Javohir | Mutaxassislik blogi

@kopirayter_blogi

Kanal geosi va tili: O‘zbekiston, O‘zbekcha

Toifa: Bloglar

Ushbu mutaxassislik blogimda
— qilgan ishlarim;
— marketing hamda kopirayting;
— olayotgan bilimlarim va keyslarni yozib boraman.
Kerak bo‘lsam: @Javohir_kopirayter

Связанные каналы

Kanal geosi va tili

O‘zbekiston, O‘zbekcha

Toifa

Bloglar

Statistika

Saralanganlar

Postlar filtri

O‘chirilganlarni yashirish

Repostlarni yashirish

Javohir | Mutaxassislik blogi

27 Jan, 20:24

Mijoz sizni eslab qoladi va yana qaytadi

Yegan og‘iz uyalar, deganlaridek xizmatingizdan foydalangan insonga bonus bering. Deylik, reklama posti yozib berishga kelishdingiz, buyurtmaning yoniga rasmga yoziladigan jalb qiluvchi jumla, kreativ shior, qiziqroq ssenariy yoki majburiy obunaga mo‘ljallangan 2-matnni berib, “Bunday mas’uliyatli ishni menga ishonganing uchun rahmatim o‘rnida qabul qilasiz” deng.

Boshqa usuli: “Reklama matnim sizga yoqqani, premium xizmatingiz/mahsulotingiz reklamasini menga topshirganingiz evaziga keyingi safar 20% chegirma beraman, 200.000 so‘m emas, 160.000 so‘mga hozirdan kelishib olamiz” deb qo‘ying.

Agar bu gaplarni vizitka o‘lchamidagi premium ranglarda tayyorlangan rasm bilan bersangiz bormi, sizdan zo‘ri yo‘q))

Nega bu usul ishlaydi? Chunki mijoz sizdan emotsiya, e’tibor hamda qo‘shimcha qiymat olyapti. Marketingdan maqsad ham shu aslida.

Faoliyatingiz davomida mijozlaringizni qanday taqdirlagansiz? Aytib keting, qolganlarga ham foydali bo‘ladi.

💡 @kopirayter_blogi

149 1 6 6 11

Javohir | Mutaxassislik blogi

26 Jan, 19:53

Siz ham sohangizda kelib chiqib tahlil qilasizmi?

Oxirgi paytlarda ko‘rayotgan videolarimdagi voqealar rivojiga, qo‘llangan so‘zlarga, montajiga, matnlariga e’tibor beryapman. O‘zi har bir voqelikdan g‘oya olsa bo‘lar ekan, faqatgina ko‘ra olish talab qilinadi.

Ruslar joylayotgan videolarida quyidagi hook'larni (jalb qiluvchi jumla) ishlatishyapti:

1. Xitoyliklar sirini bilib qoldim.
2. Buni tushunishim uchun 40 yil ketdi.
3. Qizlar, haliyam kir yuvish mashinasi ishlatasizmi?
4. Ayollar buni bilgach, 5 soat vaqtlarini tejashdi.
5. Avvallari 23:00 gacha ishlardim, ... amalda qo‘llab, 19:00 dayoq uyda bo‘lyapman, chunki...
6. Ustalarga ayting, bu xatolarni qilishmasin, aks holda ... $ pul yo‘qotasiz.
7. Buni bilganimdan keyin aqlimni yo‘qotdim.
8. Bobomning qo‘lyozmasidagi iqtiboslar hayotimni o‘zgartirdi.
9. 50 ga kirganimda, bu xatoni qilmayman, sababi...

Ayrimlarini o‘zim yozdim, lekin videolardagi jumlalar g‘oya berdi. Siz nechanchi hook'ni ishlatgan bo‘lardingiz va nega?

