АНТИКОР

❓Yangi yil bayramida necha kun dam olinadi?

✅ Qisqa javob: hozircha 4 kuni aniq, lekin yana o‘zgarishi mumkin.

📋 Batafsil javob: har yili qo‘shimcha dam olish kunlari oldindan ma’lum qilinadi. 2024-yil uchun Prezident farmoni mavjud, ammo hali 2025-yilgi dam olish kunlari haqida farmon chiqmadi. Shu sababli ham Yangi yil bayramidagi dam olish kunlari hozircha to‘liq ma’lum emas, sababi yil boshida taqvim qanaqa bo‘lishini bilmaymiz.

Ammo yil oxirida qanday bo‘lishi ma’lum:

❌✅ 28-dekabr (shanba) — 6 kunliklar uchun ish kuni, 5 kunliklar uchun dam olish kuni;

✅ 29-dekabr (yakshanba) — barcha uchun odatiy dam olish kuni;

✅ 30-dekabr (dushanba) — 6 kunliklar uchun qo‘shimcha dam olish kuni, 5 kunliklar uchun 14-dekabr (shanba) kunidan ko‘chirilgan dam olish kuni;

✅ 31-dekabr (seshanba) — barcha uchun qo‘shimcha dam olish kuni;

✅ 1-yanvar (chorshanba) — Yangi yil bayrami.

Bundan kelib chiqadiki, hozircha olti kunlik ish haftasidagi xodimlar uchun ketma-ket 4 kun, besh kunlik ish haftasidagi xodimlar uchun ketma-ket 5 kun dam olish kuni bo‘ladi.

Ammo 2025-yil uchun chiqishi kutilayotgan farmonda yil boshida yana qo‘shimcha dam olish kunlari e’lon qilinishi ham mumkin. Masalan, 2-yanvarni dam olish kuni deb e’lon qilsa bo‘ladi (besh kunliklarga 4-yanvar, shanbadan ko‘chirgan holda). Shunda olti kunliklar ketma-ket 5 kun, besh kunliklar ketma-ket 6 kun dam olishi mumkin bo‘ladi. 3 va 4 yanvar — barcha uchun ish kuni bo‘ladi. Bu shunchaki variant xolos, rasmiy tasdiqlangan emas.

Balki yil boshi uchun hech qanaqa dam olish kuni berilmas va barcha 2-yanvardan ishga chiqib ketishi ham mumkin.

ESLATMA: joriy haftadagi shanba kuni (14-dekabr) barcha uchun ish kuni bo‘ladi, ya’ni besh kunliklar ham ishga chiqadi. Ular buning evaziga 30-dekabr, dushanba kuni dam olishadi.

®xushnudbek
@huquq_ustuvor⚖

РЕКТОР БЎЛИШ УЧУН ҚАНЧА ПУЛ КЕРАК?


30 йилдирки Урганч давлат университетида ишлаб келаман. Таълим соҳасида ўтган давр сиёсатини ҳам, янги давр сиёсатини ҳам кўриб келяпман. Мурожаатим бировнинг устидан ёзиш эмас, балки таълимни бошқариш муҳити, ҳолати йиллар давомида ўзгармаётганини кўрсатиб бериш.

Якинда УрДУ ректори сенатга ўтиб кетди. Шундан сўнг университет раҳбариятида тинчлик йўқолди. Гўё энди ким ректор бўлиши бўйича раҳбарлар ўртасинда ёпиқ "гонка"лар бошланди. Кафедрага келсам, ҳар куни шу мавзу. Алишер Атажанов деган молия проректори Олий таьлим замминстри С.Бузрукхоновнинг курсдоши. Яқинда деканлар И.Абдуллаев, З.Жуманиязов ва яна 2-3 нафар деканлар Алишер орқали Бузрукхоновга ректорлик учун катта сумма етказишган. Ҳозир университетда проректор С.Хужаниязов ректор вазифасини вақтинчлик бошқариб турибди.

