимни ювиб ташласаммикин?!

(с)Хосият Рустамова

912 0 13

poetophile

11 Feb, 16:43

Мен
саҳнада
сўзларини
унутиб қўйдим
ижро этаётган ролимнинг...

Ўз сўзимни айтиб қўйдим мен!!!

Залдагилар олқишлар, аммо,
энди мени ўлдирадилар,
Саҳна ортида...

(с)Гулжамол Асқарова

955 1 14

poetophile

9 Feb, 16:43

Кечирасиз, хоним, ухлолмаяпсиз,
юрагингиз оғридими, ёки кўзингиз?
интиҳоси йўқ орзулар бўлса ўйланг,
ёки умидни вақтида узингиз.
Аммо бир гапни айтай,
сиз гўзалсиз ниҳоятда,
ниҳоятда самимий,
жавоб ҳам бермайсиз, сезяпман,
йиғлаяпсиз, ўзингиздан ўзингиз.

(с)Хуршид Абдурашид

1.9k 0 35

poetophile

7 Feb, 16:42

Қўрқма, ахир дўстингку сенинг,
Дўстимизку ахир, бизнинг ҳам!
Келиб қолсанг ҳақиқатга юзма-юз
ўзингда журъат топ, титрамасликка!
Кўзларига қарашдан қўрқма,
Унутма, ичингда гина бор, жиндек.
Дадил туриб сўра: «Қаерда эдинг?
Нега кўринмайсан ҳеч, дўстим!
Нега бизга кўрсатмадинг…
Қорангни?!»
Дадил айтолмасанг
йиғламсираб айт,
Тўкиб ташла ичингдагини.
Ҳўнграб-ҳўнграб йиғла
ва бағрингга бос!
Қўйвориб юборма энди ҳеч қачон!

(с)Раҳмиддин Абраев

1.1k 0 7

poetophile

5 Feb, 16:14

Қайдасан, узоқдан келдим соғиниб,
Соғиндим танимда қолмади дармон.
Мен орзу-умиднинг ғамгин ёлқини,
Мен — Армон! Кўйингда қоврулган Армон!

Ва уйнинг эшиги очилар бесас,
Бир шарпа чиқади булутдан сузиб:
— Келдингми мен билан олгани нафас,
Келдингми йўлларнинг танобин узиб?

Улар бир-бирига тўймай боқишар,
Бир-бирин кўксида беришади жон.
Кулишар, хаёллар ичра оқишар,
Икки ночор вужуд — иккита Армон.

(c)Усмон Азим

909 0 16

20 ta oxirgi post ko‘rsatilgan.

528

obunachilar

Kanal statistikasi

Kanalda mashhur

Сендан олисларда яшамоқ оғир, Ҳар кечда бошимни ғижимлайди дард. Юзинг кулиб турар ҳолинг сўрасам...

Пешонада топилмади Бахтнинг изи, Икки тақдир битта Ишққа бермади эрк. Менга томон қадаминг ҳеч бе...

Йиллар ўтди… Бир дийдорга етмади вақт, Йўллар қайта туташмади ҳеч бир замон. Адашиб ҳам пешонага ...

Сени олиб келган шамоллар таниш, Улар мени ташлаб кетганди бадар. Кўксимда қовжираб бит...

Қўлларингдан тутиб келтирди тақдир, Яна гуноҳ билан бўлдик юзма-юз. Бу менинг истагим ...