Мунажжимлар башорати

ТАРОЗИ (23. 09 — 23. 10)

Бугун ишингиз кўп. Ёлғиз ўзингиз уларни уддалай олмайсиз. Демак, ёрдамчи топишингиз керак. Жуфтингиз билан орангизга бироз совуқчилик тушиши кутилади. Ўзингизни кун давомида ҳорғин ва толиққан ҳис эта бошлашингиз кутилади. Муаммо саломатлик билан боғлиқ бўлса, ўзингизча муолажалар ўйлаб топишингиз тавсия этилмайди. Оила қурмаган бўлсангиз, ўзингизга ёққан инсонга ниҳоят туйғуларингизни ошкор қилинг. Тағин уни бошқаси илиб кетиб қолмасин.

ЧАЁН (24. 10 — 22. 11)

24 ноябрда бўшашишга, керагидан кўп ухлашга ҳақли эмассиз. Сизни реал ҳаётда кўплаб ишлар кутиб туради. Айримларга жуда фойдали таклифлар келиб тушади. Баъзи танишлар жонингизга тегяптими? Танаффус эълон қилинг. Улар билан маълум вақт мулоқот қилманг. Ҳаммаси яхши бўлади. Овқатланиш режимига, меъёрларга қатъий амал қилишингиз талаб этилади. Агар амал қилмасангиз, ошқозонингизда муаммо пайдо бўлади-ю, парҳез тутишга мажбур бўласиз.

ЎҚОТАР (23. 11 — 21. 12)

Бугун ўқотар буржи остида туғилганлардан ташкилотчилик талаб қилинади. Уйда ҳам, кўчада ҳам ташкилотчилик қобилиятингиз бўлса, дар қолмайсиз. Омад ҳам, мўмай даромад ҳам сизники бўлади. Муҳаббатда қайғуга ботганча ўтирманг. Жуфтингизни ранжитган бўлсангиз, демак, айбингизни ювишингиз зарур. Сюрприз ўйлаб топинг. Рўзғорингиздаги майда-чуйда муаммоларни деб кўп вақтингизни бой берманг. Моддий аҳволингизни яхшилаш пайида бўлинг.

ТОҒ ЭЧКИСИ (22. 12 — 19. 01)

24 ноябр куни хоҳишларингизнинг чек-чегараси бўлмайди. Лекин хоҳлаш бошқа, уни ҳақиқатга айлантириш бошқа Молия соҳасида аҳволингизни бировларга яхши кўрсатишга уринманг. Киссангиз пулга тўла бўлса ҳам билингки, улар абадий эмас. Йирик харидларни амалга оширишдан тийилинг. Харид киссангизни қуритишга ярайди холос. Кимки хориж сафарига отланса, бу сафари муваффақиятли ва ёқимли кечади. Омад сизга ёр бўлсин!

ҚОВҒА (20. 01 — 18. 02)

Атрофдагилардан, ташқи дунёдан ранжишингиз кутилади. Бунинг асосий сабабчиси эса хафаргарчиликлар эмас. Балки муҳаббатдир. Оиласизлардан кимдир кўчада бировни кўриб қолади-ю, тинчини йўқотади. Кайфияти тушади, ўртаниш палласига киради. Руҳан тетиклашиш учун табиат қўйнида дам олинг. Тадбиркорлар учун кечқурун омад яна кулиб боқади. Фойдали келишувга эришасиз, фойдали шартномага имзо чекасиз. Ўзингизни эҳтиёт қилинг.

БАЛИҚ (19. 02 — 20. 03)

Характерингизда норозилик аломатлари кўзга ташлана бошлаши мумкин. Бу атрофингиздагилар билан мулоқот пайтида кузатилади. Ишда, шахсий ҳаётда, ҳатто, муҳаббатда ҳам ўзингизни алдашга уринманг. Ҳаётга реал кўз билан боқинг. Рўзғорда таъмирбоп жиҳозлар бўлса, уларни ўша вақтнинг ўзида таъмирлатинг. Эртанги кун учун қолдирсангиз, муаммо жиддийлашиб кетаверади. Бугун моддий аҳволингиз кўнгилдагидек кечади.

ҚЎЙ (21. 03 — 20. 04)

Кунингиз осон кечмайди. Туйғулар тафаккурга соя ташлай бошлайди. Агар ҳар бир ҳаракатингизни пухта режа ёрдамида содир этсангиз, кўнгилсиз вазиятларни айланиб ўтишингиз мумкин бўлади. Дўстлар билан ҳам илиқ муносабатларни сақлаб қолишга ҳаракат қилинг. Рўзғордаги муаммо қай даражада жиддий ва мураккаб бўлмасин, хотиржамлик билан бартараф этинг. Кечқурун қайсидир бажарган ишингиз эвазига ҳақ беришади.

БУЗОҚ (21. 04 — 20. 05)

24 ноябр куни ҳар ишни виждонан амалга оширсангиз кам бўлмайсиз. Тажрибангизни ва билимингизни тўлиқ намойиш этинг. Илгари қандайдир сабаб билан ҳаётга тадбиқ этилмай қолган лойиҳаларга қўл уришингиз ҳам бугун муваффақиятли кечади. Молиявий операцияларни амалга оширишдан тийилинг. Улар бугун инқирозга сабаб бўлади. Электр токига ишлайдиган, ўткир асбоблар билан ишлаганда ниҳоятда эҳтиёт бўлинг.

ЭГИЗАКЛАР (21. 05 — 21. 06)

Айрим тадбиркорлар бугун инқирозга юз тутишлари мумкин. Шу сабабли жуда эътиборли бўлинг. Жамиятдаги ўрнингизни йўқотиб қўймаслик йўлида сезиларли ҳаракатлар содир этинг. Рақобат кучайган. Рақобатчиларни ортда қолдириш мумкин бўлган иш усулларини ўйлаб топишингизга тўғри келади. Шахсий ҳаётда тилингизга эҳтиёт бўлинг. У яқинларингиз билан ўзаро жанжаллар келиб чиқишини таъминлаши ҳеч гап эмас.

ҚИСҚИЧБАҚА (22. 06 — 22. 07)

24 ноябрда саломатликни мустаҳкамлаш амалларини адо этишингиз талаб этилади. Бунинг учун меҳнат таътилига чиқсангиз, нур устига аъло нур бўларди. Баъзи хасталиклар белги бера бошлаган бўлса ҳам барибир врач қабулига боришга, тиббий кўрикдан ўтишга мажбурсиз. Оилалилар ўз уйида, оиласида тинчлик қарор топиши учун ҳаракат қилишлари керак. Жанжаллар пайдо бўлишига йўл қўйманг.

АРСЛОН (23. 07 — 23. 08)

Арслон буржи остида туғилганлар ҳаётида ажойиб ҳодисалар содир бўлиши мумкин. Ҳайратланарлиси шуки, уларнинг айримлари олис ўтмишдан келади. Нимаики иш қилманг, фақат ўзингизга ишонинг, бировларга эмас. Мабодо хизмат сафарига чиқиш имконияти туғилса, дарҳол йўлга отланинг. Шу баҳонада ҳаво алмашасиз, дам оласиз. Оллоҳ сизга ёр бўлсин!

