Marketing bo'limi

@marketingbolimi

Kanal geosi va tili: O‘zbekiston, O‘zbekcha

Toifa: Marketing, PR, reklama

Marketing oʻzbek tilida
www.marketingbolimi.uz
Marketing sohasida ish topish uchun: @marketingdaishla
@topjamoa
Aloqa uchun: @osharapov

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Marketing, PR, reklama

Statistika

Saralanganlar

Postlar filtri

O‘chirilganlarni yashirish

Repostlarni yashirish

Marketing bo'limi

20 Nov, 15:52

"Najot Ta'lim" o'quvchilari endi mobil ilovaga ega!

AyTi markazlari orasida birinchilardan bo'lib Najot Ta'lim o'quvchilari uchun maxsus mobil ilova ishlab chiqdi. 10-noyabr kuni ushbu dasturning taqdimot premyerasi bo'lib o'tdi.

Taqdimotda mobil ilovaning o'quvchilarga beradigan qulayliklari haqida batafsil tushuntirilgan. Jumladan:

1. Endi Najot Ta'lim o'quvchilari dars jadvalini rasmga olib yoki yozib yurishlari shart emas. Mobil ilova darslar qaysi filialda, qachon va qaysi xonada bo'lishini ko'rsatib turadi.
2. Bilasiz, Najot Ta'limda har hafta master-klass va musobaqalar tashkil etishdan to'xtamaydi. O'quvchilar endilikda ilova orqali birinchilardan bo'lib tadbirlarga ro'yxatdan o'tish imkoniyatiga ega.
3. Dasturda Najot Ta'limning geymifikatsiya tizimi ham mavjud — raqobatdoshlik orqali ta'limga bo'lgan ishtiyoqni oshiradi.
4. Ilova orqali o'quvchilar sertifikatlarini elektron shaklda yuklab olishadi.
5. Ta'limga oid yangiliklar, markaz hayotidagi o'zgarishlardan xabardor bo'lish uchun bildirishnomalar kelib turadi.

Bo'ldimi?
Yo'q, buyog'i endi "kasalni yashirsang, isitmasi oshkor qiladi" rubrikasidan.

Endi ota-onalar LMS platformasi orqali farzandining imtihondan o'tgan yoki o'tolmagani hamda o'qish davomidagi natijalari haqida avtoqo'ng'iroqlar qabul qilishadi.

Tanish-bilish yaxshi narsa. Marketing tilida "networking" deylik.

Najot Ta'lim eng yaxshi bitiruvchilarini saralab "networking club" tashkil etadi. Club'ga a'zo bo'lganlar uchun ajoyib imkoniyatlar — soha mutaxassislaridan yopiq master-klasslar, O'zbekistondagi TOP kompaniyalarga ekskursiyalar mavjud.

Taqdimot "Lola animation" bilan hamkorlikda kreativ shaklda tayyorlangan. Unda Lulu va Nana multfilm qahramonlarining animatsiyalarini ko'rishingiz mumkin.

Ilovani yuklab olish

Najot Ta'lim dasturlash, grafik dizayn, SMM sohalarini o'rganish istagida bo'lgan yoshlar uchun munosib joy.

Hamkorlik materiali

Rivojlanish uchun — @marketingbolimi

Ta'lim uchun KATTA imkoniyatlar shu yerda | Najot Ta'lim 2025

Shu vaqtgacha "Najot Ta'lim" o'quvchilarga juda ko'plab yangilik va imkoniyatlarni taqdim etib kelmoqda. Bu safargi yangilik o'quvchilarni ta'lim jarayoniga yana ham qiziqishiga, vazifalarni a'lo darajada o'zlashtirishiga, sohada eng kuchli mutaxassis bo'lishlariga yaqindan yordam beradi. Video dav...

1.7k 0 19 39

Marketing bo'limi

20 Nov, 09:42

2.2k 1 27

Marketing bo'limi

20 Nov, 09:42

Menu marketing - O’zbekistonda yangicha yondashuv

Toshkentdagi “Köşebaşi” turk restorani oʻz menyusiga mashhur shaxslarning sevimli taomlarini qoʻshdi (yoki ancha avval).

