Soddaligi va foydasi bilan ajralib turadigan qizil loviyali salat

Bu salat juda mazali, to‘yimli va tayyorlash uchun oddiy mahsulotlardan iborat. U nafaqat ta’mi bilan, balki foydaliligi bilan ham ajralib turadi.

Kerakli masalliqlar:

1 stakan qaynatilgan qizil loviya (yoki konservalangan)

1 dona o‘rtacha bodring

1 dona pomidor

½ bosh qizil piyoz

2-3 shoxcha ko‘k piyoz yoki kashnich

1 osh qoshiq limon sharbati yoki 1 choy qoshiq olma sirkasi

2 osh qoshiq o‘simlik yog‘i (zaytun yoki kungaboqar yog‘i)

Tuz va murch – ta’bga qarab


Tayyorlash usuli:

1⃣ Qizil loviyani oldindan ivitib, keyin suvda yumshoq bo‘lgunga qadar qaynatib olamiz. Agar konservalangan loviya ishlatayotgan bo‘lsangiz, suvini to‘kib, yuvib oling.

2⃣ Bodring va pomidorni mayda kubik shaklida to‘g‘raymiz.

3⃣Qizil piyozni ingichka yarim halqa shaklida kesamiz.

4⃣Ko‘katlarni mayda to‘g‘rab, barcha masalliqlarni bir idishga solamiz.


5⃣Ustidan limon sharbati, o‘simlik yog‘i, tuz va murch solib, yaxshilab aralashtiramiz.



Salat tayyor!

Uni darhol dasturxonga tortishingiz yoki biroz muzlatgichga qo‘yib, ta’mini yanada yaxshilashingiz mumkin. Bu salatni go‘sht yoki baliq taomlari bilan iste’mol qilish juda yaxshi.

📌 Siz bu salatni yana qanday qo‘shimchalar bilan tayyorlaysiz?

Telegram
Instagram