💡 @kopirayter_blogi

138 0 3 3 5

Javohir | Mutaxassislik blogi

18 Jan, 10:15

Kopirayting dan repost

Tajriba 1 yilga yaqin, daraja esa middle+

O'sha kungi so'rovnoma natijalarini tahlil qilish jarayonida bir javobga duch keldim:
• Kopirayting bo'yicha blog yuritaman
• darajam middle+
• faqat o'zbek tilida ishlayman
Shu joyigacha qilgan xulosam: ha, senior'ga 1 qadam qolibdi, blog ham yuritar ekan. Tanishib olsak bo'lar ekan

Ammo davomini o'qib hafsalam pir bo'ldi
• asosiy ishim boshqa, kopirayting qo'shimcha ish
• daromadim 250$ gacha
• tajribam 1 yilga yaqin

Aytmoqchi bo'lganim, "Darajam middle+" deyish ancha katta da'vo

Keling, endi darajalarni ko'rib o'tamiz

Junior
Tajriba: 6 oydan 1 yilgacha
Junior'lar odatda vazifalarni Team lead, Senior, Middle+ lar nazorati ostida oddiy bajaradi. Ularning ishi mahsulot tavsifi yoki ijtimoiy tarmoqlar uchun oddiy postlar kabi qisqa matnlar yozishdan iborat.

Junior+ kopirayter
Tajriba: 1 yilgacha
Bu bosqichdagi kopirayterlar asosiy bilimlarni puxta egallab, blog postlari yoki oddiy reklama matnlari kabi qiyinroq yo'nalishlarda ham ishlashni boshlaydi. SEOni bazaviy darajada bilishadi. Sifatliroq hamda maqsadli kontent yaratish uchun zarur tadqiqotlar o‘tkazishni o‘rganadi.

Middle
Tajriba: 3 yilgacha
Middle'lar maqsadli auditoriyani jalb qila oladigan va biznes maqsadlariga erishadigan kontent yoza olishadi. Ular loyihalarni mustaqil ravishda boshqara oladi va kontent strategiyalarini ishlab chiqadi. Ko‘pincha dizaynerlar, marketologlar va kompaniyaning boshqa bo‘limlari bilan yaqin hamkorlikda ishlaydi.

Middle+ kopirayter
Tajriba: 3-4 yil.
Bu bosqichda marketing kampaniyalarini strategik rejalashtirishda ishtirok etish boshlanadi. Ular junior'larga rahbarlik qilishlari va bir vaqtning o‘zida bir nechta loyihaga mas’ul bo‘lishlari mumkin. Kontent sifati va uning brendga muvofiqligi uchun yuqori darajadagi mas’uliyati bilan ajralib turadi.

Senior
Tajriba: 5+ yil.
Senior'lar kopirayting va marketing sohasida chuqur bilimga ega. Ular asosiy kreativ g‘oyalarni ishlab chiqishda qatnashishlari, kopirayterlik bo‘limiga rahbarlik qilishlari va yosh hamkasblarini o‘qitishlari mumkin. Murakkab matnlar yozish, kampaniyalarning asosiy xabarlarini ishlab chiqish va kommunikatsiyaning barcha darajalarida brend bilan nozik aloqani saqlashni o‘z ichiga oladi.

Team Lead / Lead kopirayter
Tajriba: 7+ yil.
Kopirayterlar jamoasi, tahririyat rahbarlari kreativ yo‘nalish va strategik rejalashtirish uchun to'liq javobgar bo'la oladi. Loyihalarda jamoalarni boshqaradi, kampaniyalar uchun asosiy xabarlar va strategiyalarni belgilaydi hamda barcha sifat va uslub andozalariga rioya qilinishini nazorat qiladi. Lead kopirayterlar, shuningdek, mijozlar bilan munosabatlar bilan shug‘ullanib, mijozlar oldida kreativ g‘oyalarni taqdim etadi va himoya qiladi.

Aytish kerak bo'lgan narsalar
1. Kopiraytingda 10 yilga yaqin tajribasi bo'lib, SMM postlar, Telegram bloglardan nariga o'tmagan kishi senior yoki middle+ bo'la olmaydi.

2. SMM agentlikda 10 yildan ortiq tajriba bo'lsa ham team lead'likka da'vo qilish qiyin. U Uzum yoki Yandex'ga kelgan taqdirda ham qiyinchiliksiz ishlab keta olishi kerak

3. Davlat yoki mintaqadagi eng kuchli brendlar, agentliklarda ishlash daraja bo'yicha tezroq ko'tarilishga olib keladi

Endi o'zingiz izohda yozib keting-chi, qaysi darajadasiz?

