Мунажжимлар башорати

ТАРОЗИ (24. 09 — 23. 10)

Бугун нафақат асаб тизимингиз, балки жисмоний ҳолатингизнинг ҳам қадрига етинг. Уларни асраб-авайланг. Агар оғирдан-оғир ишга рўбарў келсангиз ҳам, хотиржамликка кенг ўрин беринг. Кун давомида қариндошлардан бирини касалхонага олиб бориш, дори-дармонлар сотиб олиш, хаста ва ёши улуғ қондошлардан хабар олиш билан банд бўласиз. Моддий аҳволингиз ажойиб кечади. Демак, майда-чуйда харидлардан чўчимасангиз ҳам бўлади.

ЧАЁН (24. 10 — 22. 11)

1 феврал куни молия, эзгу мақсадларга етиш йўлида ишларингиз беш бўлади. Атрофдагилар билан фаол мулоқот қилинг. Янги танишувлардан ўзингизни олиб қочманг. Никоҳдан ўтиш, тўй ва унаштириш маросимлари бугун муваффақиятли кечади. Бундан ташқари, йўл қўйилган гуноҳлар учун тавбалар қилиш ҳам хайрли кечиши мумкин. Саломатликка жиддий эътибор беринг. Қишнинг совуқ кунларида иссиқ кийиниб кўчага чиқишни унутмаслигингиз талаб этилади.

ЎҚОТАР (23. 11 — 21. 12)

Бугун куннинг биринчи ярмида шундай ахборотга эга бўласизки, ундан ҳар қандай ишни бажаришда унумли фойдалана оласиз. Бу бизнес, маданият, реклама, адабиётшунослик кабилар бўлиши мумкин. Ахборот барча жабҳада сизга омад ҳадя этади. Сиздан маънавий кўмакчи қидириб топиш талаб қилинади холос. Кўмакчи сизга бугун сув ва ҳаводек зарур. Кечқурун айримларни меҳмонга таклиф этишлари мумкин. Спиртли ичимлик ичмаслигингиз тавсия қилинади.

ТОҒ ЭЧКИСИ (22. 12 — 20. 01)

1 феврал куни мабодо хотирангиз мустаҳкам бўлмаса, ҳар бир қилинажак ишни, режани дафтарга ёза боринг. Қарама-қарши жинс вакили ёки вакиласи тарафидан сизнинг шаънингизга ёғдириладиган олқишлар ва кўнгил изҳорлари сизга бир олам куч ва ғайрат ҳадя этади. Фақат талтайиб кетмасангиз бас. Кечқурун яқинларингиз даврасида хотиржамликни қўлдан берманг. Баъзилар бош оғриғи, қон босими сакрашидан безовталаниши мумкин. Ўзингизни эҳтиёт қилинг.

ҚОВҒА (21. 01 — 19. 02)

Кунингиз майда-чуйда ишларни, муаммоларни ҳал этиш, қандайдир ғалати, ноқулай вазиятлардан чиқиб кетишга уриниш билан ўтади. Даромадлар харажатлардан камроқ бўлиши кутилмоқда. Шу сабабли дўкон ё бозорга тушганда, тежамкор бўлинг. Агар фантазиянгиз кучлилигини ҳис эта бошласангиз, уни ишда эмас, муҳаббатда ҳаракатга келтиринг. Акс ҳолда бу қайсар фантазиянинг дастидан танқид остида қолиб кетишингиз ҳеч гап эмас. Кечқурун оғир ҳазм бўлувчи таомлар истеъмолидан тийилинг.

БАЛИҚ (20. 02 — 20. 03)

1 февралда ақлий меҳнат кишиларининг куни туғади. Муваффақиятлар кетидан муваффақиятлар ёғилиб келиб хонадонингизни тўлдиради. Жисмоний меҳнатнинг яқинига ҳам борманг. У нафақат организмингиз зўриқишига сабабчи бўлади, даромад масаласини ҳам издан чиқаради. Шахсий ҳаётингизда сокинлик ҳукм суради. Яқинларингизга нисбатан адолатли бўлинг. Ёши улуғ ва хаста қондошлар ҳолидан хабар олинг.

ҚЎЙ (21. 03 — 20. 04)

Бугун романтик кайфиятда бўласиз. Буёқда эса ишларингиз бошингиздан ошиб тошади. Бундан ташқари муаммолар ҳам етарлича бўлиши кутилмоқда. Уларни эса ёлғизликда бартараф эта олмайсиз. Буларнинг барчаси сизни ёлғиз қолишга ундай бошлайди. Лекин ёлғиз қолиб ҳам кутилган натижага эриша олмайсиз. Оила даврасида бўлишингиз лозим. Рўзғордаги муаммоларни ижобий ҳал этиш учун масалага реал муносабатда бўлишингиз талаб этилади.

БУЗОҚ (21. 04 — 21. 05)

1 феврада жиддий хатоларга йўл қўймаслик учун тафаккурингизга суянишингиз керак бўлади. Ишда ташаббускор бўлишингиз талаб этилади. Шунда ҳаракатларингиз зое кетмайди. Кун давомида ўзгаларнинг муаммоларини ҳам бартараф этишда кўмак беришингизга тўғри келади. Аммо эҳтиёт бўлинг. Ўзингизга тегишли муаммолар ўлда-жўлда қолиб кетмасин. Бугун сизга молиявий инқироз соя солмайди.

ЭГИЗАКЛАР (22. 05 — 21. 06)

Атрофдагилар билан мулоқот ҳамда сафарлар оёғингиздан олиши мумкин. Шахсий ҳаётингизга вақтингиз қолмаслиги кутилмоқда. Шунинг учун оммавий тадбирлар ҳамда романтик учрашувлардан воз кечинг. Йўлини топа олсангиз, анча олдин миянгизга келган ишингиз билан боғлиқ янги ғоя ҳақиқатга айланиши мумкин. Дўстларингизни йўл қўйган камчиликлари учун танқид остига олманг. Бу катта жанжалларга сабабчи бўлади.

ҚИСҚИЧБАҚА (22. 06 — 23. 07)

1 феврал куни эмоциянгиз сизга бўйсунмай хуноб қилиши мумкин. Арзимаган кўнгилсизлик ҳам сизга кучли таъсир эта бошлайди. Бугун қўшимча билимлар олиш, билим сандиғингизни тўлдириш кабилар муваффақиятли кечади. Кечқурун оиласизларни романтик лаҳзалар кутиб туради. Ҳойнаҳой, қаергадир борасиз-у, йўл-йўлакай бир инсон билан танишасиз. Танишув кўп кутдирмай, романтикага айланади. Кечқурунги одатга амал қилган ҳолда албатта тоза ҳавода сайр қилинг.

АРСЛОН (24. 07 — 23. 08)

Ўзингизга нисбатан адолатли бўлинг. Шундай адолатли бўлингки, бировлар юриш-туришингиздан, гап — сўзларингиздан нуқсон топа олмасин. Азалий орзуларингиздан бирини ҳақиқатга айлантириш учун қалбингизга қулоқ тутинг. Оиласизлар ён беришга мойил бўлсалар, уларни ёқимли лаҳзалар қуршаб олади. Шунда бўлғуси жуфтингиз сизга кутилмаган совға тақдим этади. Саломатлигингизни эҳтиёт қилинг.

ПАРИЗОД (24. 08 — 23. 09)

1 февралда истак ва ирода кучининг ҳиқилдоғидан олинг. Улар сизни омад-у, муваффақиятлар сари етаклаб боради. Ўзингиз ҳали яхши танимайдиган одамлар билан сирлашишдан сақланинг. Оила қурмаганлар фавқулодда романтик лаҳзаларга ошно тутинишлари кутилади. Бу сизга ҳам ёқимли эмоция ҳадя этади, ҳам кичик муаммоларни кўндаланг қилади. Муаммо эса сиз романтикага нисбатан етарлича қайноқ муносабатда бўла олмаслигингиз туфайли юзага келиши мумкин.

ТАРОЗИ (23. 09 — 23. 10)

31 январда тадбиркорлар рақобатчилар билан юзма-юз келишлари кутилмоқда. Аммо бу гал орангизда ёқимсиз суҳбатлар бўлмайди. Аксинча рақобатчилар ўзларини жуда сипо тута бошлашади. Ҳатто, сиздан маслаҳат ҳам сўрашлари мумкин. Молиявий масала билан тарози буржи вакиллари бошқа пайтлардагига нисбатан жиддийроқ шуғулланишлари лозим. Бу масалани то кечга қадар назоратда ушланг. Кўча-кўйда ҳам пулларингизни жуда эҳтиёт қилинг. Киссавурлар назарига тушишдан сақланинг.

ЧАЁН (24. 10 — 22. 11)

Афсуски, чаён буржи вакиллари бугун молия масаласида муваффақиятлар шаробини тотиб кўра олмайдиган бўлиб туришибди. Қариндошлардан ёрдам сўранг. Қарз кўтаришларсиз муаммоларни бартараф этишингиз оғир кечади. Жуфтингиз ёки бўлғуси жуфтингиз билан муносабатларда артистлик қилишингизга тўғри келади. Бугунги кун билан яшанг ва шундай мулоқот қилинг. Ана шунда орангиздаги илиқликка путур етмайди.

ЎҚОТАР (23. 11 — 21. 12)

31 январ куни сизни энг омадли одам деб ҳисоблаш мумкин. Раҳбарлар танқидидан ҳам пана бўла оласиз. Нимаики ишга қўл урсангиз, хамирдан қил суғургандек осон якунлайсиз. Аммо бу ҳолат узоққа чўзилмаслиги ҳақиқатлигини эсдан чиқарманг. Суюкли инсонингиз кечки пайтга бориб қайсидир масалада норозиликларини тўкиб сола бошлаши мумкин. Шу тобда тилингизга эҳтиёт бўлинг. Хотиржамликка эрк беринг.

