O'zMU | Rasmiy kanal

Universitet talabalari nufuzli anjumanda ishtirok etdi

🌐Bugun, 17-aprel kuni “Mirzo Ulug‘bek vorislari” tayyorlov o‘quv kurslari markazi hamda “Science and innovation” xalqaro ilmiy jurnali hamkorligida “Tech Horizon 2030: IT va innovatsiyalar sammiti” xalqaro ilmiy-amaliy anjumani bo'lib o'tdi.

🎓Unda O‘zbekiston Milliy universiteti Matematika, Amaliy matematika va intellektual texnologiyalar, Fizika va Iqtisodiyot fakultetlarining “Mirzo Ulug‘bek vorislari” tayyorlov o‘quv kursida tahsil olayotgan talabalari faol ishtirok etishdi.

Xalqaro ilmiy-amaliy anjuman sun’iy intellekt, ta’lim texnologiyalarini raqamlashtirish va zamonaviy o‘qitish usullarining roliga alohida e’tibor qaratgan holda ta’limda IT va innovatsion texnologiyalar sohasidagi asosiy tendensiyalar va muammolarni muhokama qilish uchun platforma yaratishdir. “Tech Horizon 2025” – bu kelajak texnologiyalariga nazar tashlash, global miqyosdagi IT tendensiyalarini muhokama qilish va innovatsion g‘oyalarni hayotga tatbiq etish maqsadida tashkil etilmoqda.

📰Anjumanda “Mirzo Ulug‘bek vorislari” tayyorlov o‘quv kursi bitiruvchisi, Amaliy matematika va intellektual texnologiyalar fakulteti talabalari D.Narzullayev FaceCheck — sun’iy intellekt asosidagi raqamli davomat tizimi va N.Murtozayeva "How AI is Transforming Tourism?" mavzusi asosida ma'ruza qilishdi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

Zamonaviy filologik paradigmalar: anʼanalar va innovatsion yondashuvlarning oʻzaro taʼsiri

🇺🇿 O'zbekiston Milliy universitetida Xorijiy filologiya fakulteti Fransuz filologiyasi kafedrasi va Tarjima nazariyasi va qiyosiy tilshunoslik kafedrasi tomonidan “Zamonaviy filologik paradigmalar: anʼanalar va innovatsion yondashuvlarning oʻzaro taʼsiri” mavzusida xalqaro ilmiy-amaliy konferensiya bo‘lib o‘tdi.

🔁 O‘zbekiston va xorijiy mamlakatlar tilshunoslik, tarjimashunoslik sohalaridagi dolzarb muammolar va istiqbolli yo‘nalishlar xususida so‘z bordi, o‘zaro tajriba almashildi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Tajriba_almashuv

O‘zMU professor-o‘qituvchilari Qozog‘istonning Qarag‘anda universitetida ma’ruza o‘qishdi

⏺ Shu yilning 14-aprelidan 16-aprel sanasiga qadar Ijtimoiy fanlar fakulteti Falsafa kafedrasi professori Lalixon Muhammedjanova hamda dotsent Gulchehra Shadimetova xizmat safari bilan Qozog‘istonning E.A.Buketov nomidagi Qarag‘anda universitetida bo‘lishdi.

🗣 Safar davomida xorijiy universitetning Falsafa kafedrasiga, talabalar o‘quv xonalariga hamda kutubxonaga tashrif buyurildi. Professor-o‘qituvchilar va talabalar bilan ilmiy muloqot qilindi, ma’ruzalar o‘qildi.

🗄 Qarag‘anda universiteti rektori v.b., strategik rivojlantirish bo‘yicha prorektor E.J.Sarmurzin va boshqa rahbariyat vakillari bilan suhbatlashildi. Uchrashuvlar asosida mavjud tajribalar o‘rganib chiqildi, kelajakda mazkur universitet bilan hamkorlik aloqalarini rivojlantirish, ilmiy stajirovkalarni tashkil etishga kelishib olindi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#E'LON

Ertaga O’zMUda “Karyera kuni” mehnat yarmarkasi bo‘lib o‘tadi

🗣 Mazkur tashabbus universitetda tahsil olayotgan talabalarni ishga joylashishiga ko‘maklashish, ta’lim, fan va ishlab chiqarish integratsiyasini yanada rivojlantirish, 2024-2025-o‘quv yili bitiruvchilarini ish joylariga samarali taqsimlash maqsadida tashkil etilmoqda.