Ректорликка яна бир номзод ҳоким ўринбосари Санъат Салаев. У ҳам вилоят ҳокими орқали ҳаракатини бошлабди. Чунки яқинда Салаевнинг укаси Ж.Салаев ҳокимга пул ташлаб, Малака ошириш институтига директор бўлди.

Президентимиз таълимни коррупциядан ҳоли қиламан деб турган бир вақтда ректор бўлиш учун катта пул керак, деган фикрлар аксига таъсир қилмоқда.


@huquq_ustuvor⚖

O'zbekiston Respublikasi Davlat madhiyasi qabul qilingan kun barchamizga muborak bo'lsin!

#tadbir
Boʻkada hokim yordamchisi fuqaroga 120 mln soʻm imtiyozli kredit ajratishga koʻmaklashish uchun 5,2 mln soʻm olgan vaqtida ushlandi

Manbaga koʻra, hokim yordamchisi muqaddam sudlangan.

@huquq_ustuvor

Ҳужжатлар билан танишиб чиқишни асоссиз равишда рад этиш

Фуқарога унинг ҳуқуқ ва манфаатларига дахлдор бўлган ҳужжатлар, қарорлар ва бошқа материаллар билан танишиб чиқиш имкониятини беришни асоссиз равишда рад этиш —мансабдор шахсларга базавий ҳисоблаш миқдорининг бир бараваридан икки бараваригача миқдорда жарима солишга сабаб бўлади.

МЖТК 44-модда.

@huquq_ustuvor

Бугун 3 декабрь халқаро юристлар куни экан. Шу муносабат билан устозларни ва ўзимни ҳам табриклайман.🤓🫡

Тергов судьялари учун синов йили

ЖПКга кўра, тергов жараёнида қамоққа олиш тарзидаги эҳтиёт чораси айбланувчи терговдан яширинганида, ушлаб турилган гумон қилинувчининг шахси аниқланмаганида, илгари қўлланилган эҳтиёт чораси бузилганида, ушлаб турилган гумон қилинувчи ёки айбланувчи Ўзбекистон Республикасида доимий яшаш жойига эга бўлмаганида ҳамда жиноят озодликдан маҳрум қилиш тариқасидаги жазони ўташ даврида содир этилганида, қўлланилиши мумкинлиги белгиланган.

❗Бироқ, амалиётда бутун Ўзбекистон бўйлаб иқтисодиёт ва зарар билан боғлиқ бўлган жиноятлар учун зарар қопланмаганлиги важи билан қамоққа олиш тарзидаги эҳтиёт чорасини тизимли равишда қўллаш тенденцияси шаклланган.

Зарар қопланмаганлиги сабабли қамоққа олиш тарзидаги эҳтиёт чорасини қўллаш асоси на ЖПК, на ЖК ва на бошқа қонун ҳужжатларида назарда тутилмаган.

Шунга кўра, масъуллар олдида бу бўйича 2 та йўл бор:

1) зарар қопланмаганлиги учун қамоққа олиш тарзидаги эҳтиёт чорасини қўллашни ЖПКга расмий равишда киритиш керак, шунда ҳеч қайси тараф бунга эътироз билдирмайди, ҳаммаси қонуний бўлади;

2) моддий зарар қопланмаганлиги сабабли қамоққа олиш тарзидаги эҳтиёт чорасини қўллашни рад қилиш, чунки амалиётда зарар билан боғлиқ жиноят ишлари бўйича қанча-қанчалаб ОҚЛОВ ҳукмлари чиқаётганини гувоҳи бўлаяпмиз.

Тергов судьяларидан ушбу масалалар юзасидан қарор қабул қилишда метин ирода ва юксак жасорат кутиб қоламиз, чунки 2025 йил улар учун оғир ва синовли келиши аниқ.

@huquq_ustuvor⚖