Masalan, u yerda tadbirkor Murod Nazarov, qiziqchi Shukurullo Isroilov va shoubiznes vakili Abdurashid Toshmatovlarning eng yoqtirgan taomini koʻrish mumkin, menyuga ularning suratlari ham tushurilgan.

Xoʻsh, sizga qaysi mashhur insonning sevimli taomi qiziq boʻlardi?

Marketing oʻzbek tilida — @marketingbolimi

2.2k 1 27 18 76

Marketing bo'limi

17 Nov, 18:43

Bu haftaning sizga yoqqan maqolasi

So‘rovnoma

Uber’ga qarshi urush ochgan Heetch
Toshkentda tashqi reklamalar uchun dizayn-kod ishlab chiqildi
Yandex Maps’da 3D chizmalar
Startapchilar o’qiydigan kitoblar
Egizak farzandlari bilan yetkazib berish xizmatida ishlayotgan “kuryer” ayol
Charchamang, Vosxod!
Nike va Jordan’ning tarixiy kelishuvi
Uzumning e-commerce ekotizimi aylanmasi 200 million dollardan oshdi
Eski mahsulot, yangicha qarash
Yandex operatoridan — Iman invest marketing direktorligigacha

252 ta ovoz

2.6k 0 1 2 17

Marketing bo'limi

17 Nov, 11:40

🎙️Duv-Duv leksiya

Prodakshn Brif — reklama roligi g'oyasini qanday yetkazish kerak?

Spiker: Sobol Konstia — rejissyor, Whitesquare, Ad Black Sea, Phénix festivallari sovrindori

Bu leksiyamiz marketologlar va agentlik hodimlari uchun mo'ljallangan!

Leksiya vaqti: 18-noyabr (Dushanba)
Soat: 18:30

Manzil:
605 kreativ agentligi

Ro'yxatdan o'tish 👈

Leksiya bepul va rus tilida bo'ladi!

@duvduvedu

Hamkorlik materiali

Rivojlanish uchun — @marketingbolimi

2.8k 0 15 1 20

Marketing bo'limi

16 Nov, 14:54

Eski mahsulot, yangicha qarash

Mahsulotni o‘zgartirmasdan, sotuvini ko‘targan qanday brendlarni bilasiz?

Masalan, 2000-yilda, Heinz ketchupning yashil rangini chiqargan edi. Tarkibi bir xil, shunchaki rangi boshqacha bo‘lgan. Natijada sotuvlar oshgan.

Yana bitta keys bor: unda Shreddies brendi hech qanday o‘zgarish qilmasdan, mahsulotining qiymatini oshirgan. Bilmaganlar uchun Shreddies — to‘rtburchak shaklidagi nonushta yormasini chiqazadigan kompaniya.

2008-yilda brend reklama agentligi bilan ishladi. Maqsad — ovqat bozorida birinchilardan bo‘lish. Faqat bitta narsa bor: mahsulotni o‘zgartirish mumkin emasdi.

Shunda, ular yormani aylantirib, to‘rtburchak narsani olmos shakliga o‘tkazishdi. Mahsulotning barcha xususiyati saqlab qolindi, faqat endi yangi ko‘rinishda bo‘ldi.

Bundan tashqari, reklama roliklarida tadqiqotlar ham o‘tkazildi. Odamlarga ikki xil turdagi mahsulot berilib, ulardan qaysi bir yaxshiroq ekanligini aytish so‘ralganida, hamma olmosga o‘xshaganini tanladi. Eng qizig‘i — ikkalasi ham aslida bir xil mahsulot, lekin odamlar uchun yangisi an’anaviy-to‘rtburchakdan ko‘ra ham chiroyliroq, ham mazaliroq bo‘ldi.

Bu yangilik orqali birinchi oyda bozor ulushi 18% ga oshdi. Kampaniya esa o‘sha yilning Clio Awards festivalida mukofot yutgan edi.

Bu keysdan chiqariladigan asosiy xulosa: gohida yangi narsa yaratish shart emas, bu kabi kreativ g‘oyalar ko‘pincha burnimiz tagida yotadi. Shuning uchun ko‘p kuzatish kerak. Shunda boshqalar ko‘rmaydigan narsalarni ko‘rasiz.

Marketing o‘zbek tilida — @marketingbolimi

2.6k 0 15 5 53

Marketing bo'limi

15 Nov, 04:35

Yandex operatoridan — Iman Invest marketing direktorligigacha

Qorako'z podcastining yangi, 4-sonida Mirzo Qodirov, 5 yillik tajribaga ega bo'lgan mohir marketolog mehmon boʻldi.

Uning hayotiy tajribalari yosh marketologlarga o‘z maqsadlariga qanday erishish va qiyinchiliklardan qanday saboq olish kerakligini o‘rgatadi.

Podkastni You Tube sahifamizda tomosha qilishingiz mumkin ⬇️
https://youtu.be/I0qysWi_uFA

Marketing oʻzbek tilida — @marketingbolimi

Qorako‘z Marketolog #4 | Mirzo Qodirov

Kopirayterlikdan — Iman Invest marketing direktorligigacha Qorako'z podcastining yangi, 4-sonida biz bilan Mirzo aka Qodirov, 5 yillik tajribaga ega bo'lgan mohir marketolog, o‘zining qimmatli bilim va tajribasini bo‘lishadi. Mirzo aka Yandex Call Center’dagi ishidan nima uchun ketganligi va shu ...

2.8k 1 15 2 24

Marketing bo'limi

14 Nov, 14:52

Uzum'ning e-commerce ekotizimi aylanmasi 200 mln dollardan oshdi

"Uzum" o'tgan 9 oylik natijalarni sarhisob qildi. Ekotizim bir necha baravar o'sishga erishgan. Muhim jihatlarni keltiramiz.

Uzum Market va Uzum Tezkor'ni o‘z ichiga olgan e-commerce yo‘nalishining aylanmasi yildan yilga uch baravar oshgan va o'tgan 9 oy ichida uning aylanmasi $237 millionni tashkil qilgan.

Yanvar-sentyabr oylarida topshirish punktlari 800 dan oshgan. Oktyabr oyida sotuvchilar uchun yangi logistika modeli (FBS) ishga tushirilgan.

Bu davrda "Uzum Market"da 2,5 mlndan ortiq buyurtma berilgan, ushbu ko'rsatgich o'tgan yilning mos davridan 2,5 baravarga ko'p.

"Uzum Tezkor" xizmati hamkorlari 2100 dan oshgan va mamlakatning 15 ta shahrida to'laqonli faoliyat boshlagan.

O'tgan davr davomida "Uzum Nasiya" foydalanuvchilari soni 3,2 milliondan oshdi. Muddatli to'lovlar hajmi ham 2 karra o'sgan.

Siz Uzum'ning qaysi xizmatlaridan faol foydalanasiz?

Marketing oʻzbek tilida — @marketingbolimi

3k 0 21 15 43

Marketing bo'limi

14 Nov, 09:50

00:58

Video oldindan ko‘rish uchun mavjud emas

Telegram'da ko‘rish

Jahongir Latipov ABBA marketing agentligiga tashrif buyurdi

🔥 O‘zbekistondagi eng gigant marketing agentliklaridan biri bo‘lgan ABBA marketing agentligiga Jahongir Latipov keldi va agentlikning faoliyati bilan ichkaridan tanishib chiqdi.

🤝 Batafsil jarayon haqida yuqoridagi videodan bilib olishingiz mumkin. Agar sizning ham biznesingizga SMM va marketing xizmatlari kerak bo‘lsa, quyidagi raqamlarga murojaat qiling.

Hamkorlik materiali

Marketing o‘zbek tilida — @marketingbolimi

3.1k 1 18 5 43

Marketing bo'limi

14 Nov, 08:40

Nike va Jordanning tarixiy kelishuvi

1984-yil boshida Nike'ning basketbol olamida deyarli oʻrni yoʻq edi. Converse — Magic va Bird bilan, Adidas esa Kareem bilan yetakchilik qilardi. Nike esa bor-yo‘g‘i 17% ulushga ega edi va mashhur o‘yinchilar uni tanlamasdi.

