Prezident maktabi | Qarshi shahri

#sport_maktabi

⚡️YOSH GIMNASTIKACHILARIMIZ ILK SPORT RAZRYADLARIGA EGA BOʻLDI

🤩 Agentlik tizimidagi Oksana Chusovitina nomidagi gimnastikaga ixtisoslashtirilgan sport maktabida “Yangi yil karnavali” festivali tashkil etildi.

Ixtisoslashtirilgan ta’lim muassasalari agentligi vakillari, taniqli sport namoyandalari, Respublikamizdagi bolalar sport maktablarining 300 dan ortiq sportchi o‘quvchilari tadbir mehmoni boʻldi.

Festival doirasida sport va badiiy gimnastika bo‘yicha musobaqa o‘tkazilib, unda jami 230 nafar yosh sportchi o‘z mahoratini sinovdan o‘tkazdi.

Musobaqa yakuniy natijasiga koʻra, 1-sinf oʻquvchilari ilk sport razryadiga ega boʻlishgan boʻlsa, yuqori sinf oʻquvchilari navbatdagi razryadlarini qoʻlga kiritdi. Shuningdek, g‘olib va sovrindorlarga faxriy yorliqlar va esdalik sovgʻalari topshirildi.

Festivalda badiiy va sport gimnastikasi bo‘yicha ko‘rgazmali chiqishlar, Yangi yil bayram dasturi namoyish etildi.

Ma’lumot o‘rnida, bugungi kunda Oksana Chusovitina nomidagi gimnastikaga ixtisoslashtirilgan sport maktabda 1-8-sinflar kesimida 139 nafar o‘quvchi badiiy hamda sport gimnastikasi bo‘yicha mahoratini oshirish bilan birga zamonaviy ta’lim standartlari asosida bilim olmoqda.

Joriy yilda ixtisoslashtirilgan sport maktabi o‘quvchilari sportning gimnastika turi bo‘yicha o‘tkazilgan Osiyo chempionati va O‘zbekiston kubogi musobaqalarida ishtirok etib, jami 10 ta medallarni qo‘lga kiritishdi.

Telegram | Facebook | Instagram | YouTube