ТОҒ ЭЧКИСИ (22. 12 — 19. 01)

Бугун қанча ташаббускор бўлсангиз, ишхонадаги мартабангиз шунча тез ортиб бораверади. Оғир ишлар тўғри келса, қайғурманг. Ёрдам берадиганлар топилади. Молиявий муаммоларингиз хамирдан қил суғургандек осон ҳал бўлади. Сиздан фақат масъулият ва жавобгарлик ҳисси талаб этилади. Банкдан кредит олиш ниятида юрган бўлсангиз, бу ниятингиздан дарҳол воз кечинг. Саломатликни эҳтиётланг. Тўғри овқатланинг. Режимни бузманг. Омад сизга ёр бўлсин!

ҚОВҒА (20. 01 — 18. 02)

31 январда уй юмушларига кўмилишингиз эҳтимоли бор. Улар шу қадар кўпки, асосий ишларни бажаришга вақт топа олмаслигингиз мумкин. Кофе деган ичимликка ружу қўймаслигингиз тавсия қилинади. Саломатлигингизга путур етиши мумкин. Кечқурун оиласизлар романтик учрашувни бошдан кечиришади. Айримларни ё қўшнилар, ё қариндошлар меҳмонга чақириши кутилади. Баъзи дўстларимизнинг хонадонида эса чақалоқ йиғиси жаранглайди.

БАЛИҚ (19. 02 — 20. 03)

Бугун уйқудан уйғонганданоқ аъло кайфиятда бўласиз. Позитивлик шу қадар юқори даражада бўладики, сизни қуршаб турганларнинг ҳам дили яйрайди. Қачонлардир жанжаллашиб қолган одамлар билан бугун ярашиш имкони туғилади. Ярашганингиз маъқул. Дўстларнинг ортиқчаси бўлмайди. Кўчада эса фақат жамоат транспортидан фойдаланинг. Соғлиғингизни авайланг.

ҚЎЙ (21. 03 — 20. 04)

31 январ куни ҳар бир лаҳзангизни кўтаринки руҳда ўтказишингиз тавсия қилинади. Ўзингиздаги бор истеъдодни барчага қайта-қайта намойиш этишдан уялманг. Асосийси, сиз пулнинг ортидан эмас, пул сизнинг ортингиздан қувлаб юришини таъминланг. Жамиятдаги обрўйингиз янада ошиши учун ҳаракат қилинг. Оиласизлар ташаббускор бўлишлари лозим. Шунда бир умрлик бахтингизни учратиб, унинг эътиборига тушиш насиб этади. Романтик учрашув кечқурун юз беради.

БУЗОҚ (21. 04 — 20. 05)

Бугун қувончли ҳаётни кўнглингиз тусай бошлайди. Пулингиз жуда кўп бўлишини хоҳлайсиз. Ким ҳам хоҳламайди. Ҳамма пули кўп бўлишини истайди. Аммо жисмоний ҳолатингиз жойида бўлмаслиги мумкин. Танангизда кучли ҳорғинлик сезасиз. Демак, меҳнат таътили олиш ва табиат қўйнида дам олиб, ҳаво алмаштириш пайти етди. Уй юмушларини асло эътибордан четда қолдирманг. Ўзингизни эҳтиёт қилинг. Оллоҳ сизга ёр бўлсин!

ЭГИЗАКЛАР (21. 05 — 21. 06)

31 январда ҳали қишнинг бир ойи турган бўлишига қарамай, ҳаётингизга ёрқинлик олиб кириш истагида бўласиз. Бунинг имкони бор. Истасангиз, қаттол қиш қўйнида бўла туриб шахсий ҳаётингизни баҳор гулларига ўрай оласиз. Аёллар, қизлар куннинг иккинчи ярмида гўзаллик салонига бориб келишлари керак бўлади. Ташқи қиёфангизга оро беринг. Бу сизни муаммолардан чалғитади. Позитивлик ҳадя этади.

ҚИСҚИЧБАҚА (22. 06 — 22. 07)

Бугун куннинг биринчи қисмида ўтган ой якунларини хомчўт қилиб олишингиз талаб этилади. Ишхонадаги ишларингиз аъло, жуфтингиз билан муносабатлар кўнгилдагидек, киссангиз пулга тўла. Айни шулар керак. Агар кўнглингиз тўлса, қалбга яқин амалларни адо этишга киришаверсангиз бўлади. Жуда тошиб кетаётган бўлсангиз, ҳеч ким йўқ жойга беркиниб олинг-да, қўшиқ куйланг. Жами ғуборлар чиқиб кетади. Ваҳоланки, қўшиқ куйлаш сизнинг қўлингиздан келади. Кечқурун тоза ҳаво сайрини ҳам унутманг.

АРСЛОН (23. 07 — 23. 08)

31 январ куни ишхонангиздаги ҳамкасблар билан дипломатларча муносабат юритишингизга тўғри келади. Шунда орангизда жанжаллар, баҳсли лаҳзалар кўндаланг турмайди. Шахсий ҳаётингизда муаммолар пайдо бўлса, сира ўйлаб ўтирмай, уларни бартараф этишга киришинг. Ижобий ҳал бўлмайдиган муаммонинг ўзи йўқ. Жуфтингизга туйғуларингизни ошкор этишдан тийилманг. Кечқурун ширинликлар истеъмолидан нари бўлинг.

ПАРИЗОД (24. 08 — 22. 09)

Агар бўлар-бўлмас ишлар билан шуғулланишни тўхтатмасангиз, бугун ижобий натижаларга эриша олмайсиз. Ҳар бир ишни бажаришда масъулиятни чуқур ҳис эта билишингиз тавсия этилади. Айримлар куннинг иккинчи ярмида олис сафарга отланиши мумкин. Сафарга поездда кетишингиз кутилмоқда. Сурункали хасталикка чалинганлар дориларини ўз вақтида ичишлари сўралади. Кечқурун кимдир қўлингизга бир даста пул тутқазиши мумкин.

ТАРОЗИ (24. 09 — 23. 10)

Бугун оммавий тадбирларда иштирок этишдан тийилинг. Бунинг ўрнига панада вақт ўтказинг. То сизни илғамагунларича панада туришда давом этинг. Моддий аҳволингизни тушдан кейин бир хомчўт қилиб олинг-да, ана ундан кейин ҳаракатлар содир этишни бошланг. Харид қилинадиган буюмлар, маҳсулотлар рўйхати доимо сумкангизда тайёр туриши керак. Шунда инқироз сизга хавф сола олмайди.

ЧАЁН (24. 10 — 22. 11)

30 январ куни характерингиз, ўзингизни тутишингизда ўзгаришлар ясамасангиз бўлмайди. Керак бўлса, ораторлик истеъдодингизни ишга солинг. Куннинг биринчи ярмида ишхонангиздаги раҳбарлар ўта муҳим бир вазифани сизга ишониб топширишлари мумкин. Кечқурун қариндошлардан бири билан муносабатларингизга путур етиш эҳтимоли бор. Саломатлигингиз ёмонлаша бошлаганини ҳис этсангиз, врач қабулига жўнанг.

ЎҚОТАР (23. 11 — 21. 12)

Айримларнинг тасаввурида сиз кейинги вақтлар иккиюзламачиликка эрк бера бошлаганмишсиз. Улар хатога йўл қўйишаётганини албатта исботлашингиз зарур. Бу ишни амалга оширишнинг усуллари кўп. Сиз уларнинг оригиналини танланг. Кечки пайтга яқин азалий орзуларингиздан бири ушалиши кутилади. Агар ишдан сал эртароқ уйга қайтсангиз, оила даврасида дам олиш бахтига муяссар бўласиз.

ТОҒ ЭЧКИСИ (22. 12 — 20. 01)

30 январ куни ўзингизни ташқаридан туриб кузатинг. Айрим жиҳатларингиз димоғдорликка қараб кетиб қолаётгандек. Шундай бўлиб чиқса, билинг, ҳамкасблар билан жамоавий ишларни уддалашингиз қийин бўлиб қолади. Қўшимча билимлар олиш, хасталикларни арзонроқ баҳода даволаш кабиларни интернет орқали топишингиз мумкин. Кечқурун сут маҳсулотлари билан чеклансангиз, ошқозонингизда муаммо туғилмайди.

ҚОВҒА (21. 01 — 19. 02)

Бугунги кунингиз сиз истагандан ҳам ажойиброқ ўтади. Реалликдан қочиб орзулар уммонига шўнғийсиз. Уммон тубидан бир-биридан гўзал ва фойдали меваларни териб оласиз. Кун давомида ҳар бир айтган гапингиз, босган қадамингиз ўлчовда бўлиши керак. Моддий аҳволингиз яхши бўлади. Лекин йирик харидларни амалга ошириш учун бу пуллар етарли эмас. Тақдирда борига шукр қилинг. Яхшиси, кечқурун севган инсонингизга атаб ёқимли совға харид қилинг.

БАЛИҚ (20. 02 — 20. 03)

30 январ куни иш бажаришда билимга эмас, йиллар давомида тўпланган тажрибангизга суянинг. Шу нарса мартабангиз ошиши ҳамда истеъдодингиз чархланишида муҳим аҳамиятга эга. Моддий аҳволингиз аъло даражада бўлмаса-да, пулсиз қолиб кетмаслигингиз тайин. Тадбиркорлар куннинг иккинчи ярмида хориж фирмаларидан бири билан фойдали шартномани имзолашлари мумкин. Демак, яқин орада хориж сафарига ҳозирлик кўра бошлайсиз.

ҚЎЙ (21. 03 — 20. 04)

Кунингиз хайрли бошланади. Ўзгаларнинг фаоллигидан, ҳаракатидан ўрнак олишингиз учун қулай имкониятлар туғилади. Сиз дўстлар, ҳамкасблардан ўрнак олиш имконига эгасиз. Ишингизни янгича усулда адо эта бошлайсиз. Демак, ўрнак олиш сиз учун жуда фойдали кечади. Кечқурун вақтингизни шовқин-суронда ўтказишингиз кутилади. Аниқроғи, қувноқ бир даврага тушиб қоласиз-у, эртага ишга бориш кераклигини ҳам унутасиз.

