Нурли Аёллар

✍🏻 Yoshligimdan xotiralar

Maktab davrimda she'riyatga qiziqishim uyg‘ongan edi. Uy-ro‘zg‘or ishlaridan bo‘shab, yoz kunlarining eng issiq vaqtlarida salqingina “tepa uy”imizga chiqib o‘zbek va rus shoirlarining kichik hajmdagi kitobchalarini o‘qib o‘tirishni yaxshi ko‘rardim. Alisher Navoyining rus tiliga tarjima qilingan g‘azallarini chuqur anglamasam-da, baribir o‘qigim kelaverardi. U satrlarda ajoyib ruhiyat borligini sezgan bo‘lsam kerak.😊

“Tepa uy” - bu hovlimizning etagida balandroq solingan zinapoyasi bor ikki xonali uy edi. Bir xonasida shinam divan va kreslolar, hamda mustahkam jurnal stoli turar edi. Eshikka qizil pardalar ilingan, ikki oynasi hovlining orqa tomoniga qaragan, orqa tomondagi eshikning tagidan esa ariq oqar edi. Ariqning salqin hovuri va tezlik bilan oqayotgan suvning ovozi hotirjamlik xissini berar edi. Xonaning yana bir oynasi esa hovli tomonga qaragan edi, va oyna tokchasiga ichida asosan o‘rta va kichik hajmdagi kitobchalar saqlanadigan 4-qavatli kitob javoni qo‘yilgan edi.

U xona shovqinli va tezlashgan hayotdan to‘silgan, dunyo ishlaridan qisqa vaqtga bo‘lsa ham chalg‘ish uchun salqin shinamgina pana joy edi.

📖 She'r orqali oddiy muloqotda aytish mushkul bo‘lgan fikrlarni, xis-tuyg‘ularni ifodalasa bo‘ladi. Chuqur ma'noli she'rlarni yozadigan insonlarga xavasim keladi.

©️Naima Atamirzayeva

Kanalga ulanish ⬇️⬇️⬇️
https://t.me/nurli_ayollar

Telegram | Instagram

✍🏻 Ёшлигимдан хотиралар

Мактаб давримда шеъриятга қизиқишим уйғонган эди. Уй-рўзғор ишларидан бўшаб, ёз кунларининг энг иссиқ вақтларида салқингина “тепа уй”имизга чиқиб ўзбек ва рус шоирларининг кичик ҳажмдаги китобчаларини ўқиб ўтиришни яхши кўрардим. Алишер Навойининг рус тилига таржима қилинган ғазалларини чуқур англамасам-да, барибир ўқигим келаверарди. У сатрларда ажойиб руҳият борлигини сезган бўлсам керак.😊

“Тепа уй” - бу ҳовлимизнинг этагида баландроқ солинган зинапояси бор икки хонали уй эди. Бир хонасида шинам диван ва креслолар, ҳамда мустаҳкам журнал столи турар эди. Эшикка қизил пардалар илинган, икки ойнаси ҳовлининг орқа томонига қараган, орқа томондаги эшикнинг тагидан эса ариқ оқар эди. Ариқнинг салқин ҳовури ва тезлик билан оқаётган сувнинг овози ҳотиржамлик хиссини берар эди. Хонанинг яна бир ойнаси эса ҳовли томонга қараган эди, ва ойна токчасига ичида асосан ўрта ва кичик ҳажмдаги китобчалар сақланадиган 4-қаватли китоб жавони қўйилган эди.

У хона шовқинли ва тезлашган ҳаётдан тўсилган, дунё ишларидан қисқа вақтга бўлса ҳам чалғиш учун салқин шинамгина пана жой эди.

📖 Шеър орқали оддий мулоқотда айтиш мушкул бўлган фикрларни, хис-туйғуларни ифодаласа бўлади. Чуқур маъноли шеърларни ёзадиган инсонларга хавасим келади.

©️Наима Атамирзаева

Каналга уланиш ⬇️⬇️⬇️
https://t.me/nurli_ayollar

Telegram | Instagram

🕰Бугун...⏰

Бугун яшарканман эртани ўйлаб,
Кечаги кечмишим йўлимда чироқ.💡
Қанча тиришмайин тўғри юрмоққа,
Қоқилиб кетаман йўлларда...
Бироқ!

