Qayta boshladim. Yana o‘sha ruhiyatni titratuvchi og‘riqlar, iztiroblar, inson qismatiga aylangan sinovlar... O‘qir ekanman, xayollar dunyoning bir chetiga olib ketadi.

... Urush noming o‘chsin. Hamon dunyoda tiriksan. O‘zing tiriksanu, tiriklarni tinch qo‘ymaysan.

Yozuvchi shuncha dardni qanday ko‘tarib yurdi ekan-a...

Ehtimol, bundanda og‘irroq, aytilmay qolib ketgan dardlari, tug‘ilmagan asarlari bo‘lgandir muallifni...

Bugun, nega shunday asarlar bitilmayapti? Yoki, yuragida dardi bor iste'dodlar yo‘qmikan, yoki iste'dodlilarning yozadigan dardi yo‘qmikan?!

Alloh iste'dodli yozuvchi O‘tkir Hoshimovdan rozi bo‘lsin.
__
📖Asardan iqtibos:

... Odam qimmatbaho narsasini yo‘qotsa achinadi. Tuhmatga qolsa boshini tog‘-toshga uradi. Qadri yerga urilsa, isyon ko‘taradi. Yaqin kishilaridan ayrilsa dod soladi... Lekin umidingdan ayrilsang g‘alati bo‘larkan. Hech nimaga, hech kimga, hatto o‘z qadringga ham achinmaysan. Dod solmaysan. Isyon ko‘tarmaysan... Go‘yo sen o‘lgansan. O‘zing o‘lib, quruq surating qolgan...

© O'tkir Hoshimov, "Ikki eshik orasi".

💬📹📹@komiljon_aslonov