БУЗОҚ (21. 04 — 21. 05)

30 январ куннинг биринчи ярмида ҳеч қандай сабабларсиз асабийлаша бошлайсиз. Наздингизда суюкли инсонингиз сизга етарлича эътибор қаратмаётгандек туюла бошлайди. Балки очиқчасига гаплашиб олишингиз керакдир? Суҳбат ёрдам бермаса, романтикага умид боғланг. У албатта муносабатлар илиқлашишини таъминлайди. Куннинг иккинчи ярмида серқатнов йўлларни қайта-қайта кесиб ўтишингизга тўғри келиши мумкин. Ўзингизни эҳтиёт қилинг. Саломатлигингизни асранг.

ЭГИЗАКЛАР (22. 05 — 21. 06)

Кунингиз янги, худди тандирдан ҳозиргина узилган нондек қайноқ хабарларни эшитиш билан бошланади. Бунинг учун Яратганга шукроналар айтасиз. Атрофдагилар қаршисида масофани ҳамда меъёрни сақланг. Оиласизларни кечки пайт романтик учрашув кутиб туради. Кечқурун пластик карточкангизга анчагина пул ташлашлари мумкин. Асабларни асранг. Барча хавфли хасталиклар асаб орқали кириб келишини ҳеч қачон унутманг. Алданиб қолишдан сақланинг. Киссавурлардан эҳтиётингизни қилинг.

ҚИСҚИЧБАҚА (22. 06 — 23. 07)

30 январ куни ишончли бўлса, ишларни жамоавий тарзда адо этинг. Фақат сизга шериклик қиладиганлар ўта ишончли, ишончингизни оқлаган бўлиши лозим. Оилада ҳам яқинларингиз билан биргаликда қарорлар чиқаринг. Айниқса, бу нарса молиявий муаммоларни бартараф этишда асқотади. Кун давомида иммунитетни кўтарувчи маҳсулотларни кўпроқ истеъмол қилинг. Саломатлик барча нарсадан муҳим эканини унутманг. Ўзингизни кўз қорачиғингиздек эҳтиёт қилинг.

АРСЛОН (24. 07 — 23. 08)

Атрофдагилар, ишхонангиздаги ҳамкасблар билан муносабатларда камтар бўлинг. Токи ҳеч ким сизни димоғдорликда айбламасин. Айниқса, тадбиркорлар учун камтарона муносабат юритиш жуда асқотади. Куннинг иккинчи ярмида молиявий муаммоларни ўз фойдангизга ижобий ҳал этасиз. Муҳаббатда турмуш қурмаганлар кун бўйи идеалидаги инсонни кутиб вақт ўтказишади. Илтимос, ўйлаб кўринг, идеалингиздаги инсонни ўзингиз яратасиз.

ПАРИЗОД (24. 08 — 23. 09)

30 январда шахсий бизнеси борлар, тадбиркорлик билан шуғулланувчилар атрофига барча ҳамфикрларни, дўстларни, садоқатли шерикларни йиғиб янада олдинга интилишни бошлашлари лозим. Бу соҳада шахсий манфаат билан узоққа бориб бўлмайди. Хотиржамлик ҳам муҳим қуролларингиздан бирига айланишини таъминланг. Муҳаббатда оила қурмаганлар учун деярли янгилик кўзга ташланмайди. Бўлғуси жуфтингиз билан муносабат юритишда давом этасиз. Соғлиғингизни асранг.

ТАРОЗИ (23. 09 — 23. 10)

29 январда эрталабоқ илгари бажарган ишларингиз сифати учун мукофот пули олишингиз кутилмоқда. Бу ўзингизни жуда бахтли ҳис этишингизга сезиларли туртки бўлади. Шу кайфиятда янги ғояларни ҳаётга тадбиқ этишда, режаларни ҳақиқатга айлантиришда давом этаверинг. Агар яқинларингиздан кимдир сизга суянч бўлишни ихтиёр этса, қаршилик билдирманг. Жуфтингиз билан муносабатларни мустаҳкамлаш ҳаракатида бўлинг.

ЧАЁН (24. 10 — 22. 11)

Бугун кайфиятингизни ўз бошқарувингиз остига олишингиз талаб этилади. Мақсадларни, ниятларни тафтишдан ўтказинг ва шундан кейингина ҳаракатлар содир этинг. Юқори лавозимли шахслар билан баҳсга киришишдан нари бўлинг. Куннинг иккинчи ярмида кекса ёки хаста қондошлар ҳолидан хабар олишингиз сўралади. Бугун олис сафарга чиқишни режалаштирмаганингиз маъқул. Йўлда ҳалокат кузатилиши мумкин.

ЎҚОТАР (23. 11 — 21. 12)

29 январ куни қарорлар қабул қилишга қалбингизда қўрқув туя бошлашингиз мумкин. Бу нуқсонни четга ирғитишингиз керак. Рўзғордаги муаммоларни деб асабийлашишингиз ҳам бефойда. Уларни ижобий ҳал этиш ҳаракатида бўлганингиз маъқулроқ. Молиявий муаммоларни бир неча ҳафта нарига суриб туришингиз лозим бўлади. Муҳим ҳужжатлар билан ишлаш ҳам бугун сизга наф келтирмаслиги кутилмоқда.

ТОҒ ЭЧКИСИ (22. 12 — 19. 01)

Бугун тоғ эчкиси буржи вакилларининг жаҳли дунёларга татийдиган даражада кучли бўлади. Ўзингизни қўлга олинг. Молиявий йўқотишлар, рўзғордаги айрим кўнгилсизликлар бир бўлиб оёғингиздан олиши ҳеч гап эмас. Жуфтингиз ёки бўлғуси жуфтингизга осмондаги о-ю юлдузларни ваъда қилманг. Унга сизнинг меҳрингиз ва эътиборингиз кифоя қилади. Кечқурун хонадонингизга меҳмонлар ташриф буюриши мумкин.

ҚОВҒА (20. 01 — 18. 02)

29 январда турли манзилларда турлича одамлар билан ширин суҳбатлар қуришингиз кутилади. Суҳбатлар, танишувлар сизга қўшимча қудрат ато этади. Руҳан енгил тортасиз. Шахсий ҳаётингизда жиддий муаммолар кузатилмайди. Асосий ишингизни уддалаш билан банд бўласиз. Фақат яна бир қўшимча даромад берувчи иш топсангиз, моддий аҳволингизни пухталаб олган бўлардингиз.

БАЛИҚ (19. 02 — 20. 03)

Бугунги кунингиз анчагина оғир кечади. Кўпгина ишларингиз натижалари кўнгилдагидек кечмайди. Аммо сизнинг айбингиз йўқ. Ҳаммаси вазиятдан. Афсуски, бу вазиятларга қарши бора олмайсиз. Саломатлигингизни назоратда ушланг. Шамоллаш, грипп ва гастритдан безовталанишингиз эҳтимоли бор. Худо кўрсатмасин. Тўғри овқатланингки, саломатлигингизга путур етмасин.

ҚЎЙ (21. 03 — 20. 04)

29 январ куни эрталаб ўзингизни жуда ҳорғин ҳис эта бошлайсиз. Кўзларингизгача қизариб кетиши мумкин. Лекин бу шамоллаш эмас, балки организмингизнинг ҳаддан зиёд толиққани натижасидир. Қайноқ кофе ичинг-да, сергак тортишга ҳаракат қилинг. Агар кун давомида оғир ишларни бажаришга тўғри келса, жуда эҳтиёт бўлинг. Саломатлигингизга путур етиб қолишига йўл қўйманг. Кечқурун тоза ҳавода сайр қилинг.

БУЗОҚ (21. 04 — 20. 05)

Бугун эрта тонгда уйқудан уйғонишга уй ғонасиз-у, бироқ ишчанлик кайфиятига тушишингиз мушкул кечади. Қўйиб берилса, бу ҳолат тушга қадар давом этиши мумкин. У ҳолда кўплаб режаларингизга путур етади. Шахсий ҳаётингизда юзага келадиган танаффуслар фақат яхшилик учун хизмат қилади. Ниҳоят жуфтингиз билан ўзаро муносабатларингиз янада мустаҳкам торта бошлайди. Куннинг иккинчи ярмида маошингиз ошгани ҳақида хабар беришлари кутилади. Омад сизга ёр бўлсин!

ЭГИЗАКЛАР (21. 05 — 21. 06)

29 январда молиявий муаммоларингиз сиз истаганча ижобий ҳал бўлмаслиги кутилмоқда. Шунинг учун даромадга ишониб фавқулодда харидларни амалга оширмаслигингиз тавсия этилади. Бировларга қанча пул топишингиз ҳақида умуман гапирманг. Ундан кўра, шахсий ҳаётдаги энг долзарб муаммоларни бартараф этиш билан банд бўлинг. Айримлар бугун кечқурун катта меросга эга чиқишлари эҳтимолга яқин.

ҚИСҚИЧБАҚА (22. 06 — 22. 07)

Бугун табиатингизга хос бўлган айрим жиҳатларни нари суриб туришингизга тўғри келади. Бировларни танқид остига олишдан тийилинг. Бу яхшиликка олиб келмайди. Кечқурун балки хатоларингизни англаб етарсиз. Аммо кеч бўлиши мумкин. Куннинг иккинчи ярмида дўстлар ёки қариндошлардан бири билан орангизда катта жанжал келиб чиқиш эҳтимоли бор. Сергак туринг. Бу жанжал туфайли пайдо бўладиган аразлар узоққа чўзилиши мумкин.

АРСЛОН (23. 07 — 23. 08)

29 январ куни яқинларингиз, дўстларингиз, таниш-билишларингизга нисбатан меҳр-оқибатни кучайтиришингиз тавсия этилади. Сизга маслаҳат сўраб кўпчилик мурожаат этиши мумкин. Барчаларига билганингизча маслаҳатлар беринг. Эмоциянгизни кучли назорат остида ушлашингиз зарур бўлади. Молиявий муаммолар сизга бўйсунмоқчи эмас. Демак, бугундан мўмай даромадлар кутманг, заҳира пулларга ишониб туринг. Шундан бошқа йўл йўқ. Оллоҳ сизга ёр бўлсин!

ПАРИЗОД (24. 08 — 22. 09)

Бугун паризод буржи вакилларининг зиммасига фантастик даражадаги вазифалар, миясига ғоя ва режалар ёғилиши мумкин. Сиздан уларни тартибга солиш талаб этилади холос. Иш бажаришда вужудингизга эринчоқлик ҳукмини ўтказишга уриниб кўради. Қаттиқ туринг. Эринчоқликка йўл берманг. Ижод кишиларини ишчанлик кайфияти ва илҳом то кечга қадар тарк этмайди. Шу ҳолатда хизмат сафарига жўнаб кетишингиз ҳам эҳтимолдан холи эмас. Омадингизни берсин!

ТАРОЗИ (24. 09 — 23. 10)

Тадбиркорлар бугун эрталаб узоқ муддатли фойдали шартнома имзолашлари кутилади. Бошқалар ҳам муваффақиятларга эришишни молиявий соҳадан бошлашади. Олис сафарга чиқишни режалаштирганларнинг режаси номаълум сабабларга кўра бекор қилиниши мумкин. Муҳаббатда оила қурмаганлар майда кўнгилсизликларга учраши, бу депрессия ҳолатини келтириб чиқариши мумкин. Сиз муҳаббат масаласига файласуфона назар билан боқинг.

ЧАЁН (24. 10 — 22. 11)

28 январ куни ишни шундай режалаштирингки, кун давомида кучингизга куч қўшила борсин. Шунда илгари сизни писанд қилмаган ҳамкасблар ҳам ҳайратдан лол қолишлари тайин. Айрим дўстларимиз керагича пулга эга бўлиш учун қўшимча иш топишлари керак. Шахсий ҳаётда ҳам сизни жиддий синовлар кутиб қолади. Иродани мустаҳкам тутишингиз, хотиржамлик ва ҳазил-мутойибага мойиллик бу синовлардан муваффақиятли ўтишингизда асқотиши мумкин.

ЎҚОТАР (23. 11 — 21. 12)

Банкдан қачонлардир кредит олган бўлсангиз, бугун имкон топиб қарзни ёпишингиз лозим. Акс ҳолда қарз қарз чақиришдан тийилмаслиги мумкин. Шахсий бизнесига эгалар ишончли шерик қидириб топмасалар бўлмайди. Шундагина бизнесингиз янада олдинга силжиши кузатилади. Қиз-жувонлар ташқи кўринишини юз фоизга ўзгартирсалар, олқишлар қуршовида қолишлари аниқ. Кечқурун овқатланиш режимини яна бир карра ёдга олинг. Бугун тунда ухлаб кўрадиган тушингиз ўнгидан келиши мумкин.

ТОҒ ЭЧКИСИ (22. 12 — 20. 01)

28 январда бир дақиқаям бўшашманг. Акс ҳолда ишингиз билан боғлиқ барча имкониятлар эшиклари бараварига ёпилиб қолиши ҳеч гап эмас. Агар кун давомида майин жилмайишлар қилишдан тийилмасангиз, ажойиб инсонлар билан танишувларни бошдан кечиришингиз мумкин. Бу танишувлар сизга ҳар тарафлама фойда беради. Молиявий масалада даромадларингиз харажатларни қувиб ўтади. Тадбиркорлар учун янги келишувлар, фойдали шартномаларни имзолаш, хизмат сафарларига чиқиш муваффақиятли кечади.

ҚОВҒА (21. 01 — 19. 02)

Сизга дўстлик қилмайдиган одамларга ортиқча вақтингиз, кучингизни сарфлаб ўтирмаслигингиз тавсия қилинади. Башарти ишда қандайдир хатога йўл қўйган бўлсангиз, ўз кучингиз билан уддалашга ҳаракат қилинг. Ҳамкасблардан ҳам, дўстлардан ҳам ёрдам сўраб овора бўлманг. Ижод аҳли бугун мартабаси ошишидан қувониб, янги асарларга қўл уриши кутилади. Ички сирларингизни ҳеч кимга айтманг. Соғлиғингизни эҳтиёт қилинг.

БАЛИҚ (20. 02 — 20. 03)

28 январ куни ҳомийлар, кўмакчилар қидириб топишингизга тўғри келади. Негаки, сиз бажарадиган ишлар пул ҳамда қўшимча куч талаб қилади. Муҳаббатда майда кўнгилсизликларни бошдан кечиришингиз мумкин. Аммо бу вақтинча, хавотирланишга арзимайди. Кечқурун киссангиз пулга тўлади. Асосийси ҳам шу. Тўғри эмасми?

ҚЎЙ (21. 03 — 20. 04)

Эрталабоқ ишларингиз режасини пухталаб олишингиз тавсия этилади. Шундагина кўзланган ютуқлардан умид қилсангиз бўлади. Ёки қўшимча даромад келтирадиган иш излаб топинг. Оиласиз йигитлар танлагани билан муносабатларни мустаҳкамлаб олган бўлса, қўлини сўраш ва тўй кунини белгилаш вақти етди. Молиявий масалада майда муаммолар пайдо бўлиши мумкин. Аммо бу сиз учун денгиздан томчидек бир гап. Кўз очиб юмганчалик фурсатда қойиллатиб ташлай оласиз. Соғлиғингизни ҳам унутиб қўйманг.

БУЗОҚ (21. 04 — 21. 05)

28 январда аёллар, қиз-жувонлар эрталаб ташқи кўринишларига бир кўз ташлаб олсалар, соч турмакларини ўзгартирсалар, ўзларига ёққан кийимларни харид қилсалар кайфиятлари кўтарилган бўларди. Молиявий аҳволингиз фақат яхши тарафга қараб силжийдиган бўлиб турибди. Сира хавотирланманг. Саломатликнинг қай ҳолатда бўлиши эса парваришга боғлиқ. Агар уни яхшилаб парваришласангиз, хавфли хасталиклар ва вируслар сизга яқин кела олмайди.

ЭГИЗАКЛАР (22. 05 — 21. 06)

Эрталабоқ биринчи навбатда моддий аҳволингиз йўлида ҳаракатлар содир этишингиз талаб этилади. Бундан ташқари, солиқлар, коммунал тўловлар ҳам сизга ўпқон каби қараб турибди. Тўламасангиз, барибир қўйишмайди. Раҳбар лавозимда ишловчилар кадрлар масаласини кўриб чиқиб, бу соҳада ислоҳотларни амалга оширишлари керак. Серқатнов йўлларни кесиб ўтишда жуда эҳтиёткор бўлинг. Гриппга йўлиққан бўлсангиз, вақтида дориларни ичинг. Шунда тезроқ хасталикдан халос бўласиз. Кечқурун тоза ҳавода сайр қилинг.

ҚИСҚИЧБАҚА (22. 06 — 23. 07)

28 январ куни атрофдагилар билан муносабатларни илиқ ҳолда сақлаб қолиш учун ён беринг. Ҳеч ким билан баҳслашиб ўтирманг. Қайсарлик, принсипиаллик каби нуқсонлардан воз кеча туринг. Иштаҳанинг кўксига бир уриб тинчлантириб олинг. Бугун зарарли одатлардан воз кечиш муваффақиятли кечади. Овқатланишингиз масаласида нафақат режимга амал қилишингиз керак, балки истеъмол қиладиган овқатларингиз таркибида витамин ҳамда микроелементлар етарли бўлиши лозим.

АРСЛОН (24. 07 — 23. 08)

Бугун тақдир қўлингизга миллионлаб долларларни тутқазиб қўймаслиги мумкин. Бироқ ўзингиз истаган даромадга эга бўлишингиз учун имконият ва кафолат бор. Фақат сезиларли ҳаракатларни содир этсангиз бас. Яқин орада шамоллаб чиққан бўлсангиз, қайталаниш хавфи сезилмоқда. Эҳтиётингизни қилинг. Кечқурун эски қадрдонларингиздан бири қўнғироқ қилади. Бу келгуси режаларингизни ўзгартиришга мажбур этиши мумкин.

ПАРИЗОД (24. 08 — 23. 09)

28 январда қатъиятлиликка алоҳида эътибор қаратинг. Билим олишдан, ўқиш-ўрганишдан тийилманг. Яқин ўтмишдаги муваффақияцизликларни ўйламанг. Бу ишингиз унумига салбий таъсир кўрсатади. Молиявий муаммоларингиз етарлича. Уларни тўлиқ бартараф этиш учун қўшимча даромадли иш топишингиз керак бўлади. Сурункали хасталикка йўлиққанлар об-ҳавога қараб кийинишлари тавсия қилинади. Ўзингизни эҳтиёт қилинг.

ТАРОЗИ (24. 09 — 23. 10)

Эрталабданоқ энг муҳим ишларни бажаришга киришасиз. Шу ишлар қанча тез ва сифатли бажарилса, даромади ҳам шунча бўлади. Кун давомида профессионал касбингиз билан боғлиқ ишингиз доирасида қўшимча билимлар олишингизга, курсларга қатнашингизга тўғри келади. Кўпчилик кечга қадар турли манзилларга бориб келиши кутилади. Шу югур-югурлар сизга моддий фаровонлик тақдим этади. Кечқурун ёқимли харидларга қўл урасиз. Ўзингизни эҳтиёт қилинг.

ЧАЁН (24. 10 — 22. 11)

27 январ куни фақат янги ишларга қўл уришингиз тавсия этилади. Майда-чуйда ишлардан чарчагансиз. Шунинг учун иложи борича катта ишларга қўл уринг. Тушдан кейин кимдир сизга сердаромад ишда ҳамкорлик таклиф қилиши мумкин. Дарров рози бўлинг. Бундай ишлар ҳар куни ҳам кўндаланг бўлавермайди. Кечқурун тоза ҳавода сайр қилинг. Бугун бировларни ранжитмасликка ҳаракат қилинг. Кўча таомининг яқинига ҳам йўламанг. Заҳарланишингиз хавфи бор.

ЎҚОТАР (23. 11 — 21. 12)

Куннинг биринчи ярмида ҳар жиҳатдан сизга мос, ҳамфикр, қизиқарли инсонлар билан танишувларни бошдан кечирасиз. Ишларингиз юришиш палласига кириши ҳам шундан бошланади. Оиласиз бўлсангиз, ишларингиз шунчалар кўп бўлишига қарамай, учрашувга боришга ҳам улгурасиз. Тадбиркорлар янги бизнес келишувни имзолаб, қўшимча даромадга эга бўлишади. Саломатлигингизни асранг. Кун мобайнида кайфиятингиз илкис тушиб кетиши, қон босимингиз сакраш эҳтимоли бор.

ТОҒ ЭЧКИСИ (22. 12 — 20. 01)

27 январда нима ишингиз бўлса, яқин дўстлардан бири ёрдамга келади. Шу ёрдам натижасида кайфиятингиз ҳам юқори чўққиларда бўлади. Моддий аҳволингиз кечга бориб яхшиланади. Аммо шахсий ҳаётингизда жанжалли вазиятлар юзага келиши мумкин. Баъзи ишларда омадсизликка юз тутишингиз ҳам эҳтимолдан холи эмас. Асабларни асранг. Эмоцияга эрк бериб қўйманг. Киссавурлар таъқибида қолишдан сақланинг.

ҚОВҒА (21. 01 — 19. 02)

Кунингиз қувончли лаҳзаларга бой ўтади. Дам олишга ҳам, ишлашга ҳам алоҳида вақт топа оласиз. Одамлар билан мулоқотда тингловчи ролини ўйнаганингиз маъқул. Шуниси тинчроқ. Шунда иш ҳам, шахсий ҳаёт ҳам меъёрида бўлади. Спорт, ёга билан шуғулланиш, сурункали хасталикларга қарши муолажалар олиш муваффақиятли кечади. Фақат хасталикка таслим бўлмасангиз бас, ҳаммаси яхши бўлади.

БАЛИҚ (20. 02 — 20. 03)

27 январ куни асосий вақтингиз ўзга ҳудудларга бориш, иш битириш учун елиб-югуришдан иборат бўлади. Бундан ташқари, кимлардир ёрдам сўраб мурожаат этади. Уларнинг ҳам кўнглини қолдирмай дейсиз. Рўзғордаги буюмлар, жиҳозларнинг баъзилари бузилиши кутилади. Кечқурун йирик харажатларга тушишингиз эҳтимоли бор. Муҳаббатда ҳаддингизни билинг. Тақиқланган амаллардан тийилинг.

ҚЎЙ (21. 03 — 20. 04)

Бугун рақобатчилар кутилмаганда йўлингизга кўндаланг бўлади. Ваҳоланки, уларни сиз ҳеч қачон ўзингизга рақобатчи деб ҳисобламагансиз. Шахсий бизнесингиз бўлса, айрим пули борларни ўз томонингизга оғдириш учун имконият туғилади. Молиявий муаммоларни бартараф этишда ҳам сезиларли даражада мушкулотларга дуч келишингиз мумкин. Кечки пайтга бориб яқин дўстларингиздан бири сизга янги ғояни таклиф этади. Ўйлаб кўринг, маъқул келса, ҳамкорлик қилинг.

БУЗОҚ (21. 04 — 21. 05)

27 январда нимаики ишга қўл урманг, тезкорлик талаб этилади. Қайсарликдан нари бўлинг. Агар иш бажаришда кимдир сиз билан пойга ўйнашни ихтиёр этса, имкон беринг. Барибир тезкорликда сизга етадигани бўлмайди. Кун давомида яқиндагина дўстлашган ҳамкасб билан орангизга совуқчилик тушиши мумкин. Сиз бу одамнинг фақат пул, шахсий манфаати йўлида дўст тутинишини англаб етасиз. Кечқурун сафарга отланасиз ва сафар сиз учун омадли кечади.

ЭГИЗАКЛАР (22. 05 — 21. 06)

Шахсий бизнеси борлар учун бизнесни янада тараққий эттириш йўлида янги имкониятлар эшиклари очилади. Бундан унумли фойдаланиш ёки ўтказиб юбориш ўзингизга боғлиқ. Профессионал касбингиз билан боғлиқ ишингиз доирасида малакани ошириш учун семинарларда, тренингларда иштирок этишингиз керак бўлади. Оиласизларнинг айримлари кечқурун азалий орзуларидан бири бўлмиш романтик учрашувга чиқишади. Саломатлигингизни эҳтиёт қилинг.

ҚИСҚИЧБАҚА (22. 06 — 23. 07)

27 январ куни миянгизда буюк режалар тинчингизни бузиб турган бўлса-да, маълум муддатга ишқий саргузаштларга берилишингиз кутилмоқда. Билинг, ишқий саргузаштлар вақтинчалик машғулот. Буюк режаларни адо этилишсиз қолдиришингиз ҳаётдаги энг жиддий хатоингизга айланиши мумкинлигини унутманг. Тадбиркорларнинг хорижлик ҳамкорлар билан бирга амалга оширадиган ишлари муваффақият келтиради. Агар сизга куннинг иккинчи ярмида олис сафарга отланишни таклиф этишса, бажонидил рози бўлинг. Бу сафар сизга моддий тўкинлик келтиради. Овқатланишда режимга амал қилинг.

АРСЛОН (24. 07 — 23. 08)

Кунингиз фавқулодда фаолликда ўтади. Ҳеч ким сизга халал бера олмайди. Тўхтатиб қола билмайди. Шахсий муаммоларингиз ҳақида нотанишларга, дўст бўлмаган одамларга гапириб ўтирманг. Нотанишлар билан мулоқотда жуда эҳтиёт бўлинг. Кечқурун олис сафарга жўнаб кетишингиз эҳтимоли бор. Сафар сизга фақат муваффақият ва мўмай даромад ҳадя этмоқчи. Фақат серқатнов йўлларда эҳтиёткорликни қўлдан берманг.

ПАРИЗОД (24. 08 — 23. 09)

27 январда моддий аҳволингиз билан боғлиқ шахслар иштирокида жиддий муаммолар ҳақида маслаҳатлашишингиз лозим бўлади. Иш бажаришда тезкорлик бўйича барчани ортда қолдирасиз. Лекин пул билан боғлиқ ишларни адо этишда таваккалчиликка йўл қўйманг. Бу сизни инқирозга юз туттиради. Кечқурун оилангиз даврасида дам олинг. Сурункали хасталикка йўлиққан бўлсангиз, ўз вақтида муолажалар олишни унутманг.

ТАРОЗИ (24. 09 — 23. 10)

Кунингиз сохта хушомад ва ёлғонларга қоришиқ кечиши кутилмоқда. Улар ҳаётнинг турли жабҳаларида юз кўрсатади. Хавфли вируслар ва шамоллашдан фаол терапия сизга катта ёрдам беради. Молиявий масалада қайғу чекмасангиз ҳам бўлади. Сиз муаммоларни бир зарбадаёқ жой-жойига қўя оласиз. Заҳирадаги пулларни сарфлашга тўғри келса, тафаккурга суянинг. Шундай суянингки, инқироз соя солмайдиган бўлсин.

ЧАЁН (24. 10 — 22. 11)

26 январ куни тақдир сизга бир неча кутилмаган совғаларни ҳадя этади. Кун давомида ҳар қандай хавфни илғашингиз билан дарҳол режаларни ўзгартиришга ҳаракат қилинг. Қўшимча даромадли иш излаётган бўлсангиз, олдин бу ишни атрофлича ўрганиб чиқишингиз тавсия этилади. Интернетдаги кўп маош таклиф қилинадиган ишларга қараб ҳам қўйманг. Ҳаммаси ёлғонга қоришиқ. Кечқурун айримларнинг хонадонига меҳмонлар ташриф буюриши, айримлар эса олис сафарга отланишлари мумкин.

ЎҚОТАР (23. 11 — 21. 12)

Қалбингиздаги шубҳалар ва тушкунликлар сизни эмоционал жиҳатдан абгор этиб қўйиши мумкин. Шунинг учун имкон доирасида ҳазил-мутойибага кенг ўрин беринг. Режаларингиз, ички сирларингизни бошқаларга гуллаб қўйманг, кўз тегади. Муҳаббатда сиздан ҳазил-мутойибага мойиллик ва тажриба талаб этилади. Оиласиз бўлсангиз, тажрибангиз етарли бўлмаса, тажрибаси борлардан маслаҳат сўранг. Кечқурун тоза ҳавода сайр қилинг.

ТОҒ ЭЧКИСИ (22. 12 — 20. 01)

26 январда ўз муаммоларингиз, хаёлларингиз денгизига шўнғийсиз. Шу қадар чуқур шўнғийсизки, ишхонангиздаги раҳбарлар ва ҳамкасблар ҳам буни тез илғашади. Билинг, сиз иш жойингизда фақат иш ҳақида ўйлашингиз, муаммоларни бартараф этишда фаоллик кўрсатишингиз керак. Молиявий муаммоларни бартараф этишда деярли тўсиқларга учрамайсиз. Лекин сал бўшашсангиз, вазият буткул бошқа тарафга ўзгариб кетиши ҳеч гап эмас. Шубҳали лойиҳаларга таваккал пул тикманг.

