O'zMU | Rasmiy kanal

Biz – sog‘lom turmush tarzi tarafdorimiz!

🇺🇿 Sog‘liqni saqlash vazirligi Respublika OITSga qarshi kurashish markazi hamda Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi hamkorligida O‘zbekiston Milliy universitetida “Biz – sog‘lom turmush tarzi tarafdorimiz!” shiori ostida targ‘ibot tadbiri tashkil etildi.

✨ Talaba-yoshlar o‘rtasida sog‘lom turmush tarzini targ‘ib qilish, OIV/OITS kasalligining yuqish yo‘llari, patogenezi, epidemiologiyasi, kasallikning klinik belgilari va profilaktikasini oldini olishga qaratilgan mazkur uchrashuvda Respublika OITS ga karshi kurash markazi shifokori, epidemiolog Sevara Abidova foydali ma’lumotlar bilan bo‘lishdi.

🗣 Tadbir so‘nggida 100 ga yakin ko‘ngilli talaba-yoshlar ekspress laboratoriya yordamida immunoferment anazil (IFA) topshirishdi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

🔘DIQQAT! TANLOV!

Bakalavriat yoki magistratura talabasimisiz? Ijtimoiy himoya yo'nalishida ilmiy izlanish olib boryapsizmi? Tadqiqotingiz amaliyotda qo'llanib, e'tirof etilishi va munosib taqdirlanishini istaysizmi? Unda ushbu tanlov siz uchun!
 
🧮 2025-yil 15-maygacha

👥 Bakalavriat va magistratura bosqichining bitiruvchi talabalari 
 
🖋 TADQIQOT ISHI MAVZUSI
 
Ijtimoiy himoya  yo‘nalishida
 
❗️ Tanlov g‘oliblari qimmatbaho sovg'alar bilan taqdirlanadi va O‘zbekiston Respublikasi Prezidenti huzuridagi Ijtimoiy himoya milliy agentligi va uning tarkibiga kiruvchi tashkilotlarda amaliyot o‘tash imkoniyatiga ega bo‘ladilar.

🎖 Tanlovda ishtirok etish shartlari 👉 batafsil

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Xizmat_safari #Shvetsiya

Inom Madjidov Qirollik texnologiya instituti vakillari bilan uchrashuv o‘tkazdi

🇺🇿 Xabar berganimizdek, ayni kunlarda O‘zbekiston Milliy universiteti delegatsiyasi Shvetsiya mamlakatida bo‘lib turibdi. Shu yilning 18-fevral kuni universitet rektori Inom Majidov boshchiligidagi delegatsiya Qirollik texnologiya instituti (Shvetsiyada joylashgan KTH Royal Institute of Technology) vakillari bilan muhim uchrashuv o‘tkazdi.

🇸🇪 KTH’ning Xalqaro aloqalar bo‘yicha vitse-prezidenti Stefan Ostlund hamda xalqaro aloqalar bo‘limining loyihalarni qo‘llab-quvvatlash bo‘yicha katta maslahatchisi Viktor Kordas universitetimiz vakillari bilan muloqot qildi.

🗄 Uchrashuv mazmunli o‘tib, bir qator masalalar va istiqbolli mavzular muhokama qilindi. Xususan, ikki oliygoh o‘rtasida hamkorlik o‘rnatish, talabalar va professor-o‘qituvchilar almashinuvi, shuningdek, ikki tomonlama ta’lim dasturlari va xalqaro qo‘shma loyihalar bo‘yicha kelishib olindi.

Qirollik texnologiya instituti Yevropadagi yetakchi texnik va muhandislik universitetlaridan biri, shuningdek, intellektual qobiliyat va innovatsiyalar markazidir. QS WUR reytingida 74-o‘rinda, THE WUR reytingida esa 95-o‘rinda turadi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

🤝🌏👨‍🏫👩‍🏫

O‘zMU rektori Inom Madjidov Shvetsiya Orol dengizi jamiyati rahbari bilan muzokara o‘tkazdi

🇺🇿 Ayni kunlarda O‘zbekiston Milliy universiteti rektori Inom Madjidov boshchiligidagi delegatsiya Shvetsiya mamlakatida bo‘lib turibdi. Safar davomida bir qancha hamkorlar bilan uchrashish, muzokara olib borish belgilangan.

