Bolalikda biz bolalar
Urar edik bir birimizni,
Musht bilan bazan,
Shishirib ko'zimizni.

U vaqtlar o'tib ketdi,
Olib ketdim bolalikdan boshimni.
Urush odatim bor hali ham,
Urmoqdaman endi yoshimni.

Qattiq urgan edim qirqimni,
Ellikni rosa do'ppaslab,
Tarsaki tortim oltmishimga ham,
Yiqildi, qoldi yerni paypaslab.

Oltmish sakkizni uraman endi,
Bilagimda kuchim zaifroq.
Baribir uraman, iloj yoq,
Borligimda bor qattiq titroq...

Bir kun kelar erka bir yoshim,
Ko'zlarim yumular, uni ko'rmayman.
Baxtliman chunki men o'shanda,
Sevimli yoshimni urmayman...
N.N