ПАРИЗОД (24. 08 — 22. 09)

24 ноябр куни муҳаббатда омадингиз чопади. Оилали бўлсангиз ҳам барибир муҳаббат ҳамроҳлик қилади. Унинг майин ва нозик лаҳзаларидан баҳра оласиз, ёшарасиз. Ишда бошлиқ муҳим вазифани ишониб топширган бўлса, ҳамкасбларга гуллаб қўйишдан сақланинг. Бу махфий сир бўла қолсин. Дўстлардан бири ҳам куннинг иккинчи ярмида қўшимча даромад келтирадиган иш таклиф қилиши мумкин. Сурункали хасталикка йўлиққанлар ҳамиша ҳушёр турсинлар.

ТАРОЗИ (23. 09 — 23. 10)

Бугун нафақат миянгиздаги хунук хаёллардан, балки атрофингиздаги ёмон ниятли кимсалардан ҳам нари бўлишга ҳаракат қилишингиз тавсия этилади. Бугунги кунни ўзингиз учун янгиланиш ва тозаланиш куни деб эълон қилинг. Ижод кишилари ҳам бугун муваффақиятлардан мосуво қолмайди. Яқин инсонингизга имкон доирасида қайноқ меҳрингизни беринг. Кечқурун тоза ҳавода сайр қилинг. Овқатланиш режимига амал қилинг.

ЧАЁН (24. 10 — 22. 11)

23 ноябрда қанча позитив кайфиятда бўлсангиз, шунча омад сиз томонда бўлади. Ишларингизда ҳам унум кўзга ташланади. Шахсий бизнесига эга бўлганлар рақобатчиларнинг қабиҳ ҳаракатларидан сақланишлари керак. Шўр, ёғли ва аччиқ таомлардан юз буринг. Ортиқча вазндан нолиб юрганлар биринчи навбатда спортга ошно бўлишлари керак. Саломатлигингизни асранг. Кечқурун хонадонингизга меҳмонлар ташриф буюриши кутилади. Айримларнинг уйида эса чақалоқ йиғиси янграши эҳтимолга яқин.

ЎҚОТАР (23. 11 — 21. 12)

Мулоқот масаласида бугунги кунингиз мазмунли кечади. Муносабат нимадир сабаб билан узилиб қолганлар билан ҳам бугун қайта топишиб мулоқот қилишингиз мумкин. Семинарлар, кўрик танловлар бугун муваффақиятли ўтади. Кўчага ҳавонинг авзойига қараб кийинган ҳолда чиқишингиз тавсия қилинади. Йўқса, шамоллаб қолишингиз ҳеч гап эмас. Серқатнов йўлларни кесиб ўтишда жуда эҳтиёт бўлинг. Иложи бўлса, шахсий автомобилингизда йўл юрманг. Оллоҳ сизга ёр бўлсин!

ТОҒ ЭЧКИСИ (22. 12 — 19. 01)

23 ноябр сиз учун албатта унумли кечади. Айниқса, савдо, бизнес, молиявий операциялар билан шуғулланувчиларнинг куни туғади. Даромаднинг мўмайи сизники, ишонаверинг. Ҳамма ишлар режалаштирганингиздан ҳам яхши кечади. Техник ишлар билан банд дўстларимиз мукофот пулига эга чиқишлари кутилади. Раҳбарингиз меҳнатингизни муносиб баҳолайди. Оила қурмаганлар кечқурун романтик учрашувга чиқишади.

ҚОВҒА (20. 01 — 18. 02)

Йиғиб юрган пулларингизнинг барчасини ўзингизга сарфлашни ният қилибсиз. Муборак бўлсин. Бу жуда тўғри қарор. Агар қўшимча заҳира пулингиз бўлса, қолган пуллар билан бемалол ўзингизни хурсанд қилаверсангиз ярашади. Агар даромадингиздан кўнглингиз тўлмаётган бўлса, қўшимча иш топинг. Бунинг учун кучингиз ҳам, имкониятларингиз ҳам етарли. Бугун сийдик йўллари, бўғимларни даволаш мақсадларига йўналтирилган амаллар муваффақиятли кечади.

БАЛИҚ (19. 02 — 20. 03)

Сизга ёқимсиз лаҳзалар, муваффақиятсизликлар хавф солмайди. Фақат молиявий аҳволингизни қатъий назорат остига олишингиз керак бўлади. Қарз олманг ва катта ишларга пул тикманг. Қачонлардир яқин дўст бўлган бир инсон билан тасодифан учрашиб қолишингиз эҳтимоли бор. Дўстлик тикланиши мумкин. Лекин аввалгидек мустаҳкам кечмаса керак. Кечқурун муҳим бир хабар эшитасиз.

ҚЎЙ (21. 03 — 20. 04)

Бугун профессионал касбингиз билан боғлиқ ишга оид билим ва тажрибаларни қайтадан чархлашингиз талаб этилади. Бу келгусида мартабангиз юқори бўлиши учун катта фойда беради. Сизга нисбатан тажриба ва билими кўп ҳамкасбларнинг маслаҳатларидан ҳам унумли фойдаланишга ҳаракат қилинг. Молиявий аҳволингиз қониқарли даражада бўлади. Нени истасангиз, сотиб олишга қурбингиз етади иншооллоҳ. Серқатнов йўлларда эҳтиёткорлик билан ҳаракатланинг.

БУЗОҚ (21. 04 — 20. 05)

23 ноябр куни ижодкор дўстларимизнинг куни туғади. То кечга қадар мухлислар қуршовида бўласиз. Дўст, ҳамкор танлаш учун ҳам имкониятларингиз бисёр. Рўзғор ва молия соҳасида содир этиладиган ҳар бир ҳаракатингизни назоратда ушланг. Кимлардир кимлардандир қарздор бўлиши мумкин. Қарзларни қайтариш вақти келди. Кечқурун спиртли ичимликлар истеъмолидан тийилишингиз тавсия этилади. Гарчи энг қадрдон инсонингиз таклиф киритса ҳам бош тортинг.

ЭГИЗАКЛАР (21. 05 — 21. 06)

Агар ишхонада йирик лойиҳаларни муваффақиятли тарзда ҳаётга тадбиқ этган бўлсангиз, майда-чуйда ишларга қўл урсангиз ҳам бўлади. Улар ҳам йирик лойиҳалардан кам даромад келтирмайди. Хўжалик ишлари сиздан катта босимда жисмоний зўриқиш талаб қилади. Куннинг иккинчи ярмида олисда яшайдиган қариндошингиз ҳақида хабар етказишлари мумкин. Меҳнат таътилида бўлсангиз, саломатлигингизга эътибор қаратишингиз сўралади. Жуда бўлмаганда, санаторийда ётиб нафас ростланг.

ҚИСҚИЧБАҚА (22. 06 — 22. 07)

23 ноябрда оиласизлар иллюзия қуршовида бўлишади. Танлаганингиз ҳақидаги тотли ўйлар сизни еттинчи осмонларга парвоз қилдиради. Бу лаҳзаларни хотирангизга муҳрлаб қўйинг. Қўйингки, ҳар ўйлаганда ўзингизни бахтли ҳис эта олинг. Ўзингизга ёқса, қизиқарли бўлса, иш деганининг ҳеч биридан юз ўгирманг. Оилалилар яқинларининг хоҳишлари етовида иш тутишлари талаб этилади.

АРСЛОН (23. 07 — 23. 08)

Рўзғорингизда жиҳозлардан бири ишдан чиқиб, сизни анчагина харажатга тушириши кутилмоқда. Харажат-ку майли, вақтингиз ҳам кетади. Айрим режаларни шу сабаб бўлиб кейинга суришингизга тўғри келади. Моддий аҳволингизни яхшилаш учун бугун қулай вазият туғилади. Ундан унумли фойдаланишга ҳаракат қилинг. Дўстлардан кимдир қўшимча даромад келтирадиган иш таклиф этиши мумкин. Иш бажаришда ўз истеъдодингиз ва ички имкониятларингизга шубҳа назари билан қараманг.