✨ 17-fevral kuni rektor Inom Madjidov Shvetsiya Orol dengizi jamiyati Bo Libert bilan uchrashdi. Dastlab O‘zbekistonda atrof-muhit muhofazasi, Orol muammosini bartaraf etish borasida olib borilayotgan ishlar, xususan, Mo‘ynoq tumani hamda Orol dengizining suvi qurigan hududlarida O‘zbekiston Milliy universiteti tomonidan amalga oshirilayotgan tajribalar xususida taqdimot qilindi.

⏺ Shvetsiya Orol dengizi jamiyati rahbari Bo Libert universitet bilan ekologiya va barqaror rivojlanish maqsadlari yo‘nalishida hamkorlik olib borish, talabalar uchun ingliz tilida har hafta onlayn mashg‘ulotlar tashkil etish bo‘yicha takliflar bildirdi.

⏺ Uchrashuv yakunida O‘zbekiston Milliy universiteti va Shvetsiya Orol dengizi jamiyati hamkorligida ekologiya va atrof-muhitni asrash yo‘nalishida qo‘shma ilmiy loyihalarni amalga oshirish bo‘yicha kelishuvga erishildi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

O‘zMU professori Qirg‘iz milliy universitetida

⏺O‘zbekiston Milliy universiteti Falsafa kafedrasi professori Nigina Shermuhamedova Qirg‘izistonning Bishkek shahrida joylashgan Yusup Bolasog‘in nomidagi Qirgiz milliy universitetida bo‘ldi.

⏺O‘zMU professori qirg‘izistonlik talabalarga “Barkamol shaxs tarbiyasida oliy ta’limning roli” mavzusida mahorat darsi o‘tib berdi. “Falsafa” yo‘nalishi talabalari ishtirok etgan mazkur dars muloqot tarzida davom etdi.

⏺Shuningdek, N.Shermuhamedova Qirg‘iz milliy universitetida bo‘lib o‘tgan dissertatsiya ishi himoyalarida ham ishtirok etdi. Jumladan, ilmiy kengashda Xitoy Xalq Respublikasi fuqarosi, doktorant Chjao Yuyxayoning dissertatsiyasi himoyasida tashqi opponent sifatida qatnashdi.

⏺Xitoylik doktorant Chju Szyanshening falsafa fanlari bo‘yicha falsafa doktori (PhD) ilmiy darajasini olish uchun yozgan dissertatsiyasini himoya qilishga mo‘ljallangan bir martalik ilmiy kengashga rais etib tayinlandi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

Sankt-Peterburg davlat universiteti vakillari uchrashuv o‘tkazdi

Bugun, Sankt-Peterburg davlat universitetining Toshkent shahridagi filiali vakillari O‘zbekiston Milliy universitetida bo‘lib, talabalar bilan uchrashuv o‘tkazdi.

Mazkur oliygohning o‘quv ishlari bo‘yicha direktor o‘rinbosari Artem Rubtsev so‘zga chiqib, bakalavriat va magistratura ta’lim yo‘nalishlari, o‘quv jarayonlari, qabul shartlari hamda talabalar uchun yaratilgan imkoniyatlar haqida batafsil ma’lumot berdi. Shuningdek, universitetlar o‘rtasidagi hamkorlikka doir muhim takliflarni bildirdi.

Filial vakillari ishtirokchilarning savollariga atroflicha javob berib, ta’lim sifatini oshirish, xalqaro hamkorlikni kengaytirish va talabalarga qulay sharoit yaratish borasida olib borilayotgan ishlar xususida to‘xtalishdi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin