#Нызамшылықтағы_жаңалықлар

❗️️Корпоратив қатнасықларда бюрократияның алды алынады

Нызам (ӨРН-1025-санлы, 07.02.2025-ж.) менен айырым нызам ҳүжжетлерине өзгерислер ҳәм қосымшалар киргизилди.

✍️️Нызамға көре, айырым нызам ҳүжжетлерине төмендегилерди нәзерде тутыўшы өзгерис ҳәм қосымшалар киргизилмекте:

🔹унитар кәрхана ҳәм қосымша жуўапкершиликли жәмийет түрлерин сапластырыў;

🔹юридикалық шахсларды қосып жибериў, қосып алыў ҳәм шөлкемлестириўшилик-ҳуқықый формасын өзгертиў арқалы қайта шөлкемлестириўде кәрханалардың ҳуқық ҳәм миннетлемелери тапсырыў ҳүжжетинде көрсетилген ямаса көрсетилмегенлигине қарамастан қайта шөлкемлестирилип атырған юридикалық шахсқа өткерилиўи;

🔹корпоратив шәртнама, консорциум ҳәм консорциум шәртнамасы сыяқлы институтлардың ҳуқықый статусын белгилеў;

🔹жуўапкершилиги шекленген жәмийетлердиң шөлкемлестириў шәртнамасын мәмлекетлик дизимнен өткериў ҳаққындағы талапты бийкарлаў;

🔹хожалық жәмийетлери бақлаў кеңеслериниң акциялар, корпоратив облигациялар ҳәм басқа да баҳалы қағазларды шығарыў ҳаққындағы қарарларын ҳуқықый ҳүжжетлерге муўапық әҳмийетли факт сыпатында жәриялаў;

🔹баҳалы қағазлар базарын тәртипке салыў бойынша ўәкилликли мәмлекетлик уйым тәрепинен баҳалы қағазлар шығарылыўы мәмлекетлик дизимнен өткерилгенлиги, сондай-ақ, баҳалы қағазлар базарында профессионал жумысты әмелге асырыўға байланыслы лицензия берилгенлигине байланыслы мәлимлемени жәриялаў.

📱Telegram 📱Facebook 📱Instagram
📱Telegram 📱 YouTube 🌐Website