ПАРИЗОД (24. 08 — 22. 09)

23 ноябр куни ишда ҳам, шахсий ҳаётда ҳам ўзгаларнинг фикри билан ҳисоблашишингиз тавсия қилинади. Ўз фикрингизни ўтказишга ҳаракат қилманг. Кимки сизга яхшилик қилса, сиз ҳам яхшилик билан жавоб қайтаринг. Кун давомида кўпроқ пиёда юринг. Хунук хаёлларни миянгиздан қувиб солинг. Сурункали хасталикка йўлиққан бўлсангиз, муолажалар, профилактикага эътибор қаратинг. Ўзингизни эҳтиёт қилинг. Кечқурун кимдир қўлингизга бир даста пул тутқазиши мумкин.

ТАРОЗИ (23. 09 — 23. 10)

Агар ҳаётдан кўнглингиз тўлмаётган бўлса, ўзингизни тутишда ва бошқа жабҳаларда жиддий ўзгаришлар ясанг. Ишга ва шахсий ҳаётга нисбатан муносабатларни янгиланг. Атрофдагилар билан ҳам илгаригига қараганда яхшироқ, мулойимроқ муносабат юритинг. Куннинг иккинчи ярмида сизни оммавий тадбирга таклиф этишлари кутилади. Иш жойингизда сизга йирик бир лойиҳани ишониб топширишади. Пул топишда енгил йўлларни изламанг.

ЧАЁН (24. 10 — 22. 11)

22 ноябр куни профессионал касбингиз билан боғлиқ ишингизда муаммолар пайдо бўлиш эҳтимоли бор. Раҳбарлардан танқид, ҳамкасблардан даккилар эшитишингизга тўғри келади. Интернетда қарама-қарши жинс вакил ёки вакиласи билан романтик муносабатлар юритиш фикридан йироқ бўлинг. Ёлғиз бўлсангиз, яқиндагина дўстлашган бир инсон билан орангизда жиддий муносабат туғилиши кутилади. Оллоҳ сизга ёр бўлсин!

ЎҚОТАР (23. 11 — 21. 12)

Яқин инсонлар билан муносабатларда совуқчилик кўзга ташланиши мумкин. Ғийбатлар ва миш-мишлар айнан сизнинг номингизга ёғилаётганидан хабар топасиз. Шунинг учун эмоционал ҳолатингизни шунга тайёрлаб қўйишингиз ҳам зиён қилмайди. Кимки жуфти билан жанжаллашган бўлса, бугун ярашиш бахтига муяссар бўлади. Молиявий муаммоларни кечки пайтгача етмай ижобий ҳал этишга уриниб кўринг. Шунда қўшимча даромад кўришингиз учун имконият туғилган бўларди.

ТОҒ ЭЧКИСИ (22. 12 — 19. 01)

22 ноябрда истакларингиз ҳақиқатга айланиши учун уларни тўғри танлай билишингиз керак. Қалбингизда истаклар рўёбга чиқиши масаласида шубҳа-гумонлар умуман бўлмаслиги лозим. Жуфтингиз билан иш юзасидан қисқа муддатга айро ҳолда яшаб туришингизга тўғри келади. Агар бу масалага позитив муносабатда бўлсангиз, икки орадаги муҳаббат янада мустаҳкам тортади. Молия масаласида қайта-қайта ўйлашга, ҳисоб-китоб қилишга, масалани назоратда ушлашга эринманг. Тадбиркор бўлсангиз, яқин ҳамкорлар билан узоқ муддатли шартнома имзоламанг.

ҚОВҒА (20. 01 — 18. 02)

Бугун овқатланишда ва жисмоний меҳнатда меъёрга амал қилишингиз талаб этилади. Агар дўстлар, танишлар кўмагисиз битмайдиган ишларга ёлғиз ўзингиз қўл урсангиз, саломатликка жиддий путур етади. Қариндошлардан кимдир сизга маслаҳатлар беравериб хит қилса ҳам қўпол муносабат юритишдан тийилинг. Ижод кишилари бугун яратилажак асарларини четга ташлаб қўйиб, кейинчалик қайтадан кўриб чиқишлари тавсия этилади.

БАЛИҚ (19. 02 — 20. 03)

22 ноябр куни кузатувчан бўлишингиз зарур. Ишхонангизда келишмовчиликлар, жанжалли лаҳзаларнинг кети узилмаслиги мумкин. Бу кўнгилсизликлардан тафаккур ёрдамидагина нари бўла оласиз. Бундан ташқари хотиржамлик ҳам ортиқчалик қилмайди. Хизмат сафарига жўнатишса дарров йўлга отланинг. Омад сиз томонда бўлади. Кечқурун ёши улуғ, хаста қондошлар ҳолидан хабар олинг.

ҚЎЙ (21. 03 — 20. 04)

22 ноябр куни манфаатларингизни, қарашларингизни ҳурмат қиладиганларга сиз ҳам ҳурмат билан ёндашинг. Бу эзгу мақсадларга етишингизда асосий қурол вазифасини ўтайди. Кун давомида бир-биридан ажойиб инсонларни учратасиз. Принципиалликдан қочинг. Саломатликка путур етмаслиги учун нима керак бўлса, албатта шу ҳаракатларни содир этинг. Акс ҳолда катта пулга тушиб ҳам саломатликни тиклай олмайсиз. Кечқурун тоза ҳавода сайр қилишни унутманг.

БУЗОҚ (21. 04 — 20. 05)

Бугун кўп вақтингизни уйда кечиришингиз тавсия этилади. Ишхонада ишларингиз кўп бўлса ҳам бажариб бўлишингиз билан дарҳол уйга қайтинг. Акс ҳолда кўнгилсиз вазиятга тушиб қолишингиз хавфи бор. Муҳаббатда оилалилар ҳам, оиласизлар ҳам суюкли инсони билан ўзаро муносабатларни қайта таҳлил қилиб, янада мустаҳкамлаш ҳаракатига тушишлари керак. Кечқурун овқатланиш режимига қатъий риоя қилинг.

ЭГИЗАКЛАР (21. 05 — 21. 06)

22 ноябрда организмингизни жисмоний зўриқишлардан сақланг. Жисмоний зўриқиш организмга гармониялар ташрифини йўққа чиқаради. Витаминлар қабул қилинг. Овқатланиш режимини бузманг, вақтида дам олишни унутманг. Жуфтингизга қўпол муносабатда бўлишдан эҳтиётланинг. Унинг эркинлигига раҳна солувчи ҳаракатлар содир этишдан тийилинг. Ана шунда кунингиз гўзал ва мазмунли ўтади.

ҚИСҚИЧБАҚА (22. 06 — 22. 07)

22 ноябр куни иш жараёнида рақобатчилар йўлингизга кўндаланг бўлиши кутилмоқда. Айниқса, шахсий бизнесига эга бўлганлар бу манзарадан ҳайратга тушишмаса ҳам бўлади. Рақобатчилар таъсирида бизнес режаларингиз ўзгариб кетиши ҳам ҳеч гап эмас. Яқинларингиз ва туғишганларингиз билан орангизга нифоқлар тушиши кутилади. Ўзингизни хотиржам тутишга ҳаракат қилинг. Ошқозонингизда муаммо пайдо бўлиши мумкин. Эҳтиётингизни қилинг.