@copirayt

273 0 3 3 10

Javohir | Mutaxassislik blogi

16 Jan, 20:38

00:11

Video oldindan ko‘rish uchun mavjud emas

Telegram'da ko‘rish

Mijoz pulni bermasa, shunday “jazolang”

Marketing sohasidagilar guruhlarini kuzatib boraman. Chunki u yerlardan:
— buyurtma olish;
— borligimni bildirish
— vaziyatni bilib borish mumkin.

Hammasi yaxshi, lekin ba’zi mutaxassislar xizmat haqini ololmay, aldanib qolayotgan xabarlarni ko‘rib qolaman gohida.

Buning oldini olish maqsadida bir dizayner shunday tavsiya berdi: “Dizaynni fayl qilib tashlab bermang, skrinshot bering yoki o‘chib ketadigan qilib yuboring. Shunda mijoz rasmni ishlata olishmaydi”.

Men esa kopirayterlar qanday yo‘l tutishlari haqida aytaman:

1. Matnni yozib bitiramiz.
2. Skrinshot (ekran rasmi) olamiz.
3. Mijozga o‘chib ketadigan qilib yuboramiz (videoda ko‘rsatdim).
4. Aytamiz: matn shu, birinchi marta ishlayapmiz, shu sababli bir-birimizda haqqimiz qolib ketmasligi uchun kelishilgan summani to‘lang, matnni sizga tashlab beraman.

Shu yo‘l bilan ilk mijozingiz pulni bermay ketishidan saqlanish mumkin, nasib qilsa.

Sizda hammasi yaxshi-a?

💡 @kopirayter_blogi

628 3 17 23 29

Javohir | Mutaxassislik blogi

13 Jan, 18:20

Xizmatingiz narxini oshiruvchi tavsiyalar

Ish beruvchiga narx aytsangiz, qimmat desa yoki shunga shama qilsa, quyidagilar sizga yordam beradi:

1. Tahrir xizmatini taklif qiling — “Men ishga kirgunimcha bo‘lgan paytda yozilgan matnlarda xatolar bor ekan, shularni ham tahrirlab beraman. Keyingilari bexato yozilishi kafolatlanadi”.

✅ Manba

2. Bir emas, 2-3 xil variantda matn yozib bering — “Meni ishga olsangiz, har bir TT uchun kamida 2 xil variant beraman, yoqqanini tanlab olasiz. Narigisi zaxirada turaveradi va bu meni ishga olganingiz uchun tashakkur o‘rnida”.

✅ Manba

3. Boshqa tillarda ham yozib beraman deng — “Mijozlaringiz orasida rus yo ingliz millatidagi insonlar ham bo‘lishi mumkin yoki jahon bozoriga chiqa olasiz, shu sababli ushbu tillarda ham matn yozsak, sotuvingiz oshadi”.

✅ Manba

4. Turli servislarni aytib bering — “Google Docs: matnlar uchun; Sheets: jadvallar uchun; Forms: so‘rovnoma uchun; Canva: dizayn, taqdimot, tashrif qog‘ozi va b. uchun; CapCut/VN: video montaj uchun”.

✅ Manba: Google, Play Market, App Store servislaridan topasiz.

5. Mijozlaringiz fikrini va natijalarini ko‘rsating — “Yozib bergan matnimga mijozimning fikri va olgan natijasi. Sizda ham shunday natija bo‘lishini xohlaysiz axir”.

✅ Manba

Muhim: kimningdir tomorqasiga tosh otib qo‘yish yoki negativchi bo‘lib qolishdan saqlaning. Bu sizning hurmatingizni keskin tushirib yuboradi, ishoning.

Manba soʻzlari ustiga bossangiz, yangi natijalarga chiqishingiz mumkin. Shuning uchun ehtiyot boʻling))

💡 @kopirayter_blogi

457 0 4 5 8

Javohir | Mutaxassislik blogi

5 Jan, 23:28

01:00

Video oldindan ko‘rish uchun mavjud emas

Telegram'da ko‘rish

Shu insonlarda soft skillar yaxshi rivojlangan ekan

Avvalo o‘zimga eslatma, boshqalarga ham foyda bo‘lishi uchun ulashyapman. Xulosa o‘zingizdan.

