Kitob nuri

#Kitobdan

OLIMLAR VA AMIRLAR

Rivoyat etilishicha, usmonli xalifa sulton Sulaymonga saroy xizmatchilari To‘pqopi qasri daraxtlarining shoxlarini chumoli bosib ketgani xabarini berishadi.

Mashvarat ahlidan daraxtlar shoxini yog‘lash maslahatini olgach, sulton o‘z odati bo‘yicha oldin rasman Shayxul-islom deb nomlanadigan davlat muftiysi fikrini olmoqchi bo‘ladi. 

Shayx Abu Saud afandidan fatvo olish uchun sulton o‘zi boradi. Joylarida topmagach she’r shaklida quyidagi xatni yozib ketadi: 

Gar chumoli daraxtda o‘rmalar
Uni o‘ldirmoq bo‘lurmi zarar?

Shayx uning maktubini ko‘rgach shunday javob qiladilar: 

Gar adl mezoni qo‘yilsa to‘g‘ri
Chumoli nasibin olur beo‘g‘ri. 

Bu bilan shayx sulton so‘raganidan ham muhimroq vazifadan ogoh etgandilar. 
Sultonning odati doim shunday, ya’ni o‘zi ijro qiladigan har qanday ishga muftiyning yoki davlatdagi ulamolar oliy hay’atining fatvosini olardi.

Sulton Venaga qilgan yurishida Zektor jangida shahid bo‘ladi. Uning jasadini Istambulga keltirishadi.

Dafn asnosida o‘zi bilan qabrga bir sandiqni qo‘yishlarini vasiyat etgani ma’lum bo‘ladi. Uni mol-dunyoga to‘la deb o‘ylashadi va tuproq ostida uvol bo‘lishini o‘ylab sandiqni ochishadi.

Sandiq qiyomatda o‘zini himoya qilish uchun sulton yig‘ib qo‘ygan fatvolarga to‘laligini ko‘rib hayratda qolishadi.

Shunda davlat muftiysi shayx Abu Saud yig‘lagan holda shunday deydilar: "Ey Sulaymon, sen o‘zingni qutqarib olding. Ammo fatvomizda xato qilgan bo‘lsak, bizni qaysi osmon soyalantirib, qaysi yer ko‘tarib turadi??"

Ulamolar shunday bo‘lishgan!!
Hokimlar shunday bo‘lishgan!!

©️ Mubashshir Ahmad. «Olim, odam va olam» kitobidan

📚 @kitob_nuri

📚 Hozirda shu kitoblar ko‘p so‘ralyapti. Shu sababli ularni bitta ro‘yxatga jamladik:

1️⃣. Izlash
2️⃣. Dunyoni anglash kitobi
3️⃣. MEN: Bas qil, ey nafs!
4️⃣. SIR: Oshiqlar o‘lmas
5️⃣. LOL: Har shaharning o‘z egasi bor...
6️⃣. Hech bir uchrashuv tasodif emas
7️⃣. Kaktuslar ham gullaydi
8️⃣. Qalb iffati
9️⃣. Qaytganimda uyda bo‘l
1️⃣0️⃣. Duo taqdirni o‘zgartiradi
▫▫. Bir olima qiz bor edi

#Tafakkur

Ayol latofatini uch narsa yo‘qqa chiqaradi:
- qaysarlik;
- asabiylik;
- baland ovoz.

©️Vilyam Shekspir

📚 @kitob_nuri

#Tafakkur

Axloqni qishloqdan oling! Chunki izdihom ruhiyatni buzadi.

©️Iliyo Abu Moziy

📚 @kitob_nuri

#Tafakkur

Aqli oz odamning hazili ko‘p bo‘ladi.

©️

📚 @kitob_nuri

#Tafakkur

AJAB
   Imom Buxoriy rohimahullohning "Adabul mufrad" nomli hadis to‘plamida keladi:
   "Qalblar yaqinligidek ajoyib narsa yo‘q!".

Muhabbatda sabab qidirmang. Bu Allohning ishi. Alloh ekkanini bandasi sug‘urib ololmaydi!

