palangizm

#oltiyuzoʻninchikun
ketmon
Nima deb oʻylaysan, biz tirikmizmi?
Minglab uch nuqtalar tugarmi?
qachon?
Bariga (men yolgʻizlik sezdim)
tupursam maylimi, onajon?

Boʻgʻizlab qoʻyganman ziyoni,
Tangriga ham tutganman motam.
eri yoʻq xotindek beva dunyoni,
ketidan tosh otaymi ota?
Shundoq dunyoga-ya!?

Sevgilim, (ey mening benikoh jazmim)
insonsiz men sendan boʻlmasdim judo.
inson boʻlmaganda faxsh ham boʻlmasdi,
inson boʻlmaganda boʻlmasdi Xudo.

naqadar shaffofmiz, naqadar tiniq,
naqadar chirkinmiz, naqadar qabih,
naqadar qoramiz, naqadar siniq,
naqadar goʻzalmiz, naqadar kabir.

men shoir emasman,
men shoir emas.
yozmasam oʻlganman, yozsam oʻlganman.
ming bor achinaman qoʻlimda qalam
azizroq boʻlardi ketmon boʻlganda.

"eh"layman, "oh"layman shamollar xolis,
his oʻlik, men oʻlik, oʻlik bobomlar.
"sen"ing ham "men"ing ham "u"ning ham olis,
uzoqda yashaydi hamma odamlar…
juda uzoqda.

PyD

shaharning sershovqin g'ussasi aro,
men seni sog'inib suzib yuribman...
371

#oltiyuztoʻqqizinchikun
tango
majbur emas eding men-la qolishga
koʻm-koʻk samolaring qolib alaflab,
men ham kashal edim urchib yonishga,
Xudodan qilardim senli talablar.

alvido aytardi shubhalar bu kech,
sarosar tizginda qovrilib badan,
palagʻda qoʻlimda kabir tugʻ – hech, hech!
sening koʻzlaringdan boshlanar vatan.

yelvizak tentirar, qalashiq gʻujur,
bir sensan – savobim – juda sanoqli.
Alloh charaqlaydi ichimda bejuft,
ox, uni sensirash qanday maroqli!

ox, sensiz lahzalar boʻlmas nihoya,
men kimga suyanay sogʻinchim toʻzgʻab?
sening suyanchlaring bilonihoya,
suyanchigʻim bormi seningdan oʻzga?

sen menga bir umr qilding uzoqlik,
men senga yozardim jannat vasfidan,
taqilmay qoʻyilgan nikoh uzukdek,
qismat bosh tortardi vazifasidan.

Jonginam!
kel bizga boʻlsin baribir.
garchi koʻrinsa ham sogʻinch keraklik,
kerakmas, boʻlmaydi hech qanday sabr.
moʻjiza roʻy bermas, biz roʻy beraylik.

tagʻin raqs tushamiz, yana ming chandon,
komilnok zavq aro yuramiz uchib,
taʼrifing sarfi deb toʻlgan daftardan,
kel, koʻylak bichamiz bu oqshom uchun.
alvido aytsinlar shubhalar bu kech…

PyD

ForcaBarca🇪🇸

#oltiyuzsakkizinchikun
xabargiri
Devorlar – pedofil, devorlar oppoq,
Voyamga yetmadim, chirkin voyamga,
Boshimda suzilar gʻarjunun qopqoq,

Bulutlar toʻkindiq toʻkin soyamga,
Tushovsuq nutqimni olmasdan anglay,
Dam berdim, tan berdim joʻshqin gʻoyamga,

Xiralashib ketdi yaltiroq manglay,
Tannoz shafaqchalar ketdi yaltirab,
Yana sigʻdirmadi soʻzimni tanglay,

Isyonim, junbushim qoldi qaltirab,
Na otam na onam tutmadi maʼzur,
Yaroqsiz men emas, zamon shaldiroq,

Ichimda uchqunib yetildi ozur,
Nomi qursin, erkmi, hurlikmi – mazax,
Men bir ziddiyatman, bazoʻrman, bazoʻr,

Atrof favqulodda notabiiy jim, zax.
oʻrnashib kengaygan qorachiqlarga
josuslik qilaman behisht-u doʻzax,

Yuzimni oʻgirib tanosillardan,
Bir oʻzim yashayman, faqat bir oʻzim,
Hukmron boʻlaman qabih millarga,

Tunaqib suzaman, sachralib, toʻzib,
Soʻngkunni oʻlchayman qoʻlimda kappon,
Sevgi bor kunlarni qoʻyaman choʻzib,

Peshonamni bulgʻab qoʻyadi Sahhof,
Tirbandlikda qolib ketadi voyam,
Devorlar – pedofil, devorlar oppoq…
Hidoyat. Hidoyat! Hidoyat?

