ҲАММАДАН ЗЎР ЎЗИМНИНГ ОНАМ

Шодон юриб, обдон кулдирган,
Ҳар нафасда, меҳр тўлдирган,
Ғам келса ҳам, ғамни сўлдирган,
Ҳаммадан зўр, ўзимнинг онам.

Ҳақ йўл тутган, гумонлари йўқ,
Кўзи қувнар, ёмонлиги йўқ,
Мени кўрса, кўнгиллари тўқ,
Ҳаммадан зўр, ўзимнинг онам.

Оқ қуш мисол тиниқ юзлари,
Сўзлаганда ширин сўзлари,
Чиройлидир битта ўзлари,
Ҳаммадан зўр, ўзимнинг онам.

Бўлолмайди ҳеч кимса ундай,
Муштипарим ўпганда вай-вай,
Яноқлари ёнади шундай,
Ҳаммадан зўр, ўзимнинг онам.

❗️Яқинларга Ҳам Улашинг

👉🏼 @TABOBATLAR 💊