АРСЛОН (23. 07 — 23. 08)

Бугун муаммоларингиз ҳақида яна бир карра ўйлаб, мулоҳаза юритиб олиш учун қулай имкониятлар туғилади. Улардан унумли фойдалансангиз, фойдадан холи бўлмайди. Имкон топсангиз, тренажор залига бориб келишингиз, бассейнда чўмилишингиз мумкин. Ўтмишдаги хатоликларни осон йўл билан бартараф эта оласиз. Аммо барибир шахсий ҳаётингиз босим остида ўтади. Иш билан ўзга шаҳарга боришингиз муваффақиятли кечади. Ўзингизни эҳтиёт қилинг.

ПАРИЗОД (24. 08 — 22. 09)

22 ноябрда ўзингизни фақат омад, муваффақиятларга тайёрланг. Хаёлпарастликка берилинг. Ширин хаёллар оғушида керак бўлса самоларгача етинг. Ўзингиз уддалай оладиган ишларни бажариш учун ўзгалардан ёрдам сўраманг. Бировларни танқид қилишни хаёлингизга ҳам келтира кўрманг. Башарти жуфтингиз ёки бўлғуси жуфтингиз билан орангизга совуқчилик тушган бўлса, биргаликда театр ёки кинога тушинг. Жуда бўлмаса, кўчаларда сайр қилинг.

ТАРОЗИ (23. 09 — 23. 10)

21 ноябрда ишхонангиздаги раҳбарлар сизга шу қадар мураккаб вазифани ишониб топширишадики, аввалига қўрқиб ҳам кетасиз. Хато қилишдан чўчийсиз. Лекин кўз қўрқоқ, қўл ботир. Мардоналик билан иш бажаришга киришсангиз, албатта уддасидан чиқасиз. Муҳаббатда кўз ёш тўкадиган лаҳзалар сизни ҳам четлаб ўтмаслиги мумкин. Ёлғиз қолинг. Кечқурун қўшимча даромад келтирадиган иш таклиф қилишлари мумкин.

ЧАЁН (24. 10 — 22. 11)

Куннинг биринчи ярмида катта пул билан боғлиқ бир ишга таваккал қўл уришингиз кутилади. Эҳтиёт бўлинг. Техника билан боғлиқ ишларга қўл урсангиз, албатта муваффақиятга эришасиз. Рўзғор икир-чикирларини бошқа кунга қолдиринг. Муҳаббатда оила қурмаганлар туйғуларини танлаганидан сир тутмасликлари талаб этилади. Бу муваффақиятсизликдан бўлак нарсани ҳадя этмайди. Оллоҳ сизга ёр бўлсин!

ЎҚОТАР (23. 11 — 21. 12)

21 ноябр куни лотерея чиптаси сотиб олишингиз, спорт мусобақаларида иштирок этишингиз тавсия этилади. Омад сиз томонда. Бундан кўнглингиз тўқ бўлсин. Фақат муҳаббатда омад сиздан вақтинча юз ўгириши мумкин. Оиласизлар белгиланган учрашув бекор қилиниши, суюкли инсонингиз ваъда берганидек қўнғироқ қилмаслиги кабилар кайфиятингизни бузади. Бироқ унутманг, вазиятни ўзгартириш сизнинг қўлингизда. Ҳаракатингизни қилинг. Омад сизга ёр бўлсин!

ТОҒ ЭЧКИСИ (22. 12 — 19. 01)

Бугун омадга эришишни истасангиз, тезкор бўлишингиз лозим. Гап хаёллар, режалар, ғоялар ҳақида кетади. Ҳеч бир ишни ортга сурманг. Фақат олға боринг. Куннинг иккинчи ярмида дўстлардан бири кайфиятингизни бузиши кутилади. Бу орангизда жанжал келиб чиқишига сабаб бўлиши мумкин. Оғирроқ бўлинг. Мулоқот жараёнида хотиржамликка эътибор қаратинг. Ўзингизни эҳтиёт қилинг.

ҚОВҒА (20. 01 — 18. 02)

21 ноябр силлиқ ва ёруғ кечмаслиги мумкин. Кўнгилсиз вазиятлар кўпчиликни ташкил этиши кутилади. Шахсий ҳаётингизни барчадан сир сақланг. Айниқса, ҳасадгўй ва ғийбатчиларга шахсий сирларингизни айта кўрманг. Бугун харидларнинг охири бўлмаслиги эҳтимолга яқин. Тежамкорлик ҳақида ҳам ўйлаб кўрсангиз ёмон бўлмасди. Олис сафарни бошқа кунга қолдиришингиз тавсия этилади. Хавфли вазиятларда қолишингиз эҳтимоли бор.

БАЛИҚ (19. 02 — 20. 03)

Бугун биринчи навбатда руҳий ҳолатингизни етовга олиш ҳаракатида бўлишингиз сўралади. Шунда турли фириб ва бўҳтонлардан нари бўласиз. Стресс ҳолати яқинларингиз билан орангизга нифоқ солиши ҳеч гап эмас. Ижодкорлар сира ўйланмасдан ижодий ишларини давом эттиришлари зарур. Истеъдодингиз, хоҳишларингиз, эзгуликка йўғрилган орзуларингизга кенг йўл беринг. Жуфтингиз билан муносабатларда мулойим бўлинг!

ҚЎЙ (21. 03 — 20. 04)

21 ноябр куни беихтиёр ўтмиш хотиралар денгизига чўкасиз. Бу эса иш жараёнида жиддий халал бериши мумкин. Ўтмиш билан боғлиқ кайфиятни дам олиш кунлари учун асраб қўйинг. Жуфтингиз ёки бўлғуси жуфтингизга кун давомида нималарнидир исботлашга уриниш билан банд бўлишингиз мумкин. Муносабатларга енгиллик беринг. Уларни мураккаблаштирманг. Молиявий муаммоларни ҳам гап-сўз ёрдамида ижобий ҳал эта олмайсиз. Ҳаракат керак, ҳаракат.

БУЗОҚ (21. 04 — 20. 05)

Эрталаб кунни майда-чуйда ишларни бажаришдан бошланг. Улар сизни ҳайратда қолдириб, тез фурсатда якун топади ва даромад беришда ҳам йирик лойиҳалардан қолишмайди. Яқин дўстингиз сизни танқид остига олса ҳам унга жаҳлингизни сочманг. Саломатликни фақат врач маслаҳати ва тавсиялари асосида мустаҳкамланг. Акс ҳолда касал орттириб олишингиз ҳеч гап эмас. Муҳим ҳужжатлар билан ишлашга тўғри келса, эҳтиёткорликка ва тартибга амал қилинг.

ЭГИЗАКЛАР (21. 05 — 21. 06)

21 ноябрда вазиятни сунъий тарзда ўзгартиришга уринманг. Бу ўзгалар билан орангизда келишмовчиликлар, жанжаллар, ҳатто катта миқдордаги жарималарга сабаб бўлиши мумкин. Ташкилотма-ташкилот юриб иш битиришингизга тўғри келса, мулойимлик ва интеллегентликдан унумли фойдаланишингиз тавсия этилади. Кечқурун анчадан бери адо этилмай ётган ишингиз бирдан якун топади-ю, мартабангиз ошишини таъминлайди.

