"Камбағалликдан фаровонлик сари" дастури доирасида кам таъминланган оилаларга кўчатлар тарқатилди 

Учқўрғон туманида "Камбағалликдан фаровонлик сари" дастури асосида ва "Яшил макон" умуммиллий дастури доирасида кам таъминланган оилаларни қўллаб-қувватлаш мақсадида мевали ва манзарали дарахт кўчатлари тарқатилди. 

Мазкур ташаббус оилаларнинг даромадини ошириш, боғдорчиликни ривожлантириш ва маҳаллий экологик муҳитни яхшилашга қаратилган. Кўчатлар экиш жараёнида оилаларга уларни тўғри парваришлаш ва ҳосилдорликни таъминлаш бўйича мутахассислар томонидан амалий кўрсатмалар берилди.