Komiljon Aslonov | Rasmiy

Qo'rqsang, bajarma; bajaryapsanmi, qo'rqma; bajardingmi, achinma! (Chingizxon)

Imkoniyat muzqaymoqqa o'xshaydi, erib ketmasidan oldin yeb qolish kerak. (Bodo Shefer)

Har doim o'zingizdan kuchlilar orasida bo'ling! Qiynalasiz, ammo rivojlanasiz. (Uoren Bafet)

...Kambag'al insonlar bitta xususiyatlari sabab omadsizlikka yuz tutishadi: ularning umri kutish bilan o'tadi.

— Bolalikdan zerikadilar va tezroq ulg‘ayishga shoshiladilar. Vaqti kelib, bolalikni sog‘inadi.

— Pul topaman deb sog‘liqni yo‘qotadilar, ammo sog‘liqni qaytarish uchun yana pul sarflaydilar;

— Ertangi kunni o‘ylab xavotir oladilar-u bugunni unutadilar. Shuning uchun ham na bugunni, na ertani deb yashaydilar. Dunyodan yashamagandek o‘tib ketadilar.

📌 — Hech kimni o‘zingizni yaxshi ko‘rishga majburlamang. Muhimi, hayotda ko‘p narsaga ega bo‘lish emas, kam narsaga ehtiyoj sezishdir. Sizni yaxshi ko‘radigan insonlar ko‘pchilik. Ammo ular tuyg‘ularini qanday ifoda etishni bilmayotgan bo‘lishlari mumkin. Ba’zan boshqalar tomonidan kechirilibgina qolmay, o‘zingizni kechira olishingiz ham kerak.

🔖Ishdan charchab qaytaman, ammo uyni sog‘inaman. Seni ko‘rishni, sen bilan xotirjamlik his qilishni, birga vaqt o‘tkazishni xohlayman.

Pul topganimda, seni xursand qiladigan narsalar haqida o‘ylayman. Qanchalik oddiy bo‘lsa ham, yuzingdagi tabassumni, quvonchni ko‘rish men uchun kifoya.

Hayotingni yengillatishga, sen uchun suyanch bo‘lishga harakat qilaman. Ammo shunga qaramay, ba’zan sevgimni to‘liq his qilmayotgandek ko‘rinasan.

Balki har kuni “Seni sevaman” demasman, balki romanlardagi kabi dil izhori qilishni bilmasman. Ammo seni amallarim bilan sevaman: Seni baxtli qilishga intilishim bilan, xafa bo‘lsang tashvish chekishim bilan, so‘ramasang ham hayot yuklarini yengillatishga harakat qilishim bilan sevaman.

Muhabbat faqat og‘izdagi so‘zlar emas. U sidqidildan qilingan ishlar, so‘nmaydigan g‘amxo‘rlik, qiyin damlarda birga bo‘lish demakdir.

Sendan istagim:
Oramizdagi masofa kattalashmasligi uchun, muhabbatni faqat so‘zlardan izlashni to‘xtat. Chunki u ba’zan ko‘zga ko‘rinmaydigan, ammo qalb bilan his qilinadigan harakatlarda namoyon bo‘ladi. Aslida, muhabbatning haqiqiy ko‘rinishi aynan shunda.

Har bir erkak “Seni sevaman” deyishni bilmas, ammo har biri o‘z yo‘li bilan sevishni biladi. Shuning uchun afsuslanishdan oldin uni ko‘ra bilishga, his qilishga harakat qil!🔖

...Bilasiz, ko'r odam ko'rishni boshlashi bilan birinchi navbatda nima qiladi? Butun umr unga yordam bergan hassani tashlab yuboradi.
Bu hayotning achchiq haqiqati!
Odamlarga foyda keltirishni to'xtatganingizda ularning haqiqiy yuzini ko'rasiz.
Ba'zilar faqat kerak bo'lganingizdagina sizni qadrlashadi.

... Agar faqat baxtli bo‘lishgina maqsad qilib olinsa, bunga erishish mumkin. Lekin odamlar ko‘pincha boshqalardan baxtliroq bo‘lishni istashadi, buning esa deyarli iloji yo‘q. Chunki bizga o‘zgalarning baxti ko‘proq bo‘lib ko‘rinadi. Shuning uchun ham asl baxt baxtlilarga emas, baxtning qadriga yetganlarga yarashadi.