Javohir Ulug‘bek o‘g‘li | Blog

Oflayn xizmat koʻrsatuvchilar eshigiga #taklif

Klassik uslubda “Xush kelibsiz!” deb yozib qoʻyishadi. “Ochiq”, “Yopiq”larni esa aytmasa ham bo‘ladi.

1 soatcha avval TV'dagi qaysidir kadrda “Xush kelibsiz!” jumlasiga ko‘zim tushdi-da, marketing rivojlangan davrda ekanimiz, shu gap o‘rniga boshqa kreativrog‘ini ishlatsa, qalay bo‘lishini o‘ylab qoldim.

Xayolimga kelgan variantlarni aytishni lozim topdim. Agar sizda ham do‘kon, oshxona, kafe, sartaroshxona, chevarxona, yana nimadir xona bo‘lsa va bergan variantlarimning qaysidir biri maʼqul kelsa, bemalol foydalaning.

Demak, variantlarim:
1. Keldingizmi?
2. Ko‘zlaringizdan)
3. Diydoringizni sog‘indik!
4. Kelishingizni bilardik!
5. Pullaringiz ko‘paysin!
6. Nurli yuzingiz boshqacha-da!

Muhim! Bu gaplarni ishlatganda, samimiylikni ifodalovchi smaylik, qavslar, jilmaygan yuz ifodasi yoki shunga oʻxshash nimadir qo‘shish kerak. Aks holda teskari maʼno chiqib qolishi mumkin.

Balki yuqoridagi jumlalar “Xush kelibsiz!”ni anglatmas, biroq samimiylikni bildiradi, katta ehtimol bilan mijoz yodida qoladi.

Mabodo birontasini amalda qo‘llasangiz, biz ham xabar topib qolaylik-a?)

Sizga qaysi variant ma’qul keldi? 1, 2, 3...?

💡 @kopirayter_blogi

Kamida 3 kishiga yuborishingiz kerak bo‘lgan xabar shu. Jo‘natib bo‘lgach, hammasini skrinshot qilib, @Javohir_kopirayter'ga tashlab bering. Qolganini shaxsiyda yana gaplashamiz.

Tepadagi postni ham tanishingizga yuborishingiz mumkin, bunga qonunchilikda hech qanday jazo yo‘q ekan, tanishib chiqdim))

Assalomu alaykum.

Sizga foyda keltiradigan bir insonni dalolat qilsam maylimi?

Assalomu alaykum. Salomatmisiz?

Xabarim borki, xizmat/mahsulot sotuvi bilan shug‘ullanasiz. Ularni tanitishda, sotuvini oshirishda yordam bera oladigan kopirayterni sizga tavsiya qilmoqchiman.

Mutaxassislik blogi: @kopirayter_blogi
Portfoliosi: @Javohir_portfoliosi

Rus va o‘zbek tillarida reklama matnlari, video ssenariylari, SMS rassilkalar va boshqa turdagi matnlar yoza olar ekan.

Tanishib chiqsangiz, yaxshi bo‘lar edi. Balki biron muammongiz bo‘lsa, ajab emas, shu @Javohir_kopirayter yechim bera olsa.

Barcha yaxshiliklarni sizga tilab qolaman)

Sizga maxsus taklifim bor

U shundan iboratki, kopirayting xizmatim siz uchun bepul bo‘ladi.

Ya’ni agar siz:

— shaxsiy blog muallifi;
— sotuv qiladigan kanal egasi;
— shaxsiy brend shakllantirayotgan mutaxassis;
— maʼlum mavzudagi kanal/guruh yurituvchisi;
— onlayn/oflayn formatdagi kurs o‘qituvchisi;
— yoki shu sohaga yaqin inson bo‘lsangiz, matn yozib beraman.

Qanday matn, deysizmi? Bo‘lishi mumkin reklama, rasm/video tagidagi tavsif (SMM post deyiladi), flayerdagi gaplar va hokazo. Talabingizni 100 % qondirishga harakat qilaman.

Faqat sizdan ham yordam kerak. Yuqorida aytganimdek, soha egalariga (kanali, biznesi, xizmati, mahsuloti bor inson) men haqimdagi gaplarni (shu postdan keyin kanalga joylayman) yuborasiz. Ular kamida 3 kishi bo‘lishlari kerak.

Yuborganingizni tasdiqlovchi ekran rasmlarini (skrinshot) @Javohir_kopirayter profiliga tashlaysiz. Men esa skrinshot tashlaganlarga bir boshdan bepul xizmat ko‘rsataman.