PyD

Bir chimdim sindur qadrini sen qayerdan ham bilarding, Ramesh Babu!?

#oltiyuzyettinchikun
kompozitsiya
O mening suyuklim, yoniqdim yetmay.
Jon ketsin, oʻrtaga tashlardim ahdni.
Arosib qolardim, qolardim netay,
Men Baxni bilardim, bilmasdim baxtni…

Tegrangda uchardi farishtachalar,
Dajjol?
Dajjol raqs tushardi juda olisda.
Bugun qabogʻingga tushmas kechalar,
Bugun tovoningda sinajak qismat.

Doʻrdoqi labingga atirgul shafe,
Nafislik ichida yurasan suzib.
Kutmasam boʻlmasdi,(jonginam, afv et)
tubi Koʻk koʻzingdan koʻzimni uzib.

Bir tarafim olov, bir tarafim muz,
Yashab ulgurmagan bedod ranj-u taʼb.
Bir sadafim sensan, bir sadafim soʻz,
Boʻgʻzim visolingdan qolgan injulab.

Moʻrtlashib qolgandir ilviroq shulʼa,
Ay mening hayosi moshtumanginam,
Chatnoq tushlarimda oqding Maʼshumam,
Maʼsumam, Afsunam, yosumanginam,

ifori beadad namchil xazonim,
Kelarkan ki qalbim chimdim or tilab.
Xipcha beling aro ipchalik jonim,
Karvondek tortilar, dordek tortilar.

Yalangʻoch daraxtlar, yalangʻoch dunyo,
Yalangʻoch hislaring borar tarangib,
Qara, quchogʻingda yalangʻoch xulyo –
palangiy, palangiy, palangiy…

Osmoniy jismlar oldi haddimni,
Yulduzlar gunohkor, yulduzlar qochqin.
Abrlar oʻrgatgan husnixatimni,
Roʻmolli boshingdan keladi sochgim.

Oʻsimtam bir alfoz – sogʻinchiy urugʻ,
Sogʻinch deb qoʻlingdan tutmayman jonim.
Beshakl koʻzingda porlamay turib,
Bahorni intiqib kutmayman, jonim.
Bahorni intiqib kutmayman, jonim.

men Baxni bilardim, bilmasdim baxtni…

PyD

#oltiyuzoltinchikun
qadar
Sogʻinmay yashaysan, bebaxtlar bilan.
Sen sogʻinch neligin bilmagan payting,
Sogʻinch meni zoʻrlab uxlatmas edi.

Toʻgʻrisi,
oʻgʻrisib sogʻinaman men.
Koʻnglimni dorlatib sogʻinaman men.
Kuzakdek sargʻayib sogʻinaman men.

Chavaqlangan tunga yuzimni burib.
Sogʻinmaysan deyman, beparvo deyman,
Oʻzim ham zarracha sogʻinmay turib.

Senimi? Sogʻinmay sogʻinaman men.
Menmi? Paydosini poylagan goʻdak.
Bizni toʻqnashtirgan kimdir ham
kimdir?

Qismat ikkimizga qolar taqalib.
Sukutning ovozi boʻlmaydi deysan
men seni jimlikdan topgan mahalim.

Men seni
ichki dunyongni soʻzlar bilan taʼriflay
olmagan holingdagi kambagʻalligingcha
sevganman.
Chunki,
oʻzim ham shundayman sevgilim.

Birlashsa ne boʻlar ikki kambagʻal?
Tagʻin boyirmidi sudxoʻr muhabbat.
Tagʻin qolarmidi soʻzlarim dagʻal?


Qulamasa kerak osmon qalbingga?
Qulasin, men uni qilay tomosha.
Xudosi bor osmon naqadar goʻzal…
Xudosi bor osmon naqadar goʻzal…

PyD

#oltiyuzbeshinchikun
tan
Iltimos tan oling, mening bu yomgʻir.
Balki bu murakkab boʻlsa ham kerak?
Yashashni istaysiz dunyoda sangʻib,
Yomgʻirgachi?
sizning dardingiz kerak.