Nike kompaniyasi 1984-yilda basketbol olamida hech kimga tanilmagan Michael Jordanga pul tikdi va unga yillik $500,000 shartnoma taklif qildi — bu boshqa barcha o‘yinchilarga taklif qilinishi mumkin boʻlgan mablagʻdan 5 barobar ko‘proq edi! Bu katta tavakkal edi, ammo Nike yutqazishni xohlamasdi.

Natijada esa bu shunchaki shartnoma emas, balki oyoq kiyim tarixini o‘zgartiruvchi madaniy burilish boʻldi.

"Banned" kampaniyasi
NBA Jordanning qora-qizil oyoq kiyimlarini taqiqladi. Nike esa shu taqiqlardan foydalanib, yoshlarni o‘ziga jalb qildi. Natijada, do‘konlar sotilib ketdi, yoshlarda yangi sneaker madaniyati paydo bo‘ldi va Nike o‘z imperiyasini qurdi.

Natija
Nike bir yilda $126 million daromadga erishdi. Dastlabki maqsad esa, $3 million edi. Bugungi kunda, Jordan brendi $5,1 milliardga yetgan.

Sizningcha, Nike va Jordan hamkorligi bugungi brendlar uchun qanday dars bo‘la oladi? Fikrlaringizni izohlarda yozib qoldiring ⬇️

Marketing o‘zbek tilida — @marketingbolimi

2.9k 0 13 2 35

Marketing bo'limi

13 Nov, 13:10

Charchamang, Vosxod! Qanday qilib o’zbekistonlik kreativchilar Rossiyaga ham ta’sir o’tkazyapti

"Ishonch" brendi uchun Sintez va Abstract production agentliklari birgalikda yaratgan "Charchamang" roligi oddiy o‘zbekistonliklarning kundalik hayotini aktyorlarsiz, tabiiy tarzda tasvirlaydi.

Dinamik musiqa, montaj va eski davrlarni eslatuvchi filtr bilan ishlangan bu rolik xalqaro festivallarda g‘olib bo‘ldi va keng e’tibor qozondi.

2024-yil. Oradan bir yil o‘tib, Rossiyadagi Brusnika brendi ham Vosxod agentligi bilan hamkorlikda shunga o‘xshash uslubda rolik chiqarmoqda.

O‘zbekistonlik ijodkorlarning yuqori darajadagi ishlariga boshqa davlatlar taqlid qilayotganidan mamnunmiz – bunaqa ijodiy ishlarni davom ettirishdan charchamang!

Marketing oʻzbek tilida — @marketingbolimi

3.2k 4 41 8 59

Marketing bo'limi

13 Nov, 07:46

00:15

Video oldindan ko‘rish uchun mavjud emas

Telegram'da ko‘rish

Egizak farzandlari bilan yetkazib berish xizmatida ishlayotgan "kuryer" ayol

Ijtimoiy tarmoqlarda tarqalgan bu video katta muhokamalarga sabab boʻldi. Unda egizak farzandlari bilan yetkazib berish xizmatida ishlayotgan ayolni koʻrish mumkin.

Bu videodan keyin koʻpchilik unga moddiy yordam berishni taklif qilganini, ammo ayol hech qanday yordam olmasligini maʼlum qildi.

Marketing o‘zbek tilida — @marketingbolimi

2.9k 0 11 6 61

Marketing bo'limi

12 Nov, 09:10

Startapchilar o‘qiydigan kitoblar

«Startup Garage» haqida eshitmagan bo‘lsangiz, hozir eshitasiz — startaplarni qo‘llab quvvatlab, ularni katta bozorga olib chiqishga yordam beradigan loyiha.

Yaqinda shu loyiha jamoasi har bir tadbirkor va ularning startaplari uchun muhim qo‘llanmani taqdim etdi — yo‘l-yo‘riq bo‘lib xizmat qiladigan 5ta yangi kitoblar:

1. Startup yo‘li: boshlovchilar uchun qo‘llanma
2. Startuplar uchun samarali biznes modeli
3. Startuplar uchun asosiy marketing strategiyalari
4. Startuplar uchun mukammal sotuv qo‘llanmasi
5. Venture mindset: startuplar uchun yangi nigoh

Yangi biznesni rivojlantirib, sotuvlar, ishlaydigan biznes modellar va «venture mindset» haqida kerakli bilimlarni olsangiz bo‘ladi.

