OʻZGACHA

Qoshu kiprik koʻzgacha,
Imolardan soʻzgacha.
Oʻxshamaysiz birovga,
Oʻzgachasiz, oʻzgacha.

Yurishlar asta asta,
Koʻrgan qolar havasda.
Har qadam har nafasda,
Oʻzgachasiz, oʻzgacha.

Ishqi muhtasham qasr,
Tushdimku sizga asir.
Qiz tugʻilsin ming asr,
Oʻzgachasiz, oʻzgacha.

Yozlarimni qish qilib,
Qoʻymang yor mish mish qilib.
Yerlikmisiz ish qilib,
Oʻzgachasiz, oʻzgacha.

Chiroylisiz oydanam,
Sohili gul soydanam.
Qoshlar kamon yoydanam,
Oʻzgachasiz, oʻzgacha.

Hay hay bunday boshiqlar,
Yurakka oʻt yoqishlar.
Hurlar qilar olqishlar,
Oʻzgachasiz, oʻzgacha.

Nurlik der oʻngu chapi,
Men emas elning gapi.
Yetti moʻjiza kabi,
Oʻzgachasiz, oʻzgacha.

Sensan qalbim talabi,
Gilosday ikki labi.
Sevganimning sababi,
Oʻzgachasiz, oʻzgacha.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