O‘rtoqlar, chindan ham tarixiy voqealarga guvoh bo‘lyapmiz.DeepSeek-ning olamshumul “zapusk”i va
NVIDIA aksiyalarining qulashi shaxsan men uchun kun yangiligi bo‘ldi.
OpenAI o‘z modellarini rivojlantirish uchun milliardlab dollar sarflayotgan bir paytda, Xitoylik DeepSeek jamoasi bor-yo‘g‘i 200 kishi va 10 million dollardan kam mablag‘ bilan ChatGPT o1 bilan bemalol tenglasha oladigan sifatli model yaratdi.
Bu esa sun’iy intellekt texnologiyalarini rivojlantirish uchun qimmat resurslar va milliard dollarlik xarajatlarning zarurligi haqida katta savollarni paydo qildi.
Masalan, bugun NVIDIA aksiyalari keskin tushib ketdi va bu kompaniyaning kapitalizatsiyasini qariyb 600 milliard dollarga qisqartirdi.
Agar DeepSeek kabi arzon va samarali yechimlar kelajakda tendensiyaga aylansa, sun’iy intellekt sohasida ulkan o‘zgarishlarni kutish mumkin.
Bu o‘zgarishlar yaxshi tarafga bo‘ladi, degan umiddaman. Shaxsan men uchun meditsina va farmatsevtika sohasidagi o‘zgarishlar qiziq. Kim biladi, balki tez orada bedavo kasalliklarga ham davo topilar…
@latipovasamira