Startup Garage ilovasida kitoblarni hammasi bepul. Ilovani shu havola orqali yuklab olishingiz mumkin.

Marketing o‘zbek tilida — @marketingbolimi

2.8k 0 57 5 27

Marketing bo'limi

11 Nov, 15:50

Yandex Maps'da e'tiborga molik tarixiy binolarning 3D chizmasi ko'rsatilmoqda, tunda ularning chirog'i ham yonadi

Yandex Maps’ga Toshkent, Buxoro, Samarqand va Xivadagi diqqatga sazovor joylarining uch o‘lchamli modellari qo‘shildi. Bu haqda kompaniyaning davlat organlari bilan aloqalar direktori Sardor Qodirov xabar berdi.

Hozircha jami 27 ta joyning 3D modeli chizilgan. Bunda Toshkentda Hazrati Imom ansambli, Ko‘kaldosh madrasasi va Chorsu bozori, Buxoroda Poy Kalon va Labi hovuz me’moriy ansambllari, Samarqandda Registon maydoni va Mirzo Ulug‘bek rasadxonasi, Xivada esa Kaltaminor minorasini ko'rish mumkin.

Barcha modellarda arxitektura xususiyatlari, yozuvlar, ranglar, soyalar ko‘rinadi, tekstura aniqlanadi. Tungi vaqtda uning chiroqlari yoritiladi, xuddi real shaharda qosh qoraygandek bo‘ladi.

Xaritadagi 3D modellarni ko'rish uchun yuqoridagi keltirilgan joylardan birini qidirish va yaqinlashtirish kifoya.

Marketing oʻzbek tilida — @marketingbolimi

2.7k 0 21 3 46

Marketing bo'limi

11 Nov, 14:24

⚡️Toshkentda tashqi reklamalar uchun dizayn-kod ishlab chiqildi

Ijtimoiy tarmoqlarda Toshkentning turli nuqtalaridagi reklama konstruksiyalar demontaj qilinayotgani haqida xabarlar tarqaldi. Poytaxt hokimligining ma'lum qilishicha, bu poytaxt tashqi reklamasining yangi dizayn-kodi ishlab chiqilgani bilan bog'liq.

Ushbu kod hokimiyatning Raqamli rivojlanish departamenti tomonidan ishlab chiqilib, Raqobatni rivojlantirish va iste’molchilar huquqlarini himoya qilish qo‘mitasi hamda Reklama industriyasi milliy assotsiatsiyasi bilan kelishilgan va Toshkent shahar xalq deputatlari Kengashi tomonidan tasdiqlangan.

Yangi dizayn-kod rang yechimlari, reklama inshootlarining o‘lchamlari va joylashuvi kabi jihatlarni qamrab oladi. U bilan ushbu havola orqali tanishib chiqish mumkin.

"Tasdiqlangan dizayn-kodiga mos keladigan qonuniy reklama nafaqat Toshkentning vizual qiyofasini yaxshilaydi, balki biznes uchun qulay sharoitlar yaratib, potensial mijozlarning ko‘proq e’tibori va ishonchini qozonishga yordam beradi", deyiladi xabarda.

Ta'kidlanishicha, ushbu dizayn-kodga mos bo'lmagan reklama konstruksiyalari noqonuniy hisoblanadi va olib tashlanadi.

Marketing o‘zbek tilida — @marketingbolimi

Toshkent shahar hokimligi Matbuot xizmati

🔊Hurmatli Toshkent shahri aholisi va mehmonlari! 🪧So‘nggi paytlarda ijtimoiy tarmoqlarda shaharimizning go‘zal qiyofasini buzayotgan tartibsiz va yorqin reklamalarga nisbatan tanqidlar tobora ko‘payib bormoqda. Biz sizning tashvishlaringizni tushunamiz va fikr-mulohazalaringizga faol javob bermoqda...

