Uchqo‘rg‘on tuman hokimligi | Rasmiy kanal

Uchqo‘rg‘on tumani IIB boshlig‘i, 3-sektor rahbari podpolkovnik U.B.Murodullayev tomonidan qishloq xo‘jaligi sohasida amalga oshirilayotgan ishlarni o‘rganish davom etmoqda

Ayni damda Uchqo‘rg‘on tumanida ekin maydonlaridagi g‘allani parvarishlash, mineral o‘g‘itlash, ichki ariqlarni tozalash, betonlash, bog'larni tartibga olish va boshqa agrotexnik tadbirlar jadal olib borilmoqda.

Bugun tuman IIB boshlig‘i 3-sektor rahbari podpolkovnik U.B.Murodullayev tumandagi o‘ziga biriktirilgan hudduddagi fermer xo‘jaliklarida yerlardan unumli foydalanish, g‘alla hosildorligini oshirish maqsadida olib borilayotgan o‘g‘itlash va shu kabi agrotexnik tadbirlar holati bilan yaqindan tanishib, masʼul rahbarlar hamda mutaxassislarga bu boradagi ishlarni tez va sifatli bajarish bo‘yicha aniq topshiriqlar berdi.

Bozorlar – yurt ko‘rki! Aholi dasturxoni to‘kin bo‘lishi uchun narxlar barqaror bo‘lishi kerak.

Tuman IIB boshlig‘i podpolkovnik U.B.Murodullayev markaziy “Dehqon bozori"da ham bo‘lib, narx-navoning holati, sotuvchi va xaridorlar uchun yaratilgan mavjud shart-sharoitlar, rastalar joylashuvining belgilangan qoidalarga, jamoat va yong‘in xavfsizligi talablariga mosligi bilan tanishdi.

Bozor hududida go‘sht va go‘sht mahsulotlari, qishloq xo‘jaligi, oziq-ovqat mahsulotlarining narx-navolarini o‘rgandi. Sotuvchilar bilan suhbat davomida tez buziladigan oziq-ovqatlarini saqlashda sanitariya-gigiyena talablariga rioya etish lozimligi tushuntirildi.

Mas’ullarga bozor hududida fuqarolar hamda sotuvchilar uchun sharoitlarni yaxshilash, jamoat tartibini saqlash, narx-navo barqarorligini tam’inlash borasida tegishli topshiriq va ko‘rsatmalar berildi. 

Учқўрғон туманида ҳашар йўли билан ариқлар тозаланди ва бетонлаш ишлари бошланди

Учқўрғон туманида жамоатчилик ташаббуси билан ободонлаштириш ишлари давом этмоқда. Хусусан, “Боғ-Куча” маҳалла фуқаролар йиғинида аҳоли хонадонларидан оқиб ўтувчи ариқлар ҳашар йўли билан тозаланди.

Маҳаллий аҳоли ва фаоллар биргаликда ушбу ишга ўз ҳиссасини қўшиб, сув оқимини яхшилаш ва экологик ҳолатни соғломлаштиришга хизмат қилмоқда. Тозалаш ишлари тугаллангандан сўнг, ариқларни бетонлаш ишлари ҳам амалга оширилиши режалаштирилган. Бу эса сув оқимини барқарорлаштириш, зарарли чўкиндилар тўпланишининг олдини олиш ва сувдан самарали фойдаланиш имконини яратади.

Маҳаллий ҳокимият ва масъул идоралар мазкур ташаббусни қўллаб-қувватлаб, тозалаш ва бетонлаш ишларини сифатли ва самарали тарзда амалга оширишга кўмаклашмоқда.

#Учқўрғон #Ободонлаштириш #Ҳашар #АриқТозалаш #МаҳаллаТашаббуси