⏺ Unda yurtimizdagi yetakchi mahalliy va xorijiy kompaniya vakillari o‘zlarining bo‘sh ish o‘rinlari hamda mahsulotlari bilan ishtirok etishi kutilmoqda.

✍️ Mehnat yarmarkasiga universitetning barcha talabalarini hamda O‘zMU bitiruvchilariga ehtiyoji mavjud bo‘lgan korxona va tashkilot vakillarini taklif etamiz.

⏰️ Sana & vaqti: 18-aprel, soat 10.00dan 16.00 ga qadar
📍 Manzil: Toshkent shahri, Universitet ko‘chasi 4-uy.
🏡 Mo‘ljal: O‘zbekiston Milliy universitetining bosh maydoni

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Talaba_muvaffaqiyati

O‘zMU talabalari “Talaba – yugur” sport musobaqasi bahorgi mavsumida sovrindor bo‘ldi

⏺Talaba-yoshlarni sogʻlom hayotga targʻib qilish, ularni doimiy sport bilan shugʻullanishi uchun “Talaba – yugur” koʻngillilar yugurish sport musobaqasining bahorgi mavsumi bo'lib o'tdi.

⏺Unda O‘zbekiston Milliy universiteti Taekvondo va sport faoliyati fakulteti 2-bosqich talabalari Anvar Xolboyev 2-o‘rinni (3 mln so‘m), O‘tkirbek Turdiqulov 3-o‘rinni (2 mln so‘m) qo‘lga kiritishdi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#ishchi_guruh #registrator_ofisi

O‘zbekiston Milliy universitetida “Registrator ofisi” faoliyati o‘rganildi

⏺Mirzo Ulug‘bek nomidagi O‘zbekiston Milliy universitetida tashkil etilgan “Registrator ofisi” faoliyati Oliy ta’lim, fan va innovatsiyalar vazirligining ishchi guruhi tomonidan o‘rganildi.

⏺Oliy ta’limni rivojlantirish tadqiqotlari markazi boʻlim boshligʻi, ishchi guruh rahbari B.Xolmirov va ishchi guruh a’zolari universitetning O‘quv ishlari bo‘yicha prorektori Sh.Toshmatov hamda mas’ul xodimlar bilan suhbatlashib, universitetdagi o‘quv jarayoni bilan tanishdilar.

⏺O‘rganish natijalariga ko‘ra, “Registrator ofisi” faoliyatini takomillashtirish, talabalarga ko‘rsatilayotgan xizmat turlarini kengaytirish va ularning sifatini yanada oshirish chora-tadbirlari belgilandi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

"Xavfsiz va sog’lom yurt" oyligi doirasida targ'ibot uchrashuvi bo’lib o’tdi

🇺🇿 Fizika fakultetida “Xavfsiz va sog’lom yurt” oyligi doirasida profilaktik uchrashuv tashkil etildi. Tadbirda Olmazor tumani faoliyatini muvofiqlashtirish boshqarmasi vakillari, fakultet jamoasi, tyutorlar hamda 140 nafar talaba-yoshlar ishtirok etdi.

⏺Uchrashuv davomida giyohvandlik va psixotrop moddalarining noqonuniy aylanmasi, firibgarlik, tovlamachilik va tan jarohati yetkazish bilan bog‘liq jinoyatlarning oqibatlari haqida batafsil tushuntirishlar berildi.

⏺Mutaxassislar yoshlar orasida huquqbuzarliklarning oldini olish, ularni ogohlikka va mas’uliyatga chaqirish, qonuniylikni mustahkamlash borasida fikr almashdilar.

⏺Tadbir ishtirokchilarda ijobiy taassurot qoldirdi va yoshlarda huquqiy bilimlarni yanada mustahkamlashga xizmat qildi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin