Tarix - Muarrix Kutubxonasi

#Yangi_kitob_sotuvda

Mazkur kitobda Oʻzbekiston tarixi eng qadimgi zamonlardan to bugungi kungacha ixcham tarzda yoritilgan. Vatanimiz tarixining barcha barcha davrlari koʻrsatilgan bu kitobda oʻquvchi Turon va Turkiston tarixining shonli kechmishi, ajdodlarimizning yurt ozodligi uchun dushmanlarga qarshi qarshi olib borgan qahramonona kurashi, gʻalaba va zafarlari bilan birgalikda achchiq magʻlubiyati va xatolari bilan tanishadi. Shuningdek, unda Yangi Oʻzbekiston davrida mamlakatimizda amalga oshirilayotgan ulugʻvor oʻzgarishlar oʻz aksini topgan.

Ушбу изланишда Фарғона водийсининг Ғарбий Турк хоқонлиги чоғи VI-VIII юзйилликлар оралиғидаги ўтмиши ёритилган бўлиб, ўша кезларда водийда юз берган сиёсий ўзгаришлар, бошқарувчи сулолалар ва уларнинг этник келиб чиқиши, танга-пул тизими, эски турк ёзувлари тўғрисида янгича қарашлар билдирилган. Фарғона водийсида Ашина сулоласи бошкарувининг ўрнатилиши, Фарғона бошқарувида "тегин", "тархон", "тутук", "чур" каби туркий ва "ихшид" сингари суғдий унвонларнинг қўлланилишига тўхталиб ўтилган.

Arxeologiya darsligida paleolit, mezolit, neolit, eneolit, bronza, ilk davrlarining oʻziga xos xususiyatlari, makonlari, yodgorliklari, qishloqlari, qadimgi davrda shaharlarning shakllanish va rivojlanish jarayonlari, oʻrta asrlar davrining moddiy madaniyat yodgorliklari, oʻrganilish tarixi keyingi yillarda arxeologiya sohasida qoʻlga kiritilgan yutuqlar asosida yoritilgan.

Ушбу монография ўзбек халқи этник тарихининг муҳим тарихий босқичларини ўзида ифодалайди. Унда XIII-XV асрларда Мовароуннаҳрда кечган этник жараёнлар форсий, арабий, туркий ва бошқа манбалардаги маълумотлар асосида ёритиб берилган. Шунингдек, бу даврда минтақада кечган сиёсий жараёнларнинг этник ҳолатга таъсири, Чингизхон бошлиқ уруғ-қабилаларнинг Мовароуннаҳр ва унинг атрофларига жойлашуви, ўтроқлашув жараёнлари, маҳаллий аҳоли билан этно-маданий алоқалари, Амир Темур ва Темурийлар давридаги этник жараёнлар, ижтимоий-сиёсий ҳаётда фаол иштирок этган уруғ-қабилалар, уларнинг келиб чиқиши масалаларини ҳам ўз ичига олган.
Масъул муҳаррир:
Д.Ю. Юсупова – тарих фанлари доктори, профессор, академик.

Sharafiddin Ali Yazdiy
«ZAFARNOMA»

Hazrati Sohibqiron Amir Temur davri va faoliyatiga bag‘ishlangan ushbu nashrda - “Zafarnoma”dek tabarruk va buyuk asarning 1516 yildagi tarjimasida solnomaning forscha matniga ishlanmish turli maktablarga mansub miniatyuralar zarvarag‘i ilova etildi.

Америкалик дипломат Южин Скайлернинг "Туркистон: Россия Туркистони, Қўқон, Бухоро ва Ғулжага саёҳат қайдлари" асари XIX асрнинг иккинчи ярмида Ўрта Осиёга саёҳати давомида кўрган-кечирганлари асосида ёзилган. Қўлингиздаги китобда икки жилддан иборат асарнинг 1876 йилги Лондон нашридан саралаб ўзбек тилига ўгирилган таржимаси жамланган.