   Qancha-qancha biz suyadigan insonlar bor. Ular bilan oramizda bir qancha shaharlar bor. Ammo bu shaharlar va uzoq masofalar bizni ajrata olmaydi.
   Qancha-qancha er-xotinlar bor. Boshlari bir yostiqda, ammo qalblari dunyo va oxirat qadar uzoq.
   Bir begona odam bilan uchrashasiz. Bir-ikki suhbatdan keyin begonaligi qolmaydi. U bilan yaqinlashib ketasiz.
   Ba’zilar bilan esa bir necha yillardan beri birga yurib, birga turasiz. Ammo ular qalbingiz ostonasidan ichkariga kira olishmaydi.

   Ajab! Aql buni sharhlay olmaydi, mantiq esa tushuntira olmaydi!
  Robbimiz Nabiyyimiz sallollohu alayhi va sallamga shunday marhamat qiladi:
   "Agar yer yuzidagi barcha narsani sarf qilganingda ham ularning qalbini ulfat qila olmas eding. Ammo Alloh ularning orasini ulfat qildi!".

© Abdulqodir Polvonov

📚 @kitob_nuri

#Tafakkur

Muhammad ibn Is'hoq aytadi: “Madinada bir guruh insonlar istiqomat qilardilar. Ular nimaning hisobiga yashayotganlarini va ularga kim yegulik yetkazib berayotganini hech kim bilmasdi. Zaynul Obidin ibn Husayn vafot etgach, bu yeguliklar kelmay qoldi. Shunda bilishdi, yeguliklarni u kishi kechasi berib ketar ekan. Zaynul Obidinni dafn etayotganlarida, uning yelkalarida beva va miskinlar uchun yuk tashishdan qolgan izlarni ko‘rishdi”.

📚 @kitob_nuri

#Tafakkur

JALOLIDDIN RUMIY HIKMATLARI⤵️

Qumning bir zarrasiman, ammo bepoyon cho‘lning dardini ortmoqlab yuribman.

Tuproqdan keldik, tuproqqa ketarmiz. Muhimi dunyoda kirlanmaslikdir, ko‘ngilni pok tutmoq, dilga kir yuqtirmaslikdir...

Agar taqdir etsa Alloh - qo‘l ham olib kelar, yel ham olib kelar, sel ham olib kelar. Gar taqdir etmasa Alloh - qo‘l ham olib ketar, yel ham olib ketar, sel ham olib ketar....

Haqqa yetmoq istasang, ko‘ngillarni qozonmoqni maslak aylagin, buning uchun saroylarda marmar bo‘lma, bir tuproq bo‘lginki, bag‘ringda gullar yetishsin...

Unutma! Iymonda ketmoq, jannatga erishmoq uchun bir umr lozim, bularning baridan ayrilmoq, kufrda ketmoq uchun bir lahza kifoya.

Yaxshilik izla, to‘g‘rilik izla, go‘zallik izla, ammo ayb izlama.

Savdosi, sarmoyasi, mol-dunyosi ko‘p odamning imtihoni ham og‘ir bo‘lur.

Ishqi ulkanning imtihoni ham zalvorlidir.

Go‘zalligingga quvonma, uni bir so‘gal buza olar, mol-mulkingga quvonma, uni bir ofat olib ketar. Robbingga quvon, u hammasiga kifoya etar...

Insonlarni kitob kabi anglang. Muqovasiga qarab aldanmang, ichini o‘qib chiqqachgina mohiyatini bilarsiz...

Gilamni kaltak bilan qoqmoq gilamga ozor bermoq uchun emas, gilamni poklamoq uchundir. Alloh senga tashvish berar ekan, seni imtihon qilib tozalar, changu g‘uboringni ketkazar. Qayg‘urma...

Aqlim har kun tovba qilar. Nafsim har kun tovbamni buzar. Ikkisining orasida qolgan bir bechoraman. Yaxshiyamki, Robbim, sening dargohing bor...

Qof tog‘i qadar yuksakja bo‘lsang-da, bir kafanga sig‘ar darajada kichiksan. Unutma, har narsaning hisobi bor, qarzingni uzguning qadar uzilursan...

Gul deganing nima sening? Uch-to‘rt tikon, biroz yaproq,
Nedur sen sevgan bu hayot? Uch-to‘rt nafas, so‘ngra tuproq...