U sizni tinglaydi toʻxtamay soʻzlab,
Faqat siz behissiz, bir siz nogiron.
Qarang, tegrangizda hadi yoʻq koʻzlar,
Shitirlab termulib turibdi hamon.

Majruh derazangiz oʻrtada hakam,
Solishni bilmaysiz gʻamingiz toʻkib.
Osmon va yer aro mavjud boʻlsak ham,
Oʻlgingiz kelmasmi yomgʻirga boʻkib?

Nahot boshqarmaydi koʻnglingiz izni?
Sepgingiz kelmasmi yomgʻirli atir?
Oʻ-v-v-v telba shoirlar sevardi sizni,
Keyin oʻldirmasdi umrbod, umr…

Tongim ham otmaydi, tinmay yonaman,
Bir tizim kuy jarang, avjsiz, nolasiz,
Xudodan yomgʻirni tilab olaman,
Siz esa shunchaki uxlab qolasiz.

Uxlaysiz, tushlarga meni sigʻdirmay,
Keladi oʻtkinchi hisga berilgim.
Boʻyningizdan quchib sizga bildirmay,
Yomgʻirning hidiga kelar evrilgim.

Ishq nasl suradi, siz gʻam surasiz,
Meni sogʻintirib yurasiz karaxt.
Kuzni ham qish deya tiqishtirasiz,
Soyabon tutasiz qanchalar badbaxt!?

–iltimos…
–tan oldim, sindim Tangriga,
Keling kelinch bilan, ovunchlar bilan,
Bu kecha umrimning qolgan yarmiga,
Sevaloq yomgʻirni olganman tilab,
siz esa shunchaki uxlab qolasiz…

PyD

Yomgʻir sevalaydi, men ham sevaman.

Haqorat qanaqa boʻladi: sen Abu Bakr Fozilovni konsertini sotvolasan, lekin uni yuklab olish uchun megabayting yetmaydi.

#oltiyuztoʻrtinchikun
mallachiq
Sen beburd umrimga gʻoya boʻlmading.
Sen soya boʻlmading saratonimda.
Sen qultum sevgimga doya boʻlmading,

Sen kapalak boʻlding telba qonimda.

Uchding, uchaverding vujudim aro,
Men seni hech qachon tuta olmadim.
Jon sarob, on sarob, mujgonim sarob,

Men seni Xudodek kuta olmadim.

Kissamda toʻliqdi xunobxil damlar,
Siyohdan namlanib ketdi varogʻim.
Kuz oʻtdi, qish oʻtdi, oʻtdi koʻklamlar,

Sen nechun kelmading faslixarobim!?

Bu qismat shunchalar edimi baxil?
Sen menga sonyashib oqqan yigʻingda…
Sening qorachigʻing yoʻq edi, axir

Aks etgim kelardi mallachigʻingda.

Sochingda yurardi tunlar halloslab,
Lablaring dastidan jimirlab etim,
Husningni buzardi turfa pardozlar,

Shunchaki…barisi shunchaki edi.

Koʻnglim keng edi-yu, obdan charchagan.
Sigʻdira olmadim hislarim ming-ming.
Sen xatchoʻpim eding, Xudo yasagan,

Hali oʻqilmagan kitob edim men.
husningni buzardi turfa pardozlar…

PyD

Kecha uchun)

#oltiyuzuchinchikun
jin
Chirib ulgurmadi hali xazonlar,
Toʻzonlar qoʻnim ham topmadi hali.
Ildizi bekesik dardlar hazora,
Yashashni olmadik hali oʻrganib.

Zarralarim pushmon har bir qadamda,
Badar ruhim bilan tugadim xolos.
Yaxshi yashashga oʻch yaxshi odamlar,
Men baxtli yashashni istayman hanuz.

Bir qara umrimga yoʻgʻrilganingga,
Tumandor yoʻl ora oxiring siyrak.
Nima farq sen qachon tugʻilganingdan?
Muhimi qachondir oʻlishing kerak.

Men sigʻinar edim sukunatimga,
Yelkamga hislarim chaplanar ishqchil.
Toʻrt yogʻimni bogʻlab tashlar oqimga –
Binkatni jin urmas,
Binkat oʻzi jin.
Kechir, sevgilim!

PyD

"Alkimyogar"da keltirilishicha, agar sen nimanidir chin dildan istasang butun koinot shu istagingni amalga oshirish taraddudida boʻladi. Ha, koinot naqd 602 kundan beri oʻz vazifasiga loqaydlik bilan qaramoqda.