💡 @kopirayter_blogi

507 0 1 4 11

Javohir | Mutaxassislik blogi

4 Jan, 22:25

UX/UI kopiraytingning nozik tomonlari

Sohadagi bu yo‘nalish saytlarga matn yozishni o‘z ichiga oladi. Yaqinda jamoamiz bilan saytimizni yangiladik. Ofisda ishlash niyatida yuribman, chunki jamoa a’zolari bilan networking‘ga qiziqaman. Bular bilan xuddi shunday atmosfera yarata olganmiz. Qisqa vaqt ichida ancha yaqin bo‘lib qoldik.

Saytni yangilash jarayonida olgan xulosalarim:

— so‘zlar soni muhim, chunki matn ko‘paysa yo kamaysa, vizual buzilib ketadi;

— bosiladigan tugmalardagi so‘zlarni o‘ylab yozish kerak, yana vizual));

— SEO‘ga e’tibor berish kerak, sababi Google yoki Yandex’dan izlaganda, shu so‘zlar sayt nechanchi o‘rinda chiqishini belgilaydi.

Hozircha shular. Jamoamiz bilan IT xizmatlari, ya’ni veb-saytlar, Telegram botlar, mobil ilovalar, HRM, CRM, ERP tizimlari ishlab chiqish paytida yangi keys bo‘lsa, sizlarga aytaman albatta.

Yana nimalar haqida yozsam, sizga foydali bo‘ladi? Javobingizni kutaman.

Yangi qonunga ko‘ra, izoh yozmaganlar reaksiya boshishga majbur ekan))

💡 @kopirayter_blogi

503 2 1 7 15

Javohir | Mutaxassislik blogi

27 Dec 2024, 19:21

Telegramdan sovg‘a oldingizmi?

Menga shunaqa hadya berdi). Natija, menimcha, yomon emas. Ustozlarim tavsiyasi, baʼzi guruhlarga postlarni yuborish orqali sizlarni “topdim”.

Bunday statistikani olish uchun @TGStat_Bot'ga “2024 @kanalnomi”ni yuborasiz. Tamom)

Sizlarda natija qalay? Izohda rasm tashlasangiz bo‘ladi.

💡 @kopirayter_blogi

466 0 4 27 8

Javohir | Mutaxassislik blogi

22 Dec 2024, 22:30

Networking kopiraytingda shunchalik muhimmi?

IT olamida bu rostdan ham zarur. Agar kopirayterga ehtiyoji bor insonlar davrasida o‘rningiz, hech bo‘lmaganda ismingiz va kasbingizni eslab qolganlar bo‘lsa, sizga o‘zlari ish taklif qilishadi yoki kimgadir tavsiya qilib yuborishadi.

Shaxsan o‘zim ham shu orqali ish topganman. Keling, shulardan esimda qolganlarini aytaman:

1. 2023-yil, iyul oylari — yaqin do‘stim “3-4 kompaniya uchun matnlar yozib beraman, lekin o‘qish, ish va to‘y harakatlari sabab ulgurmayapman. Timur akaga yozgin, sen ishla” dedi.

Agentlikdagi birinchi ish boshlandi.

2. 2024-yil, 4-may — SMM kursimizdagi akalar bilan Rossiya mebel korxonasini yuritishda kopirayterlik qilish taklifi tushdi.

Ruslar uchun kontent qilishni boshladik))

3. 2024-yil, 14-oktyabr — kopirayterlar guruhlarida jo‘yali fikrlar yozib, profilimni to‘g‘ri sozlaganim uchun reklama matni buyurtmasini olib, muvaffaqiyatli topshirdim.

Nechanchidir ish))

4. 2024-yil, 17-oktabr — SMM kursimizdagi bir akamiz agentlik ochayotgani sababli SMM menejer, storiesmaker, kopirayter vakansiyalarini taklif qildilar.

Agentlikdagi ikkinchi ham ish boshlandi.

* * * * *

Shu sababli profilingizni to‘g‘ri sozlang-da, hurmatingizni to‘kmaydigan arzirli ❗️ fikrlar bilan maqsadli auditoriyangiz bor guruhlarda faol bo‘ling.