Eslatib o‘taman:

1. Har 3 kishi uchun 1 ta matn yozaman, ya’ni 30 kishiga yuborsangiz, 10 ta yozib beraman.

2. U insonlar albatta qandaydir xizmat ko‘rsatishlari kerak.

3. Har kuni soat 15:00-22:00 oralig‘ida javob beraman.

4. Ushbu bepul xizmatim 12.11.2024 sanasigacha amal qiladi.

5. Hozirgi kunda yozadigan matnlarim 100,000 so‘mdan boshlanadi. Siz shuni tekinga olasiz.

P.S. Agar siz men bilan ishlagan yoki xizmatimdan foydalangan bo‘lsangiz fikringizni izohlarda qoldirishingizni so‘rab qolaman. Shunda obunachilar menga ishonish yoki ishonmaslikni o‘zlari hal qiladi. Men esa taklif berdim xolos, majbur qilmadim.

💡 @kopirayter_blogi

Bu usul orqali TZ'ni yangidan bajarmaysiz

Avvalgi postda aytgan edim:

Qanday uslubda (kanal ToV'idan kelib chiqib) yozishingizni, sarlavha, asosiy matn va CTA qanaqa bo‘lishini taxminiy (qoralama) yozib, buyurtmachiga ko‘rsating va nega bunday yozayotganingiz sababini ayting.

Bundan maqsad shuki, mabodo yozgan matningiz mijoz kutganidek bo‘lmasa, uslubni o‘zgartirasiz. Bu esa jarayonning o‘rtasida ekaningiz sababli ishni osonlashtiradi.

Matnni tugatib, mijozga yoqmasa, yana boshqa yozgandan ko‘ra ishning yarmida ko‘rsating. U esa ko‘rib bersin, ana shunda vaqtingiz tejaladi, asablaringiz buzilmaydi.

Buyurtmachi fikri asossiz bo‘lsa-chi? Aytaylik, siz auditoriya og‘rig‘idan kelib chiqib zoʻr sarlavha va CTA ishlatib, matn yozdingiz. Ammo mijoz tushunmasdan, oʻzgartiring, deyapti.

Bu vaziyatda nima qilishni keyingi postda aytaman.

💡 @kopirayter_blogi

Yangi loyiha TZ'sini olishdagi xatolar

Kopiraytingga endi kirib kelganlar mijozga savol berishdan qo‘rqadilar (ko‘p hollarda). Chunki “Savol bersam, meni tushunmagimni bilib, eplay olmaydi degan xayolga boradi” deb o‘ylashadi.

Lekin biznes/soha/xizmat/mavzuni tushunmas ekansiz, ko‘rsatadigan xizmatingiz (kopirayting, target, dizayn va boshqalar nazarda tutilyapti) natijasi past bo‘ladi.

TZ qabul qilish

Mijoz:

Radar detektor sotaman, haydovchilar kanallariga reklama uchun matn yozib bering, deb buyurtma berishdi.

Siz:

1. Detektor nomi nima?
2. Rasmini ko‘ray.
3. Ishlatib ko‘rganlar fikri bormi?
4. Neoline'lardan ustunligi nimada?
5. Nexia 3, Cobaltdagi radarlarni ham sezadimi?
6. Narxi qancha?
7. Haydovchilar nega sizdan olishlari kerak?
8. Qancha radiusda yetkazib bera olasiz?
9. Qaysi Telegram kanallarda reklama bermoqchisiz?

Xayolimga kelgan savollar shu, sizda bo‘lsa, izohda yozib keting.

Javoblarni oldingiz, kanallarni ko‘rdingiz. Qanday uslubda (kanal ToV'idan kelib chiqib) yozishingizni, sarlavha, asosiy matn va CTA qanaqa bo‘lishini taxminiy (qoralama) yozib, buyurtmachiga ko‘rsating va nega bunday yozayotganingiz sababini ayting.

Sabablar quyidagicha bo‘lishi mumkin:

— kanal kiril alifbosida ekan, shuning uchun reklamangiz shu alifboda yoziladi;
— kanal samimiy usuldan foydalanar ekan, shu sababli tavsiya ko‘rinishida yozamiz;
— kanalda sheva, ko‘cha tilidagi so‘zlardan foydalanishar ekan, reklama samarasi oshishi uchun men ham shunday yozaman;
— va hokazolar.