Ichingni tashingdan ham ko‘ra ko‘proq pokla, obod qil, chunki tashingni xalq (maxluq) ko‘radi, ichingga Alloh (xoliq) ko‘radi...

Johil kishi qarab turib gulning go‘zalligini ko‘rmas, tikonlariga tikilur.

Inson bir daryo kabidir, sathi ko‘rinib turadi, tubida ne bo‘ronlar qo‘par, ne po‘rtanalar toshar, so‘zlamas, jimgina oqar va ketar...

Adolat nedur? Gulni sug‘ormoqdir.
Zulm nedur? Tikonlarni sug‘ormoqdir.

Hayot olganing qadar nafasdir, hayot qolganing qadar qafasdir, hayot tolguning qadar havasdir...

Robingga qarab: "Mening buyuk dardim bor" - dema, dardingga qarab:  "Mening buyuk Robbim bor", -  degin...

Gulning go‘zalligi - urug‘ining pokligidan, insonning go‘zalligi qalbining pokligidandir

Ishqni biyron sayrayotgan bulbuldan emas, sassiz-sadosiz jon berayotgan parvonalardan so‘ra

Milliardlab yerga bir-bir alohida yog‘ilayotgan, bir-birini turtmasdan yerga ayro‘ tushayotgan qor uchqunlari oxiri oxirat bo‘lgan dunyo yo‘llarida milliardlab insonlar bir-biriga zarar bermay, xalaqit qilmay yashashlari, harakat qilishlari mumkinligini anglatadi, axir...

Ba’zan mas’umligimizga farishtalar havas qiladi, ba’zan johilligimizdan shayton qocharga joy topolmaydi... Dunyoga kelganimizning asosiy g‘oyasi – Allohni tanimoq, iymon keltirmoqdir.

Hech bir narsa ko‘ringani kabi emasdir, bugun senga hayot bergan suv ertaga seni cho‘ktira oladi ham.

Ovozingni ko‘tarma, so‘zingni yuksaltir - yaproqlarni yomg‘irlar o‘stiradi, gumburlagan momoqaldiroqlar emas.

Odamlar seni o‘z manfaatlari uchun harakat qildirishni istaydi, Alloh esa sen o‘z manfaating uchun harakat qilishingni istaydi.

Tilingni tarbiya qilishdan avval dilingni tarbiya qil. Chunki so‘z tilga dildan chiqib keladi.

Chumolilarning g‘imirlashini biladigan, sasini ham eshitadigan Alloh, qalblarimizning astoydil faryodini eshitmaydimi?! Albatta eshitadi...

📚 @kitob_nuri

#Kitobdan

OVQATLANISH ODOBI.

Bir tabib notanish kishining ovqat ichishini ko‘rib:
– Ovqatdan so‘ng sizning kekiradigan odatingiz bormi? – deb so‘rabdi.
– To‘g‘ri aytasiz, lekin bu odatimni qayerdan bildingiz?
Shunda tabib debdi:
– Siz ovqatni xo‘rrilatib ichar ekansiz, bunaqada ovqat bilan havo ham yutiladi. So‘ng bu havo kekirish orqali chiqib ketadi. Ovqatni sekin og‘izga olish, chaynash va yutish lozim.

©️"Sharq hikoyat va rivoyatlari" kitobidan.

📚 @kitob_nuri

Arab tilini ana boshlayman, mana boshlayman deganlar uchun o‘sha kun keldi!
➡️ Arab tili 0dan

#Tafakkur

ONA O‘Z QIZINING BAXTLI BO‘LISHI UCHUN QANDAY HISSA QO‘SHA OLADI?

Ayolning baxti faqat oilasi bilan tugaldir. Oilasi bo‘lmagan ayol baxti kemtikdir. Hatto uning qalbi juda ham siniq bo‘ladi. Oilaning ustuni esa erdir. Er bo‘lmagan xonadon quyoshsiz osmon, oysiz tun kabidir. Er oilaning boshi, yo‘lboshchisidir. Uni ranjitish, haqoratlash, so‘zini sindirish, boshini egish, qalbini og‘ritish mumkin emas. 

Xalq bejiz "Erni er qiladigan ham xotin, qaro yer qiladigan ham xotin" deb aytmagan. Bu maqolda xotinga juda katta kuch nisbat berilyapti.