Maqoladan foyda olgan bo‘lsangiz, reaksiya bosib, yaqinlarga/blogingizga ulashishni aytishim shart emasligini bilaman))

💡 @kopirayter_blogi

501 2 3 2 29

Javohir | Mutaxassislik blogi

9 Dec 2024, 22:25

Kompyuterda ishimni tezlashtirgan tugmalar

Sohaga endi kirgan kopirayterlar telefonda matn yozishadi (o‘zim ham shunday). Bu jarayonda shaxsan o‘zim Gboard ishlataman, chunki unda “o‘” va “g‘” harflari tayyor, ya’ni belgilari to‘g‘ri ishlatilgan. Yana bir qulay, lekin so‘z boyligimni cheklab qo‘yadigan (buni yaqinda sezdim) funksiyasi bor.

Ya’ni yozgan so‘zingizga aloqador boshqa 3 ta variant beradi, ustiga bosish orqali yozib ketaverasiz. Bu yaxshi, lekin rostdan cheklab qo‘yyapti. Shundan keyin imkoni qadar noutbukda (yonimda bo‘lsa) yozyapman.

Tezroq yozish uchun qaynoq tugmalar (горячие клавиши):

Alt+0145 = ‘
Alt+0146 = ’
Alt+0147 = “
Alt+0148 = ”
Alt+0171 = «
Alt+0187 = »
Alt+0151 = —
Alt+0150 = –
Ctrl+→ = so‘zni o‘ngdan chapga belgilash
Ctrl+← = so‘zni chapdan o‘ngga belgilash
Ctrl+↓ = qatorni tepadan pastga belgilash
Ctrl+↑ = qatorni pastdan tepaga belgilash
Ctrl+Backspace = so‘zni chapdan o‘ngga o‘chirish
Ctrl+Delete = so‘zni o‘ngdan chapga o‘chirish
Ctrl+B = qalin qiladi
Ctrl+V = qiyalatadi
Ctrl+U = tagiga chizadi
Ctrl+Z = bir harakat ortga
Ctrl+Y = bir harakat oldingga

Qaysi tugmalar sizga foydali bo‘ldi? Reaksiya va ulashishni aytmasam ham qilasiz, bilaman)

💡 @kopirayter_blogi

531 1 23 10 24

Javohir | Mutaxassislik blogi

9 Dec 2024, 14:51

Javohir | Portfolio dan repost

Target uchun Reels ssenariysini yozib berdim. Xabar yozish turi tanlanib, reklama ishga tushirilgan.

Har bir xabar $0,22 dan tushyapti hozircha. Videoni koʻrmoqchi boʻlsangiz:

🎞 Reels

386 0 1 2 13

Javohir | Mutaxassislik blogi

6 Dec 2024, 22:31

Kopirayting dan repost

Kopirayting kursi bepul boʻlishi kerakmi?

Oʻtgan yillar davomida kopiraytingni oʻrgandim, ishladim, oʻrgatdim. Lekin doimo bitta maqsadim boʻlgan: YouTube'ga bepul darsliklar joylab borish. Bu hozircha amalga oshmadi, ammo…

Ammo yaxshirogʻi amalga oshdi.
Hissiyot bilan yozishni yomon koʻraman. Chunki u sovuq aqlni toʻsadi. EdFix platformasi bilan hamkorlikda toʻliq bepul kopirayting kursini taqdim etamiz
Bu bizning xohishimiz emas, sizning xohishingiz

Bepul kurs: onlayn kopirayting kursi
*sotib olish tugmasidan hayron boʻlmang. Kurs bepul

Kimga istasangiz ulashing, ukangiz, yaqiningiz, tanishingiz. “Sen uchun bepul kurs topdim” deyishdan tortinmang. Ular meni emas, sizni, sizning harakatlaringizni qadrlashadi

@copirayt— sizning kopirayter doʻstingiz

Edfix | EdFix

EdFix, Edfix

351 0 9 6 10

Javohir | Mutaxassislik blogi

26 Nov 2024, 21:17

Ikki og‘iz gapda vergulni to‘g‘ri qo‘yishni o‘rganing

Hamma qoidani emas, keng tarqalganini o‘rgataman. Grammatikani 1 ta xabar bilan o‘rganishni eshitsa, 3 yoshli bola ham qotib kulsa kerak))

Xullas, kimgadir murojaat qilib yozayotgan bo‘lsangiz, o‘sha murojaat so‘zni gap boshida o‘ng tomonidan¹, o‘rtasida ikkala tomonidan², oxirida chap tomonidan³ vergul bilan ajratasiz.

