Тошкент шаҳридаги Президент мактаби БАА президенти мукофотини қўлга киритди

Тошкент шаҳридаги Президент мактаби барқарор ривожланиш бўйича Шайх Зоид Ол Наҳаён номидаги нуфузли мукофотнинг “Глобал ўрта мактаблар” номинациясида ғолиб деб топилди.

Мукофотни БАА президенти Шайх Муҳаммад бин Зоид Ол Наҳаён топширди.

Абу-Дабидаги тақдирлаш маросимида, айни кунларда ушбу мамлакатда расмий ташриф билан бўлиб турган Президент Шавкат Мирзиёев ҳам иштирок этди. Давлат раҳбари мактаб вакиллари билан учрашиб, уларни ғалаба билан қизғин табриклади.

Маълумот учун, мазкур мукофот соғлиқни сақлаш, таълим, энергия, сув ва глобал мактаблар йўналишларида берилиб, мукофот жамғармаси 3 млн долларни атшкил қилади.

Ўзбекистонлик ўқувчилар эса 150 та мактабда ёмғир сувини йиғиш бўйича ишлаб чиққан лойиҳаси билан ушбу мукофотни (150 минг доллар грант) қўлга киритишди.

Расмий саҳифаларимиз 👇
Telegram / Facebook  / Twitter / instagram  / You tube