ҚИСҚИЧБАҚА (22. 06 — 22. 07)

Бугун қуёшли кундан, дўстлар муваффақиятларидан ва кичик хурсандчиликлардан ҳам мамнун тортишингиз тавсия этилади. Билинг, позитив кайфият айнан кичик хурсандчиликлардан қад ростлайди. Саломатликни тиклашга оид сув билан боғлиқ муолажалар хайрли кечади. Агар вақтингиз бўлса, албатта сауна, бассейнда чўмилинг. Жуда бўлмаса, контрастли душ қабул қилинг. Бу организмингизни негативлардан халос этади.

АРСЛОН (23. 07 — 23. 08)

21 ноябр куни ишхонада сизни жиддий ва мушкул вазиятлар кутиб туради. Аммо ташвишга тушманг. Раҳбарлар сизга қаттиқ ишонганки, шундай мураккаб вазифаларни топширган. Дўстлардан бири билан бўлиб ўтадиган мулоқотдан кейин позитив кайфиятга эга бўласиз. У сизга кайфиятингизни кўтарадиган янгилик айтади. Рўзғорингизда яқинларингиз билан жиддий қарама-қаршиликлар юзага келиши мумкин. Афсуски, уларни айланиб ўтиб бўлмайди. Чидайсиз.

ПАРИЗОД (24. 08 — 22. 09)

Эрталабдан паризод буржи остида туғилганлар етарлидан ҳам кўпроқ куч-имкониятларга эга бўлади. Хоҳласангиз, тоғни ҳам толқон қилар даражада бўласиз. Асосийси, иш бажаришда қалбингизда шубҳа бўлмаслиги керак. Моддий аҳволингиз кун бўйи яхши кечмаслиги кутилмоқда. Лекин кечқурунга бориб қадрдонлардан бири пулдан ёрдам берворади. Олис сафарга отланишни режалаштирганлар бу амални келаси ҳафтага сурганлари маъқул.

вақтида ташласанг ҳам стиккерлар кам мана(

ТАРОЗИ (23. 09 — 23. 10)

Анчадан бери сизга тинчлик бермай келган муаммолар ниҳоят бугун муваффақиятли бартараф этилади. Ниҳоят уйқусиз тунлар, асабий лаҳзалар ортга чекинади. Ишда ақлингиз етмайдиган, қўлингиздан келмайдиган юмушларга қўл уришингиз тавсия этилмайди. Пул деб билиб-билмаган ишларга қўл ураверсангиз, омадсизликка юз тутишингиз ҳеч гап эмас. Оиласиз бўлсангиз, кечқурун романтик учрашувга ҳозирлик кўраверинг.

ЧАЁН (24. 10 — 22. 11)

20 ноябрда саломатлигингизни мустаҳкамлаш учун ҳаракатлар содир этишингиз сўралади. Гарчи ўзингизни аъло даражада ҳис этаётган бўлсангиз ҳам барибир организмингизга қулоқ тутишингиз керак бўлади. Жисмоний зўриқишлардан сақланинг. Муолажалар белгиланган бўлса, уларни ортга сурманг. Иш жойингизда янги топшириқлар олсангиз, уларни кўнгилдагидек адо этиш учун сизда барча имкониятлар етарли. Овқатланиш режимига амал қилинг.

ЎҚОТАР (23. 11 — 21. 12)

Бугунги кунни позитив кайфиятда ўтказиш учун ҳар бир ўтаётган лаҳзадан унумли фойдаланинг. Ҳатто, яхши таниш бўлмаган одамлар билан мулоқотда ҳам позитивликни сақлаб қолишга ҳаракат қилинг. Қариндошлардан бири сизга ўз эътирозларини билдириши кутилади. Иш жанжалга айланиб кетмаслиги учун ҳаракат қилинг. Акс ҳолда ўзингизнинг кайфиятингиз бир пул бўлади. Бунинг ўрнига унга мақтовлар ёғдиринг. Кечқурун ким хизмат сафарига жўнаб кетса, сафар омадли кечади.

ТОҒ ЭЧКИСИ (22. 12 — 19. 01)

20 ноябр куни қанча кўп эринчоқликка йўл қўйсангиз, имкониятлар, омад шунча сиздан узоқлаша боради. Шунинг учун сочингиздан маҳкам сиқимланг-у, ўзингизни кўчага судраклаб чиқинг. Кун давомида оёқ ва бўғимларда сезиларли оғриқлар кузатилиши мумкин. Лекин пиёда тоза ҳавода сайр қилишдан бош тортманг. Бу амал кўплаб муаммоларни бартараф этишда ёрдам беради. Кечқурун узоқда яшайдиган дўстингиз қўнғироқ қилиши мумкин. Омад сизга ёр бўлсин!

ҚОВҒА (20. 01 — 18. 02)

Ҳамкасбларни жанжал ва баҳсли лаҳзаларга етаклаш фикридан йироқ бўлинг. Аксинча янада меҳр-оқибатлироқ бўлинг. Шунинг ёрдамида кўнгилсиз вазиятларни четлаб ўтасиз. Қариндошларингиздан бири қайсидир масалада ўз фикрини ўтказишга астойдил ҳаракат қилиши мумкин. Унга чалғиш учун ёрдам беринг. Оиласиз бўлсангиз, романтик учрашувга чиқасиз. Учрашувда фантазиянгизни ишга солинг. Оллоҳ сизга ёр бўлсин!

БАЛИҚ (19. 02 — 20. 03)

20 ноябр куни ишхонангизда ҳамкасблар билан орангизда келишмовчиликлар юзага келиш хавфи бор. У одамни тўхтатишга ҳаракат қилинг. Молиявий муаммоларни бартараф этишда кескин ҳаракатларга йўл берманг. Катта ишларга пул тикиш тадбиркорлар учун ҳам бугун муваффақиятсизлик келтиради. Баъзилар кечки пайт хизмат сафарига жўнаб кетиши кутилмоқда. Сафар давомида моддий наф кўришингиз эҳтимоли ҳам йўқ эмас.

ҚЎЙ (21. 03 — 20. 04)

Бугун энг оғир вазиятлардан ҳам силлиқчасига чиқиб кетиш учун етарлича имкониятларингиз бор. Бунақаси анчадан бери бўлмаганди. Хурсанд бўлаверинг. Шахсий ҳаётда ҳам фаоллик ва ташаббус кўрсатишингизга тўғри келади. Бусиз жуфтингиз ёки бўлғуси жуфтингиз қаршисида етарлича ҳурмат-эътиборга эга бўла олмаслигингиз мумкин. Ижод кишилари кечки пайт хизмат сафарига жўнаб кетиши мумкин. Шахсий автомобилингизда йўлга чиқмаганингиз маъқул.

БУЗОҚ (21. 04 — 20. 05)

20 ноябр куни кечга қадар бир жойда ўтириб қолсангиз, билингки, ҳеч бир жабҳада ижобий натижаларга эриша олмайсиз. Сиздан кўп ҳаракат ва соғлом энтузиазм талаб қилинади. Жуфтингиз билан муносабатларда эмоцияни назоратда ушланг. Эмоция назоратдан четга чиқса, кейин уни ўзгартириб бўлмайди. Кечқурун спорт машғулотлари билан банд бўлиш фойдали кечади. Уйқуга ётишдан олдин қисқа масофага югуриб келсангиз ҳам ортиқчалик қилмайди.