ҚОВҒА (21. 01 — 19. 02)

Эмоционал ва ижодий жиҳатдан бугун юқори чўққиларда бўлишингиз кутилмоқда. Ишларни шу қадар тез адо этасизки, барчани ҳайратдан ёқа ушлашга мажбур эта оласиз. Молиявий масалада ҳам прогресс кўзга ташланади. Асосийси, бўшашмаслик, ўз куч ва имкониятларингизга ишонишингиз керак. Оиласизлар муҳаббатда ишонч масаласига алоҳида эътибор беришлари керак. Бўлғуси жуфтингизни янада чуқурроқ ўрганинг. Бу келажакдаги ҳаётингизда асқотади. Сурункали хасталикка йўлиққан бўлсангиз, дориларни ўз вақтида ичинг.

БАЛИҚ (20. 02 — 20. 03)

26 январ куни ишда, муҳаббатда ва шахсий ҳаётда бой тажрибангизни ишга солинг. Бу молияда ҳам керак бўлади. Яхши таниш бўлмаганлар билан камроқ мулоқот қилинг. Баъзилар куннинг иккинчи ярмида хизмат сафарига жўнаб кетиши мумкин. Бироқ сафар сизни чарчатишдан бошқасига ярамайди. Илож қанча. Буни иш деб қўйишибди. Раҳбарларнинг буйруғини муҳокама қилиб бўлмайди. Худо қувват берсин!

ҚЎЙ (21. 03 — 20. 04)

Бугун беихтиёр болаликка қайтишдан, болаликда эшитган эртакларни эслаб қолишдан сақланинг. Реал ҳаёт эртак эмас. У бошқача тусда давом этади. Масалан, моддий аҳволингизни яхшилаш учун орзулар эмас, балки ақл билан содир этилган ҳаракатлар ёрдамига таянишингиз керак. Бир қоп пул ҳеч қачон ғойибдан бошингизга тушмайди. Ташқарида ҳаво совуқ бўлса-да, тез-тез чиқиб тоза ҳаводан нафас олишингиз тавсия қилинади.

БУЗОҚ (21. 04 — 21. 05)

26 январда омад сари талпинишда давом этасиз. Лекин ҳушёр бўлмасангиз, у сиздан дафъатан юз ўгириб кетиши ҳам ҳеч гап эмас. Нимаики ишга қўл урманг, ўз кучингизга қаттиқ ишонинг. Кун давомида жуда қизиқарли бир машғулот топиб олишингиз кутилади. Бу машғулот чарчаган лаҳзаларингизда кўмак бериши мумкин. Оила қурмаганларнинг баъзилари интернет орқали хорижлик инсон билан танишиб қолишлари кутилади. Эҳтиёт бўлинг. Ҳалитдан сирингизни бой бериб қўйманг.

ЭГИЗАКЛАР (22. 05 — 21. 06)

Кунингиз ёрқин ҳодисалар ҳамда лаҳзаларга бой бўлади. Улар шахсий ҳаётингиз ва моддий аҳволингизга ҳам ижобий таъсир кўрсатади. Куннинг иккинчи ярмида яқин дўстлардан бири билан кўришиб қолишингиз ёки саёҳатга отланишингиз мумкин. Агар истакларингиз кучли бўлса, эзгу мақсадларга ҳам шунча тез етишасиз. Фақат кучингизни ақл билан сарфланг. Ёлғонларга чув тушиб қолишдан сақланинг. Одам кўп тўпланадиган жойлардан ўзингизни олиб қочинг.

ҚИСҚИЧБАҚА (22. 06 — 23. 07)

26 январ куни чин кўнгилдан дам олишингиз қийин. Негаки, рўзғор ташвишлари дам олишга қўймайди. Қолаверса, харажатларингиз ҳам кўпчиликни ташкил этиши мумкин. Шамоллаб қолишни хоҳламасангиз, профилактика амалларига алоҳида эътибор қаратинг. Шахсий ҳаётингизда туб бурилиш юзага келиш эҳтимоли бор. Бу жуфтингиз ёки бўлғуси жуфтингиз билан ўзаро муносабатларингизга қайсидир жиҳатдан таъсир кўрсатиши турган гап. Саломатлигингизни асранг. Грипп юқтиришдан сақланинг. Ўзингизни эҳтиёт қилинг.

АРСЛОН (24. 07 — 23. 08)

Дўстларингиз, қариндошларингиз бугун сизни нима биландир хурсанд қилишлари кутилмоқда. Бир дунё ёқимли хабарлар эшитасиз. Яқин келажакда оилангизда тантаналар ташкил этиш, саёҳатга чиқишни режалаштирасиз. Муаммолардан ташвиш чекманг. Улар тез фурсатда бартараф этилади. Муҳаббатда хаёлпарастликдан воз кечиб, масалага реал кўз билан боқинг. Саломатлигингизни эҳтиёт қилинг. Кечқурун тоза ҳавода кўп вақт пиёда сайр қилинг.

ПАРИЗОД (24. 08 — 23. 09)

26 январда иш ва оилангиздан бирини танлашингизга тўғри келади. Тўғри, иккаласи ҳам сиз учун муҳим. Аммо бугун муваффақиятга эришиш учун оила ёки иш билан кўпроқ машғул бўлишингиз талаб этилади. Қариндошлар билан муносабатларда кутилмаган драма юзага келиши мумкин. Ён беринг. Муаммоларни барибир ёлғизликда бартараф эта олмайсиз. Кечқурун спиртли ичимликлар истеъмолидан тийилинг. Ичкилик ҳеч кимга яхшилик келтирмайди.

ТАРОЗИ (24. 09 — 23. 10)

Бугун харажатларингиз керагидан кўпроқ, даромад эса аксинча керагидан камроқ бўлади. Агар сунъий тарзда харажатларни камайтирсангиз, шубҳасиз пулни тежаб қолган бўлардингиз. Коммунал тўловлардан қарзларингизни ҳам айнан бугун тўлаб қўйишингизга тўғри келади. Агар пулингиз етмаса, яқинларингиздан қарз олинг. Олис сафар, зиёфатлар ва дўстлар билан учрашиб суҳбат қуришдан бугунча воз кечинг. Кечқурун оила даврасида дам олинг.

ЧАЁН (24. 10 — 22. 11)

25 январ куни муаммо пайдо қилиш бўйича сизга етадигани бўлмайди. Лекин бундай қобилиятнинг боридан йўғи яхши. Билинг, бу одатни дарҳол ташламасангиз, атрофдагиларга жиддий зиён етказиб қўйишингиз мумкин. Рўзғор юмушларини ҳам йўл-йўлакай адо этиб кетишингиз талаб этилади. Қайсидир рўзғор техника воситасини ўзингиз тузата билмасангиз, устасини чақиринг. Токи шунинг орқасидан ҳам оилангизда нотинчлик юзага келмасин.

ЎҚОТАР (23. 11 — 21. 12)

Кунингиз оғир кечади. Дўстлар ёки ҳамкасблар айби билан чигал вазиятларга тушиб қолишингиз кутилади. Сизга ҳар жабҳада мустақил бўлиш тавсия қилинади. Шахсий автомобили борлар таъмир учун анча-мунча пул сарфлашларига тўғри келади. Узоқ манзилга кетаётганда, автомобил бузилиш хавфи бор. Кечқурун имкониятингиз кўтарса, кичик оилавий байрам уюштиринг. Бу яқинларингиз билан муносабатлар жипслашувига сезиларли таъсир кўрсатади.

ТОҒ ЭЧКИСИ (22. 12 — 20. 01)

25 январда ҳар бир тийинни тежаб ишлатинг. Бусиз инқирозга юз тутишингиз ҳеч гап эмас. Заҳира билимлар, ҳаётий тажрибангиздан келиб чиқиб ишларни режалаштиринг. Шунда хатога йўл қўймаслигингиз учун кафолат ортади. Ўзингиз билан бирга ишлайдиганларнинг кўнглини чўктирманг. Оиласизлардан кимдир эҳтирослар қулига айланиб қолиши мумкин. Қайғу чекманг, бу қуллик сизга бахт ҳадя этмоқчи. Кун давомида бунга ўзингиз гувоҳ бўласиз. Шундай инсон билан учрашасизки, у ҳам анчадан бери фақат сиз ҳақингизда ўйлаб юрган бўлиб чиқади. Қандай бахт!

ҚОВҒА (21. 01 — 19. 02)

Ўтмишдаги кўнгилсиз вазиятларни ёдга олиб қайғуга ботишингиз ҳеч қайси қолипга сиғмайди. Оптимистга айланинг. Дунёга реал кўз билан боқинг. Шахсий бизнесига эга дўстларимиз ҳисоб-китобда зинҳор адашмасинлар. Муҳим ҳужжатларга имзо қўйишда сергакликни қўлдан берманг. Кечқурун узоқ вақт пиёда сайр қилишингиз тавсия қилинади. Саломатлигингизни сақланг. Асабларни эҳтиёт қилинг.

БАЛИҚ (20. 02 — 20. 03)

25 январ куни нотаниш одамлар билан мулоқот қилишингизга тўғри келса, сирларингизни тўкиб солишдан сақланинг. Ички сирларни ўзингиздан бошқасига ишонманг. Молиявий муаммолар бугун сизга итоат этишдан бўлак йўл топа олмайди. Лекин тақдир берганига шукр қилинг. Ундан ортиғига эга бўлиш учун ўзингизни беҳуда уринтирманг.

ҚЎЙ (21. 03 — 20. 04)

Бировга қуруқдан қуруқ ваъда бериб кейин унутишни хаёлингизга ҳам келтирманг. Ваъда бердингизми, албатта устидан чиқинг. Кўзингизга жуда майда кўринган ишларни ҳам бажонидил, ўзгача ҳавас билан адо этинг. Молиявий масалада ҳаммасини яхшилаб таҳлил қилинг. Шунда кейинчалик инқирозга юз тутмайсиз. Оиласизлар муҳаббатда бўлғуси жуфтига ўзининг садоқатини ва туйғулари ҳаққонийлигини амалда исботлашлари зарур. Йўқса, бўлғуси жуфтингизнинг ишончини тўлиқ қозона олмаслигингиз мумкин.