Яшамоқ – чидамоқ, курашмоқ дейман,
Қаршимда туради мағрур қоялар.
Ҳақиқат тулпорин миниб чопаман
Анграйиб қолади ортда соялар...

Салима Қилич қизи

https://t.me/salimaqilichqizi

#eslatma

Assalomu alaykum!

Bugun sizlarga o‘zim haqimda bir haqiqatni aytaman:

Millatim o‘zbek bo‘lishiga qaramay, o‘zbek tilida yozishga biroz qiynalaman. Buning asosiy sababi rus maktabda o‘qiganim bo‘lsa kerak. Maktab davrlaridan to yaqingacha asosan rus tilidagi kitoblarni o‘qib kelgan edim.

2006 yilda bir korxonada Tarjimonlik kasbim bo‘yicha ishlayotgan vaqtimda, korxonamiz boshlig‘i o‘zbek va rus tillarini aralashtirib gapirganim uchun tanbeh bergan edilar. Va menga: “Gapirsangiz to‘liq bitta tilda gapiring”, deya maslaxat berdilar. U so‘zlarni hayotim davomida tez-tez yodimga olib turaman. Qani edi, bu gaplarni menga kimdir yoshligimda aytsa edi, koshki bugun ona tilimni mukammalroq bilgan bo‘larmidim, deb o‘ylab turaman.

O‘zbek tilidagi kitoblarni va matnlarni tahminan 2018 yildan ko‘proq o‘qishni boshladim. Ushbu kanalni yuritishni boshlashdan ham bir nechta maqsadni ko‘zlagan edim. Shu maqsadlardan biri ona tilimda yozishni o‘rganish ham bo‘lgan.

Bugun yuqoridagi “Gapirsangiz to‘liq bitta tilda gapiring” maslaxatini o‘zimga yana bir bor eslatib, sizlarga ham tavsiya qilmoqchiman, aziz ayollar!
Bir vaqtning o‘zida o‘zbek tilida gapirmoqchi bo‘lsangiz, to‘liq o‘zbek tilida, yoki to‘lik ingliz yoki rus tilida muloqot qiling, shunda nutqingiz tinglovchiga ham yoqimli bo‘ladi.

Avvallari o‘zimdagi kamchilikni sezmaganim tufayli, atrofdagilarda ham bu normal holatdek edi. Bugun esa ikki-uch tilni aralashtirib gapiradigan yoki yozadigan ayollarni uchratganimda, o‘zimni avvalgi holatimni chetdan kuzatgandek bo‘laman, va o‘zimdan uyalaman…

Xullas, keling, ona tilimizdagi so‘zlarni to‘g‘ri yozish va talaffuz qilishni, to‘liq bitta tilda (boshqa tildagi so‘zlarni aralashtirmagan holda) so‘zlashishni o‘rganaylik. 😊

Bugungi kunda https://t.me/xatoliklar kanalini kuzatib boraman, va xatolarim ustida ishlashda davom etyabman.

Telegram | Instagram

#эслатма

Ассалому алайкум!

Бугун сизларга ўзим ҳақимда бир ҳақиқатни айтаман:

Миллатим ўзбек бўлишига қарамай, ўзбек тилида ёзишга бироз қийналаман. Бунинг асосий сабаби рус мактабда ўқиганим бўлса керак. Мактаб даврларидан то яқингача асосан рус тилидаги китобларни ўқиб келган эдим.

2006 йилда бир корхонада Таржимонлик касбим бўйича ишлаётган вақтимда, корхонамиз бошлиғи ўзбек ва рус тилларини аралаштириб гапирганим учун танбеҳ берган эдилар. Ва менга: “Гапирсангиз тўлиқ битта тилда гапиринг”, дея маслахат бердилар. У сўзларни ҳаётим давомида тез-тез ёдимга олиб тураман. Қани эди, бу гапларни менга кимдир ёшлигимда айтса эди, кошки бугун она тилимни мукаммалроқ билган бўлармидим, деб ўйлаб тураман.