ЭГИЗАКЛАР (21. 05 — 21. 06)

Бугун қизғончиқлик сизга фақат зиён етказиши мумкин. Нафақат пул, балки туйғулар масаласида ҳам қизғончилик қилишингиз тавсия қилинмайди. Иш жараёнида кўплаб плюслар кутилади. Мартабангизни янада ошириш, қизиқарли лойиҳалар ўйлаб топиб раҳбарлар эътиборига ҳавола этиш кабилар сизга фойда келтиради. Оиласиз бўлсангиз ва бўлғуси жуфт излаётган бўлсангиз, аввало ўзингиз романтикка айланишингиз керак. Бусиз мақсадга етишингиз амри маҳол.

ҚИСҚИЧБАҚА (22. 06 — 22. 07)

20 ноябрда аввало шахсий ҳаётингиз билан боғлиқ муаммоларни бартараф этишингиз талаб этилади. Жуфтингиздан нуқсон қидиришни бас қилинг. Кун давомида фаоллик жисмоний ҳолатингиз яхши сақланишига сезиларли таъсир кўрсатади. Куннинг иккинчи ярмида сузиш машқларини бажариш ҳам сизга фақат наф беради. Моддий аҳволингизда эса жиддий муаммолар бор. Қўшимча даромад келтирадиган иш топишингизга тўғри келади.

АРСЛОН (23. 07 — 23. 08)

Не ишга қўл урсангиз ҳам фақат қалбингиз амрига бўйсунган ҳолда йўл тутинг. У сизга панд бермайди. Аксинча муваффақият қозониш сирларидан огоҳ этиб туради. Оиласизлар учун куннинг иккинчи ярмида романтик учрашувларни бошдан ўтказиш бахти насиб этади. Учрашув росмана романтик кўринишда кечади. Айримлар кечки пайт саломатлигидан шикоят қила бошлаши мумкин. Бу муаммони фақат врач ёрдамидагина ҳал қила оласиз. Кечқурун тоза ҳавода сайр қилинг.

ПАРИЗОД (24. 08 — 22. 09)

20 ноябр паризод буржи остида туғилганлар учун қандайдир ғалати, тушунарсиз кечиши мумкин. Асосийси, ҳамкасблардан ортда қолмаслик, аксинча олдинга ўтиб кетиш учун ишда тажрибангиз ва билимларингиздан унумли фойдаланинг. Молиявий соҳада даромадингиз кўнгилдагидек бўлади. Пулларнинг асосий қисмини шахсий мақсадлар учун сарфлайсиз. Кечки пайт дўстларингиздан бири у қадар ёқимли бўлмаган хабар етказиши кутилади. Ўзининг муаммолари ҳақида бўлса керак. Албатта ёрдам беринг. Оллоҳ сизга ёр бўлсин!

ТАРОЗИ (23. 09 — 23. 10)

19 ноябрда гўё энциклопедияга айланиб қоласиз. Юрган йўлингизда бировларга билим тарқатиш билан банд бўласиз. Бу сизнинг яна бир ютуғингиз, ишонинг. Ишдан кейин кечқурун оила аъзоларингиз оилавий байрам уюштиришни ният қилишган. Харидлар масаласини кейинга қолдириб туринг. Бугун улар сизга фақат ёқимсиз ҳолатларнигина ҳадя этади. Ўзингизни эҳтиёт қилинг.

ЧАЁН (24. 10 — 22. 11)

Бугун принципларингизга кенг йўл беринг. Табиатингизга хос қайсарлик айнан бугун сизга фойда беради. Унинг кўмагида ишларингизда унум бўлади. Энг мураккаб муаммолар ҳам хамирдан қил суғурган каби енгил ҳал бўлади. Моддий аҳволингизни яхшилашда ҳам омад сиз томонда бўлади. Даромад мўмай бўлади. Ҳатто, сира ўйланмай, саёҳатга чиқсангиз ҳам ярашади. Асабни эҳтиёт қилинг.

ЎҚОТАР (23. 11 — 21. 12)

19 ноябр куни сал бўш келсангиз, тамом, ўша заҳоти фирибгарлар ва кўнгли қоралар таъқиб қила бошлайди. Таъқиб ўта ёқимсиз кечади. Эҳтиётингизни қилинг. Кун давомида камроқ куч сарфлаб, кўпроқ пул топиш принципларига амал қилинг. Шу йўл кўплаб режаларни ижобий ҳал этишингизда ёрдам беради. Кечқурун жуфтингизга кутилмаган совға ҳозирлаб қўйинг. Муносабатларингиз шу баҳонада янада мустаҳкам тортади.

ТОҒ ЭЧКИСИ (22. 12 — 19. 01)

Эрталабдан барча шубҳа ва гумонларни сиқувга олинг. Кейин уларни ўзингиздан нари суриб ташланг. Иш учун, шахсий ҳаёт учун ҳам янги йўл топинг. Иш бажаришда дангасаликка йўл қўйманг. Аксинча фаолликда энг мураккаб вазифалар сари дадил боринг. Куннинг иккинчи ярмида айримларнинг хонадонида чақалоқ дунёга келиши мумкин. Умри билан берган бўлсин. Кечқурун ухлашга ётишдан олдин сутли маҳсулотлар истеъмоли билан чекланинг. Оқшом дўстлардан бири билан ади-бади айтишиб қолишингиз эҳтимоли бор.

ҚОВҒА (20. 01 — 18. 02)

19 ноябрда ишхонангизда ўзингизни бошқа ҳамкасблардан юқори қўйиш фикрини йўқ қила олсангиз, фақат фойда қиласиз. Ишда фаоллик, шахсий ҳаётда эса шинавандалик, меҳр ва мулойим мулоқот сизга дўстлик қила олади. Муҳаббатда янги горизонтлар очилиши кутилмоқда. Омад кутилмаган тарафдан мўралайдики, ўзингиз ҳам ҳайратдан ёқа ушлайсиз. Овқатланиш режимини бузманг. Кечқурун албатта тоза ҳаво сайрига чиқишингиз тавсия этилади. Оллоҳ сизга ёр бўлсин!

БАЛИҚ (19. 02 — 20. 03)

Ижод кишиларининг куни туғадиган бўлиб турибди. Янги йўллар очасиз. Бу йўллар сизни эзгулик сари етаклайди. Келажакда шедеврга айланиши аниқ бўлган ажойиб асар ғояси дунёга келади. Кун мобайнида кам ўтириб, кўп юришни ўзингизга шиор қилиб олинг. Жисмоний машқлар саломатлигингиз янада мустаҳкам тортишида катта ёрдам беради. Молиявий муаммоларингиз фақат сизнинг фойдангизга ҳал бўлади.

ҚЎЙ (21. 03 — 20. 04)

19 ноябр куни қўй буржи остида туғилганларнинг шахсий ҳаёти қора булутларсиз кечади. Худди шу нарса сизга ҳам позитивлик, ҳам ғайрат, шижоат ҳадя этади. Иш жойингизда ҳамкасблар сизга нисбатан ёлғон ишлатишига йўл қўйманг. Уй ишларини ҳам пухта режа асосида ташкил этинг. Дангасаликка асло эрк берманг. Агар харидларни амалга оширииш ниятида бўлсангиз, бу амални бошқа кунга қолдиринг. Бугун харидлар муваффақиятсиз якунланади.

