#beshyuztoʻqsonikkinchikun
nish
Tun… taʼsir boshlagan kuy chalaringning,
Avji deb sanoqsiz koʻchalar xarob,
Yomgʻirlar xushtori koʻzchalaringning,

Har bir qadam sahro, har qadam sarob,
Yoʻqolib bormoqda poda-poda ishq,
Rashktogʻ boʻyidagi shudgorlar aro,

Homilador kakliklar tugʻdi boyaqish,
Qir unga sovuqdir, bu dunyo sovuq,
Tebrana-tebrana bulutlar oqish,

Urinchiq muhabbat bosolmas hovur,
Sogʻinching – olovga otilgan saryogʻ,
Uchqunim xolisdir Azozil dovur,

Zamin ichra shovqin, koʻzlarim kenggan,
Tizgini eskirib behuda oqqan
Ichimlik suvidek singaman senga,

Bunda men tarqayman, armonim siyrak,
Odam uy ichida seva olmaydi
Bogʻlarda, dalada sevmoqlik kerak.

Yolgʻizliging tashlab chiqqin koʻchaga,
Qadaming irmoqdir, manziling dengiz,
Kel, sharsharalarga tutin goʻshanga,

Sahrolarning jami taʼrifi bejiz –
Yantoqni changlagan asalarining,
Nishtari ichinda sevilding gulim.

yomgʻirlar xushtori koʻzchalaringning.

PyD