3.6k 0 24 1 15

Marketing bo'limi

10 Nov, 19:03

Uber'ga qarshi urush ochgan Heetch haqida

Heeeeetch! Bu shunchaki oddiy hayqiriq emas. Bo'lib ham, insonlarni shu darajada jazavaga tushib hayratlanishga majbur qiladigan hodisalar juda ham noyob davrda yashayotganimizda.

Bu Fransiyadagi monopol — Uber xizmatini dog'da qoldirgan mahalliy fransuz taksi kompaniyasining nomi.

Aslida gap nima haqida?
2021-yil oxirida Parijdagi Uber haydovchilari yuqori komissiyali, ammo haydovchilarga kam haq to'laydigan monopolning narx siyosatiga qarshi bosh ko'tarib ish tashladi. Insonlar ko'chaga Uber'ning haydovchilarga yetarli miqdorda ulush ajratmayotganidan shikoyat qilib, bannerlar ko'tarib chiqa boshladi.

Ayni vaziyatdan mahalliy fransuz taksi brendi — "Heetch" unumli foydalanib qoldi va gigant raqobatchisiga qarshi kampaniya boshlab yubordi.
Mahalliy brend Uberdan "to'ygan" haydovchilar va mijozlarga safarlar uchun kam komissiya belgilab, haydovchiga yaxshiroq haq to'lanishini va albatta soliqlar ham Fransiya budjetiga yo'naltirilishini va'da qilib chiqdi.
Lekin bir muammo bor edi: qanday qilib bu takliflarni aholiga ta'sirli yetkazib berish mumkin?

Voilà!
Buning ham ajoyib usulini o'ylab topishdi.
Dastlab Fransiya poytaxtida "Uber" bilan hamkorlik qiladigan restoranlar ro'yxati tuzib chiqildi. So'ngra ularga ustiga "Heetch" yozuvi tushirilgan, ovqat solinadigan 12 mingta qog'oz o'ramalar bepulga tarqatildi.
Har bir o‘ramga quyidagi kabi xabarlar yozilgan edi: "Biz ham ochmiz, lekin haydovchilarimizning puliga emas", "Biz sizga sevimli taomingizni o‘zgartiring demaymiz. Faqat yetkazib berish xizmatini almashtirsangiz kifoya", va "Sizning (mahalliy) pitseriyangiz soliqlarni Fransiyada to‘laydi. Nega yetkazib beruvchi ham shunday qilmaydi?" — barchasi Uberga qaratilgan.
Qolgan ishni Uberga qo'yib berishdi — u buyurtma qilingan taomga qo'shib mahalliy raqobatchisining reklamasini ham butun shahar bo'ylab tarqatishni boshladi!

Natija esa kutilgandan ham ortiq bo'ldi: brend amalga oshirgan kampaniyasi bilan mahalliy aholining nafaqat ongi, balki yuragigacha yetib bordi! Vaziyat marketingiga o'zining dohiyona yondashuvi bilan ularni hayqirishga majbur qildi. Millionlab parijliklar ijtimoiy tarmoqlarda Heetch haqida muhokama qilishni boshladi.
Uber'ga qarshi "yurish"dan xabar topgan deyarli barcha foydalanuvchilar taksi xizmatini almashtirib, haydovchilarga kam haq to'layotgan monopol xizmatidan voz kechdi.
Bu keysdan shuni anglash mumkinki, raqobatchisi har qancha yirik monopol bo'lmasin, kichik masshtabda faoliyat yuritayotgan kompaniyalar ham gigant o'yinchilar uchun yaxshigina bosh og'riq bo'lishi, balki mijozlarini ham tortib olishi hech gap emas ekan.

Shunga aytishsa kerak-da: "Kichkina demang bizni, ko'tarib uramiz sizni", deb.

Marketing o‘zbek tilida — @marketingbolimi

2.5k 0 21 15 49

Marketing bo'limi

9 Nov, 18:15

Brendlar Samarkand Marathon’da

Mabodo bilmagan bo‘lsangiz, 2–3-noyabr kunlari “Samarkand Marathon 2024” xalqaro xayriya yugurish musobaqasi bo‘lib o‘tdi.

Bu yili tadbirda 5,555 nafar ishtirokchi qatnashdi. Ularning orasida esa katta brendlarning jamoalari ham bor edi.

