Диққат, қидирув
Ҳурматли юртдошлар!
Жиззах вилояти ички ишлар органлари 2025 йилнинг 28 январь куни Зафаробод тумани Ёрқин шаҳарчасида яшовчи аёлнинг Республика ихтисослаштирилган она ва бола саломатлиги илмий-амалий маркази Жиззах филиалида дунёга келтирган ўғил фарзандини топишда Сиздан кўмак сўрайди. Маълум бўлишича, 31 январ куни тахминан кечги соат 19:30 ларда 25-30 ёшлардаги юзига тиббий ниқоб таққан нотаниш аёл жабрланувчининг хонасига кириб, “болангизни шифокор кўригига олиб бораман” – деб, чақалоқни олиб кетиб қайтиб келмаган.
Азиз ҳамюртлар!
Кимда-ким ушбу номаълум шахс ва у олиб кетган чақалоқ ҳақида маълумотга эга бўлса 102, 112 қисқа рақамлари, ёки яқин орадаги ички ишлар органларига хабар беришлари сўралади.
Эслатиб ўтамиз, қонунчиликка асосан маълумот берувчининг шахси сир сақланиши кафолатланади.

Жиззах вилояти ички ишлар бошқармаси

Website | Telegram | Facebook | Youtube | Murojaatyuborish