Ona o‘z qizining baxti uchun eng katta ishni qiladigan zotdir:

1. Iffatli qilib tarbiyalaydi.
2. Ro‘zg‘or ishlariga epchil va uddaburon qilib yetishtiradi.
3. Eriga shirinso‘z va fahmli, sabrli va itoatli bo‘lishni singdiradi.
4. Oqila bo‘lishga - foyda va zararni farqlab, foyda tomonda turishga o‘rgatadi. Foyda bu iymon va adabni saqlab qolishdir.

Bu ishlar qiz erga tegguncha bo‘ladi. Ammo onaning vazifasi bu bilan bitmaydi, qizining baxt qasrini qurishda, mustahkamlashda davom etadi:

1. Qiziga erni yomonotliq qilmaslikni, er sirini sotmaslikni o‘rgatadi.
2. Qaynonadan xafa bo‘lmaslik hamda qaynota ko‘ziga tik boqmaslik ta’limini beradi.

Asosiysi -

har-har zamonda kuyovining o‘zidan qiziga bildirmay samimiy bo‘lib so‘raydi:

"Qizimda qanday kamchiliklar bor? O‘zini qanday tutyapti? Fe’li aynimayaptimi? Dangasalik qilmayaptimi? Siz ayting, men nasihat qilaman, inshaaAlloh!"

Kuyov uchun qaynona onadekdir.

Ona esa eng yaqin do‘st. Onaga ayrim sirlarni aytish mumkin. Xususan, xotiningga tarbiya berishga shay, mard va oqila qaynonangga ayrim mulohazalaringni aytsang, u qiziga nasihat qilsa, qiz, albatta, ona so‘zini oladi.

Shu tariqa oila qal’asi mustahkam turadi. Ofiyat va baraka, baxt va quvonch bu qal’a ahlini tark etmaydi, Xudo xohlasa.

Ko‘rdingizmi, ona (ayol) oila uchun naqadar muhim va uning o‘rnini hech kim bosa olmaydi!

©Akrom Malik

📚 @kitob_nuri

👀 Farzand tarbiyasi ilmi

#Kitobdan

Tez shamollash sababi.

Bir tabibdan so‘radilar:
– Nima uchun ba’zi kishilar tez-tez shamollaydilar?
– Kim yaxshi uxlamasa, asabi buziladi, kimning asabi buzilsa, eti uvishadi, kimning eti uvishsa, tez shamollaydi, – deb javob berdi u.

©️"Sharq hikoyat va rivoyatlari" kitobidan.

📚 @kitob_nuri

#Tafakkur

Agar notanishlar ham sizni bilishini istasangiz qishloqda yashang. Agar tanishlar ham sizni bilishini istamasangiz shaharda yashang.©️

📚 @kitob_nuri

🇹🇷 Turk tilini darajangizga mos darslar bilan o‘rganing:

➡️A1 Seviyesi
➡️A2 Seviyesi
➡️B1 Seviyesi
➡️B2 Seviyesi

#Kitobdan

Gunohlar lazzatlidir. Chunki u nafs tabiatiga muvofiq keladi. Siz g‘iybatni eshitish va unda ishtirok qilishda lazzat topasiz. Chunki u sizga yomonligini zikr qilgan kishidan yaxshi va afzal ekaningizni his qildiradi. O‘g‘irlik mazalidir. Chunki unda molga mashaqqat va qiyinchiliksiz ega bo‘lish bordir. Zino rohatdir. Chunki unda nafsga havosini berish, shahvoniyatiga yetishish mavjuddir. Imtihonda aldov lazizdir. Chunki u muvaffaqiyatga oson erishtiradi. Qanday bo‘lsin majburiyatdan qochish nafsga yoqimlidir. Chunki rohat va tanballik undadir. 
Lekin inson tafakkur qilgan va aqlini ishlatgan paytda, bu muvaqqat hurriyat uning ortidan keladigan jahannamning benihoya tutqunligiga, harom qilingan bu lazzat esa, so‘ngidagi azobga teng kelmasligini anglaydi. 

Shayx Ali Tantoviyning “Islom diniga umumiy ta’rif” kitobidan

📚 @kitob_nuri

🇷🇺🇺🇿 Rus tilidan shunaqa lug‘at so‘zlar qidirib yurganmidingiz?