Umuman olganda, biznes uchun marafon faqat sport tadbiri emas, balki brendga ko‘proq e’tiborni jalb qiladigan platforma. Bu esa o‘z navbatida yangi imkoniyatlarni paydo qiladi.

Brendlarning o‘ziga keladigan bo‘lsak, oltinchi Samarkand Maraphon’da Korzinka va UZTELECOM tadbirning hamkori sifatida ishtirok etishdi. O‘zbekistondagi Nestle esa bu yili birinchi martda qo‘shilib, ishtirokchilarga o‘zining mahsulotlarini taqdim etdi.

Marketing o‘zbek tilida — @marketingbolimi

2.6k 0 2 3 25

Marketing bo'limi

8 Nov, 21:53

Oʻzbekistondagi eng yirik reklama beruvchilari roʻyxati e’lon qilindi

Toshkentda 31-oktabrda O‘zbekiston media bozorining yetakchi ishtirokchilarini birlashtirgan yettinchi IMS Day tadbiri bo‘lib o‘tdi.

2024-yilda televideniyeda reklama joylashtirish natijalariga ko'ra, reklama holdinglarining faollik reytingi tuzildi.

Reytingda quyidagi kompaniyalar TOP-3ni yopib berdi:
1. OMD Group;
2. WPP Group;
3. Publicis Group.

IMS prognozlariga ko‘ra, 2025-yilda media bozori taxminan 27% ga o‘sishi kutilmoqda, bunda televideniye segmenti 25% ga o‘sadi.

Tadbirda televideniyedagi asosiy reklama kategoriyalari e’lon qilindi va ular orasida eng tez rivojlanayotganlari aniqlandi.

Eng faol reklama beruvchilar orasida quyidagilar bor edi:
1. IBT (Pepsi, 7Up, Adrenaline Rush, Rockstar, Mountain Dew, Lipton, Merinda);
2. Coca Cola;
3. Uzum.

O'zbekistonning media sanoati tez sur'atlar bilan rivojlanishda davom etmoqda va bugun, yetti yil avvalgi kabi, IMS Day yangi tendensiyalarni kuzatib borishga intilayotganlar uchun yetakchi platformalardan biri deyish mumkin.

Manba

Marketing oʻzbek tilida — @marketingbolimi

3.2k 0 19 12 13

Marketing bo'limi

7 Nov, 09:24

Kreativ reklamani noldan o‘rganish uchun nima qilish kerak?

Shaha Dolimovning takliflari bilan, Maqsadli Mijoz kanali uchun maqola yozgan edim. Bugun uni Marketing Bo‘limida ham ulashamiz.

______

Assalomu alaykum, men Otabek Sharapovman. 10 yildan beri marketing sohasida ishlayman. Lekin o‘zimni marketolog deb ayta olmayman. Men ko‘proq marketingning kreativ yo‘nalishida o‘zimni yaxshi his qilaman. Shuning uchun bo‘lsa kerak, meni o‘zimdan ko‘ra, men qatnashgan loyihalar ko‘proq mashhur. “Issiq-sovuq qilamiz” yoki “Onasini emsin” reklamalari bunga misol.

🧱 Xo‘sh, dunyoda o‘zi kimdir biron sohani mukammal bilgan holda tug‘iladimi? Albatta yo‘q. Hammamiz har kasbni noldan o‘rganamiz. Demak, kreativda siz nol bo‘lsangiz, bu ayni muddao. Birgalikda kreativlikni rivojlanish qadamlarini ko‘rib chiqamiz.

——

Nol bosqichi. Kreativlik o‘zi nima ekanligini bilib olamiz.

Nima u kreativ? Abstrakt suratlarmi? Yoki mantiqsizdek ko‘rinadigan g‘alati reklama? Yoki hammani kuldirib yuboradigan rolik?

🍞 Kreativlik - bu biron holatni, masalani, muammoni avval hech kim tutmagan yo‘l bilan yechish. Novvoyxona yoki xususiy maktabga nom tanlamoqchisiz. Tashkilot egasining ismi va familiyasini, yoki Buyuk Britaniyadagi shaharchalarning nomini qo‘ymasdan, oddiy bo‘lsa ham o‘zgacha nom o‘ylab topish - bu kreativlik.