Namuna:

O‘rtoq marketolog, obunachilar nega kanaldan chiqib ketishyapti¹?

Endi, Toshmat, @kopirayter_blogi egasi eng foydalisini berishni reja qilgan-ku². Shu sababli hadeb yozmayapti.

Odamlar shuni bilishmayapti-da, janob³.

Sizdan ham variantlar kutaman. Qani, kim ko‘p misol yozarkan)

💡 @kopirayter_blogi

543 0 4 2 12

Javohir | Mutaxassislik blogi

14 Nov 2024, 20:39

Feedback atamasiga hayotiy izoh:

— Do‘kondan qarab olsang bo‘lmaydimi, muddati o‘tgan ekan-ku. Pulga olyapsan, yaxshisini olgin-da.

Bu gaplar sizga ham tanish-a?))

#yumor

💡 @kopirayter_blogi

554 0 1 4 10

Javohir | Mutaxassislik blogi

13 Nov 2024, 19:56

ChatGPT'dan ehtiyot bo‘linglar

Shu kunlarda bir necha inson sunʼiy intellektga “Can you draw what you think my current life looks like basic on what you know about me?” deb buyruq berishyapti.

Natijada ularning shu kungacha bergan buyruqlari, so‘rovlari asosida ChatGPT rasm chizib beryapti.

Men esa rasmdagidek inson ekanman. Obbo men-ey, shunaqa qobiliyatim ham bor ekan))

Siz ham rasm chizdirib ko‘rib, izohlarga yuboring-chi. Yaqindan tanishib olamiz))

💡 @kopirayter_blogi

506 0 7 59 12

Javohir | Mutaxassislik blogi

8 Nov 2024, 19:26

Xo‘sh, nima qipti, keyin-chi?

Bu savol produkt xususiyatini mijoz oladigan foydaga aylantirishga yordam beradi. Masalan, kopiraytingni o‘rgatadigan kitob sotyapsiz. Siz beradigan messej quyidagicha:

Bu kitob sotuv postlari yozishingizga yordam beradi.

Xo‘sh, keyin-chi?

MA'ni tushuna olasiz, ularga mos matn yoza boshlaysiz.

Nima qipti, keyin-chi?

Matnlaringiz ishonarli chiqadi.

Xo‘p, nima qipti?

Ishonarli postlar produkt afzalliklarini ochib bera oladi.

Obbo, keyin nima?

Ana shunda matnlaringiz sotuvni oshiradi. Chunki siz mijoz oladigan foydani ayta olasiz.

Shu tariqa kopirayterlikka qiziquvchilarga yuqoridagi qo‘llanmani sota olasiz.

O‘ylab qarasam, “Shum bola”dagi boyota marketingdan yaxshigina xabardor ekan))

P.S. Tepadagi savollarni matnimizni sifatliroq, samaraliroq va taʼsirliroq qilishda ham katta ahamiyatga ega ekan)

Biron xizmat/mahsulot ayting, uning xususiyatlarini foydaga aylantirib ko‘ramiz

494 0 1 2 4

Javohir | Mutaxassislik blogi

6 Nov 2024, 20:32

Yaqin doʻstimdan bir umrlik fidbek

Shu og‘aynim ham bor guruhga “Hurmatli guruh a’zolari” jumlasi bilan boshlanuvchi xabar yubordim. Oradan biroz o‘tib, oʻsha inson “Do‘stim, yozgan xabaringizda aʼzolar emas, guruh hurmatli bo‘lib qolgan. “Guruhimizning hurmatli aʼzolari” to‘g‘ri bo‘ladi” deb yozdi.

Miyaga bir urib: rostdan ham shunday-ku, nega eʼtibor bermading, dedim men Javohirga))

Shundan keyin o‘qigan/yozgan paytimda shunday holatlarga hushyor bo‘laman. Negaki bilmagan holda boshqalarga hurmatsizlik qilib qo‘yishim hech gap emasligini angladim.

Yana shu kabi jumlalarga o‘zim “to‘qigan” 2 ta misol:

• Mashhur AQSH dasturchisi — AQSH mashhurmi yoki dasturchi?