Xulosa: savollaringiz sizni ahmoq emas, professional ekspert sifatida koʻrsatadi. Chunki haqiqiy mutaxassislar mahsulot/xizmatni oʻrganib chiqib, keyin ish boshlashadi.

Qanday uslubda yozishingizni nega aytish kerakligini keyingi postda tushuntiraman.

💡 @kopirayter_blogi

Ijtimoiy tarmoqlarda professionallik belgilari 2

Bir necha kun oldin bu mavzuda, aniqrog‘i, profilni sozlash haqida yozgan edim. Endi esa professionallar yozishmalarda o‘zlarini qanday tutishlari yoritmoqchiman.

1. Hamma gapni bitta xabarda yozadilar. Avval salom berib, keyin hol-ahvol so‘rab, so‘ngra maqsadini yozib, undan so‘ng taklif berishmaydi.

Nega hamma gapni birdaniga yuborish kerak? Tasavvur qiling, siz vakansiya e’lon qildingiz. Shunda “Salom alekum, yaxwimsz?” degan xabar keldi.

Endigina alik olmoqchi edingiz, ortidan “Vakansiya beribsz nma qlw kere?” degan savol berdi (vaholanki, e’londa hammasi aytilgan edi).

Yana javob yozayotgan edingiz hamki, “Qanca oyli berasla?” deb yozdi.

Sizda qanday bilmadimu, lekin men eng kamida achchiqlanaman va javobsiz qoldiraman. Xulosa o‘zingizdan.

2. Emojilar o‘rniga tinish belgilari, asosan, qavsdan, kam hollarda ikki nuqta va nuqtali verguldan foydalanishadi.

Mana stikerlar “lug‘ati”:

😊/🙂 = ) yoki :)
😁 = )) yoki ;)
😅/😂 = ))) yoki xD

Bu simvollar tugmali (кнопочный) telefonlarda bo‘lar edi, chunki ular tepadagi kabi tasvirlarni qo‘llab-quvvatlamas edi.

3. Imloviy xatolarsiz yozishadi. Rostdan shunday, har qanday sohada PRO mutaxassis yozganlarini bir koʻring, punktuatsiya zo‘r bo‘lmasa ham, so‘zlarni bexato yozadilar.

Kopirayterlar esa xatolar bilan yozishga haqlari yo‘q.

Agar “yog‘li ish”ga joylashmoqchi boʻlsangiz, yuqoridagilarga amal qilgan holda HR'ga murojaat qiling.

💡 @kopirayter_blogi

Balki o‘ylaganingizdan osondir?

Kopiraytingga endi kirib kelgan paytlarim TT berishsa, “Qanday qilaman? Nima deb yozaman? Aslida qanday qilinadi? Namuncha qiyin, osonroq ish yo‘qmi?” degan vahimali savollar bo‘lar, qila olmayman, degan fikr kelar edi.

Keyin esa boriga baraka, deb ishni boshlab, mijozga berar, xatolar bo‘lsa, birga tuzatib, ishni tugatar edim.

Shu tariqa ssenariy, SMM postlar, reklama matnlari va boshqalarni yozib kelyapman.

3-4 oy o‘tgach, SMM menejerimiz yirik savdo markazi kengayayotgani va u haqida ssenariy yozish kerakligini aytdi. Yana o‘sha qo‘rquv, yana o‘sha ishonchsizlik...

Ko‘proq ma’lumot olish maqsadida biznes egalariga savollar berdim, yaqindan o‘rgandim, bildim. Yozdim, ko‘rsatdim. Ba’zi qismlarini, gaplarni tuzatdik.

Oxiri ❤️ shunday reaksiyani bosishdi va javob keldi: Zo‘r, aka. Mendan xursand odam yo‘q))

O‘sha Reels mana shu. To‘g‘ri, ideal emas. Ammo, lekin, biroq...))

Demoqchimanki, ishni boshlang, ko‘rsating, ma’qul kelmasa, tahrirlang va yana ko‘rsating. Sizni cho‘chitgan vazifa aslida juda oson bo‘lishi, buni bilmagan bo‘lishingiz mumkin. Oson-qiyinligi TT'ni bajarish vaqtida bilinadi.

Oson bo‘lsa, tez tugatasiz. Qiyin bo‘lsa, sekinroq, lekin yangi bilim/ko‘nikmaga “bo‘kib” topshirasiz.

Khabi Lame'ni kulib yoki ko‘ngilochish tomosha qilamiz, lekin u o‘ylab ko‘rib harakat qilsak, hammasi osonligini targ‘ib qiladi (shaxsiy xulosam).