Ўзбек тилидаги китобларни ва матнларни таҳминан 2018 йилдан кўпроқ ўқишни бошладим. Ушбу канални юритишни бошлашдан ҳам бир нечта мақсадни кўзлаган эдим. Шу мақсадлардан бири она тилимда ёзишни ўрганиш ҳам бўлган.

Бугун юқоридаги “Гапирсангиз тўлиқ битта тилда гапиринг” маслахатини ўзимга яна бир бор эслатиб, сизларга ҳам тавсия қилмоқчиман, азиз аёллар!
Бир вақтнинг ўзида ўзбек тилида гапирмоқчи бўлсангиз, тўлиқ ўзбек тилида, ёки тўлик инглиз ёки рус тилида мулоқот қилинг, шунда нутқингиз тингловчига ҳам ёқимли бўлади.

Авваллари ўзимдаги камчиликни сезмаганим туфайли, атрофдагиларда ҳам бу нормал ҳолатдек эди. Бугун эса икки-уч тилни аралаштириб гапирадиган ёки ёзадиган аёлларни учратганимда, ўзимни аввалги ҳолатимни четдан кузатгандек бўламан, ва ўзимдан уяламан…

Хуллас, келинг, она тилимиздаги сўзларни тўғри ёзиш ва талаффуз қилишни, тўлиқ битта тилда (бошқа тилдаги сўзларни аралаштирмаган ҳолда) сўзлашишни ўрганайлик. 😊

Бугунги кунда https://t.me/xatoliklar каналини кузатиб бораман, ва хатоларим устида ишлашда давом этябман.

Telegram | Instagram

#oila

07.05.2022

Haqiqiy oila necha yilda shakllanadi? Ustozimning so‘zlari bugungi kunda yanada dolzarb masalaga aylandi.

Universitetda o‘qigan davrimda Bakalavrning 2-chi kursida 2-chi chet tilini tanlash fursati keldi. Albatta, tanlashdan avval ota-onam bilan maslahatlashdim, va ular “Arab tilini tanla”, - deganlarida, ularni tanlovlari o‘zimniki bilan bir xil bo‘lganidan juda suyundim.
Arab tili dunyodagi eng murakkab tillardan biri bo‘lgani sababli uni tanlashda biroz ikkilanish ham bo‘lgan edi. Allohga behisob shukr bo‘lsin, yoshligimda Otin ayamizni bergan ilmlari katta yordam berdi. O‘qish va yozuvga tez va oson kirishib ketdim, Alhamdulillah.

Arab tili ustozimning otalari Toshkent shahrida bir vaqtlar ko‘pchilik tanigan hurmatga sazovor ilmli inson bo‘lgan ekanlar. Ustozimning otalariga nisbatan odoblari yuksak darajada bo‘lib, ular bilan suhbatlashganlarida kam gapirib ko‘zlariga tik qaramagan ekanlar.
Ustozimiz o‘z vaqtida O‘zbekistonda kam bo‘lgan mutaxassislardan biri bo‘lgan va Halqaro darajada Arab tili Tarjimoni bo‘lib ishlaganlar.

Darslarimiz juda qiziq o‘tardi. Ustozning dars o‘tish uslublari o‘zgacha edi. Afsuski, 2-chi chet tilini o‘rganishga haftada bor yo‘g‘i 2-para dars ajratilgan edi, o‘sha vaqtlar g‘animat ekanligini kech tushunib yetdim.
Darslarni ohirida Ustoz bizga oltinga teng ilmlarni berib, chiroyli nasihatlar qilar edilar. Bugungacha ham ularning ma'rifatli so‘zlarini yodimga olaman.
“Haqiqiy oila 10 yilda shakllanadi”, - degan gaplarini mana salkam 14 yil turmush hayotimiz davomida bir necha bor yodimga oldim. Bu gapning tagida ko‘p hikmat borligini boshqa oilalar misolida ham ko‘p ko‘ryapman.

Har bir oilada o‘ziga xos sinovlar, mashaqqatlar bo‘lishi mumkin. Qolaversa, 2-ta bir-biridan mutlaqo farq qiladigan oilalar va ularni farzandlarining bir-biriga ko‘nikma xosil qilishi uchun muayyan muddat kerak bo‘ladi.
Ilk sinovlardayoq umidsizlikka tushish va oiladan voz kechish huddi yangi kasb-hunarni o‘rganishda 1-chi muvaffaqiyatsizlikdayoq: “Bu ish qo‘limdan kelmas ekan”, - deb uni tashlash kabidir. Oilaviy hayotda xursandchilik bo‘lgan kunlarni, yaxshiliklarni unutib, diqqatni va hayolni faqat yoqimsiz voqea-xodisalar bilan band qilish - noshukrlik emasmi?