БУЗОҚ (21. 04 — 21. 05)

25 январда мақсадга етиш йўлида сизни жиддий мушкулотлар кутиб туради. Тадбиркорлар ҳамкорлари билан баҳслашиши, бошқалар жуфти ёки бўлғуси жуфти билан келишмовчиликларга бориши мумкин. Молиявий инқироздан чиқиш учун қарз олиш ёрдам бермайди. Пулларингиз йўқ эмас, бор. Лекин оз. Шунга яраша оз бўлса ҳам улар ўзингизники. Кечқурун айримлар сафарга отланишлари эҳтимолга яқин. Сафар тақдирингизда туб бурилиши ясаши ҳам эҳтимолдан холи эмас.

ЭГИЗАКЛАР (22. 05 — 21. 06)

Эрталабдан хонадонингизда турли можаролар пайдо бўлиши кутилмоқда. Шунинг дастидан сафар, иш юзасидан учрашувларни ортга суришингизга тўғри келиши мумкин. Аммо қайғуга ботманг. Иш, учрашувлар қочиб кетмайди. Кечқурунга бориб сурункали хасталиклар қўзғалиш эҳтимоли бор. Айниқса, ортиқча жисмоний зўриқишлар, совуқ ҳавода кўп туриб қолиш, компютер қаршисида узоқ вақт қолиб кетиш сурункали хасталиклар қўзғалишига сабабчи бўлади. Ўзингизни эҳтиёт қилинг.

ҚИСҚИЧБАҚА (22. 06 — 23. 07)

25 январ сиз учун енгил кечмайди. Оиласизлар танлагани ҳақида ёқимсиз бир хабар эшитади ва шу нарса орангизда жанжални келтириб чиқаради. Тушкун кайфият эса қиладиган ишингизга ҳам салбий таъсир кўрсатмай қолмайди. Оилалилар фарзанлларнинг ўқиши, тарбиясига алоҳида эътибор қаратиб қўйишлари тавсия қилинади. Куннинг иккинчи ярмида баъзи дўстларимиз яқин манзилга сафар қилишлари кутилади. Кечқурун овқатланиш режимини бузмаган ҳолда ҳаракатлар содир этинг. Серқатнов йўлларни кесиб ўтишда эҳтиёт бўлинг.

АРСЛОН (24. 07 — 23. 08)

Бугун ўзингиз учун ҳашамат яратинг. Ишда, шахсий ҳаётда, ҳатто, кўчада ҳам ўз ҳашаматингизга эга бўлинг. У ҳар жабҳада омад сизга кулиб боқишини таъминлайди. Совуқда узоқ қолиб кетишдан, жанжаллардан қочинг ва овқатланиш режимига қатъий амал қилинг. Ҳар қандай хато иммунитетингиз тушиб кетишига сабаб бўлиши мумкин. Жисмоний меҳнат билан бугунча шуғулланмай туринг. У саломатлигингизга салбий таъсир кўрсатади. Эҳтиёт бўлинг. Ёши улуғ, хаста қондошлардан хабар олинг. Савобга эга бўлинг.

ПАРИЗОД (24. 08 — 23. 09)

25 январда ёлғиз қолинг. Гарчи ишингиз фаол суҳбатлар билан боғлиқ бўлса-да, мулоқотни минимум даражагача камайтиринг. Муҳаббатда мустақил бўлишга ҳаракат қилинг. Жуфтингиз ёки бўлғуси жуфтингизни ҳам шунга ўргата боринг. Узоқ қариндошлар билан бугун юз кўришмаганингиз маъқул. Аччиқ-тирсиқ гап-сўзлар пайдо бўлиб кайфиятингизни бузиши мумкин. Сурункали хасталикка йўлиққанлар дориларини ўз вақтида ичсалар фойдадан холи бўлмайди.

ТАРОЗИ (23. 09 — 23. 10)

24 январда ишда ҳам, шахсий ҳаётда ҳам қатъий графикка амал қилсангиз, тақдирнинг ғазабидан қутулиб қолган бўлардингиз. Айниқса, шахсий ҳаётда ҳар бир ҳаракатни режа асосида содир этишингиз талаб қилинади. Жуфтингиз билан мулоқотда ўзингизни тутишингизга эътибор қаратинг. Ишда эса раҳбарларингиз бажарган ишларингиздан камчилик топиш эҳтимоли йўқ эмас. Бардам бўлинг. Оллоҳ сизга ёр бўлсин!

ЧАЁН (24. 10 — 22. 11)

Ишхонангизда бемалол ишлашингиз учун халал бераётган вазиятлар қисқа фурсатда барҳам топади. Йўқ, сиз кимнингдир устидан ҳеч кимга арз қилмайсиз. Раҳбарларнинг ўзи сезиб қолиб, сизга халал бераётганларни жойига ўтқазади. Жуфтингиз билан муносабатларда гўё игнанинг устида юришингизга тўғри келади. Илгаригидек хоҳлаган ишингизни қилишингизга жуфтингиз изн бермайди. Бу яхшиликка албатта. Кечқурун мўмай даромадга эга чиқишингиз мумкин. Аммо қимматбаҳо буюмлар сотиб олишдан тийилинг.

ЎҚОТАР (23. 11 — 21. 12)

24 январ куни ўқотар буржи вакилларини муҳим учрашувлар ва жиддий танаффуслар кутиб туради. Лекин шуларни деб айрим нарсалардан воз кечишингизга тўғри келади. Тайёр туринг. Молия масаласи ҳам гўё туман орасида қолиб кетгандек эди. Кимлар биандир узоқ вақт суҳбатдан кейин бу муаммо ҳам ўз ечимини топади. Асосийси, майда ишлардан ҳам қочманг. Уларни ҳам астойдил чин кўнгилдан адо этинг. Кам бўлмайсиз. Ўзингизни эҳтиёт қилинг.

ТОҒ ЭЧКИСИ (22. 12 — 19. 01)

Бугун эзгу мақсадларга эришишни истасангиз, тўғри иш тутинг, тўғри қадам босинг. Шахсий ҳаётда кутилмаган бир вазиятга дуч келишингиз кутилади. Аммо ташвиш чекманг. Бу вазият яхшилик учун хизмат қилади. Хасталикка чалинганлар учун муолажалар ҳам муваффақиятли якун топади. Фақат иммунитетни мустаҳкамлаш учун анча-мунча тер тўкишингизга тўғри келади. Омад сизга ёр бўлсин!

ҚОВҒА (20. 01 — 18. 02)

24 январда ишхонангиздаги раҳбарлар зиммангизга янги вазифаларни юклаши кутилмоқда. Раҳбарлар билан бу мавзуда баҳслашишингиз бефойда. Чунки ўша вазифалар сизга наф келтиради. Кимлардандир қачонлардир қарз олган бўлсангиз, бугундан қолдирмай узиб қўйишингиз керак бўлади. Жуфтингиз ёки бўлғуси жуфтингиз билан ўзаро муносабатларда ишонч ва меҳр-оқибатни биринчи ўринга қўйинг. Шу нарсалар муносабатларингизни янада мустаҳкам торттиради.

БАЛИҚ (19. 02 — 20. 03)

Ниятлар, орзу-умидлар сиздан анча узоқдалигига қарамай, барибир йўлга отланасиз. Йўлингизда жиддий тўсиқлар бор. Улардан сакраб ўтишнинг ўзи бўлмайди. Матонат керак. Айниқса, тадбиркорларга оғир бўлади. Рақобатчилар ҳаддидан ошган, виждонини сотиб бўлса ҳам сизни инқирозга учратиш пайида куйиб-ёнади. Куннинг иккинчи ярмида яқинларингиз ҳақида қайғуринг. Кечки пайт қаршингизда гўё янги дунё юз кўрсатади. У омад ва даромад деганидир. Омадингизни берсин!

ҚЎЙ (21. 03 — 20. 04)

24 январ куни ҳаётингизда ғалатомуз ҳодисалар, худди мистикага ўхшаш воқеалар юз бера бошлашига гувоҳ бўласиз. Агар ишларингизда унум кўзга ташлана қолмаса, дарҳол ишлашдан тўхтаб, пича нафас ростлаш учун вақт ажратишингизга тўғри келади. Бугун касбингиз юзасидан қўшимча билимлар олиш, малакани ошириш хайрли кечади. Муҳаббатда жуфтингиз ёки бўлғуси жуфтингиз билан ўзаро муносабатлар бузилишига, жанжаллар келиб чиқишига йўл қўйманг.

БУЗОҚ (21. 04 — 20. 05)

Ишхонангиздаги ҳамкасбларга бугун сира тушуна олмай ҳалак бўласиз. Уларнинг ҳар бири ўзини раҳбардек тута бошлайди. Бўш келсангиз, буйруқ беришдан ҳам қайтишмайди. Ҳатто, бир оғиз гап гапиришга навбат беришмайди. Балки бу ҳам яхшиликкадир? Индамасдан зиммангиздаги вазифаларни адо этаверинг. Шундан фойда. Муҳаббатда айрим кўнгилсизликлар кузатилиши мумкин. Оила қурмаган бўлсангиз, масалани кўндаланг қўйинг-у, тўйни тезлаштиринг. Қачонгача романтиканинг ортидан қувлаб вақт ўтказасиз? Тўғри эмасми? Кечқурун тоза ҳавода сайр қилиш тунги уйқусизликдан ҳам асрайди.

ЭГИЗАКЛАР (21. 05 — 21. 06)

24 январда саломатлигингиз билан боғлиқ муҳим бир қарор чиқаришингизга тўғри келади. Бир врач касалхонага ётишингиз лозимлигини айтса, бошқаси уйда даволанган маъқул деб ҳисоблайди. Нима қилиш керак? Ишни йиғиштириб қўйиб даволаниш керак. Шундан бошқа йўл йўқ. Бугун ҳар қандай кўринишдаги сафарлар, янги танишувларни бошқа кунга қолдиринг. Асабни эҳтиёт қилинг. Оллоҳ сизга ёр бўлсин!