БУЗОҚ (21. 04 — 20. 05)

Ҳар ишга ақлни ишлатган ҳолда ёндашсангизгина кўзланган эзгу мақсадларга етасиз. Илгари сизга муваффақиятсизлик тақдим этган усулларни бир четга суриб қўйинг. Тадбиркорларнинг офислари мутасадди ташкилотлар тарафидан текширилиши мумкин. Сергак туринг. Муҳаббатда жуда эҳтиёткор бўлинг. Акс ҳолда ўтмишдаги хатоликларни такрорлаб қўйишингиз ҳеч гап эмас. Кечқурун сафарга отланганлар албатта омадга эришади.

ЭГИЗАКЛАР (21. 05 — 21. 06)

19 ноябрда иш жойингиздаги энг мураккаб вазифаларни ҳам осонликча адо эта бошлайсиз. Ҳамкасблар ҳам бу муваффақиятларингиздан ҳайратга тушади. Молия соҳасида бировларга ғараз орқали муносабат юритманг. Йўқса даромаддан қуруқ қоласиз. Куннинг иккинчи ярмида дўстлардан бири билан жиддий масалада мулоқот қилишингиз кутилади. У мақтанади, сиз унга ҳавас қила бошлайсиз. Мулоқот сизга хуш кайфият бағишлашига шубҳа йўқ.

ҚИСҚИЧБАҚА (22. 06 — 22. 07)

Бугун кунингиз енгил кечмайди. Ижобий натижа олиш учун бор истеъдодингиз, тажрибангизни ишга солишингиз талаб этилади. Бусиз профессионал касбингиз билан боғлиқ ишларда юқори мартабага эгалик қила олмайсиз. Муҳаббатда ҳам жуфтингиз билан орангизда анчадан бери кўринмас тўсиқлар кўндаланг турибди. Уларни олиб ташлаш пайти етди. Ташвишлардан, муаммолардан спиртли ичимлик ёрдамида халос бўлишга уринманг. Бу аҳволни баттар чигаллаштиради.

АРСЛОН (23. 07 — 23. 08)

19 ноябр куни ишда ҳам, шахсий ҳаётда ҳам мустаҳкам ҳимояга эга бўлишингиз керак. Ҳимоя тафаккур, одамохунлик ва принципларга суянган ҳолда иш юритишдан иборат бўлади. Ўзингизга нисбатан тажрибаси кам ҳамкасбларга қимматли маслаҳатларингизни аяманг. Жуфтингизга нисбатан мулойим муносабат юритишингиз тавсия қилинади. Саломатликни асранг. Тўғри овқатланинг. Режимни бузманг.

ПАРИЗОД (24. 08 — 22. 09)

Бугун асло бировлардан пул қарз ола кўрманг. Бусиз ҳам муаммоларни бартараф эта оласиз. Харидларни режалаштирган бўлсангиз, пича ортга суриб туришингизга тўғри келади. Улар сизни қарзга ботириши мумкин. Дўстлар ва ҳамкасблар билан мулоқотда эҳтиёткорликни қўлдан берманг. Ички сирларингизни айтишни хаёлингизга ҳам келтира кўрманг. Кечқурун анчадан бери сиз билан бирга сафарга отланиш ниятида юрган одам қўнғироқ қилиши мумкин.

ТАРОЗИ (23. 09 — 23. 10)

18 ноябрда айрим ишларни ортга суриш, дангасаликка эрк беришлар ўтмайди. Тер тўкиб астойдил ишлашингизга тўғри келади. Бу молиявий муаммолар тезроқ ижобий ҳал бўлишини ҳам таъминлайди. Лекин ишга ижодий ёндашиш ёдингиздан кўтарилмасин. Фақат олға боринг. Ортга чекинишни хаёлингизга ҳам келтирманг. Оиласизлар ҳаётида кечқурун романтик лаҳзалар кузатилади. Муҳаббат изҳорлари ҳамроҳлик қилади.

ЧАЁН (24. 10 — 22. 11)

Ҳатто ўта мураккаб муаммолар йўлингизда кўндаланг турса ҳам айланма йўллар топишга ҳаракат қилманг. Ўзингизга бўлган ишончдан унумли фойдаланинг ва ишнинг жигарини эзинг. Моддий аҳволингизни яхшилаш, ниҳоят етарлича маблағга эга бўлиш учун ҳам қатъиятлилик, сабр, матонат жуда зарур бўлади. Ёлғиз бўлсангиз, ўзингизга ёқадиган инсоннинг эътиборини қозониш пайида бўлинг. Тўй қилинг, чимилдиққа киринг. Орзу-ҳаваслар кўринг. Оллоҳ сизга ёр бўлсин!

ЎҚОТАР (23. 11 — 21. 12)

18 ноябр куни оиласизларнинг омади чопади. Романтика кун давомида сизни тарк этмайди. Нафақат оиласизлар, балки оилали, бола-чақалилар ҳам романтикадан бебаҳра қолмайди. Ана шу баҳона билан шахсий ҳаётингиз янада яхшиланиш палласига киради. Куннинг иккинчи ярмини рўзғор ҳамда молиявий муаммоларни бартараф этишга бағишлашингиз кутилмоқда. Шахсий автомобили борларга спиртли ичимлик ичиб рулга ўтириш тавсия этилмайди.

ТОҒ ЭЧКИСИ (22. 12 — 19. 01)

Бугун негадир хушомадлар, сохта олқишларга ён бера бошлайсиз. Уларнинг етовида ҳеч кимга қулоқ тутмайсиз, нотўғри йўлдан бора бошлаганингизни тан олмайсиз. Бу ҳаракатларингиз жамоангизда шовқинларга сабаб бўлиши мумкин. Ким ҳақ, ким ноҳақлигини ажрата олмай ҳалак бўласиз. Кейин раҳбарларингизга норозиликларингизни очиқ йўллашга тушасиз. Билингки, бу ҳаракатларнинг барчаси ўзингизга қарши чиқади. Мартаба, ҳурмат, эътибор, даромад ортга чекинади. Шундай экан, ўйланг, мулоҳаза қилинг. Тўғри йўлдан боринг. Кам бўлмайсиз.

ҚОВҒА (20. 01 — 18. 02)

Аёллар, қизларга бугун кийим-кечакка нисбатан иштаҳаларни тийишлари тавсия этилади. Ортиқча вазнга эга бўлиб қолдингизми? У ҳолда диетологга мурожаат этинг. Спорт билан шуғулланишни бошланг. Кун мобайнида ҳамкасбларингиздан бири шивир-шивир қилавериб асабингизга тегиши мумкин. Сукут сақланг. Акс ҳолда асосий ишларингиз ўлда-жўлда қолиб кетади. Имкониятлардан маҳрум бўласиз. Саломатлигингизга путур етади.

БАЛИҚ (19. 02 — 20. 03)

18 ноябр куни кайфиятингиз позитивликдан узоқроқ бўлиши кутилмоқда. Ҳатто, энг яқин инсонингиз ҳам сизни тушкун кайфиятдан халос эта олмаслиги мумкин. Миянгизни хунук хаёллар чирмаб ташлаган. Улардан халос бўлинг. Молиявий аҳволингиз дўстлар ва қариндошлар ёрдамисиз яхшиланмайди. Буни ҳам ҳисобга олинг. Кимлардир сердаромад иш таклиф этса, бош тортманг. Дарров рози бўлинг. Айримлар кечқурун варикоздан безовталаниши мумкин. Оллоҳ мададкорингиз бўлсин!

