ERKAK YIG‘LAYDI

Yelkada eng og‘ir yuk -
Farzandi yotgan tobut.
Qalbni kuydirganda o‘t,
Erkak shunda yig‘laydi.

Hammaga oshkoramas,
Qilib faryod, nolamas,
Erkak-ku yosh bolamas,
Erkak tunda yig‘laydi.

Qizi voyaga yetsa,
Oq libosida kelsa,
Qalbi shodlikka to‘lsa,
Erkak to‘yda yig‘laydi.

Dilda borin aytmasa,
Oh-u zorin aytmasa,
Ko‘zda yoshin artmasa,
Na chora u yig‘laydi.

Huda-behudagamas,
Yig‘laydi gar bo‘lsa mast,
Qayg‘u o‘ldirdimi, bas!
Erkak shunda yig‘laydi.

Otash Yashin

2014-yil

@otashyashin