ҚИСҚИЧБАҚА (22. 06 — 22. 07)

Бугун куннинг биринчи ярмидаёқ ҳолдан тойдирадиган даражадаги сафарларни бошдан кечиришингиз кутилмоқда. Улардан воз кечишингиз тавсия этилмайди. Сафар давомида моддий манфаат кўрасиз. Шуни унутманг. Муҳаббатда оила қурмаганлар унутилмас саргузаштларни бошдан кечиришади. Саргузаштлар ўзингизга бўлган ишонч ҳиссини орттириб, ёқимли туйғулар ҳадя этади. Кечқурун оилавий бўлиб қайсидир дўстингизникига меҳмонга боришингиз эҳтимоли бор.

АРСЛОН (23. 07 — 23. 08)

24 январ ҳам ижод, ҳам молияда унумли кечади. Шон-шуҳрат сизга ошно тутинади. Ўзингизни еттинчи осмонда парвоз қилиётгандек енгил ва бахтиёр ҳис этасиз. Аммо ёнингизда сизнинг ҳисобингиздан яшашни истовчилар пайдо бўлиши ҳам эҳтимолдан холи эмас. Харажатларни қаттиқ назоратда ушланг. Муваффақиятларингиз ҳақида ҳеч кимга гапирманг. Оила даврасида худди латифани эслатувчи қизиқ бир ҳодиса содир бўлиши мумкин. Оқшомингиз мароқли кечсин!

ПАРИЗОД (24. 08 — 22. 09)

Паризод буржи остида таваллуд топганлар нима биринчи-ю, нима иккинчи даражали эканини англаб етишлари лозим. Айнан шундай йўл тутган ҳолда ёқимсиз шахслар билан мулоқотга нуқта қўйиш ва тадбиркор бўлсангиз, фойдали шартномаларни имзолаш мумкин. Саломатлигингизга алоҳида эътибор қаратинг. У аъло даражада эмас. Айримлар аллергиядан безовталаниши кутилади. Сурункали хасталикка учраган бўлсангиз, дориларни ўз вақтида ичишни унутманг.

ТАРОЗИ (23. 09 — 23. 10)

23 январда қандайдир шахсий ишларни бажариш учун давлат идораларига югуришингиз кутилмоқда. Ҳужжатларни эрталаб яна бир кўздан кечириб олишни унутманг. Айримларнинг саломатлиги панд бериши, касалхонама-касалхона чоп-чоплардан бўшамаслиги мумкин. Фақат ўзингиз ўзингизга табиблик қилиш фикридан йироқ бўлинг. Овқатланиш рационингизга сут маҳсулотларини ҳам қўшишингиз тавсия қилинади.

ЧАЁН (24. 10 — 22. 11)

Кунингиз безовталиклар билан бошланишига қарамай, ҳар жабҳада ижобий натижаларга эришишингиз тайин. Тадбиркорлар ҳам фойдали келишувларга эришади. Молиявий муаммолар ҳам муваффақиятли ҳал бўлади. Қимматбаҳо буюмларга ружу қўйманг. Инқирозга юз тутасиз. Олис сафарга чиқишдан ҳам сақланишингиз сўралади. Оилавий ҳаётингизда ёрқин ҳодисалар юз бериши кутилмоқда. Омад сизга ёр бўлсин!

ЎҚОТАР (23. 11 — 21. 12)

23 январ куни шахсий ҳаётингизни ёрқин нурлар билан безатиш ўз қўлингизда. Бунинг учун бекорга асаб, вақт сарфлаб ўтиришингиз ҳам шарт эмас. Эмоцияни назоратда тута билсангиз бас. Тадбиркорлар жуда ноқулай шароитларда муҳим ҳужжатларга имзо чекиши мумкин. Эҳтиёткор бўлинг. Кечқурун хонадонингизга азиз меҳмонлар ташриф буюради. Бир-биридан ёқимли хабарлар эшитасиз. Оллоҳ сизга ёр бўлсин!

ТОҒ ЭЧКИСИ (22. 12 — 19. 01)

Бугун эрталабдан кайфиятингиз позитив кечади. Фақат орадан маълум вақт ўтгач, кимлардир кайфиятингизни бузиши мумкин. Бу бир тарафдан қараганда, танқидга ҳам ўхшаб кетади. Уёқда раҳбарлар ишингиздан камчилик топиб сизни танқид қила бошлаши ортиқча. Оилалилар бугун ўзларини бошқа пайтлардагига нисбатан бахтлироқ ҳис эта бошлашади. Бунга арзирли сабаб бор албатта. Айримларнинг хонадонида чақалоқ йиғиси жаранглаши кутилмоқда.

ҚОВҒА (20. 01 — 18. 02)

23 январда моддий аҳволингиз хавф остида қолиши мумкин. Ўтмишда қолиб кетган қарзларингизни тўлаб қўйишингизга тўғри келади. Бу ҳам кайфиятингизни бир пул қилиши эҳтимолдан холи эмас. Муҳаббатда оиласизлар турли дашномлар эшитишга мажбур бўлишади. Аммо дарров қочиб қолишга уринманг. Бунинг ўрнига бўлғуси жуфтингиз билан муносабатларни мустаҳкамлаш ҳаракатида бўлинг. Афсусланмайсиз.

БАЛИҚ (19. 02 — 20. 03)

Бугунги кунингиз ёқимли ва қувончларга бой кечиши кутилади. Кўп вақтингизни ишончингизни оқлашга арзийдиган одамлар билан мулоқот қилиб ўтказасиз. Режим сиз учун бир хил. Ишлаш, овқатланиш ва спорт билан шуғулланиш. Агар шу режимга қатъий амал қилсангиз, ҳаммаси яхши бўлади. Ўзингизга нисбатан қаттиққўл бўлинг. Саломатлигингизда муаммо пайдо бўлса, сизга фақат врач ёрдам бера олади.

ҚЎЙ (21. 03 — 20. 04)

23 январ куни ўтмишдаги хатоликларни такрорлаб қўймаслик учун вазиятга итоат этишингиз керак бўлади. Характерингизни, ҳаётингизни ўзгартириш пайти етган. Кайфиятни кўтарадиган амалларни адо этишга ҳаракат қилинг. Муҳаббатда жиддийлик кетмайди. Бироз ҳазилга мойил бўлишингиз тавсия этилади. Жуфтингиздан имконсиз нарсаларни талаб қилманг. Айримлар куннинг иккинчи ярмида мигрен ва шамоллашдан безовта бўлишлари мумкин. Олдини олинг.

БУЗОҚ (21. 04 — 20. 05)

Бугун оқимга қўшилиб оқишдан сақланишингиз керак. Акс ҳолда оқим сизни муваффақиятсизликлардангина иборат манзилларга олиб кетиб қолиши ҳеч гап эмас. Молиявий муаммоларни жуда катта тезликда, аммо ўзингизни қўлга олган ҳолда бартараф этишингиз керак. Жуфтингиз билан келишмовчиликлар юзага келган бўлса ҳам хотиржамликни қўлдан берманг. Ҳаммаси яхши бўлади. Хунук хаёллар миянгизга яқин келишига йўл қўйманг. Кечқурун баъзилар хизмат сафарига жўнаб кетиши кутилади.

ЭГИЗАКЛАР (21. 05 — 21. 06)

23 январда куннинг ярмини дам олиш, янги куч йиғишга бағишлашингиз тавсия қилинади. Қолган қисмини спорт машғулотларига бахшида этсангиз, фойдадан холи бўлмайди. Ўзингизни жисмонан енгил ҳис этиш учун шунга арзирли таомлар истеъмол қилишингиз керак. Ёғли, углеводга бой маҳсулотлардан воз кечинг. Меваларни кўпроқ истеъмол қилинг. Саломатлигингизни эҳтиёт қилинг. Кечқурун ёлғиз қолинг.

ҚИСҚИЧБАҚА (22. 06 — 22. 07)

Шу кунга қадар амалга ошмай келган режаларингиз худо хоҳласа бугун албатта амалга ошади. Омад сиз томонда. Агар молиявий муаммоларнинг айримларини кеча ижобий ҳал эта олмаган бўлсангиз, бугун яна ҳаракат қилиб кўришингиз тавсия этилади. Йирик лойиҳаларга қўл урганларни ҳам худо дар қўймайди. Хизмат сафарига жўнаб кетишдан тийилинг. Бугунги ҳаво сафарбоп бўлиб чиқмаслиги мумкин. Ўзингизни эҳтиёт қилинг.

АРСЛОН (23. 07 — 23. 08)

23 январ куни янги муаммоларга дуч келмаслик учун жуда сергак, эҳтиёткор бўлишингиз талаб этилади. Олдингизга улкан мақсадларни сира ўйланмасдан қўяверинг. Бу келажак учун пойдевор вазифасини ўтайди. Кечқурун телефон орқали шов-шувли бир хабар эшитишингиз мумкин. Бу хабар кайфиятингизга керагидан ҳам ортиқроқ позитив бағишлайди. Овқатланиш режими, меъёрларини бузманг. Асосийси, бугун ҳеч кимни ранжитманг.

ПАРИЗОД (24. 08 — 22. 09)

Таваккалчиликка амал қилиб катта ишларга пул тикишдан тийилишингиз лозим бўлади. Бу ҳаракатингиз сизни инқирозга юз туттириши ҳеч гап эмас. Хобби, дўстлар билан мулоқот учун вақтни қисқартиришингизга тўғри келади. Бу нарсалар бугун сизни ишдан чалғитади. Оиласизлар ҳали ўзи учун бўлғуси жуфт танламаган бўлса, бугундан умид қилаверсалар бўлади. Уйда узоқ ўтириб қолмасангиз бас. Хаста қондошлар ҳолидан хабар олинг. Қўшимча савобга эга бўласиз.