Reaksiya bosib, postni yaqinlarga ulashayotganlar uchun 15 sutka berishar ekan, ehtiyot boʻlavering)))

💡 @kopirayter_blogi

Ijtimoiy tarmoqlarda professionallik belgilari

Sohada yaxshigina natijalarga erishib, junior/middle/senior darajadagi mutaxassislar, tajribali ustozga shogird tushganlar yoki kursda o‘qiyotgan bo‘lsa ham salohiyatli o‘quvchilar profil/akkauntlarini to‘g‘ri sozlab olishadi.

Bu esa vakansiyaga murojaat qilish, ishga kirish, networking o‘rnatish paytida ularga yaxshi reyting beradi, professional taassurot qoldirib, atrofdagilar hurmatini qozonishadi. Aksincha bo‘lsa, oqibatini yaxshi bilasiz.

Professional ko‘rinishning belgilari (tajribamga tayanib aytyapman, kamchiliklar bo‘lishi mumkin):

1. Ism-familiya va username (foydalanuvchi nomi). Professionallar odatda
— ism-familiyasi;
— mutaxassisligi;
— ism+kasbini yozishadi.

Bu usul qidiruv tizimida shu kasb egasini topishga ham yordam beradi.

2. Avatar (profil rasmi). Haqiqiy mutaxassislar
— shaxsiy suratlari;
— ishlayotgan kompaniyasi logosi;
— shu logoni fon qilib, tushgan rasmlari;
— individual logotiplarini avatarka'ga joylashadi.

3. Bio (“biografiya”ning qisqartmasi). Bu bo‘limni soha mutaxassislari
— kasblari;
— ish joylari;
— darajalari (junior/middle/senior)
— portfoliolari havolasi;
— yutgan sovrinlari;
— elektron pochtalari bilan to‘ldirishadi.

Shunday mutaxassislardan kimlarni taniysiz? Dalolat qilsangiz, xursand bo‘laman.

Agar siz jirniy, kursiv, jimjimador harflar yoki tushunarsiz belgilar bilan “Yolg‘iz bo‘ri” deb yozilgan profilingizga qora ko‘zoynak taqib, sochini o‘stirib olgan begona bola hashamatli mashinaga suyangan rasmini qo‘yib, bio'ga “Xayotmi qolizga beraman kotaromis” deb yozib olgan bo‘lsangiz, sizda jiddiylik yo‘q va tayinli ishdan umid qilmang.

Boshqa omillar ham bor, post uzayib ketgani sabab ularni keyin yozaman. Mabodo qiziqsangiz va foydali bo‘lsa, meni ruhlantirish uchun reaksiya va izohni unutmang.

💡 @kopirayter_blogi

Telegramning muhim va tekin funksiyasi

Hozir ishlayotgan messenjeringizda (ijtimoiy tarmoqqa aylanib ham bormoqda) xabarlarni oldindan ma’lum kun/soatga rejalashtirib qo‘yish mumkin

Bu nega kerak?

1. Muhim xabar/uchrashuvni esdan chiqarmaslik uchun (saqlangan xabarlar, o‘zingiz uchun ochilgan kanal/guruhga rejalab qo‘yasiz).

2. Biron kimga qaysidir vaqtda yozaman degan bo‘lsangiz, o‘sha soatda yozish uchun (esingizda bor paytda kerakli soatni belgilab, yuborasiz).

3. Kanal/guruh yuritishda postlar auditoriya faol vaqtda joylashda (masalan, soat 17:30 da obunachilar faol bo‘lsa, postni shu vaqtga joylaysiz).

4. Ovozli/video chat o‘tkazishda obunachilarga oldindan xabar berishda. Ro‘yxatni davom ettiring.

Bularni o‘zimiz ham qila olamiz, deydiganlar — 100 % haqsiz, lekin men aytgan funksiya bilan hammasini bir necha soat/kun/hafta/yil avval joylab qo‘yib, o‘sha vaqt kelishini kutmay yurishingiz mumkin.

Shunda hattoki internet o‘chiq bo‘lsa ham xabar/post ketaveradi. Ha aytgancha, bu imkoniyat SMS xabarlarda ham bor

Biron vakansiyaga murojaat qilsangiz, o‘qib turib, javob yozishmaydi. Shu vaziyatda har 8 soatda eslatish kerak. Ana shunda juda qo‘l keladi-da o‘ziyam))

📱 Telefonda bu imkoniyatdan foydalanish: jo‘natish tugmasini bosib turasiz, kalendar ikonkasiga kirib, sana va soatni belgilaysiz.