• Malakali kimyo o‘qituvchisi — Kimyo malakalimi yo o‘qituvchi?

• Ortiqcha telefondan foydalanish — Telefon ortiqchami yo keragidan ortiq foydalanishmi?

* * * * *

Qissadan 2 ta hissa olish mumkin:

1. So’zlar ketma-ketligiga hushyor bo‘ling.

2. Birovda asosli kamchilik topsangiz, ommaning oldida emas, shaxsan o‘ziga ayting.

Ana shunda negativchi emas, xatoni betga aytgan hurmatli inson bo‘lasiz.

“Betga aytganning zahri yo‘q” iborasi ham bekor emas.

P. S. Do‘stimning ismi Muhammadjon. Ham shoir, ham operator/montajchi, ham dublyajchi, yaqinda SMM menejer ham bo‘ladi.

💡 @kopirayter_blogi

463 0 2 1 10

Javohir | Mutaxassislik blogi

1 Nov 2024, 18:24

Oflayn xizmat koʻrsatuvchilar eshigiga #taklif

Klassik uslubda “Xush kelibsiz!” deb yozib qoʻyishadi. “Ochiq”, “Yopiq”larni esa aytmasa ham bo‘ladi.

1 soatcha avval TV'dagi qaysidir kadrda “Xush kelibsiz!” jumlasiga ko‘zim tushdi-da, marketing rivojlangan davrda ekanimiz, shu gap o‘rniga boshqa kreativrog‘ini ishlatsa, qalay bo‘lishini o‘ylab qoldim.

Xayolimga kelgan variantlarni aytishni lozim topdim. Agar sizda ham do‘kon, oshxona, kafe, sartaroshxona, chevarxona, yana nimadir xona bo‘lsa va bergan variantlarimning qaysidir biri maʼqul kelsa, bemalol foydalaning.

Demak, variantlarim:
1. Keldingizmi?
2. Ko‘zlaringizdan)
3. Diydoringizni sog‘indik!
4. Kelishingizni bilardik!
5. Pullaringiz ko‘paysin!
6. Nurli yuzingiz boshqacha-da!

Muhim! Bu gaplarni ishlatganda, samimiylikni ifodalovchi smaylik, qavslar, jilmaygan yuz ifodasi yoki shunga oʻxshash nimadir qo‘shish kerak. Aks holda teskari maʼno chiqib qolishi mumkin.

Balki yuqoridagi jumlalar “Xush kelibsiz!”ni anglatmas, biroq samimiylikni bildiradi, katta ehtimol bilan mijoz yodida qoladi.

Mabodo birontasini amalda qo‘llasangiz, biz ham xabar topib qolaylik-a?)

Sizga qaysi variant ma’qul keldi? 1, 2, 3...?

💡 @kopirayter_blogi

1.1k 1 3 10 9

Javohir | Mutaxassislik blogi

31 Oct 2024, 07:43

Bu usul orqali TZ'ni yangidan bajarmaysiz

Avvalgi postda aytgan edim:

Qanday uslubda (kanal ToV'idan kelib chiqib) yozishingizni, sarlavha, asosiy matn va CTA qanaqa bo‘lishini taxminiy (qoralama) yozib, buyurtmachiga ko‘rsating va nega bunday yozayotganingiz sababini ayting.

Bundan maqsad shuki, mabodo yozgan matningiz mijoz kutganidek bo‘lmasa, uslubni o‘zgartirasiz. Bu esa jarayonning o‘rtasida ekaningiz sababli ishni osonlashtiradi.

Matnni tugatib, mijozga yoqmasa, yana boshqa yozgandan ko‘ra ishning yarmida ko‘rsating. U esa ko‘rib bersin, ana shunda vaqtingiz tejaladi, asablaringiz buzilmaydi.

Buyurtmachi fikri asossiz bo‘lsa-chi? Aytaylik, siz auditoriya og‘rig‘idan kelib chiqib zoʻr sarlavha va CTA ishlatib, matn yozdingiz. Ammo mijoz tushunmasdan, oʻzgartiring, deyapti.

Bu vaziyatda nima qilishni keyingi postda aytaman.

💡 @kopirayter_blogi