——

Birinchi bosqich. Siz kreativ insonsiz.

Siz ham hayotingizda kreativ yechimlar topgan bo‘lishingiz mumkin. Eslab ko‘ring.

🦷 Masalan kecha, ishxonamizdagi marketing menejerimiz Behruz, o‘zining iPhone smartfonining nomini kreativ nomlab qo‘yibdi. Bilasizmi, bluetooth yoki AirDrop’dan qurilmani qidirganingizda nomlar chiqadi-ku. Barcha iPhone’larda standart nom “Otabek’s iPhone” (falonchining ayfoni) deb yozilgan bo‘ladi-da. Behruz esa Beha’s Nokia deb yozib olibdi.

🚲 Yoki kopirayterimiz Bekzod. U avval do‘konda ishlaganida, yoz mavsumida eshiklar yopiq bo‘lsa, odam kam kirarkan. Eshikni ochib bo‘lmaydi. Nima qilish kerak? Bekzod do‘kon oldiga velosiped qo‘yib qo‘ygan. Natijada tashrif buyuruvchilar ko‘paya boshlagan.

——

Ikkinchi bosqich. Miyaga vazifa bering.

Kundalik hayotingiz davomida, har xil holatlarda ko‘p va turli yechimlar berishga harakat qiling.

🧠 Miyaga “buni qanday qilib o‘zgacha yo‘l bilan hal qilsa bo‘ladi” degan vazifa bering. Javob albatta topiladi, Xudo xohlasa.

——

Uchinchi bosqich. Kreativ chiniqish.

Bu eng asosiy va eng davomiy bosqich. Umringiz oxirigacha davom etadi. Kutganmidingiz? Eeey. Tayyormisiz? ;)

💪 Kreativlikni chiniqtirish mumkin. Ha, u xuddi muskul kabi. Chunki bu miyaning bir vazifasi. Miyani ham (kreativlikni ham) muskullar kabi chiniqtirib turish muhim. Kreativlikni qanday chiniqtiramiz? Ko‘p ko‘rish va o‘ylash orqali.

1. Ko‘rgazmalarga boring. Turli yo‘nalishlarda. Arxitektura, san’at, IT va hokazo. Bugun masalan, ICTWeek (https://ictweek.uz/eng)’ka boring, ana (endi kech, o‘tib ketdi).

2. Ko‘p reklamalarni ko‘ring. O‘zimizdan, qo‘shnilar va chet el reklamalarini. Nega bunday yurish qilgan, nima demoqchi, maqsad qanday bo‘lgan. Reklamaga (shu orqali o‘zingizga) savollar bering.

3. Ko‘p keyslar o‘rganing. Biznes, startap, marketing keyslari. Keyslarda g‘oya, bosib o‘tilgan yo‘l, omadsizlik va omadlar batafsil yozilgan bo‘ladi.

4. Shohboz Dolimov va Marketing Bo‘limi kanallarini ko‘proq o‘qing ;) Har bir postni. Qo‘yib yubormasdan. Shunda mana shu maqola kabi foydali (xooo😁) postlarni o‘tkazib yubormaysiz.

Vagondan postdan chiqayotganingizda izohlarni untmang. Xayr salomat bo‘ling 😉

Marketing o‘zbek tilida — @marketingbolimi

3.3k 1 55 10 72

Marketing bo'limi

6 Nov, 20:39

Texnomart Kamolalarga 10% chegirma berdi

Texnomart Kamola ismli qiz va ayollarning birinchi ulgurgan 5 tasiga 10% chegirma berishini eʼlon qildi. Tramp familiyasiga ega 1 ta shaxs uchun esa bugun haqiqiy bayram.

Kimga joʻnatishni bilasiz))

Marketing oʻzbek tilida — @marketingbolimi

texnomart

Shoshmanglar, hammasi nazorat ostida Albatta, «Tramp» familiyaliklarga ham bugun chegirma bor. Naqd 99% onlayn chegirma. *Chegirma faqat bitta Tramp familiyali shaxs uchun amal qiladi. texnomart.uz