💻 Kompyuter/noutbukda esa jo‘natish tugmasiga sichqonchaning o‘ng tugmasini bosib turasiz va yuqoridagi ketma-ketlikni bajarasiz.

💡 @kopirayter_blogi

Ustozimning bloglari uchun arzimas postlar yozganimda, kanallariga joylagan edilar. Hozir esimga tushib ketdi. Sizlarga ham foydali bo‘lar, deb xabar beryapman.

1-post | 2-post

Nega $ 120 oylikdan voz kechdim?

Bitta loyiha uchun SMM post — oyiga 30 ta, YouTube uchun epizod (time code ham deyishadi) — haftada bittadan, cover uchun jumlalar — har bir qisqa videoga yozish vazifam edi.

Boshida hammasi joyida edi: oylik vaqtida beriladi, ish onlayn, yozgan matnlarim yoqar, ishimdan ko‘ngillari to‘q. Ammo kunlarning birida...

Bir oydan keyin qarasam kelishuvdan ko‘p matn yozibman (30 ta emas, 42 ta), uning ustiga 4 ta video berib, 1 soatda tayyor bo‘lsin, tez yozing deydigan bo‘lishdi.

Oylikni oshirishlarini so‘rasam, kutishimni aytishdi. Lekin men qo‘shib berishlarini so‘ragan summam ko‘p emasdi. Hammasi mayli, muomala o‘zgardi (biroz yomon tomonga).

Kelishuvdan tashqariga chiqilgani tufayli ishni to‘xtatdim. E, onasini emsin, dedim))

Yangi ish olishda hammasini A dan Z gacha kelishib oling. Ya’ni mijoz “Falon, piston ishlarni qilasiz. Hajmi shuncha” deydi. Shundan keyin siz: “Xo‘p, demak, shularni mana shuncha miqdorda, shu vaqt oralig‘ida qilaman, to‘g‘ri tushunibmanmi?” deb tasdiqlatib oling.

Ha, javobini olganingizdan keyin ikkala tomon vazifalarini pdf faylga joylab, mijozga yuboring va imzo qo‘yib, sizga elektron variantda tashlab bersin.

Ish jarayonida sizda qanday tushunmovchiliklar bo‘lgan?

💡 @kopirayter_blogi

G‘oya defitsiti

Blog yuritishni boshlashga boshladim. Lekin unga post g‘oya doim ham kelavermas ekan. Nasib, bugun yaxshi bir intensiv bor. Undan olgan keyslar, insaydlar, bilimlarni ulashaman.

Bu haqda ham post yozaman, esimda turibdi. So‘kib yurmang yana))

Siz g‘oyalarni qayerdan olasiz?

Bugun “Ustoz va murabbiylar” kuni

9 yil maktab. 2 yil kollej. 4 yil universitet. Va hozirgacha o‘zimcha nimalarnidir o‘rganish jarayoni...

Sezganingizdek, ustozlarim juda ko‘p. Ularning barchasini kasb bayramlari bilan tabriklayman.

Lekin eng avvalo ota-otamga rahmatimni aytib, tabrigimni yo‘llayman. Ular menga ham tarbiya, ham bilim, ham soft skill'lar o‘rgatib kelishyapti. Dadam va ayamga munosib farzand bo‘lishga harakat qilyapman, lekin qanchalik uddalayotganimni bilmayman.

Maktabda — Qumrixon, Dilfuzaxon, Zulxumorxon va boshqa o‘qituvchilarim.

Kollejda — Nodirbek, Boburbek, Nigoraxon, Nuridaxon, Foziljon va qolgan ustozlar.

Universitetda — Oybek, Neʼmatjon, Yelena, Nigoraxon, Guli hamda qolgan pedagoglar.

SMM/kopiraytingda — Shavkatjon, Abduvosiq, Doniyorbek hamda boshqa ustozlar.

Ustozlarimni birma-bir yozsam, vaqt yetmas ekan. Hayotdagilarini aytmasam ham bo‘ladi))

Hamma-hammangizga tashakkur. O‘zi siylasin sizlarni.

Kutmagan joyingdan xursand qiladi, deyilgani shu boʻlsa kerak — https://t.me/kopiraytingbilan/25?single))

Avvalambor rahmat tabrik uchun. Shu fursatdan foydalanib deganlaridek, men ham sizni tabriklayman. Ilmingizni bundanda ziyoda qilsin.