Har bir ishning o‘z ilmi bo‘lganidek, oila qurishning ham ilmi bor, albatta. Ilm olish bilan birga, ezgu niyatlar, chiroyli sabr, doimiy harakat va Allohdan umid bo‘lsa, natijasi ham yaxshi bo‘ladi, in sha Alloh.

©️Naima Atamirzayeva

Telegram | Instagram

#оила

07.05.2022

Ҳақиқий оила неча йилда шаклланади? Устозимнинг сўзлари бугунги кунда янада долзарб масалага айланди.

Университетда ўқиган давримда Бакалаврнинг 2-чи курсида 2-чи чет тилини танлаш фурсати келди. Албатта, танлашдан аввал ота-онам билан маслаҳатлашдим, ва улар “Араб тилини танла”, - деганларида, уларни танловлари ўзимники билан бир хил бўлганидан жуда суюндим.
Араб тили дунёдаги энг мураккаб тиллардан бири бўлгани сабабли уни танлашда бироз иккиланиш ҳам бўлган эди. Аллоҳга беҳисоб шукр бўлсин, ёшлигимда Отин аямизни берган илмлари катта ёрдам берди. Ўқиш ва ёзувга тез ва осон киришиб кетдим, Алҳамдулиллаҳ.

Араб тили устозимнинг оталари Тошкент шаҳрида бир вақтлар кўпчилик таниган ҳурматга сазовор илмли инсон бўлган эканлар. Устозимнинг оталарига нисбатан одоблари юксак даражада бўлиб, улар билан суҳбатлашганларида кам гапириб кўзларига тик қарамаган эканлар.
Устозимиз ўз вақтида Ўзбекистонда кам бўлган мутахассислардан бири бўлган ва Ҳалқаро даражада Араб тили Таржимони бўлиб ишлаганлар.

Дарсларимиз жуда қизиқ ўтарди. Устознинг дарс ўтиш услублари ўзгача эди. Афсуски, 2-чи чет тилини ўрганишга ҳафтада бор йўғи 2-пара дарс ажратилган эди, ўша вақтлар ғанимат эканлигини кеч тушуниб етдим.
Дарсларни оҳирида Устоз бизга олтинга тенг илмларни бериб, чиройли насиҳатлар қилар эдилар. Бугунгача ҳам уларнинг маърифатли сўзларини ёдимга оламан.
“Ҳақиқий оила 10 йилда шаклланади”, - деган гапларини мана салкам 14 йил турмуш ҳаётимиз давомида бир неча бор ёдимга олдим. Бу гапнинг тагида кўп ҳикмат борлигини бошқа оилалар мисолида ҳам кўп кўряпман.

Ҳар бир оилада ўзига хос синовлар, машаққатлар бўлиши мумкин. Қолаверса, 2-та бир-биридан мутлақо фарқ қиладиган оилалар ва уларни фарзандларининг бир-бирига кўникма хосил қилиши учун муайян муддат керак бўлади.
Илк синовлардаёқ умидсизликка тушиш ва оиладан воз кечиш ҳудди янги касб-ҳунарни ўрганишда 1-чи муваффақиятсизликдаёқ: “Бу иш қўлимдан келмас экан”, - деб уни ташлаш кабидир. Оилавий ҳаётда хурсандчилик бўлган кунларни, яхшиликларни унутиб, диққатни ва ҳаёлни фақат ёқимсиз воқеа-ходисалар билан банд қилиш - ношукрлик эмасми?

Ҳар бир ишнинг ўз илми бўлганидек, оила қуришнинг ҳам илми бор, албатта. Илм олиш билан бирга, эзгу ниятлар, чиройли сабр, доимий ҳаракат ва Аллоҳдан умид бўлса, натижаси ҳам яхши бўлади, ин ша Аллоҳ.

©️Наима Атамирзаева

Telegram | Instagram