Портловчи атмосфера резервуарларда ёнувчан углеводород буғлари ва ҳаво муайян нисбатда аралашганда ҳосил бўлади. Бундай буғлар ҳарорат ўзгариши, резервуарларни тўлдириш ёки бўшатиш жараёнларида, шунингдек, қолдиқ маҳсулотларнинг буғланиши натижасида пайдо бўлиши мумкин. Агар буғлар концентрацияси портлаш чегаралари оралиғига тушса ва ёниш манбаи мавжуд бўлса, кучли портлаш содир бўлиши эҳтимоли юқори.

Портлашларнинг олдини олиш чоралари
• Инертизация – кислород миқдорини ёниш учун зарур даражадан пастга тушириш учун азот ёки бошқа инерт газлар киритилади.
• Шамоллатиш тизимлари – буғларнинг тўпланишини олдини олиб, уларнинг концентрациясини хавфсиз даражага туширади.
• Газни доимий мониторинг қилиш – замонавий газ детекторлари хавфли буғ концентрациясини аниқлаб, операторларга огоҳлантириш беради.
• Тўғри муҳрлаш – резервуар ичига ҳаво ва ташқи ёнувчи газларнинг кириб келишининг олдини олади.
• Статик электрга қарши чоралар – барча металл қопламалар ва ускуналар ерга уланиши керак, акс ҳолда статик заряд учқун чиқариб, портлаш чақириши мумкин.
• Хавфсизлик протоколлари – техник хизмат ва ички текширувлар қатъий қоидалар асосида бажарилиши, ишчилар эса махсус портлашга қарши воситалардан фойдаланиши ва ҳимоя кийимларини кийиши лозим.
• Оловли ишларни назорат қилиш – қизиган металл, очиқ олов ёки пайвандлаш ишларини фақат хавфсиз шароитда ва махсус рухсат билан бажариш талаб этилади.

Барча чораларга қатъий риоя қилинмаса, портлаш хавфи кескин ошади. Бу каби фожеалар олдини олиш учун хавфсизлик чораларига катта эътибор бериш шарт!

Резервуарнинг устида югуриб юрган одам тирик қолганмикин-а!?

Каналга уланиш: @Ngi_Uz