📸
Koloniyadan UFC yulduzigacha: Dastin Poryening ayoli uni qanday yomon yo‘ldan olib chiqib, MMA afsonasiga aylantirdiAmerikalik mashhur jangchi
Dastin Porye yoshlik paytida qonun bilan jiddiy muammolarga duch kelgan. Ammo uning hayoti butunlay o‘zgarib, u UFC yulduziga aylangan. Bunga sabab – uning hayotdagi yagona sevgisi bo‘lgan ayoli
Joli.
Dastinning aytishicha, u voyaga yetmaganlar koloniyasida yotganida, Joli har hafta unga xat yozib turgan. Qizig‘i shundaki, ular o‘sha paytda hatto tanish ham bo‘lmagan.
“Koloniyadan chiqqan kunim u meni kutib turgan edi. U meni ko‘rish uchun juda uzoq yo‘l bosib kelgan ekan. O‘sha payt o‘zimga o‘zim dedim: men bu qizga uylanaman,” – deydi Porye.
“U har doim xat yozardi va har doim javob qaytarardi. Manzilni qayerdan topganini ham bilmayman, lekin u doim yonimda edi. Rostini aytsam, bu gaplarim kimga qanday eshitilishini bilmayman, lekin men bugun shu darajaga yetgan bo‘lsam, bu – Jolining yordami bilan. Biz 18 yoshimizdan birga yashay boshladik, o‘shanda men hali havaskor sportchi edim. Agar u bo‘lmaganda, men har kuni zalga qatnamagan bo‘lardim, vaqtida uxlamagan bo‘lardim. Do‘stlarim bilan tentirab yurib, hayotimni rasvo qilardim,” – deydi u.
“Men uni sevardim, u ham meni sevardi. Va eng muhimi – meni doim kimdir kutib turardi. Bu juda katta kuch berdi. Chunki men ko‘p marta o‘zimga ishonchimni yo‘qotganman, lekin u doim menga ishonardi. U shunchalik ishonardiki, men taslim bo‘lishga uyalardim,” – deydi Dastin.
2024 yil iyun oyida Dastin Porye UFC kamarini qo‘lga kiritish uchun uchinchi marta harakat qildi, lekin 5-raundda
Islom Maxachevga mag‘lub bo‘ldi. 2025 yil yozida esa u o‘zining so‘nggi jangini o‘tkazmoqchi – bu jang Dastinning tug‘ilgan shahri
Yangi Orleanda bo‘lib o‘tadi.
💬
Shoxrux Abubakirov