ҚЎЙ (21. 03 — 20. 04)

18 ноябр куни асосий ишларни режанинг энг олд қисмига жойлаштиринг. Бошқаларнинг илтимосларини ҳам адо этинг, фақат меъёрида. Атрофдагиларнинг қайсидир бири билан гап талашиб жанжаллашишингиз хавфи бор. Тилингизга эҳтиёт бўлинг. Ёши улуғ қариндошлар билан мулоқотда тингловчиликдан нарига ўтмаслигингиз тавсия қилинади. Кечки пайт молиявий муаммоларингиз ижобий ҳал бўлади ва мўмайгина даромад эгаси бўласиз иншооллоҳ.

БУЗОҚ (21. 04 — 20. 05)

Янги жойда иш бошлаганларнинг куни туғади. Биринчи кунданоқ ижобий натижаларингиз билан янги раҳбарларни мамнун этадиган бўлиб турибсиз. Тадбиркорлар яқин ҳамкорлар билан ўзаро келишилган ҳаракатларни албатта содир этишлари шарт. Акси бўлиб чиқса, ишонч йўқолади. Ҳамкорликка путур етади. Кўчада тасодифан эски қадрдонлардан бири билан кўришиб қолишингиз кутилади. Айримлар кечқурун хизмат сафарига жўнаб кетиши мумкин.

ЭГИЗАКЛАР (21. 05 — 21. 06)

18 ноябрда эски одатингизга кўра бировлар билан ҳазил-ҳузул қилишда чегарани билинг. Акс ҳолда кимдир ҳазилингизни нотўғри тушуниб ранжиши мумкин. Яхшиси, кўпроқ сукут сақланг. Шунда тинч бўласиз. Молиявий масалада ишларингиз ўнгидан келмаслиги мумкин. Агар режалар ва иш усулини ўзгартирсангиз, кечқурун бу масалани ҳам деярли ижобий ҳал эта оласиз. Кечқурун китоб мутолаасига вақт ажратинг. Спорт машғулотларидан воз кечинг. Саломатликни сақланг.

ҚИСҚИЧБАҚА (22. 06 — 22. 07)

Куннинг биринчи ярмида майда кўнгилсизликларни бошдан кечиришингиз эҳтимоли бор. Бунга атрофингизни қуршаб турганларнинг айримлари сабабчи бўлади. Ишларингиз, севимли машғулотларингизни тафтишдан ўтказинг. Воз кечиш керак бўлганларини бир томонга саф торттиринг. Тадбиркорлар кун давомида шундай бир молиявий операцияни амалга оширишадики, кечқурунга бориб кутилганидан икки баробар кўпроқ даромад қўлларига келиб тушади.

АРСЛОН (23. 07 — 23. 08)

18 ноябр куни ақлий меҳнат кишилари, офисларда ўтириб ишловчилар астойдил тер тўкиб муҳим ҳужжатларни тахлаш, имзолаш, кимларгадир етказиш билан банд бўлишади. Бу ҳам даромад келтиради, ҳам жамоангизда ҳурматингиз ошишига сабабчи бўлади. Муҳаббатда ҳам омадингиз чопади. Қачонки, бир ой бурун жуфтингизга берган ваъдангизни бажарсангиз. Саломатлигингиз панд бермайди. Бел ва умуртқа поғона қисмларингизни эҳтиётланг.

ПАРИЗОД (24. 08 — 22. 09)

Гарчи ўзингизга ёқмаса-да, иш танлашга уринманг. Шахсий муаммоларни бартараф этишда вақтни ортга сурманг. Бугун спорт мусобақалари, табиат қўйнида сайр ва бошқа тантанали тадбирлар хайрли кечади. Қариндошларингиз арзимас ёрдамингиз учун ҳам сиздан жуда миннатдор бўлишади. Сурункали хасталикка чалинган, кейинги кунларда мазаси қоча бошлаганлар зудлик билан муолажалар бошлаш ҳаракатига тушишлари лозим.

ўпичлар учун ташаккур)

ие эсдан чиқибдику

ТАРОЗИ (23. 09 — 23. 10)

Бугун тақдир ҳамиша мўъжизалар ҳадя этишига яна бир карра амин бўласиз. Агар қайсидир ишларни амалга ошириш учун режа тузиб қўйган бўлсангиз, тақдир тақозоси билан режаларингиз барбод бўлиши ва мўъжизага рўбарў бўлишингиз аниқ. Муҳаббатда бошқалар каби қайғули ва қувончли лаҳзалар сизга ҳамроҳлик қилади. Муносабатларингизда романтика зоҳир бўлса ҳам барибир янада юксакларни кўзлайверганингиз маъқул.

ЧАЁН (24. 10 — 22. 11)

17 ноябрда эрталаб кўчага чиқибоқ кимлар биландир жанжаллашиб қолишингиз эҳтимоли бор. Шунинг учун имкон борича одамлардан ўзингизни нари ола туринг. Жуда бўлмаса, севимли хоббиларингиздан бирига андармон бўлинг. Оилавий ҳаётда ҳам сиздан камгаплик талаб қилинади. Сукут оилавий ҳаётда кўпинча катта ёрдам беради. Бугун кўча овқатини истеъмол қилишдан тийилинг. Заҳарланишингиз хавфи бор. Бировга зинҳор пул қарз бера кўрманг.

ЎҚОТАР (23. 11 — 21. 12)

Бугун айрим масалаларга, воқеа-ҳодисаларга енгилроқ қарашингиз керак. Кимлардир сизни баҳсга таклиф этса, бош тортманг. Шунинг натижасида жамиятдаги обрўйингиз, «авторитет»ингиз кўтарилиши мумкин. Демак, баҳсларда бор билим ва тажрибангизни ишга солишингиз лозим. Овқатланишда таом танлаб ўтирманг. Қўрқманг, заҳарланмайсиз. Фақат меъёрни бузмасангиз бас. Оллоҳ сизга ёр бўлсин!

ТОҒ ЭЧКИСИ (22. 12 — 19. 01)

17 ноябр куни неки ишга қўл урманг, сиздан биринчи навбатда ташаббускорлик талаб этилади. Бу сизга профессионал фаолиятингиз ва мартабангизни оширишда тўғри йўл кўрсатади. Бугун зарарли одатларга қарши курашнинг ҳар қандай тури муваффақиятли якун топади. Бу ишга қўл уришдан олдин ўзингизни руҳан тайёрлаб олинг. Ким кечқурун сафарга чиқса, албатта даромадга эга бўлади.

ҚОВҒА (20. 01 — 18. 02)

Эрталабдан қаёқдаги кераксиз ишларга қўл уришдан ўзингизни тийинг. Дўстлар, яқинларингиз ўзларининг муаммолари билан бошингизни қотириб ташлаши ҳам эҳтимолдан холи эмас. Лекин чидашга ва ёрдам қўлини чўзишга масъулсиз. Ҳаво яхши бўлса, табиат қўйнига чиқиб дам олинг. Дам олганда ҳам ёлғиз қолинг. Ташқи оламдан узилган ҳолда истироҳат қилинг. Шу амал сизга янги куч ҳадя этади.

БАЛИҚ (19. 02 — 20. 03)

17 ноябрда яқин инсонларга назар ташлаб кўринг. Улар ўз ҳаётларида сизнинг иштирокингизга муштоқ. Бугун молиявий муаммолар кўп вақт ва кучингизни олиб қўйиши мумкин. Ачинарлиси, бу соҳада исталган натижага эга бўла олмайсиз. Заҳирадаги пуллар билан чекланишингизга тўғри келади. Кечқурун эртанги кун учун режаларни пухталанг. Тўғри овқатланинг. Ўзгалар кўнглига озор етказиб қўйишдан сақланинг.